الشي هذا طبيعــــــــي !!

[جروح القصيدة]

مو مقتنع يعطيني مصروف ومعاي معاش

يعتبره دلع واستغلال

 

[أشبـاهـ المطـر]

انا موظفه اشتري من عندي
لا شريت لبناتي احاسبه اما اغراضي لا طبعاً
توج عروس امداج خلصتي العطور
يبا طاف لادفع خير على خير مادفع بكيفه
اهم شي لاتحاتين ماديته مالج شغل مدامه يشتري الماجله
ويدفع معاش الخدامه والأيجار كثر الله خيره ماقصر
اي وقويله انا علي اقساط وداشه جمعيه عليمه ان عندج التزامات
واعليا خصم وهالسوالف ​

 

[جروح القصيدة]

مودري انا ماعلي قروض ولا ديون

بس استحي اقول له ان علي ديون وقروض

وانا توني عروس احس بيقول فقيره واهلها ما دلعوها @@

 

[نور الكوثر]

لا اطلعين بطاقتج ولا فلوسج جدامه ولا تقوليله جم عندج وبس

 

[om MaRyooM]

لا لا ديري بالج والله انا ماشيشج علي زووجج بس لاتعودينه نصيحة

ولا تطوعين


وانتي ابخص

 

[*peace*]

انا اشوف ان عادي

بس ديري بالج ديري بااااااااالج تعطينه او تدفعين اي شي لاغراض البيت

كلميه قوليله يعطيج مصروف كل شهر مثلا ١٠٠ او ٥٠ اللي يقدر عليه

مافيها شي انج تراعين ظروفه بس همن ديري بالج تعودينه انج تدفعين لاغراض البيت او تعطينه

 

[شواخي]

شوفي ياقلبي مثل ماقلنا بدون تشيششش

ولا تقلبين على زوجج لان من تدخل الحرمه المنتدى يشيشونها

المهم

هو صح ملزوم فيج بس مو بالكماليات

ماشاء الله انتي تشتغلين و الحمدلله راتب وهو مايقصر فيج و يعطيج وترى طينته مو بخيله مااشاء الله ايام الملجه هدايا وجذيه و سوى لج احلى عرس واحلى مهر


مايخالف والله الريال مو بنك و توه متزوج ..

قولي له شرايك تحط لي مصروف حق البيت مثلا الماجله انا باييبها ،،


انا كنت مثلج ،، متبهدله ،، هو يقول انا اصرف وااايد البيت وانا اقوله انا اصرف اكثر !! راتبي يروح على بيتك

اتفقنا فالنهايه يعطيني بالشهر مصروف ،، شوفي انتي و زوجج ،، 1000 ولا الفين ريال

حق شهر كاااامل

اتفقت وياه والحمدلله الحين احسن ،،

هو ملزوم يوفر لج السكن و الاكل مو ملزوم يدفع لج ايسكريم و كاكاو و قطن تنظيف وشامبو

واحنا حسن من الاجانب شوفيهم باالمطاعم هو يدفع صحنه وهي تدفع صحنها

وماعليه لا يوزونج البنات ،، لاتدفعين لا تدفعين !!


ماعليه ،، و تكلمي وياه قولي له الشيخ لو طلعنا ويا بعض ومعانا اهلك انت ادفع ماحب قدامهم انا ادفع وبعطيك بالبيت لو مثلا فستان او شي من الكماليات مثل ماقلنا

والخير واااايد ولله الحمد والمنه ،، و الناس لناس ،، و شوفي لا رديتي ما بيطالبج ان شاء الله

ترى كلنا ندفع و نساعد معقوله ولا وحده دفعت ريال !! شهالبخل الي فيكم بنات وشدعوه !!

 

[أم توتو]

انا ريلي يعطيني مصروف ماني موظفه بس لو اني موظفه بساعده لان ريلي يستاهل ومع ذلك اذا طلعت مع عيالي اوشي من دونه طبعا ادفع من عندي حلوة المشاركه على الاقل اشيل عنه حمل مو كل شي عليه حرام اكل واشرب وامش ايدي بالطوفه لا مايصير

 

[هــنــوف]

اهي صح انا احس ان فيها شي غلط بس يمكن مايقدر عاااد انتي لاطلعتي معاه للسوق وتبين تشترين اغرااض لج علشان لاتحسين بهالشعور ولاتحرجينه عطيه بطاقتج وانتي رايحه السوق وانتي راده قولي له اسحب لي 10 او 20<< علشان يتذكر ان بطاقتج عنده ويعطيجياها

انا اشووووف ان اغراااضج تشترينها بفلوسج احسن لان يمكن القروض ومصاريف العرس ماكلته
بس مو معناته كل شي كل شي عليج لالالا اكلج وشربج عليه ومو كل ملابسج عليج بس انتي شيلي بعد شوي عنه واذا انتي رحتي محل مو غالي واسعاره زينه خليه يدفع اما بتكلف لا يمكن مايقدر ادفعي انتي
موفقه حبوووووبه

 

[Tom ♥ Jerry]

.

دآم عندج معاش و يعطيج مصروف
و يصرف على البيت
بعد شتبين يسوي الريال !

 

[عاشقة هواك]

اب اب