الغرفه الكتآبيّه لقروب .. لن يسبقنآ الى الله أحد 3... } .. !

[Q8.Bee]

نوف
اللهم اميييييييييييييييييييين يارب سبحانك قادر على كل شي لا اله الا انت انا كنا من الظالمين



واشوقاه بما ان يأذن 4 وثلث تقدرين تقعدين لي 2 ونص ههههههههههههههههههههههههههههه ....براحتكم


امي تقول


لا تشدون مره وحده عشان لا تملون تقول تعالو خطوه وخطوه .. مو من اجل الراحه لا والله عزمي واصري على القرب من الله والفوز بالسباق .. ومنها دربي قلبك تدريجيا على التمسكك بالدين والقرب من الله .. درجي لقلبك المسائل

واللي كانت تعمل ثلاث ارباع البرنامج بيكون عندها الموضوع سهل بإذت الله

 

[!! الواصليّـــــة !!]

واشوقاه .. ماعندي علم والله يجزاكِ خير

.

ام مصعب

كبيره والله في حقي ..
اللهم اغفرلي ما لا يعلمون و اجعلني كما يظنون .. {
،
ويشهد الله اني حبيتك في الله .. وكل ماشوف اسمك ينشرح صدري وربّي الشاهد ع هالشعور .
..

ماعليك زود

..

بدويه انا قايمه 9 الصبح بس عيوين اليو مما وراها نوم تقل كشافات .. بنطر لين 3 وابدي القيام واقرى القرآن لين اذان الفجر واصليها وتالي عاد مدري انام والا ارد اشبك << شسوي احبكم

.

 

[Q8.Bee]

الله معاج حمد بحفظ الرحمن ورعايته


انا بعد بنات بروح ارتاح شوي قبل القيام ذبحتني الكحه ..بريح شوي عشان اقدر اصلي

 

[بدويه هيبه]

الواصليه انا وراي دوام وبيني وبينج مااصلي هههههههههههههههههههههه ولاكان ودي اقيم الليل بس مالبيد حيله

استودعكم بنات ياحلااااااااااااا قرروب

فمان الله

 

[Q8.Bee]

بدويه فمان الكريم


ام مصعب حياج الرحمن نورتي

 

[ام مصعب السلفي]

نهى
ام مصعب

غيرت الرد لعيوون الكل (=

الى هناا ،، اقول لكم !

ادعواا لماما ،،


>>


عبره نااااااااااااامي ناااااااااااامي عند بيت خالتج خخخخخخخخخخخخخ

جزيتي الجنه يالغاليه هذا ان دل انما يدل على كرم اخلاقك

واسال الله ان يشافي امك ويعافيها ويجمع لها ما بين الاجر والعافيه

ويقر عيونكم بشوفتها بينكم وهي باحسن حال انه ولي ذلك والقادر عليه

 

[!! الواصليّـــــة !!]

الله معك .. يابدويه
كيكيكيكيكيكي حرام ماتصلي هههههههه << ماتخلّي سوالفها
بدعيلك غلاي
.

ام فطوم .. حبيلي خشم امك
صحيح كلامها .. بس احنا جد متحمسين انا احس بشووووووق فظيع ورب الكعبه هذا بفضل ربي ثم بفضل حروفكم اللي تغرس روح التنافس فيناا .

.

 

[واشوقاه]

الله معاج حمد بحفظ الرحمن ورعايته


انا بعد بنات بروح ارتاح شوي قبل القيام ذبحتني الكحه ..بريح شوي عشان اقدر اصلي

سلااماات ماتشووفيين شر ..

لاا من صجج اقعد ليي 2 ونص اذا قعدت اخااف مااقوم .. << اعرف نفسي :dddds:

ع الاقل استغفر بالنص ساعه هذي واريح شوي وازهب سجادتي وقراني واتوضى

واقرى اكثر من القران بعد صلاة القيام ..

 

[نور الكويت$$]

صباح الخير بنات..
شرفت الاخت ما اقدر اصلي

بنات سؤال مره وصلني ايميل..
يقول اذا اغتسلتي من الدوره صلي ركعتين في كل ركعه اقرى الفاتحه وقل هو الله احد ثلاث مرات..
المهم دورت عنه مصدر ما لقيت..
وكاتبين عن هالصلاه فوائد شكثر..
اللي عارفه بهالموضوع تفيدنا..

 

[mi$$ no0of]

بنووتاااااات ..

مثل ماأنتوا عارفين غرفتنا هذي عشان نحمممس ونشجع بعض ع الطاعة :eh_s(6):

وعشااان نفيد بعض بالمعلووماات الحلووة :eh_s(6): << أحسني أبلة وأشرح


وعشااان نبحررر في بحر القرآن العميق مع بعض:eh_s(6):

صدق القرآآن بحر أسراره ماتكفينا شهر .. ولا سنة .. ولا عشرين .. ولا حتى 10000000سنة ..

