الصداقه والزماله بالدوام

[ToOoTi]

انا مستحيل اخالط بنات الدوام

طبعي رسمية لابعد حد من اطلع من الدوام انسى الدوام باللي فيه


وسري ما اقوله الا لامي او اختي ونادرا مو دايم


ومرتاحة حيييييييييييييييييييييييييييل جذي

لاني شفت مشاكل وهواش وفصل وتحقيق بسبة بنات صاروا صديقات وبعدين اختلفوا على شغلات سخيفة

 

[عصير ليمون]

ما في صداقات دوام حتى لو كانوا زينين
مع الوقت يتفرقون ومحد يسأل عن الثاني
الله المستعان
خل سرج مع خواتك وأمك اما سالفة رفيجتي صديقتي إنسييييييييييييييييييييييييي

 

[جوك احلى جو]

والله الدوام وبنات الدوام ماوراهم غير المشاكل حطي حد بينج وبينهم الا في ما ندر وها بحذر

 

[JANAA]

والله الدوام وبنات الدوام ماوراهم غير المشاكل حطي حد بينج وبينهم الا في ما ندر وها بحذر

صاجه بكل كلمة قولتيها فعلا هذا الي اكتشفته

مشكورة حبيبتي على مرورك موضوعي

 

[مناير خزنة التاير]

الناس تغيرت

ولا وين اول وين الحين

ايام امهاتنا رفيجات الدوام عزوة و عون و سند مشاء الله تشوفين علاقتهم لين الحين قوية جنهم رفيجات الطفولة

اما الحين يالله نفسي و عمري واذا لقيتي فهو نادر

مايبقى لج الا صديقات الطفولة ..

 

[JANAA]

الناس تغيرت

ولا وين اول وين الحين

ايام امهاتنا رفيجات الدوام عزوة و عون و سند مشاء الله تشوفين علاقتهم لين الحين قوية جنهم رفيجات الطفولة

اما الحين يالله نفسي و عمري واذا لقيتي فهو نادر

مايبقى لج الا صديقات الطفولة ..

صاجه بكل كلمة حبيبتي ياريت كل شي نفس اول

اسعدني مرورك يالغاليه

 

[jaaanooo]

والله يا حبوبتي الشئ الا انا مقتنعه فيه انا مافي شئ اسمه صداقة بالدوام .. في زماااله وبس ... انا بالدوام مع الكل رسمي .. لا ويعليا وهذي اشفيها ولا تعالي نطلع مع بعض ولا زيارات ولا كلام فاضي .. احسن لي لأني بصراحة جربت هالشغله مهما كنتي تحبينهم ومخلصه معاهملا بعد ما يطلع الحجي ويقولون سرج لغيرهم .. سواء لبيتهم ولا لرفيجاتهم .. بعدين ولا وحده منهم تتمنى لج الخير .. تخيلي انج ترقيتي واهم لاء شنو راح يكون ردة فعلهم ...!!؟؟ عشان جذيه انا رسمي مع الكل ..

مشكوره حبوبتي على طرحج للموضوع

 

[JANAA]

عن نفسي راح اتكلم ...أنا والحمدلله موظفه من قبل زواجي وصار لي 17 سنه من توظفت ...طبعا شفت أغلب نوعيات البشر وعينات من الزملاء والزميلات ...واللي أمنت فيه من بعد كل اللي شفته سواء من تجارب للاخرين كنت شاهده عليها او تجارب لي انا شخصيا ...مافي أفضل من علاقة زماله تبدء بدخول الوزاره او مكان العمل وتنتهي بأنتهاء الدوام ...

وواقعا أستغرب من الحريم اللي يقطون الميانه مره وحده مع زميلات العمل واحيانا مع الزملاء (يا دافع البلا) تحت مسمى أختي وأخوي ...يعني صحيح بنتشارك غرفه لمدة ست او سبع ساعات يوميا ولكن بالنسبه لي لا يعني ابدا اني ارفع الحدود او الحواجز بيني وبين زملائي وزميلاتي ...
الحمدلله أول ثلاث سنوات عانيت بسبب موقفي الخاطيء من الزميلات , وتعلمت درس ان رسم الحدود الواضحه امام اي علاقه هو شي صحي للطرفين في اي مكان وتحت اي ظرف ...
ممكن اجاملهم بافراحهم واكيد اوجب بالاحزان لاقدر الله .... لكن المواجيب وبس ومو مع الكل فقط كم وحده اللي تعاملي معاهم اكثر من غيرهم ,لكن لاغيه فكرة الزيارات المنزليه بيني وبينهم او اني ادخلهم بحياتي الخاصه من خلال حديث او زياره ...
صدقوني يا بنات ما تتصورون شكثر مرتاحه وبنفس الوقت فرضت احترامي او على الاقل صارو يحاسبون امامي من تخطي حدود زمالة العمل ...وهذا اكيد شيء مريحني ومريح لي راسي من المشاكل اللي دايم اسمعها بينهم بسبب عدم وجود حدود واضحه للعلاقه ...

