الصيدلية .. والدكتور الصيدلاني .. ونقطه ناسينها .. !!!

[كويتيه_غاويه]

حبيباتي​

هذي حادثتين صاروا لي .. ويمكن صاروا لكم بعد :​

رحت للصيدلية الجمعية .. وسألت الدكتور اللي هناك عن بنادول نايت .. وقلت له اني آخذه وما أثر فيني قالي : اذا تاخذين حبه وما نفعت .. اخذي ثنتين .. واذا تاخذين 2 ومانفعت اخذي 3 .. واذا ما نفعت الثلاثه اخذي اربعه !!!!!!! :080402ask_prv:​

انا استغربت .. اللي اعرفه انه اي بنادول حده حبتين .. واذا باخذ اكثر .. لازم بعد 4 ساعات وما يتعدى عددهم 8 حبات باليوم !!!!! ..... شلون هذا يقولي جذي !! .......... المهم .. رحت البيت وقريت الورقة اللي داخل الدوا ... ولا مصيبه !!!! حسبي الله ونعم الوكيل ... !!! ...... مكتوب تحذير ما تتعدى الجرعه الحبتين باليوم (لاحظوا باليوم) .. ومايصير ناخذ هالدوا 10 ايام متتاليه .... الخ طبعا !!!!​

يعني لو انا ما اقرا الوصفه وما اهتم لها .. ومشيت على كلامه ..... جان ما ردني إلا المستشفى وغسيل معده (حسب ما ورد بالوصفه اذا تعدت الجرعات اكثر من حبتين) !!!!​

----------------------------------------------------------------------------------------------------------------------------​

شغله ثانيه .. وهذي داخل المستوصف طبعا .... المعروف انه الطفل ياخذ الأدول أو البنادول (او اي دوا مسكن) على حسب عمره او وزنه ... الصيدلاني التحفه .. كتب لبنت اختي (عمرها 9 سنوات) .. تاخذ 5 مل فقط ... والصغيره (عمرها 6 سنوات) تاخذ 10 مل !!!!!!!! ..... ولما سألته ... قالي مش مشكله بدليهم !!!!! ...... يا سلام ... مش مشكله ؟!! .... ارواح الناس والاطفال مش مشكله !!!!!​

----------------------------------------------------------------------------------------------------------------------------​

حبيباتي :
هالحوادث صارت لي وصارت مع غيري ... !!
انتبهوا ... واقروا النشرات اللي تجي مع الأدوية قبل لا تاخذون الدوا ..... هذي شغلات كيمائية واللي مسويها وكاتب النشرة اللي معاها أدرى بالكميات اللي مفروض تعطى لكل شخص ... !!!!!!
اعرف ناس تاخذ الدوا .. وعقبها تتسلى بقراءة النشرة .. وبعضهم يقطها مع الكرتونه ويحط الحبوب في مخباته ويمشي ..!!
واذا الكبير بالسن عطوه دوا .. اقروا نشرات الادوية من قبل لا ياخذونهم ..!! بعض الصيادلة ما يدرون عن هوا دارهم !!!
وقبل لا تطلعون من الدكتور المعالج .. سألوه عن الأدوية اللي كتبها لكم وكم جرعه لكل دوا ...!! ... بعض الدكاترة يتضايقون من احد يسألهم .. بس ما عليه .. نشبوا بحلوقهم عشان صحتكم !!​

يا ما ناس وأرواح راحت بسبب غلطة طبيب او صيدلاني ... !!
بس ما نقول إلا الشكوى لله ... ولا حول ولا قوة إلا بالله !!!​

 

[ودي أتغير!!]

اي والله كلامج صحيح

لازم ندير بالنا الا الصحة

مشكوووورة اختي

 

[meskq8]

تسلمين على التنبيه

وكلامج صحيح بعض

الصيادله عندنا في الكويت كانوا

حدادين في بلدانهم الاصليه وجابوهم

لنا مع كل مترديه ونطيحه إلا من رحم ربي

وأبلشونا فيهم وفي أخطائهم

 

[ii DareeN ii]

شكرا اختي كلامج صحيح


:tek:

 

[ماكنتوشه]

مشكووره حبيبي وصاجه والله اصلا اكتشفت ان الصيدلانيين ما عندهم ضمير من تجاربي فيهم وقمت اخذ حذري منهم

 

[FOZQ8]

الحمدالله ان بدا يكون في كويتيات وكويتيين بهالمهنه
ياحلوهم والله ونفسيتهم تهبل
مشكوره على التنبيه

 

[ع ــندك / خ ــبر]

اعرف ناس تاخذ الدوا .. وعقبها تتسلى بقراءة النشرة


هذي انا خخخخخخخخخخخخخخخخخخخخ


تسلمين على التحذير

 

[A7la 7la]

عددددددددل كلامج


جزاج الله كل خييييييييير

 

[dr_enshalla]

عدل كلامج لازم الواحد يدير باله على صحته و يفهم المرض وعلاجه عدل
بس يمكن الصيدلاني مو قصده تاخذين ال 4 حبوب مر وحده يعني ممكن تاخذين 4 جرع باليوم
و ما توقع نفس ماتوقلين بس حبتين باليوم !! اللي اعرفه مثل ما قلتي كل 6 ساعات
انا ماحب الادوية وما اخذها الا اذا صج كنت تعبانه كل شي له مضار

 

[dr_enshalla]

مشكووره حبيبي وصاجه والله اصلا اكتشفت ان الصيدلانيين ما عندهم ضمير من تجاربي فيهم وقمت اخذ حذري منهم

بنت عمتي صيدلانيه صارلها سنتين تشتغل واهيا ورفيجاتها حرام ذابحين نفسهم بالشغل و بس ودهم يساعدون
فيمكن بعض الصيادله لج عليهم مو كلهم