العرس بعد شهرين والمهر ماجابوه

[بنت الاترجه]

الفزعه بنات العرس بعد شهرين والمهر للحين ماجابوه:yaaaaaarb:بليز شنواسوي علشان مافيه وقت شنوتنصحون فيه علشان اذا جاء المهراكون عارفه وين اروح محتاره حيل فزعتكم بنات لاتخلوني

 

[معزوفه حنين]

الله يعينج قلبي

اولاا شي ابدي العناايه بالجسم والتغذيه الصحيه على ما يجبون المهر

واول لما يجبون المهر على طول قسمي مهرج وروحي احجزي الثوب الابيض واشتري الذهب وبعدين ابدي بالدراريع وبعدين ابدي عااد
بالقمصان البيت والشششوز والجنااط والاكسسورات سهالات ان شاء الله

موفقه قلبي

 

[مهآآآآآ]

ياحياتي انتي نفس حالتي
انا نفسسج بعد شهرين ومن فتره جابوه لي
واركض ركض :eh_s(2):

تعبت لكن خلصت شغلات واجد
بس الشي اللي تحسسفت ماسويته
اني ماقسسمت
من الربكه اركض واصررف
واخر شي اكتشتف اني لعبت بالمهرر
في امور ما احتاجها وخليت المهم

موفقه وسهالات يارب
لاتحاتين اهم شي

 

[متوترة]

ماقصرو البنات

الله يوفقك حبيبتي يارب

انا بعد شهرين الله يعين بس ...

 

[بنت شتره]

سهالات وعادي

انا جابولي المهر قبل عرسي بشهرين
وجهزت احلي تجهيز الحمدالله

روحي رشا الحافظ واختاري نفنوفج او ام خالد الفوزان
والمسكه بياع الورد
وقسمي فلوسج
يعني ظرف ملابس داخليه وبجامات
وظرف عطور+مكياج
وظرف ملافع وعبي
وظرف داريع (طلعي لج موديلات من النت دامج فاضيه هالايام
وظرف جناط+ وجواتي واكسسوارت
وروحي احجزي لصالون
ودشي شوفي تجهيز العرايس وراح تتذكرين

والله يوفقج

 

[مهآآآآآ]

بنت شتره سؤال < داشه عرض
تكفين كفاج شهرين كنتي تطلعين صبح وليل
انا مثل حالتج واحس اني تعبت الحين حيل حيل :eh_s(2):
وكله اقول مافي وقت

 

[ASOMA]

الله يعينكم عراااايس ​

 

[Monaliz]

المفروض امج تكلم ام المعرس وتقول لها يجيبون المهر عشان يمديج تجهزين

 

[bride2011]

الله يعين احيانا اهل المعرس مايحسون بالعروس عبالهم الدنيا مثل اول
المهم من الحين افتري وشوفي لاتقعدين ايدي على خدج افتري ونقي بدله وحطيها براسج ونقي ذهب وحطي ببالج واذا موظفه وعندج فلوس روحي اشتري البجايم والقمصان طلعي موديلات دراريع وافتري على الخياطين يعني تجهزي اول مايجي المهر تروحين سيده للاماكن الي تبينها بدون فرفره ومضيعه لللوقت يكفي شهرين بس ابدي من الحين

 

[بـلآكـ مآتدري]

عااااااااااااااااااادي حبيبتي لاتحاتين
اانا نفسج كله اقول مايمدي مايمدي والحين اضحك ع نفسي
باسبوع واحد خلصت ثلاث رباع اغراضي
انتي الحين تلعبين بنفسيتج وتاثرين عليها ع الفاضي

