الشي هذا طبيعــــــــي !!

[جروح القصيدة]

هاي متزوجات


اشلونكم من زماااااان عنكم


والله احبكم والله لايفرقنا عن بعض :eh_s(17):

بسألكم بما انكم الاغلبية خبرة بالزواج لأن ما كملت سنه انا المهم

انا ماحب المقدمات بسأل سيدااا

انا ريلي ظروفه المادية مو تمام تعرفون مصاريف العرس وانا متأكده من هالشي

ان عنده قروض وديون ، عادي لما نروح مول او سوبر ماركت اطلع بطاقتي وادفع واهوا واقف يمي ؟؟

احس في شي غلط :eh_s(14)::eh_s(1):

صارت لي من تزوجنا اكثر من مرا ، لما نوقف عند الحساب يطالع فيني ويقول معاج شي ؟؟

:eh_s(1): << ويهي خخخخ

اقول له لا ما معاي يقوم يطلع بطاقته ويدفع على مضض

ناقشته واااايد يقول عادي حتى لما اكون مع امي ولا اختي ما ادفع ، كل وحدا تدفع عن نفسها

اقول له بس انا واجب شرعآ تصرف علي مو وامك واختك مو واجب شرعآ ( طبعا ما امنعه

يعطيهم لأن اللي مافيه خير باهله مافيه خير ببنت الناس ) بس احسه ماقتنع يقول انتي عندج معاش

:eh_s(4): قومي بمصاريفج ... بنات ماعمره ياب لي هديه غالية بعد العرس يعني مثلا

ذهب او عطر فرنسي غالي او بدلة غالية ماااعمره ( ماعدا قبل العرس بالملجة ياب لي صح)

علشان جذي صرت ماحب اروح معاه المولات ،، اشرايكم بس بليز بدووون تشييييش

يعني نبي آراء حكيمة ومجربة

ودمتم سالمين بم بم

خخخخ


شنو الحل بليز متزوجااااات

 

[انا لحبيبي .]

حبيبتي الرجال بنقسمو لنوعتين من ناحيه هالموضوع ،


النوع الاول :
في رجال الزوجه لو ساعدتهم بحطوها على راسهم وبقدرولها ، بس مساعده بمصاريف عاديه جدا ، لانه الحياه الزوجيه حياه تعاونيه وهاد بيتك متل مهو بيته ، يعني بتساعدو بعض بتوقفو مع بعض ، ففي رجال بقدرو هالشي للزوجه وبسعدوها بحياتها من ناحيه الاحترام والتقدير ، وما بنسى جميلها هاد ابدا .

والنوع التاني :
بالعكس بخلي هالشي اجباري ، وبشيل ايدو من المصااريف هاد النوع بصرااحه ما بنعطى وجه ابدا ، وبجبر الزوجه انها تصرف على حالها وعلى البيت كله ، وبكره بس تجيب الزوجه طفل بخليها تصرف على الطفل كمان .

 

[كياني المجروح]

زوجي يقولي تبين اصرف عليج طلعي من دوامج بس دامج تشتغلين ما اصرف عليج
وانا شغلي مستحيل اخليه
الله يكون بالعون الواحد شيقول وشيخلي

 

[غرومه عسوله]

انا قلت حق ريلي بشتغل سفل فيني سبوع ومدد زفه عشر سنين لووولي مو من صجج
اصلا تصغير حق قيمته ككونه ريال وطالعه معاه تدفعين بداله مو حلوه له

انا مره طلعت مع خالي واانا متزوجه يعني مو ملزوم فيني ورايحه جمعيه اشتريت لي كريمات
وحلويات ماخلاني ادفع وفوقها زفاني جدام الناس قالي انا ريال معاج على اي اساس تدفعين وين قاعدين


ومره مع ريلي اختي طالعه معانا راحت بتدفع عند كاشير بالسوق ماخلاها دفع اهوه بدالها معنها مشتريه وايد


مادري بس ترى على حسب نوعية الريال وتفكيره بس اهوه ملزوم فيج وملزوم يصرف عليج؟؟
حتى لو ماديه قليله

اوك الماديه قليله امنه بالله هذا مو بيدج ولا بيدينه انتي اشتري على قد الامكانيه وراعيه فيها وخل يدفع
بس انتي معاه وانتي تدفعين كلش مو حلوه لابحقه ولا بحقج

تقدرين تكلمينه بهل موضوع وتفهمينه يمكن مايدري

بس بهداوه عشان يفهم

 

[الهما]

مادري احس هالشي غلط
باجر اذا الله رزقج و حملتي انت بتدفعين تكاليف ولادتج اذا عودتيه على هالاسلوب
احسن شي السوق و سوالف الحريم و الملابس روحي مع اهلج بس سوالف الجمعية و هو معاج ليش انت تدفعين؟

 

[** حسناء**]

ميخااالف ياقلبي ..أنتي توج قايله أنكم توكم متزوجين يعني الرجاااااال توه شايل على نفسه أقساط ..أكيد كثييييرة علشان يوفر لج المكان والاثاث اللي يبيض الوجة ...يعني ميخااالف راح تواجهين بعض المشاكل المادية.... وبس بصبرج وحكمتج ..أن شاء الله راح تتجوزينهاااا ...وصراحة مافيها شئ لما تدفعين ...تدرين لو ماعليه ش من هالقروض والاقساط أكيد مراح يخلي شئ بخاطرج ...وأكبر دليل أنه دفع لج اللي قدر علية وماقال لج يالله نطلع من هالمكااان ماعندي شئ ...يعني مهو بخييييل ...
وشوئ شوئ تمشئ الحياااة.... وينتهي القسط وتنعمون بالهناااء والخيييير واللف مبروووك ....

