الصالون

[*نــور عينــي*]

مساء الخير يا حلوات
حابه اعرف الصالون جم يكل من الالف الى الياء
وشنو يحتاج هم من الالف الى الياء
وشكرا​

:ggdw:​

 

[أم أنور]

هلا والله
انا ماصارلي شهر فاتحه صالوني وبصرااااحه تجهيزه تعب وفلوس واايد بس الحمدالله انا وخواتي وامي تعاونا لازم احد يساعدج او شريك لج
عموما انا جهزت صالوني الاثاث الكراسي والمرايات والسراير ووو من سبا اند مور وباجي الاشياء امطشره اذا تبين اي شي لا تترددين اييبلج ارقام كل شي

 

[أم أنور]

اي ونسيت اقولج الله يعينج اذا ابتفتحين الصالون على الحساد والاقراب اكثر من الابعاد
لووووووووووووول

 

[*نــور عينــي*]

أم أنور​

مشكوره حبيبتي على الرد
خرعتيني بس ان شاء الله راح اكون قدها
_03BA:
ادري بالحساد ما في اكثر منهم يحسدون حتى على المرض استغفرالله يكافينا ويكافيج الشر
لو سمحتي اذا تقدرين ادزين لي على الخاص اسماء الاماكن اللي جهزتي صالونج منها وابي اعرف اذا ممكن جم تكلفته كله على بعضه
وشاكره مرورج وردج
وعسى الله يوفقج يالغاليه وان شاء الله الاقي صالونج مترووووووووووووووووووس زباين
وبالمره قوليلي وينه خل ايي اشوفه واسوي شي عندكم
:sfg:
موفقه ان شاء الله
:ggdw:​

 

[احلى اسم بالكون]

كيف وين بتفتحي ابي افتح

 

[Om.Fisal]

انا بعد ودى افتح صالون بس مانى عارفه جم راس ماله وجم اجور العماله والعماير تحتاج خلو او لا يريت الى عندها اتفيدنا

 

[أم أنور]

انا خذيت 3 شقق فتحتهم على بعض الشقه الاولى الرسبشن وغرفة الميك اب والشعر والثانيه البدي كير مني كير ومغاسل الشعر والثالثه سبا سويتها كلها ديكورات مغربيه فيها حمام جاكوزي والحمام المغربي صالوني اسمه ماي غلتر بالسالميه شارع المغيره بن شعبه
المهم انا جهزت من سبا اند مور بالجابريه بس اذا عزمتي والله اخلي ابوي يروح معاج يكاسره عالسعر لانه محسن مال سبا اند مور شرينه منه ابسعر خيالي كل شي تقريبا والتناتيف من اميركان لاين وعندج الجوثن بعد والنسائم

 

[أم أنور]

انا بعد ودى افتح صالون بس مانى عارفه جم راس ماله وجم اجور العماله والعماير تحتاج خلو او لا يريت الى عندها اتفيدنا

اذا بتحطين راس المال يعني انتي بتسوين الصالون من البدايه 20000 ألف مو أقل

واذا تبين جاهز لااااازم خلو

 

[*نــور عينــي*]

أم أنور​

مشكوره يا قلبي
واذا عندج اي رقم واي معلومه تقدرين تفيدني فيهم اكون شاكرة لج
موفقه ان شاء الله​

:ggdw:​

 

[Om.Fisal]

مشكوره حبيبتى ما قصرتى بس بالنسبه للعماله جم اجورهم

 

[^^ROSE^^]

ام انور شوقتينا على صالونج ودي اره شكله نظيف ومرتب
الله يعافيج عطيني الرقم ودليني بالضبط لان ما اعرف اسامي الشوارع

وبقترح عليج تسوين اشتراكات للشعر انا عن نفسي ما استغني عنهم
اللي تصير جلسات فيها صبار او جرجير او خلطات طبيعيه للشعر
الصالون اللي اروحله بالجابريه 6 مرات ب 15
كان ب 10 وزادت سعره ضاق خلقي
وهم سوي اشتراكات للحنه لوووول انا ترى كل اسبوع اروح احط حنه بس اخذ حنتي معاي يحنوني و اقعد بالبخار ساعه ويغسلونها وانا مرتاحة لان اكره اغسلها

احلى صالون ارتحت فيه بالغسال صالون تهاني سراب اسمه مس ميسمرايز بميدان حولي قريب من صالون حنان دشتي
روحي شوفي مغسلتهم جنج منسدحه لان في مغاسل تكسر الرقبه تكرهين تغسلين بسبتها

مممم وبعد شنو
عندج تشقير حواجب؟ لان انا اشقر ما احف ويحطولي حنه سودا عالحاجب تصير جنها تاتو بس ان حنه عشان يصير الحاجب اغمق لان حواجبي مطشرين كل شعره بصوب ههههههههههه
وهم اسويهم عن مس ميسمرايز بس اذا شغلكم حلو اييكم تستاهلين


اي و في شغله معقدتني بالصالونات
لما اسوي بديكير اكره عيشتي مادري شيسوون اللي ابهام ريولي يورم ويلتهب و مااقدر البسجوتي تكرمين
هم على بو بيقصون اليلد الميت عالجنب يدزونه بهالحديده عشان يطلع بس لا قصوه الظاهر يبقى منه مندعس وانا افرفر عقبها من العوار اموت
مادري وين اروح عشان اسوي بديكير مثل الاوادم مايعور ولا يعذب

