العيـــــــــــــــــــــــــــــد الوطنـــــــــــــــــــــــــــي

[أم منيرة]

مرحبا ابلاتي شلونكم حبيباتي00 بسرعه بسرعه :ada:[I فكرتوا شراح تسوون حق العيد الوطني واللي يعافيكم اللي عندها فناتك يديده تنفعنا وياها ولها الاجر والشكر الجزيل منا00[/I]

 

[nero]

انا علي الخبره بس ما فكرت بشي ليما الحين

 

[COOCOO-STYLE]

مثل شنو تبين ؟ اقصد تبين موضوع او مسابقات او هدايا ؟

 

[عهود الحب]

البنت اتوقع تقصد الاحتفال بالمناسبة
كـ نشاط صباحي او حفلة او تزيين



بالونات بألوان العلم وشوية تور ملون بنفس الالوان او تخلينه لون واحد ويصير تزيين للواجهة كمسرح او مدخل للفصل او الروضة
عند ابومية الاعلام اشكال والوان واحجام
ملينا من لبس العلم المنفوش هههههههههههههههههههههههه
بلبسهم هالسنة تي شيرت لون موحد واطلب منهم يبدعون بتزيين روحهم من اعلام وكبابيس واكسسوارات البنات تلاقونهم بالهبل
من الحين نزلوهم ترى


ممممم شقول بعد
بس بودي اضيف نقطة
احلى مناسبة بالسنة عيد التحرير

يذكرني بأيام الغزو وفرحة التحرير والابار المحترقة والجو المغيم بالتلوث وكان على جبودنا عسل صافي
يذكرووني الاحتفالات بالاغاني الي شاعت وقت التحرير واغلى اغنية على قلبي اغنية راجعين يا اغلى بلد
يا كويتنا يا الحبيبة يا ااغلى مافي الوجود



بطقها بجية الحين ههههههههههههههههههه

 

[أم سعـود]

عهوده احب افكارج وااااايد




ام منيره انشاءالله تكونين استفدتي

 

[Programmer.Girl]

حبوبه دزيتلج افكار من شغلي على الخاص

جيكي عليه

 

[زمن الود]

دزيلي انا بعد

 

[DoOoOoha]

دزيلي انا بعد

وتسوين خصم حق كميه ؟؟؟

مشكووووره

 

[راقية باخلاقي]

البساطه حلوة

احنا نلبس الاطفال علم من بيتهم كل واحد وامه ونحط اغانى بالنشاط ونسوى لهم مسابقات بالنشاط

وسلامتكم

 

[saroona-84]

حلوة فكرتج عهود بالنسبه للملابس عجبتني وتقدرين قبلها بيوم تخلين الاطفال يرسمون على التيشيرتات علم الكويت او بصمه ايدهم بالون العلم
دخول الاطفال اكيد على اغنيه وطنيه وليتات تكون مسكرة واذا عندكم داتاشو سويلج عرض صور عن هالمناسبة
اما المسابقات فمثلا تخلين الأمهات يسون توست مزين بزيتون اسود وطماط وخيار ولبنه (شكل علم الكويت) ومنو الاسرع
تحطين الاستاند مال المرسم وتحطين رسمه علم ومسابقه بين طفلين وامهاتهم منو يزينه او يلونه
امممممممممممم بعد شنووو
بس قفل مخي
خلونا نشوف افكاركم بنات

 

[عهود الحب]

حلوة فكرتج سارونة
مممكن تسوين لوحة كبيرة قبل بيومين جي انتي وعيالج
او تطلبين مشروع او لوحة عن الكويت وتسوين معرض وتختارون 3 لوحات فايزين
سويناها سنة وكان روعة الاهالي بدعوا
وفي بعد فكرة سوينا من احلى فصل بالتزيين واحلى لبس وطني
ممكن تلبسينهم لبس موحد تي شيرت اسود من البيت و العلم على شكل شال عالخصر للبنات والصبيان وشاح
اتذكر مرة صرنا دفاشة وصجة ولجة انا ووليات الامور
وسوينا مسيرة مع البخاخات والزمامير والصفقة انا وعيالي
من الصف للنشاط هههههههههههههههههههههههههههههههه
صراحة كنا عقديشن وهيلق
بس مع اللواليش والتصفيق كاااااااانت حركة اخر جدعنة
خصوصا انه في معانا ولية امر فرفشية وتحب الرقص وانا بعد مافيني قصور
بدقيقة اقلب فيفي عبدة البدو :/
اشرايكم فيني هههههههههههههههههههههههههه
يافضيحتي بجلاجل جان احد عرفني :dddds:

 

[عهود الحب]

