العبــايه والنقــــــاب صار غريب بديرتي

[ملح بدويه]

شهووووود وينج من زمان موشايفيلج مواضيع

عاش من شاف مواضيعج

 

[الحــــالمة]

الدنيا انقلبت

الحين اللي تلبس عباية ونقاب متخلفة

والسفور يعني كلاس

الله يرحم ايام قبل

 

[BaTTy]

هم انا اقول لا تحطين هالافكار ابالج انا ما احس انه صج هالشي
و اذا صج هم طاااف و سوي الي انتي مقتنعه فيه و مالج شغل بكلام احد ولا بنظرة احد
و صج هالموقفين الي قلتيهم مادري احس ماله شغل عادي يعني و ملوت ماك معروفين جنج يايه تشترين من محل ابوهم ما جنهم موظفات هناك ياخذون معاش على شغلهم معروفين بهالشي
و بعدين لاحظت انه الي التزموا و الي لبسوا عبايه جنهم زادوا مادري و هم لو ما زادوا ترى ليلحينهم كثره ما شالله
بس اهما يقلون باماكن و يكثرون باماكن ثانيه

 

[سكارلت]

شكلج حساسة زيادة على اللزوم

 

[فـرفـر]

والله صااجه


انا مو منقبه بس البس ملفع وعباايه

مره رحت المارينا معااي بناات خالتى 2 منقباات ونقابهم سنع مو مكياج وخرابيط

المهم والا واحد عمره 17 او 18 سنه

اول مامر عندنا والا يقول اجيااس زباله قطيعه؟؟


الحين عشاناا لابسين اسود صرنا اجيااس زباله

وقتها بغيت احذفه باجنطه غثني

بس قلت له كلمه وحده انت مريض تربيتي ماتسمح لي اني ارد علي مريض مثلك


خليييهم يولوون وعيشي حيااتج واللى يخزج اكسري عينه

 

[أسـيـل]

لاحول ولاقوه الا بالله العلي العظيم الله يهدي الناس ويرده للحق ماادري شقول عن الموضوع الناس تغيرت

 

[ام عفاف الكويت]

شهد انتي نقاب تقولين جذي

عيل لما نطلع مع اهلنا الكبار راعين البراقع ماتشوفين النظرات ؟

تقولين كائن فضائي يمشي بالسوق مره كبيره ماتلبس نقابات تلبس برقع بس ماشاء الله ذويقه وتشتري ماتقصر على نفسها وبنتها

واقولها تعالي عمه هني وتجي واخذ رأيها مرات

الناس لما تشوفها تخزها خز شدعععععععععععععععوه

والله صدقتي ياقلبي شهوده

 

[MissChoco]

اهلين شوشو حيااتي ..

شوفي انا مثلا مجتمعي مافي نقاب وجذي .. ويمكن فيه من حريم دينات

بس انتي قلتي كلمه

مو علشان ديانه بس هم عادتي وتقاليدي حافظت عليها شالشي الغريب !!


بالعكس شوشو في عادات وتقاليد غلط بغلط .. وانا اول وحده اقولج اني اهد كل العادات والتقاليد الشينه,
يعني العبايه ما اخذها من عادات وتقاليد بالعكس .. انا اخذها عشان الدين والشريعه, ابدا مافكرت بهالشي دايما اخلي جدامي الدين

واقولها لج, لو في شي بعاداتنا غلط ولازم انسويه!! والدين قال هالشي حلال , والله اترك هالشي واروح للي يقوله ديني


المهم,,


الي يقعد يخوزز وعباله كائنات فضاء الي تلبس عبايه ونقاب هذا اساسا ماعنده سالفه !!

لانه انا اشوفهم وعادي بالعكس والله العظيم احترمهم .. وانقعد نفسي لمن امر يمهم ولابسه بنطلون وحاطه مكياج خفيف لوول .. والله شوشو
لمن امر يمهم استحيييييي ليش لابسه بنطلون معنه والله بنطلوني قمة الاحترام
ولبسي فضفاض مو ضيج ابد ولا صوب الصدر الي ايي مخصر .. لا كلش يعني محترم بس سبحان الله ايني شعور اني احس اني ما استحي مادري ليش :×



والمهم ماعليح من الناس واذا على ماك صراحه انا استحقرهم هذوله قمة بالوقاحه وقليلين ادب حيل, انا كذا مره ازفهم لانهم مايستحون يستهبلون علينا ومالهم خلق

 

[Miss_Moon]

البنات كفووو ووفووو اصلن الحين الخززز صاير هبه لووول

 

[ملكة بغروري]

أقــــــــــــــــــــــولج اختي شهد بصراحة بالغتي واااااااايد بخصوص نقص عدد البنات اللي لابسين عباية ونقاب
بالعكس انا اشوفه كل ماله بتزايد والحمدالله وسالفة الخز لا تعطينها اهمية لانها ظاهرة منتشرة ولا تخلينها تحيرج او تضايقج

واما سالفة اللي يشتغلون بالمحلات والكاشيرات يحبون الوحده المتمكيجه وصوتها ناعم وتضحك معاهم سواء متنقبة او فري
لكن لما تيي وحده صارمة معاهم وتتكلم بدبلوماسيه ما يعطونها ويه !!