يوم عطور ومكياج ونصيحه لاتكثرين اخذي اللي متعودة عليه خاصه المكياج من دبنهامز او فيسيس او جشنمال عندهم تنزيلات لاخر 7
ويوم ذهب اذا حابه عندج المباركيه
ويوم جناط وجواتي ناين ويست وجناط اذا تبين ماركه الافنيوز كارولينا وقيس واذا تقليد شاكيرا وبازار
ويوم تحجزين الابيض ومسكة عندج انجفه او رشا او اتيليهات شارع البلاجات كلهم صفه وحده يم بعض
ويوم الاكسسوارات والكماليات بالمعارض والمقسمات عندج سرداب الشايع
ويوم الملابس الداخلية والقمصان والبجايم عندج لاسنزاا وايشو ونعومي وانور هذيل كلهم تلقينهم بالكوت
ويوم ملابس شقه عندج نيولوك وزاراا وماااكس وكلهم بالافنيوووز

شفتي ب7 ايام تخلصين ثلاث ارباع اغراضج
يباااا واللله سهااااالات بس توكلي ع الله
يبقا يوم ساااعات
ووالباقي عاد تفترين ع بدل الاستقبال هذا اللي يبيله شو

بس حطي ببالج ان بسبوعين تقدرين تخلصين كل شغلج
والله ماعنده سالفه اللي يقول مااايمدي بس يلعب بنفسيتج ع الفاضي

واي مساعدة او اسئله انا حااااضر
تقبلي مروووري

 

[سارة العجمي:]

يا حياتي لاتحاتين صدقين بتخلصين كل شي وانتي الحين لاضيعين وقتج روحي افتري وشوفي و اول شي اذا جاج المهر ابدي بحجز النفنوف الابيض وشغل اول ليلة كله بعدين بالدراريع يبيلج عليها اسبوع او اسبوعين اما الشوز و الجناط والقمصان وبدل الشقةو المكياج والعطر هاذا ماراح ياخذ منج الى اسبوع واذا كثر عشر ايام و ابدي من الحين بالعناية بجسمج وبشرتج وخلي امج اتكلم اهل المعرس وختقولهم عشان يمديها تحجز النفنوف الابيض و المصورة والله يوفقج

 

[baby qa6wa]

upupup

 

[7bebt 3bod]

الله يوفقج
البنات ماقصرو وان شاء الله يوصلج المهر بأقرب وقت

 

[a7la_7b]

الله يعينج خلي امج تكلمهم عشان يستعجلون

 

[hadoy]

الله يوفقج اللحين روحي افتري علي الاتليهات لان البدله البيضا اهي اللي يبيلها فراره صج
والباجي سهابات بنت عمي خلصت جهازها كله بشهر
ورفيجتي بين الملجه والعرس اسبوعين خلصت لاتحاتين بس الله يسهل لج امورج

 

[كويتية فاهمة]

حبيبتي سهالات والله..
انا عرسي بعد 3شهور ان شاءالله والمهر بييبونه بعد شهر ان شاءالله

هدي اعصابج..

وبس روحي وفري الســـــــــــــوق...


وماله داعي امج تدق عليهم يالغالية

احنا عراايس نفسج

أكثــــــــــــــــــــــــــري من الاستغفار..
ولاتقعدين استغلي العطلة وطلعي وشوفي

 

[أميرة 22]

اذا انتي موظفة ويمشي لك راتب عادي تجهزين من راتبك

أما اذا لأ ..

من الحين نظمي اغراضج بورقة .. وقلم عشان اول ما يوصل المهر
تعرفين وين تروحين وتشترين

مووووووووفقة سهالات ولا تحاتين ..

 

[lo0o0ol-81]

ربي يوفقج ان شاء الله ... وصدقينى ترا التجهيز سهل ومايبيله شي لو تقسمين شغلج كل يوم تخلصين فيه شي تلقين نفسج باسبوع خالصه


وربي يوفقج ويبارك لج بوقتج

 

[غنآآآتي]

سهالاات يا قلبي رفيجتي بعد تو جابوا مهرها وعرسها شهر 9 ان شاء الله واهمممم شي اذا جابوا قسمس المهر وخلصي الاساسي والمهم والباقي سهالات بإذن الله
والله يهنيج يا قلبي

 

[noody a&a]

أي شي من صجج


ليش متى مالجين


المفروض اول ماتملجين تستلمين المهر


الله يعينج