الشهر التاسع والنفسة الزفت والتعب ...حياكم نسولف ؟؟

[متوترة]

مبروك الي اولدو الله يبارك لهم في المواليد يارب


عقبال ماجتمع وياكم يارب عاجل غير اجل

 

[مريوم الجميله]

انا صارلي 6 ايام بالتاسع ..ابي اوولد زهقت ياربي ..تكفوون شنو نشرب عشان تسهل الولاده وتسرعها ...والله خلاص طقت جبودنا

 

[هذا مزاجي]

اي والله زهقنا زهقنا زهقناااااااااااا
يارب تهوون علينا
انا بالاسبووع الثالث من التااسع
بنات عطووني شي يجيب الطلق
مااحس بشي للحين

 

[هذا مزاجي]

مواااصله طمنينا عليج ولدتي ولا لا

بنات سؤال من وين نجيب رطب
ابووي الله يطول بعمره
يقول هذا مو موسم رطب
يعني مافي

 

[مريوم الجميله]

انا شاريه من الجمعيه ..تلقين فيه..انا شريت واحد في علبه بلاستيك ..والله بعض المرات اكله مع الريق وبعض المرات اطنش ..اللله يسهل علي وعل الكل يارب

 

[فراشة الوادي]

ابشركم مواصله ولدت الحمدلله وجاااااااابت ولد فديتها


والفال لنا يااارب انا بعد صارلي ٣٧أسبوع وتعبانه حدي ودي اولد تعبت وزهقت استغفر الله

 

[نفسي بيبي]

صباح الخير كروشات
انا لي 3 ايام باالتاسع وبطني فوق واللي حوالي يقولون توك بطنك لازم ينزل المشكله فيني الالام وافرزات بيضاء هل طبيعي والالا
المهم انا البارح حركة البيبي مرة قويه وفيني الم بطني وظهري طمنوني بكريه وداجة مااعرف شي​

 

[q8helwa]

يارب اولد الييوم تكفون ادعولي اولد

 

[chalmastya]

انا بنات ا اخر موعد لي 4 -12 بجر والرحم مصكر واحس بشوية عوار بالظهر مااحس في بوادر صجيه اللي يقولون عنها احس لانه معاي بعد التهاب بالمعده .. ومادري يمكن لاني مابلشت مشي عدل مدل هالاسبوع ببلش عمليات انتحاريه على قولت بنات تجمعي الغالي هههه .. فيدونيييي ماابي استعيل انا 3 هالايام ابي ولدي يكون اول ديسمبري ههههههههههه

 

[TBOOLA]

انا اليوم دشيت الثامن والنفسيه حده صفر وتعب وثقل جني عيوز
مادري اشلون راح اتحمل لما ادش التاسع
الله كريم

 

[فرح79]

انا بالاسبوع الثاني بالتاسع ومليت جدا نفسي اولد بس والله كل ما اتذكر الولاده اخاااااااااااااف

 

[فراشة الوادي]

بنات ابي اولد ولله تعبت ياربي هون علي وعلي بنات تجمعي يارب استغفر الله احس اني زهقت وثقلت يارب رحمتك بنات غير الدارسين شسوي شنو اشرب

 

[HAYONAH]

مرحبا حوامل

انا باجر بدخل ثالث اسبوع من التاسع .. بجريه اول تجربه والحمد لله على كل حال

صح هالفتره تمر بطيئه وتخليج حساسه بزياده بس هانت وتذكرو انه الله من علينا بالصحه وقدرنا نحمل وغيرنا يتمى هاللحظه

اهم شي في هالفتره صحتكم وصحة البيبي

للخوات الي يسالون .. البيبي من الاسبوع الثاني للتاسع يعتبر جاهز للولاده من ناحيه البدنيه يعني باذن الله يولد ما عليه شر

ونصيحة اختكم لا تاخذون زيت خروع نهائي .. والله رفيجتي كان بيبيها بينعمي بسبة الخروع والله نجاه

