العيش البنفسجي اللذيذ مع الدياي المشوي الاحمر

[ريمه الكويت]

ابدي بالعيش البنفسجي

المقادير حسب كميه العيش الي بتسوينها


اولا تغسلين العيش وتنقعينه نص ساعه


ثانيا تاخذين ملفوف بنفسجي حجمه وسط وتقصينها 4 او 6 قطع كبيره

وتفوحينها بماي كميته الي تغطي العيش الي غاسلته لانا راح نجبس العيش فيه


بعدين نصفي العيش عدل من الماي ونحط بجدر قفشه زبده مع ربع كوب زيت نحميه ونحط حبتين هيل وحبه ورق غار وحبه يانسون صيني وقطعه دارسين( قرفه) و4 حبات مسمار ونقلبهم ونكب عليهم العيش ونقلبهم مع بعض عدل بعدين اخذي ماي الملفوف وكبي على العيش بحبث يغطي العيش باصبعين تقريبا وحطي الملح عليهم وخليه ينجبس ويتشرب ماي الملفوف وقصري عالنار ويفضل تحطين قطعه حديد تحت العيش ولاتنسين حطي فوق العيش شويه زيت وهذي النتيجه






اللحين الدياي المشوي لازم نتبله قبله بليله

تقصين الدياي بالنص قطعتين وتفركينه بكركم وتغسلينه بعد ربع ساعه

التتبيله

ربع كوب زيت زيتون+ عصير برتقاله+ على الديايتين حطيت علبه معجون طماط الي بيسوي ديايه يحط نص العلبه+ ملح وفلفل اسود ورشه دارسين بسيطه واوريجانو ورشه كركم وقفشه دبس رمان

كلهم حطوهم بالخلاط بعدين شرحو الدياي بالسجبن ورشو عليها التتبيله

باليوم الثاني حطو الدياي بصينيه فرن مع نص التتبيله عليها وغطوها بقصدير ساعه الا ربع الى ساعه حسب حجمها

بالاخير شيلو القصدير ودهنو وجه الدياي بشويه زيت زيتون وقفشه معجون طماط وخلوها تتحمر بنار الشوايه

وهذي النتيجه



صحني

​

 

[فواصل]

شكله غريب!


تسلم يدج يا حبيبتي

 

[حلوة ومملوحة الكويت]

لــــون وتحمـــــش الدجــــاج يشـــوووق
تســــلم ايـــــدج
ومبــارك عليج الشــهر ان شـــاء الله
،،،،​

 

[أحلى همبه كويتية]

يسلموووووووووو ريمة
عليكم بالعافية حبيبتي
ومبارك عليكم الشهر
وكل عام وانتوا بخييييييير

 

[ديماا]

لون العيش واااايد حلووو تسلم ايدج ومبارك عليج شهر رمضان والله يعيده عليكم وعلي كل المسلمين ياااا رب

 

[الزورق222]

تسلم ايدينج
بس مااتوقع اللى عندى يتقبلون الحداثة والعولمة حتى لو كانت صحن عيش ... والله يلفونى بكيس ويقطونى ببحر ..
يجب علينا المحافظه على العادات والتقاليد الرزية ههههههههههه

 

[جارة القمر]

مشكوووووووووره ريمه



وتسلم ايدج

 

[الهاجريه]

تسلم ايدج شكل الاكل اشهي
بس الملفوف ما يعطي طعم حق العيش

 

[Mjnont '3lay]

شلون طعم العيش ؟؟
وعليكم بالف عافيه حبيبتي
ومبارك عليكم الشهر

 

[تبطي عظم!]

طعم العيش شلوون

ودي افنتق بس اخاف الطعم محد يتقبله !!

 

[شقاوتي غير]

دااااااايم من ابدااع الي ابدااع

يعطيج العافية

وشلون طعم العيش ؟ الملفوف مايعطي طعم ؟1

 

[ريمه الكويت]

شكله غريب!


تسلم يدج يا حبيبتي

العفوووووووووووووو

 

[ريمه الكويت]

لــــون وتحمـــــش الدجــــاج يشـــوووق

تســــلم ايـــــدج
ومبــارك عليج الشــهر ان شـــاء الله

،،،،​

يسعدني مرورج ويشرفني ردج

 

[ريمه الكويت]

يسلموووووووووو ريمة
عليكم بالعافية حبيبتي
ومبارك عليكم الشهر
وكل عام وانتوا بخييييييير

 

[ريمه الكويت]

لون العيش واااايد حلووو تسلم ايدج ومبارك عليج شهر رمضان والله يعيده عليكم وعلي كل المسلمين ياااا رب

<A href="http://www.9ori.com/media/images/92723797b2.gif]

اللهم امين

 

[ريمه الكويت]

تسلم ايدينج
بس مااتوقع اللى عندى يتقبلون الحداثة والعولمة حتى لو كانت صحن عيش ... والله يلفونى بكيس ويقطونى ببحر ..
يجب علينا المحافظه على العادات والتقاليد الرزية ههههههههههه

وي الي عندي نفس الشي بس وايد عجبه العيش طعمه عيش هندي من البهارات
<A href="http://www.9ori.com/media/images/03db311393.gif]

 

[مـلـآذ الخـوآطر]

يعطيج العـآآفيه
تسلم أيدج​

 

[ريمه الكويت]

مشكوووووووووره ريمه



وتسلم ايدج

مبارك عليكم الشهر

 

[ريمه الكويت]

تسلم ايدج شكل الاكل اشهي
بس الملفوف ما يعطي طعم حق العيش

لا ابد بس لون الطعم بهارات بس

 

[ريمه الكويت]

شلون طعم العيش ؟؟
وعليكم بالف عافيه حبيبتي
ومبارك عليكم الشهر

لاطعمه كله بهار ماياثر الملفوف عالطعم مجرد لون