العيد و الملفع و الشعر.. بليز هلموا

[seedo]

اشلووووووونكم بنات مبارك عليكم ما بقى من الشهر


حبيباتي سؤال يراود تفكيري ... اللي يلبسون ملافع شنو ستايل شعركم بالزواره بالعيد .. بالنسبة لحمولتي لابد البس ملفع لما ازورهم .. فشنو التسريحه اللي تمشي مع الملفع لاعت جبدي من الكلبسه مالت الشعر ودي أغير ؟؟؟


بليز نبي صور و تجاااااااااااااارب

 

[يآلبى ضحكتي:$$]

مآفهمت حبيبتي يعني آتقطين آحجآبج ولآ آتمين بحجآبج
\
آذآمآتقطينه لبسي لفه آسترج وخلي شعرج من جدآم شوي آيبين سوي بفه من جدآم لوول

ولمي شعرج بشبآصه آلورده لووول بس صغيره آتكون عشآن شوي تنتفخ آلشيله من تحت وبث



وآذآ آتقطينه سوي جذي

بس هذي حييييل مرفوعه شوي نزليهآ


آو سوي ويفي على آلخفيف وفرقه

وبث


​

 

[seedo]

مشكووووووووووره على الرد ... حلوه فكرة الويفي !

لا اقصد الملفع علي و بنفس الوقت يبين الشعر من قدام أبي رفعه اتبين الشعر بشكل حلو و بفه من ورى غير الكلبس اللي تخلي الوحده لها راسين لوووووووووووووول

اشدعوة بنات وينكم ؟

 

[krkooora]

سوي تسريحه ناعمه كبه حلوة صغيرونه من ورا و نزلي قذلتج من جدام وبس خلاص ناعم و حلو و لايق على العيد

 

[أميرة طفولتي]

امممممم
يعني تبين اتمين بالشيله
ونفس الوقت تبين حركه بشعرج ؟!!

اذا جذي ماراح يبين من شعرج شي
بس اذا زوارتكم بس حريم
قطيها وسوينفس الصوره الي حطتها الاخت
او ويفي مثل ماقالت مع فرق بالنص

واذا تبين اتمين فيها مو ناويه تقطينها
لبسيها نفس السعوديات
بس عاد ماعرف اشرح شلون يلبسونها هههههه
يطلعون بكله جدام وتكون طايحه مو مصروره عالويه

 

[أنفاسي دخون]

ما عندي فكره والله

حنا ما نلبس ملفع بالاعياد والمناسبات

 

[شندوخه]

مافهمت انتي شنو تبين بالضبط ؟
شلون يبين شعرج وانتي لابسه الملفع ؟

 

[منتهى الرقة]

والله طلعت من موضوعج ورديت ..عورني قلبي عليج انج تتعذبين عشان شويه شعر تبين تطلعينهم لرياييل مو محارمج..
اختي اذا انتي متحجبة ماله داعي تطلعين شعرج .. في شيل او ملافع وايد حلوة وكشخه وتناسب العيد وصدقيني بتطلعين حلووة لو تلبسينها بدون ماتطلعين شعرج..
وانتو الكويتيات ماشاء الله حلوة لفاتكم للشيل (الملافع) وكل فترة وفترة تطلع عندكم اشكال حلوة وموضات جديدة للملافع..
اتمنى ماتزعلين مني..
وكل عام وانتي بخير

 

[النفوس الوافيه]

اب اب

 

[seedo]

والله طلعت من موضوعج ورديت ..عورني قلبي عليج انج تتعذبين عشان شويه شعر تبين تطلعينهم لرياييل مو محارمج..
اختي اذا انتي متحجبة ماله داعي تطلعين شعرج .. في شيل او ملافع وايد حلوة وكشخه وتناسب العيد وصدقيني بتطلعين حلووة لو تلبسينها بدون ماتطلعين شعرج..
وانتو الكويتيات ماشاء الله حلوة لفاتكم للشيل (الملافع) وكل فترة وفترة تطلع عندكم اشكال حلوة وموضات جديدة للملافع..
اتمنى ماتزعلين مني..
وكل عام وانتي بخير

اول شي مشكوره ع النصيحه .. بس هذي قعدة حريم ماكو رياييل و بنفس الوقت ممنوع الوحده تقط ملفعها.. انا ابي حركة حلوة للشعر من قدام و بنفس الوقت الشيله علي.. عاد افهموها

 

[seedo]

مافهمت انتي شنو تبين بالضبط ؟
شلون يبين شعرج وانتي لابسه الملفع ؟

اختي ابي حركه للشعر من قدام و الملفع علي
وااااااااااااااي ما عرف اشرح :eh_s(11):

 

[al-7nona]

اب اب

ان شاء الله البنات مايقصرون معاج

 

[3la-q8']

مااااكو غير بف وتحطين قذله على صوب او مثل ما قالت يالبى ضحكتي

شووفي امل العوضي ومريم حسين ومذيعات دبي شلون لافينها

 

[seedo]

اي والله يبيلي اطق فرة على مذيعات دبي لووول

يسلمو حبي

 

[Mrs_Orchidia]

الصراحة ما فهمت شتبين .. بس انا بالعيد عندنا بالبيت افنتق بشعري و اذا دشوا الرياييل البس ملفعي و خلاص
و انا ما اسوي شي .. لا احط بفه و لا شي
حتى شعري من جدام ما اطلعه .. بالله ليش متحجبه؟

 

[seedo]

قصدج نفس هالصورة؟ والله حلوة :rerrerek:

 

[seedo]

الصراحة ما فهمت شتبين .. بس انا بالعيد عندنا بالبيت افنتق بشعري و اذا دشوا الرياييل البس ملفعي و خلاص
و انا ما اسوي شي .. لا احط بفه و لا شي
حتى شعري من جدام ما اطلعه .. بالله ليش متحجبه؟

مشكورة ع الرد.. بليز بنات انا قلت من الاول يمعت حريم يعني مو معقولة متحجبة بطلع شعري لا وانا منقبه بعد:bbbiu: احنا يمعت الحريم ممنوع اقط الملفع هذا ستايل حمولتي بعد شسوي..:eh_s(10):

يا حبكم لسوالف الافتاء :eh_s(4):

 

[Mrs_Orchidia]

مشكورة ع الرد.. بليز بنات انا قلت من الاول يمعت حريم يعني مو معقولة متحجبة بطلع شعري لا وانا منقبه بعد:bbbiu: احنا يمعت الحريم ممنوع اقط الملفع هذا ستايل حمولتي بعد شسوي..:eh_s(10):

يا حبكم لسوالف الافتاء :eh_s(4):

انا ما افتيت

انتي ما وضحتي شنو تبين بالضبط من اول الموضوع .. و آسفة اذا ضايقتج

 

[seedo]

لا عادي حبي ما صار اللا الخير .. صح كلامج ما وضحت من البداية

حياج الله

 

[Laidy n3ooma]

مادري والله

احنا نظامنا بقطر نكشخ ونسوي شعورنا ونطلع بعبي وملافع ولما نوصل بيت يدتي ولا بيت عمي (مكان التجمع ) نفصخهم

يعني مو معقوله اتم بشيلتي