الي تبا تنشط الطلق في طرق احسن واصح

اشربي جرفه بس بدون مبالغه يعني يكفي كوب لين كوبين فاليوم فترات متباعده
اشربي حليب دافي مع زنجبيل ممتاز
كلي اناناس ولا شربي عصيره بس يكون فرش مش ملعبات
والاكل الي فيه توابل حاره ينشط

بس حبيباتي بدون تخبيص يعني كل يوم جربي شي وبدون مبالغه وكل شي بيد رب العالمين

والاهم من هذا كله المشي اقل شي ساعه يساعد على تحريك الحوض ويتوسع وينزل الياهل اكثر
انا دكتورتي قالتلي امشي كثر ما تقدرين حركي الحوض ومشي سريع شويه

ونصيحه بعد قبل النوم شربي دبة حليب صغيره بارده تراها ممتازه لبعد الولاده وهالله هالله بالتمر

واتذكرو وقت الطلق تدعون ترى الدعاء مستجاب باذن الله واكثروا من الاستغفار بيهون عليكم

----------------------------------------------------

وااااااااااي وايد سولفت بس من حبي لكم ودي اساعد باللي اقدر عليه

انا عندي احساس اني بولد الاسبوع الياي باذن الله .. من دخلت التاسع بدت فيني الام مثل الدوره وتزيد عند الظهر شوي وتروح في فترات متباعده وبعد ما استشرت الدكتوره قالتلي طبيعي بحكم دخولج التاسع هذي مثل الطلق لانه الياهل بدا ينزل فالحوض

طبعا الافرازات زادت عن قبل وكله احس بحر وعرقانه ما استحمل اشرب الماي مع ثلج

الحمد لله زهبت شنطتي وشنطة البيبي للمستشفى بس باقي اشتري الكفر مالي للمستشفى و سرير البيبي بيزهب 4-12 و ياليت لو قبل بعد

هممممممممممممممم هذا في بالي لين الحينه بهذرب عليكن عقب

 

[كلي لحبيبي]

بنات الله يهون عليكم
لحد يحن عالولاده ترا على كثر ماحنيت هني تعسرت ولادتي
بس الحمدالله على كل حال



الله يسهل عليكم ويسر ولايدكم امين يارب

 

[A.N.L]

لوووووووووووول

انا باجر بخلص التاسع وبعوشر خخخخ

والحمدلله كل شي اوكي ونفسيتي مرتااااااحه

كل اللي اسويه اني امشي

 

[ملسونه المصونه]

8
8
8
8
الله يهون عليك يااارب مالك الا التحريض وطلق صناعي

يابنات انا الحين بالاسبوع الثالث باقيلي 12 يوم بالضبط واخلص التاسع

مشي ومشيت وعمليات انتحاريه وسويت ابي بس احس بآآآلام طلق ماكو

الحمدلله على كل حال كل تاخيره فيها خيره ...

امس موعدي قالتلي الدكتوره تبيني افحصك تخرعت قلت لااا ضحكت تقول مليتي تبين ولاده وماتبين الفحص ...

المهم انا بانتظار هاللي ببطني يرحمني ويتشرف بالنزول بالسلامه لاني فعلا تعبااااااااااااااااااااانه الله يهون علي وعلى حامل يارب ....

 

[al7anona]

السلام عليكم انا الخميس ادش بالاسبوع الاخير ونفسج ماحسيت بألام طلق واساسا انا بجر احس ماعرف شي هههه

وليش ماسويتي فحص ترى مهم

انا سوتلي اول مادشيت الاسبوع الثالث وطلع رحمي فاتح من 2 لي 3 سم

ويارب الله يسهل واولد صج النطره متعبه بس اهم شي السلامة ومردنا ان شاءالله بنولد بس عيله فينا مو طبيعية انا لو احد يشيشني احط طلق صناعي بس محد مساعد ههه

 

[مواصله]

الحمدلله ولدت وقرت عيني بشوفة ولدي بالسلامه

الفال لكم خواتي الله يسهلها ويهونها عليكم

 

[loving wife]

الحمدلله على كل حال

 

[ملسونه المصونه]

يالله ياكريم الليله اولد واخلص بالسلامه

التعب خذا حقه وكفايه يااارب لاتخيب املنا ولاتحرمنا الاجر ...