وشغله اخيره
اسعاركم شلونها؟ عسى مو بالعلالي

 

[^^ROSE^^]

اي بعد خل اقولج شغله سوتها وحدة كنت اروح صالونها بس الحين هونت لان ماقمت ارتاح عندهم

الله يسلمج تسوي يومين او 3 ايام بالاسبوع اي عمل دينار ونص
يعني شيره كامله دينار ونص
حف كامل دينار ونص
بديكير ومنيكير دينار ونص
حمام زيت
حنه
قص
سشوار
كل هالاشياء دينار ونص
بس المغربي ب 4 يصير
وهي اسعارها بالايام اللي مافيها عرض وسط لا غالي ولا رخيص
يعني شيرتهم ب 4 سشوار ب 4 حمام مغربي 6 جذي

بس تدرين شنو يصير عليها طق مطاااااااااااقق ومن كثر ما صار عندها زباين وتعودوا على شغل الصالون قاموا اييونها حتى بالايام اللي مافيها عرض لن عرفوا ان الصالون شغلهم زين ومضبوط
يعني كونت سمعه ويمعت زباين وماشاء الله الحين عرض مو عرض كله متروس عليها بالعافيه
بس عيبهم ان اللي يشتغلون شوي عيايرة مرة امي راحت ولا قبل لا تدش تشوف دريشه مبطله وكل اللي داخل يبينون دخلت زفتهم ماعجبهم ان قالتلهم سكروا الدريشه
بس المعزبة لاصارت موجودة مايتجرأون
بس خلاص نفسيا ماقمت ارتاح اروح


وشغله ثانية بعد
اغراض البديكير شفتي اللي يحكون فيها الريول؟ استخدمي ماركة دكتور شول اللي بالجمعيه لان ماكو عليها
حتى انا وامي واختي لارحنا الصالون ناخذها معانا واللي يشتغلون يقلبونها يقولون هذي وايد زينه
هم ملوتهم من محلات الصالونات بس مالت شول عجيبه غير غير

وفي صالون بشرق يم دوار دسمان نسوي عندهم تنظيف بشره عجييييييب عندهم نوعين يا منتجات بدي شوب ب 7 او كلينك ب 10 او اكثر مادري
بس مال بدي شوب اينن وايد وايد حلو
طلي عليهم شوفي يمكن تاخذين منهم جم فكرة
اسم الصالون اورينتال برينسس عقب ماتطوفين هوليدي ان على طول تلقين لفه يمين في بالزاويه بنشر لفيها يصير الصالون بويهج عمارة يديدة

مممم وبعد شنو ياربي

اي ماركة الصبغ ياليت لو تيبين ماتريكس لان عجيبه ماتحرق ولا تنتف الشعر

امبيه شكثر هذرت ههههههههه

 

[أم أنور]

هلا روز حبيبتي انا حطيت اسعاري عاديه لا غاليه ولا رخيصه اذا اتحبيت خلطات حمام الزيت عندنا خلطه علاج للشعر اسمها خلطة الايس كريم !!!!!!!!!!1 ادري راح تستغربين بس صدقيني شنو اتنعم وطول الشعر موووو صج بالنسبه للاصباغ كل اصباغنا من لوريال ماكو على اصباغه ماتحرق الشعر

 

[أم أنور]

مشكوره حبيبتى ما قصرتى بس بالنسبه للعماله جم اجورهم

حسب كل وحده وشغلها عندي جم فلبينيه معاشاتهم 140 و 160 واذا اتعرف كل شي 200 وفوق طبعا الكوافيرات فوق ال450

 

[أم أنور]

أم أنور​

مشكوره يا قلبي
واذا عندج اي رقم واي معلومه تقدرين تفيدني فيهم اكون شاكرة لج
موفقه ان شاء الله​

:ggdw:​

ارقام شنو بالضبط حيبتي؟؟؟؟؟؟؟؟؟؟

 

[*نــور عينــي*]

أم أنور​

اذا عندج تفاصيل تفيدني
وابي اعرف اللحين العاملات شلون اييبهم ؟
شي طبيعي لازم يكون عندهم خبره
صح كلامي والا لا ؟
نوريني يا قلبي
موفقه ان شاء الله
:ggdw:​

 

[أم أنور]

أم أنور​

اذا عندج تفاصيل تفيدني
وابي اعرف اللحين العاملات شلون اييبهم ؟
شي طبيعي لازم يكون عندهم خبره
صح كلامي والا لا ؟
نوريني يا قلبي
موفقه ان شاء الله
:ggdw:​

ماكو الا اعلانيات بالجرايد الوسيط وغيره اشكثر حطييييييييييييت الله يعينج على هالسالفه وفي بعضهم يشتغلون ابصالونات
وياكثرهم اللي يتصلون واهما خدم بالبيوت الله يعينج عليهم عاد تعالي طفشي

 

[*نــور عينــي*]

الله يعين الجميع يا ام انور
مشكوره حبيبتي على الافاده