الطباخ الكهربائي كيف انظفه ؟

[FOFOWOBS]

السلام عليكم ورحمة الله وبركاته
شلونكم ياحلوين ؟ عساكم ان شاء الله طيبين وبصحه وعافيه
منو عندها جوله الكهربائيه او الطباخ الكهربائي
انا عندي في بيتي وتعبت من تنظيفه ماخلبيت شي ماحطيت عليه كلوركس البخاخ و فركتها بالاسفنجه حتي المشحافه حكيتها فيه وماطلع نظيف عندي فيه بقع لما اشغل العين يبين فيه وواضح بعد متعبتني نفسياً

يالييت تفيدوني صج تعبت منه

 

[كت كااات]

وانااااااااااااااااا بعد مثلج فيه بقع عالزجاج ما تروح زجاج الباب

 

[HajaR_4eveR]

انا استخدم جيف منظف الافران
اول شي اصب الصابون الكريمي العصار على الفرن مع شوية ماي ( اكو ابيض واصفر اثنينهم نفس المفعول بروايح مختلفة )
وافركة بفرشة التنظيف واخلي الفرن ينقع ابو نص ساعه
تالي امسحه بالفوطة وابخ على الفرن بخاخ جف الاصفر مال المطابخ
وكان الله غفور رحيم كل اوساخ تطلع
اهم شي لاتطبخون وتخلون الاكل والدهن ينشف بالايام وتتراكم البقع وبعدين تيون تنظفونة لانه يصير صعب حيل
والفرشة الي افرك فيها الفرن يكون جذي شكلها مقططة بالجمعيات

وسلامتكم وتعيشون

 

[FOFOWOBS]

مشكوره حياتي ان شاء الله اجربه وابلغكم

 

[HajaR_4eveR]

جربيهم وان شاءالله تطلعين بنتيجة حلوة حبيبتي

 

[HajaR_4eveR]

ترا انا لما استخدمت الفرشة هذي مع الصابون ما تسحكت واجهة الجزاز عالفرن الحمدالله
فإن شاءالله مايتسحك جزاز فرنج

 

[لمساتـي]

اب اب

 

[فيلجاويه كيوت]

انا استخدم جيف منظف الافران
اول شي اصب الصابون الكريمي العصار على الفرن مع شوية ماي ( اكو ابيض واصفر اثنينهم نفس المفعول بروايح مختلفة )
وافركة بفرشة التنظيف واخلي الفرن ينقع ابو نص ساعه
تالي امسحه بالفوطة وابخ على الفرن بخاخ جف الاصفر مال المطابخ
وكان الله غفور رحيم كل اوساخ تطلع
اهم شي لاتطبخون وتخلون الاكل والدهن ينشف بالايام وتتراكم البقع وبعدين تيون تنظفونة لانه يصير صعب حيل
والفرشة الي افرك فيها الفرن يكون جذي شكلها مقططة بالجمعيات

وسلامتكم وتعيشون

:eh_s(15)::eh_s(15)::eh_s(15)::eh_s(15):