تعبت من القرقره​

عين العقل واهنيكي من قلبي على صراحتك وعلى قرارك وان شاء الله بسوي نفسك بالضبط راح اطبق المثل خليها بالقلب تجرح ولا تطلع بره وتدبح

مشكورة حبيبتي على مرورك موضوعي واحلى ورده الك :eh_s(7):

 

[JANAA]

والله يا حبوبتي الشئ الا انا مقتنعه فيه انا مافي شئ اسمه صداقة بالدوام .. في زماااله وبس ... انا بالدوام مع الكل رسمي .. لا ويعليا وهذي اشفيها ولا تعالي نطلع مع بعض ولا زيارات ولا كلام فاضي .. احسن لي لأني بصراحة جربت هالشغله مهما كنتي تحبينهم ومخلصه معاهملا بعد ما يطلع الحجي ويقولون سرج لغيرهم .. سواء لبيتهم ولا لرفيجاتهم .. بعدين ولا وحده منهم تتمنى لج الخير .. تخيلي انج ترقيتي واهم لاء شنو راح يكون ردة فعلهم ...!!؟؟ عشان جذيه انا رسمي مع الكل ..

مشكوره حبوبتي على طرحج للموضوع

مشكورة انتي حبيبتي على ردك على موضوعي وهم بعد الك احلى ورده :eh_s(7):

 

[JANAA]

تسلمين على الموضوع ياقلبي


العلاقات بين الموظفين لازم تكون رسمية حتى ما يتعدى احد حدود غيره

المفروض الجو اللي لازم يسود اجواء العمل الاحترام والتقدير


والناس اجناس وياما رح نعيش ونشوف

:eh_s(7):

حبيبتي نهى اسعدني مرورك يالغاليه مشكورة يا قلبي

 

[ملوكة الامورة]

الله يعين
صادقين انا جربتهم وماوراهم غير المشاكل وجع الراس

 

[JANAA]

مشكورين كل البنات الي ردول بموضوعي

 

[ملفتة للنظر]

طااااااااااااااااااااااااااااااااااااااااف كبييييييييييييييييييييييييييييييييييييييييييييييير لكل شي والقلب يرتاح

 

[PO PO22]

شوفي على حسب البناات والله في بناات طيباات وحبوباات ويكتمون سرج بس طبعاا سرج مو كل من هب ودب لاا بس حق صديقه معينه
وتكونيين واااثقه منهااا حييييل

وفي بناات لا لا يحوشج حسد وكره وحقد

 

[RoWaIsHeDyA]

حبيبتي انتي جنج فاهمه الموضوع بس لي الحينج منصدمه انتي قلتي مصلحه لها وقت وتروح انتي مافكرتي هالانسانه ممكن تنتقل مكان ثاني ولا تترقى ولا انتي تترقين انتي طيبه وسمحتي لها انها تستغل هالشئ والمره اليايه خلج رسميه مع الي تعاشرينهم بالشغل يعني وقت الشغل ماشي بس بعد ماتطلعين لا تصكرين كل شئ هناك ماادخلين علاقاتج اهناك بعد الدوام وهذيك ربج مايطق بعصا واكيد بيجازيها بوحده مثلها وارده

 

[(كويتيه عسل)]

انا ضد تكوين صداقات داخل الدوام

ولا مره جربت كونتي صديقات


كلهم زميلات ولي حدود معاهم ومرتاحه من هالعلاقه

مااحب اتعمق معاهم علاقتي معاهم شغل وبس

واذا عندي شي عندي صديقات برا الدوام

 

[++The DuchesS++]

انا ما احب صداقات الدوام
زماله وبس سلام ومن بعيد لبعيد
في ناس هدفهم منصب رئاسة قسم يعزلون الشغل عن العلاقات
وهالشي وايد اعاني منه بدوامي
وانا من اول ما توظفت عارفه سوالف الدوامات كفيت خيري شري عن الكل
والحمدلله مرتاحه
اللي الله قاسمه لي يوصلني غصبا عن الكل