 

[حبيبه العلي]

اتوقع تصير بس مو دايما عشان لايتعود وينس انه مسئول عنك

 

[مولاي الفرج]

شوفي حسب تجربتي اذا دفعتي مرة بتدفعين الف مرة

والله احس لما تساعدين الريال يتعود

الا مارحم ربي يستحي ياخذ منج ويقول لا والله كل شي عليج

بس هم يعني لاتضغطين عليه اذا اهو مومقصر صرفي على نفسج شوي مافيها شي

 

[نفهمها صح]

انا
عني
يعطيني مصرووف البيت يعني خلاص مش مسوؤل عني لا بمول اوو سوبر ماركت
وحتي لوو صادف يروح معاي ميدفع خلاص لانه عطيني مصرووف البيت
لكن عنج اخذي مصرووف علشان ها المواقف​

 

[تبطي عظم!]

لا مو طبيعي تدفعين انتي

انا موظفه ومايصرف علي زوجي بس هو يصرف ع البيت وكل طلعاتي معاه ما ادفع

حتى لو بشتري شيء يستحي ادفع انا مع انه مايمشي لي مصروفه وهذا اتفاقنا لاني موظفه

بس شوفي مثلا سفره ندفع النص بالنص يعني هالشيء عادي نتعاون فيه

ولادتي هو بيتحمل تصاريفها بس التجهيز علي يعني متعاونين بكل شيء

الا الطلعات والماجله هذا مسؤوليته بروحه ~

 

[N O R A]

بصراحه

انا الريال يلي يخلي زوجتة تصرف على نفسها وهو موجود

يطيح من عيني

وبعدين هو مجبور يصرف عليج في الشرع حتى لو انج ملكة

 

[ملاذ]

عندي تعليق على اللي يقولون ان عليه اقساط وان هذا السبب اللي ما يخليه يدفع
هو قال انه حتى مع امه وخواته هم اللي يدفعون يعني مو مسألة اقساط .. هذي طبيعته ..

انا اقول ان اغراضك انتي الخاصه فيك انتي اشتريها ,, بس اغراض البيت والاكل والاطفال يقوم فيها هو ..

مع مراعاة مساعدته اذا كان غير مقتدر .. يعني لو اغراض البيت كثيره ومعاشه مايكفي انتي ساعديه عادي ..

بس بحدود المعقول .. حتى ما ياخذ راحته ويتعود ويشيل يده مره وحده عن البيت والاطفال ..

 

[seedo]

Is this normal?

the answer is : No it is abnormal

الله يعينج شي يبط المرارة و الجبد

 

[ســيـsimaـــما]

اذا احواله الماديه ضعيفه ساعديه مافيها شي بس مو كل شي البيت عليه وانتي ساعديه بمصاريفك الخاصه

 

[Bubble]

شوفي حبوبه ...

ترى كلش مو عادي ولا طبيعي وهو ريال طول بعرض واقف يمج وانتي اللي تدفعين ..

نصيحه من اخت قلبها عليج ...

خليه يشيل مسؤوليتج كامله حتى لو انتي موظفه وعندج راتب .. هو الحين ملزوم فيج وبعيالج وبالبيت ..

بكل طلعه خليه يدفع ..وفهميه انها مسؤوليته ..

عقب فتره .. واذا اهو تعود خلاص انه يكون ريال البيت..

ممكن انتي تساعدينه وبمزاجج انتي .. اذا حبيتي بس ..ويستحسن انج ماتحبيين

تصدقون بنات ...

عندي صديقه نازله بيتها الجديد ورحت ابارك لها ..

عاد اقول لها البيت من بسمه قالت هذا بيتي وعلى ارضي .. قلت لها من وين ..(( اعرفها خبز ايدي ))

قالت لي انا من تزوجت وريلي ملزوم فيني من الالف الى الياء ..

ومعاشي يتجمع بالبنك قمت وشريت هالارض وبنيت عليها البيت .. عفيه عليها مره .. صج شاااطره

 

[فـــرح...]

مادري دايما اسمع ريلج ع ماعودتيه

يعني اذا عودتيه بتدفعين انتي بتظلين تدفعين

واذا عودتيه يدفع اهو خلاص بيصير الامر روتيني انه اهو يدفع

 

[سعودية تموت بأهل الكويت]

صراحة احنا عندنا الوحده لو صارت موضفة تدفع هي عااادي جدا

بالذات لو مديوون صراحة عادي والي موضفه عندنا مايعطيها مصروووف

طبعا مو الكل بس اشوفها عادي

 

[جروح القصيدة]

مشكورين بناااات


بس فهمتوني غلط

انا مادف للماجلة او للبيت

اقصد ملابسي مك اب عطور جذي يعني


يقول هاذي اغراض شخصية وانا مالي شغل فبها دام عندج معااااش


والاحظ فيه بنات دوم يسألني جم معاج بالبنك

شقول له ؟؟؟ وترا اهوا مايخش عني جم عنده بالبنك

لأنه دايم منتف خخخخخ

 

[جروح القصيدة]

اختي buble

جذبني ردج واااااااااااايد وعجبتني صديقتج وااااااي ماشاء الله عليهاااا

 

[dectora 7elwa]

لازم يعطيج مبلغ حتا لو شي رمزي لو 100 دينار
والباجي عليج
عطورج وبدلج عليج انتي زيدي اللي يعطيج
بس اغراض البيت لا تسمحين له