ونصيحتي لج أدبيهم !!
لان هالموقف صار مع عمتي مسكب فيها راعي المحل ليش ,, لانها متنقبة
جان عمتي زفته هو واللي معاه بس زفه محترمه وقاعد تهددهم بتسفيرهم
ما تتصورين شقد احترموا انفسهم وصارو يركضون بأيدينهم وريولهم يلبون طلباتها
فنصيحتي لا تخلينهم يهينونج بالعكس زفيهمعليهم او نادي ريلج يأدبهم عدل

 

[NoNoFeTa]

جنج تبالغين شوي !! الصراحه ماشفت هالشي وكل مكان اروح القه المنقبه والي تلبس بوشيه بحالهم محد يحتقرهم او يضايقهم الا اليهالوو الي مايخلون احد وبالنسبه موقفج بماك اصلا اهم شايفين عمرهم على شنو مادري وجم اتناجر معاهم لوول واتا لااالبس عباة ونقاب

 

[*مارلين_مونرو*]

والله مادري حبيبتي بس احس انج تبالغين شوي يعني مو لي هالدرجه !!

بالعكس انا سفور و ما اخز المنقبات شدعوا حالهم حالنا يعني شي عاااادي و طبيعي بعد المنقبة و اللي تلبس عباة عااادي !!

وبالعكس اصلا انا استانس عليهم احس الدنيا ليلحين بخير !! و الصراحه انا ماشفت شي من اللي قلتيه !!

على قولة البنت الحين الخز منتشر عندنا يعني كلنا ننخز بدون استثناء !!

 

[أم سالـمـين]

حبيبتي اول شي مثل ما قالوا البنات الديره كلها خزني واخزك حتى الهندي يخز

ثاني شغله بالعكس وايد بنات متنقبات اشووفهم بكل مكان

ومالج شغل بأحد

 

[دلع السلاطين]

لاموعن عبايه ونقاب

الحين منتشر فايروس الخز

يخزونج لو لابسه اسود بأسود من فوق لتحت
ويخزونك لو ماخليتى شى بجسمج ماطلعتيه

عادى الحين صارت هوايه الخز الكل يخز ويطالع

وبعدين من قالج انه عدد الى يلبسون عبايه ونقاب قام يتقلص
لابالعكس الحين اشوف العبايه منتشره
وبموديلات واشكال ذربه

 

[@شمس الضحى@]

انا البس عبايه ونقاب واروح لكل الاسواق والمجمعات
خصوصا لما ندور حق العيد او حق مناسبه
وش كثر اسمع تعليقات وتحرشات بس مارد احقرهم
بديرتنا وكيفنا ولا ممنوع على المنقبات؟؟
واااااااااااثق الخطوة يمشي ملكا"...

 

[الآنسة الشحرورة]

حبيبتي هذي اخر الدنيا يصبح الاسلام فيها غريباً والماسك على دينه كالقابض على الجمر ..
ثبتنا الله واياك واخواتي على دينه وصراطه ..

 

[شهدQ]

حياكم الله بنات والي تقول انا مو ملاحظه بقولها كلمه باختصار

سألو المنقبات وشوفو يعانون او لا

محد ينحط بالمعاناة الا الي نفسي من فئتي من نفس لبستي

وام عفاف صحيح انا لما امشي مع امي وبرقها تشوفين نظرات والله كأنهم اول مره يشوفون لبس جذي او لبس غريب عليهم الله يحفظ اميمتي فديتها هي وبرقعها وريحتها شكلي بوديها كوفي هاليومين لوووووووووول وانسوي حمله ونستحل الكوفيهات هههههههههه شرايج تخاويني ؟؟

ملح بدويه ولهت عليج العافيه ياقلبي

وحياللله كل من رد على الموضوع

مو علشان ديانه بس هم عادتي وتقاليدي حافظت عليها شالشي الغريب !!

لا مو غريب ياقلبي

نقاب السير عندنا يالبدو نقاب عادات وتقاليد يعني مو ديانه

يعني ممكن نقطه قدام حموينا يعني مو ديانه

ولاتقولين تقطينه

لا

خلاص تعودت عليه واهو قطعه مني

اما نقاب الدين فهو مايغطي كامل الوجه ويكون امام كل المحارم عسى الله يقدرنا ونلبسه

ومااحب انافق ياقلبي واجذب عليج او على نفسي:eh_s(7):

 

[yam_yam]

حتى لو مو متنقبة ترا نفس الوضع
هذي الديرة حبيبتي و هذي طبايعنا

ماكو الا نلبس طاقية لاخفاء عشان محد يطالعنا خخخخخخ

 

[AnGel GirL]

نفس كلام البنات الخز صار سمه معروفه بالكويت وكلن يخز فهذا شي طبيعي

اما النقاب ماشالله احس العكس قاعد يزيد ويمكن اتفق معاج ان نقاب العادات بدا يتقلص اما نقاب الستر بدى يزيد يعني الغالبيه الحين لي تنقبت تنقبت عشان الستر ورضى الله مو عشان الاهل

 

[‘‘‘اسما ‘‘‘]

والله كلامج صحيح بس هالاستنكار من النقاب تلقينه اكثر شي في الاماكن اللي اكثر روادها فري وتفصخ
وفي شي اكبر من الاستنكار بالنقاب وهو النقاب اللي يخرع اللي يكشف اكثر من انه يستر مطلعين العيون والحواجب وال من العبايه تلمع من الشغل اللي فيها
ومسكينه اللي لابسته على بالها حلوه بس نظرة الناس لها نظرة استهزاء لان هالشي مو للستر
بس الحمد الله المستترات موجودات واهم اغلبيه
الله يسترنا بستره مع احترامي للكل ​