ممكن تسووووووون قهوة شعبية وتلبسين الجهال لبس القهوجية ويكون عبارة عن دشداشة ووزار والغترة جرمبى
وتحطين لوازم القهوة شرط السكاين التقليدية ام نقطه حمرة عرفتووووووووا
والبنيات تقعدينهم بالعباية والملفع ياحلاتهم وخليه صج صج ركن قهوة شعبية شزينة وشحلاته اذا انتوا نظامكم اركان بالهوا او بالمسرح

وممكن اذا فقرة كوميدية سووا فقرة اقرع مقيرع طاح بالطاسة والحلاق وحسين عبدالرضا والصبي وحطي فوق راسه كشة
شكبرها عشان تاخذون راحتكم بالقص والمنظرة وجهزي واحد بكريشة ويقلد الفنان الاصلع نسيت اسمه الللي دوره حلاق كان نكتة
وهم حطي كورال ورى ببشوت ونظارات شمسية ومسابيح شحلاتهم والله حلوة حيل هالفقرة


ممكن بعد فقرة شيلي قشج وطلعي من بيتي ياحلاااااااااااااتها اتوقع ماااتنسي
جيبي خروف صجي { الاصخلة } ولبسي البنية ثوب مسرح الي يجي تور جنها صج ام عليوي
والاوليد لازم يكون عصبي ويقلد حركات اللويس

يازين هالفقرة والله



اااااااااااااايييييييييييييييه ياحزم الظامي تهيضت للماضي اللذي كان
< اشفيها ام عليوي :dddds:
ههههههههههههههههههههههههههههههههههههه حاشتني حالة ياحلاااااااااات العيد الوطني

 

[أم منيرة]

يعطيكم العافية صراحه كلكم افدتوني وافكاركم عطتني افكار زياده ومشكورة ياسيدة الاعمال على المسج الخاص

 

[saroona-84]

عهود مت من الضحك على فيفي عبدو البدو هههههههههههههههههههههه
يعطيج العافية يامبدعه

 

[دانة-الكويت]

up up

 

[اللمسة المخملية]

up up up

 

[دانة الأمورة]

السلام عليكم خواتي
ممكن للنشاط الصباحب أو للحفلة تسوين تمثيلية بسيطة عن الغزو ممكن أطفال ماسكين مسدسات و بعدين يدشون الجيش الكويتي و يقاتلون و بعدين تخلين اغنية عبدالله رويشد أنا كويتي .......
مع عرض بوربوينت للغزو الغاشم على الكويت
أو رقصة خفيفة يقدمونها الأطفال عن الكويت
شرايكم بالأفكار بدت تنهل

 

[:: عائشه بقلبي ::]

البساطه حلوة

احنا نلبس الاطفال علم من بيتهم كل واحد وامه ونحط اغانى بالنشاط ونسوى لهم مسابقات بالنشاط

وسلامتكم

 

[روح البخور77]

ممكن تحطين كورنر كله اكلااااااااااااااات كويتيه مثل باجله ونخي ودرابيل وبقصم وتمريه وزلاابيه وغريبه وغيررررررررررررررره من الاكل ويكون بصحون شعبيه هذا واحد.................... 2 كورنر نقش حنه......................3 كورنر رسم عالوجه علم الكويت ماكو اسهل منه...............4 تسوين مسيره من النشاط الى الساحه والاطفال معاج على اغاني وطنيه حدها وناسه احنا العام سويناها.................5 مسرحيه خفيفه بسيطه عن حب الوطن .....................6 مسابقات للامهات قطاوي وامثال كويتيه ووزعي الهدايه اشيا كويتيه قديمه او اكل كويتي او اي شي يتعلق بالكويت.........................وسلامتج

 

[عهود الحب]

ياززيييييييين العيد الوطني ياناااااااااه يازينه زيناه
اي بالله
اما فيفي عبدو البدو مشكلة ههههههههههههههههه




شوفوا يابنات

نصيحة
اي شي له علاقة بالطيخ طاخ مال الغزو لاتسووونه


ترى ممنوع تنكدون عالجهال بيوم فرحتهم وتقلبون مواجع المخضرمين الي مثلي ومثل المدرسات والاداريات بيطقونها بجية
ويسيح الكحل
وتصير مووووووووووشي بيوم وناسة


كلش موشي



وخاصة انه اي شي له علاقة بالغزو محذوف من مناهجنا

ومايبونا نذكر الاطفال بتاريخ صداموه الاسود
ياناس سامحوهم عاد عادي ماصار شي شفيكم قلبكم اسود سامحوهم اخوانا العراقيين
انسوا انسوا انسوا اي شي له علاقة بالغزو
موزين لاعصابكم وحواجبكم تتعبون بعدين خلكم ريلاكس عالاخر وانبسطوا بس