الطب التطوري وتقييمه أم تشخيص الأم لذكاء الطفل ومهاراته المكتسبه؟؟

[hadeel111]

احد جرب السور ورقمهم 22901677​

 

[ليان 2007]

السلام عليكم ,خواتي من زمان وانا اتابع اللي تكتبونه في مواضيع الاحتياجات الخاصة واتمنى من الله القدير أن يشفي ابناء جميع المسلمين ويأجركم على ماتعانون , حبيباتي ودي أحد يطمني على ولدي لأني احترت ماأدري هو توحد ولا تخلف ولا شي ثاني أنا مااعرفه. ما ادري في احد يقدر يفيدني ؟

 

[الصابرة المحتسبة]

اختي ليان هلا فيج بينا
انتي حطي الأعراض اللي تحسين انها غريبة شوي والخوات يساعدونج.

 

[ليان 2007]

اختي الصابرة المحتسبة أشكرك على الرد واتمنى اني القى عندك المشورة اللي تريح قلبي .... الله يسلمك عندي ولدي الثالث بين اخوانه عمره ثلاث سنين وثلاث اشهر لحد اللحين ما تكلم يعني اشياء بسيطة وبعض الاحيان خرابيط طبعا اللي ظنيته انه توحد بس لقيت انه ما تنطبق عليه صفات التوحد من الانعزال والحركات المتكررة وعدم الرغبة بالحضن بالعكس ولدي حنون وما يمل من حضني وحضن ابوه واخوانه , يلعب مع اخوانه بس موكثير , يحب الالعاب الفردية أكثر , ويحب مشاهدة التلفزيون , ماودي اطوله عليك دخلته حضانه أجيال التوحيد وكان المعلمات اللي بالحضانه يحبونه حيل ولاحظت ان سلوكه تعدل قل صراخه واذا دش على الناس يسلم وتقول المعلمه انه يتعلم بس مشكلة النطق هي اللي معطلته وبعد فترة انتقلت المعلمة اللي على صفه ولاحظت انه مستواه ثبت وماعاد يتعلم شي جديد وكل ما سألتهم قالو انه ما يحب يقعد في الصف ويتعلم فيخلونه يلعب بالحضانه, ويعدين وديته للطب التطوري وبعد الفحص من الدكتورة واجراء الاختبارات البسيطة قالت انه ماعنده توحد بس يمكن سمات توحد وطلبت تحاليل والموعد الجاي بعد 6 اشهر هذي باختصار قصة ولدي وانا الحين انطر نصيحتكم شنو حالة ولدي بالضبط وشسوي له اوديه مراكز نطق وتخاطب ولا دكاترة توحد ولا ادخله حضانه ثانية حدي محتاره وياه وما ودي يضيع مستقبل ولدي وعسى الله يجازي اللي تساعدني بالراي كل خير ويجعله في ميزان اعمالها.

 

[مشاعل الشمري]

حياتي حياج الله بينا
بالنسبه لي اول شي توكلي على الله سبحانه
البنات نصحوني فيه الدكاتره الخصوصي اللي منهم فاطمه العوضي-عبير عوض-
وديه وشوفي شنو فيه الضبط لان صفات التوحد خفيفه والتعالج بالتدخل المبكر انشاءالله
ودخليه حضانه عشان يختلط اكثر مع اليهال حضانه تتكونين واثقه فيها
انتي بالبيت لا تهدينه كلميه ولعبيه وادمجيه معاكم ونصيحتي لا يقعد على التلفزيون واااايد
واذا تعرفين مدرس او مدرسه نطق ييبيها بالبيت عندج
الله يبرد على قلبج ويطمنج

 

[ليان 2007]

الله يجزاك خير اختي مشاعل الشمري , صاجة بالنسبة للتلفزيون لأني الاحظ إذا تركه تلقينه يلعب ويتفاعل معانا أكثر , انا خذيت موعد عند اخصائي السلوك احمد البرماوي وهو نصيحة الاختcute manar عسى الله يوفقها وبشوف ان شاء الله خير

 

[نونا العتيبى]

الله يشافي وليدج أخت ليان ,,ومثل ماقالت مشاعل لا تعتمدين علي الطب التطوري بالحكومه لأن مواعيدهم بعيده

جربي عبير عوض أو فاطمه العوضي راح يفيدونج وايد من كل النواحي

وأصلا يعطونج خطه بالشغلات اللي تسوينها

الله يطمنج عليه ويشافيه

 

[الصابرة المحتسبة]

اختي ليان تفائلي بالخير وتابعي حالته من كل النواحي من تحاليل وعلاج وان شاءالله مافيه الا العافية

 

[Emanova]

حبوبه ....انا ما اوثق بتقيم الطب التطوري لاختبار الذكاء و راح اقولج ليش ( مع العلم انا انسانه واقعيه مو عايشه بالاحلام الورديه)

