الغاء التوجيه الفني

[أوركيد]

السلام عليكم ..

سمعت خبر وتم تأكيده في بعض المناطق التعليمية ...

انه راح يلغون التوجيه عن المدارس الكورس الياي ..وطبعاً صار فيه بعض الاحتجاجات من الموجهات..

((( ملاحظه آنا أتكلم عن رياض الأطفال )))

والدليل انه لحد الآن الموجهه ما كتبت تقارير المدرسات الكورس هذا !!!!

مشرفتنا تقوول انه احتمال يكون دخول الموجهه على الضعيفات من المعلمات أو انه يكون بإيدها 20 درجه بدال ال 40 !!!

ما ادري اللي عندها خبر >>>>> خبرينا :gathering:

بصراحة اتمنى يكون الخبر صحيح ...

 

[لباس التقوىk]

مااعتقد حيل متفائلة لووووووووووووووووووول

 

[هوى الدار]

انا سمعت بعد بس مو الروضه مادري عنها لا المراحل الباجي والله اعلم

 

[منورة]

احسن وانا مستغربة بعد احنا للحين ماسووا تقارير المدرسات وباجر فية اجتماع مع الموجهة يمكن تبشرنااااا لووووووووول

 

[ضحـاوي]

اهلين اوركيده شلونج

احنا بعد ما سوينا التقارير هالكورس لي الحين

التقارير الحين غيرو النموذج والبنود وفي مدارس حصلت القديم وخلصوا شغلهم

وفي مدارس لي الحين ما وصلها شي لان القديم خلص وناطرين النموذج اليديد

لكن الاغلبيه ما استلمو القديم ولا اليديد وناطرين عالكورس الياي ان شالله يستلمونه

ومدرستنا من المدارس الي لي الحين ما كتبو التقارير بعد

وسهالات

 

[rr202rr]

واحنا بعد ما كتبو التقارير وما اتوقع يلغون التوجيه هالسنه لان القرارات تطبق من بداية السنه بس
مو من نصها
واللي تتأكد تبلغنا

 

[لباس التقوىk]

سالت المشرفة اليوم قالت مافي الغاء بس التوجية ناوي يزيد بنود علشان ماتاخذون امتياز ولاتتنفسون هواء

 

[بنت-أمها]

اول الموضوع استانست واخر رد قبل ردي ضيق خلقي لوووول

والله ياريت يشيلون التوجيه

 

[smily]

ماسمعت بهل الشي!!!

ما اتصور لأنه بروضتنا كتبوا التقارير و قريناهم بس الي لاحظته انه العادة ندخل كلنا نقرأ التقارير بيوم و نخلص هل المرة لا في مدرسات للحين ما شافوا التقرير !!!

 

[nero]

امبله اليوم الناظره قالت .. كنت بوريكم بس غيرو التقارير .. والي انكتب بيتكنسل
وينطرون الفورمه اليديده عشان يغيرونهم..

 

[smily]

@@

من صجهم !! لا ينّو و قعدو

 

[om_omar]

انا اشتغل بالتوجيه في احد المناطق التعليميه وسمعت مره الموجههين يسولفون بهالموضوع بس مو متاكده بالضبط شنو بس اعتقد انهم يايكون دورهم اشرافي فقط او تقييمكم بكون من المدرسة فقط

 

[ArEEj]

أنا سمعت بيلغون التوجيه
بس على السنه الجايه
طبعا انا متوقعه انها اشاعه
بعدين الموجهات منو يغثون ؟؟

 

[أوركيد]

حيام الله بنات كلمن

ضحاوي ..آنا بخير ياقلبي ..انتي شلونج..

سالفة التوجيه أكدتها مشرفتنا ..وآنا شفت تقريري ..بدون توجيه الموجهه ولا رايها ...

المهم..

التوجيه في طريقه للإلغاء ولكن بعض المناطق التعليميه (الموجهات) معترضين !!!

والسبب مثل ماقالت لنا المشرفة أنه بالدستور الكويتي ((الموظف يقوم بتقييمه وتوجيهه 2 من الرؤساء اللي فوقه ..مو 3 مثل اللي حاصل الحين !!))

طبعاً الكارثة انه هالكلام يكون صج ...وتوه ينتبهوون له !!!

ما أدري ..توقعاتي انه ماراح ينشال التوجيه ..بس راح تكون صلاحياته محدودة..

الله كريم

 

[math2020]

اول مرة اسمع

 

[mooomooo]

ننطر ونشوف

بس تبون الصراحه

ماله داعي الموجهه وحتى لو قلنا عادي نقدم اللي نقدمه بس لها رهبه لما الموجهه تدش الروضه

تصير لويه وحوسه

والجدول ينعفس فوق تحت عشان جذي اريح لنا من غير توجيه

وان شاء الله يكون صج

ماشاء الله عليهم توهم يكتشفون

 

[منورة]

حيام الله بنات كلمن

ضحاوي ..آنا بخير ياقلبي ..انتي شلونج..

سالفة التوجيه أكدتها مشرفتنا ..وآنا شفت تقريري ..بدون توجيه الموجهه ولا رايها ...





المهم..

التوجيه في طريقه للإلغاء ولكن بعض المناطق التعليميه (الموجهات) معترضين !!!

والسبب مثل ماقالت لنا المشرفة أنه بالدستور الكويتي ((الموظف يقوم بتقييمه وتوجيهه 2 من الرؤساء اللي فوقه ..مو 3 مثل اللي حاصل الحين !!))

طبعاً الكارثة انه هالكلام يكون صج ...وتوه ينتبهوون له !!!

ما أدري ..توقعاتي انه ماراح ينشال التوجيه ..بس راح تكون صلاحياته محدودة..

الله كريم

اوركيد احنا للحين ماشفنا التقارير والموجهة تقول ليما توصل البنود الجديدة اشوفها جنها بتموت قهر الظاهر الغواااا دورها




المهم الحين شلون طريقة توزيع الدرجات

قبل الموجهة 40 والناظرة 40 والمشرفة 20

تتوقعين شلون يوزعون الدرجات


هو حلو يكون تقييمج من الادارة بس المشكلة لاطحتي بادارة ظالمة والمشرفات لايهشون ولاينشون اللي تقولة الست الناظرة يمشي >ــــــ<

 

[ابيار]

يا رب يكون صح
والله الواحد على الاقل ما يحاتي ييتها

 

[لباس التقوىk]

ياليت والله الصراحة بنفرح فرح مالها حد وبنهيص ونلعب لعب
خخخخخخخخ

 

[* @ * كرستال * @ *]

ان شاء الله يارب ينشال التوجيه ونصير تحت رحمة الناظرة

يافوووق ياتحت

وطبعا المشرفة ما تقدر تقولها تلت الثلث يساوي كام ؟


ــــــــــــــــــــــــــــــــــــــــ

ياريت يبقى دور التوجيه بالمنهج وبس

وتنلغي ورش العمل اللي ابتلشنا فيها

ماوراها الا العزايم وحب خشوم وتحيلق والنفاق

خلوا تقديم المحاضرات للمتخصصين وبلاش تفلسف

كل موجهة تنافس زميلتها الموجهة والتعب والركضة على المدرسات

اللي يفتكرون ان الاشراف بييهم بهالطريقة :krkrkr: ​