الشهر التاسع والنفسة الزفت والتعب ...حياكم نسولف ؟؟

[كويتيه بالفراوله]

عاااد انا الخميس اروح واجيك وانشالله اكو مفتوحه !
الحييين لازم ايني عوار علشان يبين ان الرحم يتوسع ولا بروحه يتوسع وانا ماحس

اي العوار هو اللي يفتح الرحم بس في حريم سبحان الله يفتح بدون عوار ولاشي.
انتي افحصي وشوفي والله يسهل عليج.

 

[BOOBO]

jna3iya
انتي معاااااي ليلحين صامدين
شخبارج؟

 

[anooma_86]

يالله مافي ولا وحده ولدت؟؟
جناعيه حبيبتي مشكوره بس هم انتي لازم تشاركين معانا لان التجمع نايم شوي

انا توني رحت عيادة دكتورتي بس قعدت جان يدقون عليها ولاده حدي حدي تحبطت و خقييييييييت من الحر و الحين خلاص بروح الساعه ٨ العياده مره ثانيه

 

[engnera]

انا الدكتوره دقت علي الصبح تقول تعالي بليل اولدج سونارج في مشيمه متكلسه ونادتني عل ٩ اليوم حدي خايفه

 

[engnera]

خايفه صارت الصجيه ما فيني صبر لليل

 

[وردة النرجس]

الله يسهل عليج اختي العزيزه

وانا هم رحت مراجعتي بالحكومة كل شي طبيعي

بس بعدها حسيت بعوار بطن وظهر خفيف شوي مثل الدوره

يمكن هذي تجاديم

 

[BOOBO]

انجنيرا شنو راح تسويلج اليوم؟ طلق صناعي ولا قيصريه؟
وانتي وين تراجعين؟
الله يسهل عليج حبيبتي ويقومج بالسلامة

 

[anooma_86]

Engenera حبيبتي الله يسهل عليج. كسرتي خاطري..عند منو تراجعين؟؟

 

[anooma_86]

ورده صح هذي تجاديم يقولون بداية الطلق عوار دوره

 

[engnera]

اراجع عند امل عبدالعزيز واليوم بتشوف اذا طبيعي او قيصري اصلا انا مفتوحه ٣ وبس ما فيني طلق

 

[anooma_86]

الله يسهل عليج و انا اراجع عندها بعد، انتي بأي اسبوع؟؟ و غريبه مفتوحه ٣ سانتي ومافيج عوار بس اتوقع مع الطلق الصناعي راح تولدين بسرعه لانج اصلا مفتوحه ٣ سانتي

 

[engnera]

اليوم ٣٧ اسبوع

 

[anooma_86]

Engenera أكيد الحين بالولاده ادعولها الله يسهل عليها و تولد طبيعي

 

[كويتيه بالفراوله]

الله يسهل على انجنيرا وتولد بالسلامه
*

 

[anooma_86]

واااي اليوم سويت سونار بنتي حدها حدها نتفه وزنها ٢,٣٩٠ و انا ولادتي انشالله بعد عشر ايام.. الدكتوره عطتني مثل بودره احطها بالحليب عشان يزيد وزنها والله كريم

 

[وردة النرجس]

اي انوما صغيرونه بنتج

اكلي تمر او رطب هالفتره الحين يمتنها بسرعه

انا الليله نايمة بيت اهلي

العوار خف شوي بس تحسبا لاي طارئ لان زوجي مسافر ومابي اجازف

فوصاني انام مع العيال بيت اهلي

قتله لا تحاتي هذي تجاديم شكلها وبنتك راح تنطرك برد اخر الشهر وانشالله اصمد

والله يطرح الي فيه الخير

 

[anooma_86]

زين سويتي نمتي ابيت اهلج و انشاءالله تصمدين لين يرد ريلج الصراحه ضيقة خلق تولدين و ريلج مو موجود

 

[كويتيه بالفراوله]

أنوما اكلي موز يقولون يكبر البيبي وتغذي عدل حرام بنوتج حيل صغيره.

 

[anooma_86]

والله ادري انها وايد صغيرونه... انا حتى وزني لحد الحين زايد ٥ كيلو بس مو اكثر حدي مستغربه من نفسي.. انشالله من باجر باكل موز و رطب و بشرب حليب وانشالله يزيد وزنها

 

[وردة النرجس]

اي انوما اكلي عدل من تتفطرين ترى الحين هالاسابيع يكبر البيبي بطنج

انا عن وضعي الامن مستتب الظاهر طلع بلاغ كاذب