1- اول شيء الولد مو متعود عليهم مثل الام او المدرس فما يعطيهم عدل
2- اهم ما يعرفون يطلعون من الياهل و بالهم كلش مو طويل
3- اقولها ولدي يعرف هالكلمه بالانجليزي تروح تقولي اي فاهمه فاهمه و آخر شي تكلمه بالعربي
4- يبون يخلصون و بس علشان مالهم خلق و وراهم وايد يهال يبون يسوون لهم اختبار
5- طريقه التعامل مع الياهل فيها عنف و اعصاب مع ان المفروض يكونون بسومين و حليوين
انا سيت اختبار عند فاطمه العوضي اهي بنفسها سوته لولدي وكانت قاعده تلعب معاه و تركض وياه بالغرفه و خذت ساعتين معاه علشان تسوي له الاختبار

المضحك المبكي كان في ان مع بنتها عندها اعاقه سمعيه ما تسمع كلش البنت و الام قالت للاخصائيه البنت ما تسمع فقالت الاخصائيه اي فاهمه و لا تقعد تصرخ باسم البنت و تقول لها عايشه هذا شنو ؟!؟!؟!؟!؟

يعني اشلون البنت راح تسمعج واشلون تجاوبج و البنت مسكينه قاعده تطالعها و الام تبجي و تحاول تفهم الذكيه اللي مو راضيه تفهم

 

[ليان 2007]

خواتي الله يجزاكم خير على تفاعلكم معاي فعلا شجعتوني وحسيت ان كل مشكلة ولها حل بإذن رب العالمين وعلى فكرة مثل ماقالت الأخت emanova الطب التطوري مالهم خلق وتشخيصهم مو دقيق وعشان جذيه انا وديت ولدي للأخصائي أحمد البرماوي ( ما أنسى حبيبتي اللي نصحتني فيه cute manar) وقالي إنه مافيه توحد بس عنده مشكلات سلوكيه وتأخر بالنطق وتأخر شوي بالقدرات العقلية فالحمد لله حمدا كثيرا طيبا مباركا فيه وقالي لازم نستمر بالجلسات معاه حتى يتعدل سلوكه ويتعلم وان شاء الله راح يتحسن مع الوقت وطبعا مع ادخاله الحضانه ومتابعة نصايح الاستاذ أحمد في البيت ,ادعولي بنات أن الله يشافي وليدي شفاء تام ويفرح قلبي بكلمة ماما,وأسأل الله العظيم رب العرش العظيم أن يشفي ولدي ويشفي عيالكم أجمعين

 

[مشاعل الشمري]

خواتي الله يجزاكم خير على تفاعلكم معاي فعلا شجعتوني وحسيت ان كل مشكلة ولها حل بإذن رب العالمين وعلى فكرة مثل ماقالت الأخت emanova الطب التطوري مالهم خلق وتشخيصهم مو دقيق وعشان جذيه انا وديت ولدي للأخصائي أحمد البرماوي ( ما أنسى حبيبتي اللي نصحتني فيه cute manar) وقالي إنه مافيه توحد بس عنده مشكلات سلوكيه وتأخر بالنطق وتأخر شوي بالقدرات العقلية فالحمد لله حمدا كثيرا طيبا مباركا فيه وقالي لازم نستمر بالجلسات معاه حتى يتعدل سلوكه ويتعلم وان شاء الله راح يتحسن مع الوقت وطبعا مع ادخاله الحضانه ومتابعة نصايح الاستاذ أحمد في البيت ,ادعولي بنات أن الله يشافي وليدي شفاء تام ويفرح قلبي بكلمة ماما,وأسأل الله العظيم رب العرش العظيم أن يشفي ولدي ويشفي عيالكم أجمعين

الحمدلله على كل حال والله يجزاك خير على الدعاء ويبلغج بوليدج ويطمن قلبج اللهم آمين:eh_s(6):

 

[cute manar]

upp

 

[الصابرة المحتسبة]

للنقاش

 

[غرام 2009]

اختي العزيزة Emanova انا قبل شهر سويت حق ولدي اختبار ذكاء وصح كلامك الي قلتيه وانا ادري واعرف كل خباياهم وهم المجلس الأعلى للمعاقين انا ولدي عنده اعاقة في ايده وانخلق بثلاث اصابع بس مخه صاحي مافي اي شي وسوت اختبار الذكاء وحطت النسبة 86 % ولي سوت الاختبار له دكتورة مسيحية مصرية توه جاية مادتدري الله وين حاطه ولما رحت المجلس الأعلى للمعاقين ولا تقلي تفضلي هذيل المدارس ولا اشوف المدارس موتنائية اللغة وهي مدارس كلها متلازمة الدوان والتوحد فاعترضة ودخلت على الأخت نجاة القلاف فقالت مومني من الطب التطوري فلما رحت قالت يعاد بعد 6 شهور واذا تبين سويه بالخاص فقلت لهم معاي اوراق وانا اشتغل في مكان جداً حساس يعني عندي اثباتات عيال الفلان الفلاني مافيه شي يدخل مدراس ثنائية اللغة وولدي ليش مو من عيال الفلان الفلاني مايدخل ليش الظلم مو حرام وانا ناطرة بس ارد بالسلامة والله افضح المجلس وافضح الطب التطوري بالأوراق الي عندي لا وعلى شاشات التلفزيون والله محترة حدي موحرام ولدي تضيع عليه سنه كامله والسبب وحده مصرية ماتعرف شي.
ابي حل منكم بنات ساعدوني
وجزاكم الله الف خير .

 

[الصابرة المحتسبة]

رفع