الشيم للحشيم

[تهاني]

يمساا الورد والجوري .....بالأول تقبلوني عضوه جديده بمنتداكم الغير عادي ... ويشرفني اني اكون عضوه بالمندى الحلو هاذا ...... هاذي اول طبخه لي ويمالكم من الخير


اولا سمج الشيم موجود بس في الكويت وصوب جزيرة بوبيان وصوب راس الأرض وينصاد بالخيط بمنطقه فيها درادير ( دوامة البحر ) او بالكراف سمجه تشبه البياح او الميد بس كبيره شوي

الطبخه صينيه شيم
تنظف سمجة الشيم وتنقع بالتمر هندي والثوم المهروس مع الليمون وقشره مع البهارات لمدة ساعه

اخذ شدتين كزبر وشبنت وحبه وفلفل بارد وحبتين فلفل حار مع غرشه اتش بي وزيت الصويا وجم حبة ثوم على عدالهم مع ثلاث ملاعق طعام ملح وملعقتين بهار سمج وطماطتين وثلاث بصلات .....هاذي طبعا المقادير

آخذ البصل واحمسه لين يتغير لونه للأبيض واحط عليه الشبنت والكزبر والطماط واحمسه واحط عليه بعدين وارش عليهم البهارات والملح

آخذ السمج على عدالهم واحطهم على المقله لمدة 10 دقايق بس لين يتغير لونهم وبعدين آخذ حمسة الخضره مع السمج واحطهم في بايركس وطبعا احط الخضر في بطن السمجه وأدخلهم الفرن بس يكون حار لمدة 15 دقيقه من تحت وبعدين 10 دقايق من فوق مع رشة بقدونس على الوجهه .... بعدين قولي حق ابو العيال يقبل الأيادي من هالطبخه الحلوه

باجر راح اوريكم شلون تسوون البهارات وتكون خاصه فيج انتي بس واذا قالوا يقولون بهارات فلانه

 

[تفاحه كويتيه]

مشكوره علي هالطريقه الحلوه

بس انا سويت نفس البهارات والخلطه مالتج

وقليتها بالدهن الحار طبعا بعد ما قطعتها الي اجزاء وشلت العظم منها

بس شنو طعمها احلي من الزبيدي بمليون مره

جربيها بالقلي واااااااااااااااااااااااااااااااااو

 

[جارة القمر]

مشكووووووووووووووووره

 

[xxx]

مشكوووورة

واي اموت على الشيم

صج سمجه محترمه

 

[ايفيان]

مشكوررررررررررررررررررررررررره

خوش طبخة
الله يعطيج العافية

 

[تهاني]

مشكورين حبايبي على ردودكم .... وبالنسبه للبهارات كل وحده تقدر تاخذ بهرات مجدي وتحطه داخل كلاس جبن وتكتب عليها اسمها ويسير بهارات خاصه فيها .... وتقدرين تقولين هاذي بهاراتج الخاصه

 

[Q8ia_100%]

تسلم ايدج
انا احب الشيم امطبق بعد يخلي حبة العيش تفتل فل

صج على قولتهم الشيم ماكول الحشيم

 

[بطوووووطه]

تسبم ايدج ويعطيج العافيه صج خوووووووووووووووووووووووش طيخه

 

[أم حيدر]

احححححححححححلى سمجه والله

 

[ضحـاوي]

مشكووووووره