الشهر التاسع والنفسة الزفت والتعب ...حياكم نسولف ؟؟

[Om_Ksha]

انا خلصت التاسع وماكو بوادر ولاده

والاهم اني مريضه نشله وبلاعيم وعفسه فانشااااالله يااارب اطيب بعدين اولد مابي اتوهق
ادعولي بنات

 

[يا كويتنا]

شوفي لازم اتعالجين مو زين انفلونزا وولاده وراج كمام وابر

اخذي مضاد وادويه

انا قبل كانت فيني كحه وجبت بنتي والله مقدر اتكلم من البحه كانت كحه وكمل عليها الكمام

 

[Om_Ksha]

اي انا هذا اللي احاتيه ،، قالولي مو زين الكمام .. وصارلي ٤ ايام مريضه
وعطوني ٣ ايام زياده بعدها ولاده اشكره

شكلي بسال عن المضاد اذا ينفع

 

[La t7atini]

الله يشفيج

ياارب سهل ع خواتي وهوون عليهم



 

[يا كويتنا]

ان شاء الله انا من ادش التاسع

بعد جم يوم

اباخذ مرضيه اسبوعين من دكتوري الخاص


لاعت جبدي من الدوام واسألت البنات كل وحده اتشوفني تقولي شكلج بتولدين اليوم


واللي اتقولي ببطنج ابنيه


والا وييي بطنج نازله حيل


افف زهقت متا اولد بس

 

[مواصله]

الله يسهل عليكم

 

[زين ودلال]

الله يسهل عليكم ياااااااااااااارب

 

[غلاي6]

الله يسهل علبنا الولاده يارب





اب

 

[دآنة آلرشآيده]

انا من الحين نفسيتي تعبانه​

 

[ام ناصر 2009]

انا اليوم رحت واحد سانتي مفتوحه بس
ياارب يسهل علينا يارب

 

[الحرير]

الله يسهل علينا جميعاً
ويكتب لنا الولادة السهلة اليسيرة يارب العالمين

 

[غلاي6]

الله يسهل علينا الولاده ويرزقنا بالذريه الصالحه ويجعلهم من البارين فينا يارب


بنات اذا مفتوح٢ سانتي متى الولاده بعدها؟؟

 

[حمرة الورد]

الله يسهل علينا يارب غلاي تو الناس بس طبعا اهو مو مقياس كل وحده تختلف عن الثانيه

 

[غلاي6]

مشكوره اختي طمنتيني حدي خايف بجر

لا ني صار ٢٠ يوم داخله التاسع

جزاج الله خير ا يارب



الله يسهل علينا الولاده يارب
*

 

[الشموخ~~]

باركو لي اليوم اول يوم بالتااااااااسع يالله هانت بس تصدقون مابي اولد عشان دراسة عيالي ما يصير انطر لشهر 12 @@ حشا ناقة مو بنت خخخخخخخخخخ الموهيم بالنسبة للي تقول مفتوحة 2 سانتي حبيبتي اليك ما يلي : الوحدة من تدش التاسع يفتح وياها الرحم تلقائي من الله سبحان الله بس احنا ما نحس الدكتورة قالت لي هالحجي عشان جذي ما انصح البنات يشربون اي شي يعجل الولادة من ادشين شهرج خوفج ينزل السائل كلة ويتم الجنين معلق ونضطر نسوي لج عملية قيصرية نطرو ليش مستعجلين اذا تاخرما حل يومة حرام خل يتهني بالامان داخل هل جم يوم لاحقين عالصراخ والتنظيف وقلة النوم ويااااااااااااا رب تقومون بالسلامة

 

[حمرة الورد]

الشموخ صح كلامج مادري ليش مستعيلين غلاي اي انتي بجريه الله يعينج عادة تطول البجر بس انتي صارلج عشرين يوم امشي كل يوم حبوبه واكلي تمر كثري منه يسهل الولاده بعد الله

 

[يا كويتنا]

شموخ

صاجه انا من ادش اشهوري مفتوحه ٢ سانتي


ولي صار ثلاثه خلاص بدا الطلوق والولاده

 

[غنوة ستايل]

عسي الله يقومكم بالسلامة
والله اشتقت للحمال ههههههههههههه اللي يقول كوتونو بس من شهرين ولدت
عسي الله يقومكم بالسلامة

 

[غلاي6]

جزاكم الله خير خواتي مشكورين وماقصرتو




الله يسهل علينا الولاده يارب

 

[يا كويتنا]

غلاي


يا قلبي. كثري مشي المشي ينزل الجاهل لمنطقه الحوض ويزيد الطلق


ننطرج اتبشرينا هاليومين ان شالله