لكننا نحاوول نفيد بعض بالي نقدر عليه ..


وفي كل دورة جديدة إن شآء الله نجيب أشياء أجدد :eh_s(6):



ودنا نتعاون على تفسير وفهم بعض الآيات .. فاللي عندها استفسار بخصوص أي آية حتى لو قرت تفسيرها تحطه هنا ولاتتردد كلنا خوات نعين ونعاون..

وودنا بعد نثري موضووعنا بالإعجاز القرآني .. سواءكان تشريعي .. أوعلمي .. أو عددي .. أو حسابي .. أو لغووي ...الخ

اللي عندها آيات تتكلم عن الإعجاز لاتبخل على خواتها .. وياليت تكون الأيات من الورد اللي نقرآه يومياا عشان نستشعرها أكثر ..

وودنا بعد نتعررف على ربنا أكثر

نتعرف على أسمائه وصفاته أكثر

صح في صفات لها معاني وااااضحة وصريحة لكن قد تكون لها معاني خفية يجهلها الأغلبية ..

مثلا ..اسم الله عز وجل { الجبار }

لو تسمعين الاسم أول شي يطري عليك إن ربي هوو (الجبار اللذي يقهر الجبابرة بجبروته وعظمته )

لكن هو بالأصل له أكثر من معنى .. شوفي معي ..




الجبار له ثلاث معان:

الأول: جبر القوة، فهو – سبحانه وتعالى- الجبار الذي يقهر الجبابرة ويغلبهم بجبروته وعظمته،

فكل جبار وإن عظم فهو تحت قهر الله – عز وجل- وجبروته وفي يده وقبضته.

الثاني: جبر الرحمة، فإنه سبحانه يجبر الضعيف بالغنى والقوة، ويجبر الكسير بالسلامة،

ويجبر المنكسرة قلوبهم بإزالة كسرها، وإحلال الفرج والطمأنينة فيها،

وما يحصل لهم من الثواب والعاقبة الحميدة إذا صبروا على ذلك من أجله.

<<< أحب هالمعنى مررررة

{يارب اجبر قلووبنا وخواطرنا يااا جبااار}

الثالث: جبر العلو فإنه سبحانه فوق خلقه عال عليهم،

وهو مع علوه عليهم قريب منهم يسمع أقوالهم، ويرى أفعالهم، ويعلم ما توسوس به نفوسهم



قاللي مرت على اسم من أسماء الله الحسنى وأكثر فيها معناه تجي وتعلم خواتها



واللي كان لها موقف مع أي آية أو سورة في كتاب رب العالمين سبحانه .. وحست إن الآية تكلمها وتلامس قلبها تجي وتحكي لخواااتها ..

باختصاااار ..


نبي نعيش روحاااانية قرآآنية

 

[ام مصعب السلفي]

اختي بدويه كتب الله لك الخير اينما كنت

ليش ما تصلين حتى اذا وراك دوام صلي الحين تكتبي من القائمين

موشرط قبل الفجر بساعه لا تطوفين فضل قيام الليل صليها الساعه 12

كل يوم او قبل لا تنامين علشان لا يفوتك اجر كبير جزيتي الجنه

 

[ام مصعب السلفي]

اهداء الى وحده من هالدنيا وجميع الاخوات في القروب الذي جمعنا على الطاعه


ماقلت زورا حين قلت احبكم ،،،،، مالحب الا الحب في الرحمن


يفنى ويذهب كل حب كاذب ،،،،، وتبدل الاشواق بالاضغاني


اما اذا كان الوداد لخالقي ،،،،، فهناك تحت العرش يلتقيان

 

[*امووونه*]

الواصيلة وأم فطووووووم والخيالة أحبكم في الله

الله يجمعني معاااااااااكم بالجنه ان شاء الله

 

[@الخياله@]

الواصليه انا معااااااااااااااااااااااااااااااااااااااااااااااااااااااااااااااااااااااج باذن الله ..والله يجمعنا بطاعته وتقر عيني بشوووفتج بجناته انتي وكل البنات



الخياله بشريني عن صحه الغاليه أميمتج ؟؟؟

اهلا بمن اضوت لنااااااااااااا قروووبناا >>


الحمدلله فديتك ان شااءالله انهاا احسن بس دعوااتكم


اللهم ارزقهاا مايتمناه قلبهاا فالقريب العااااااااااااااجل ان كان فيه خيره لها >>

اضااوي >> الدلع الجديد ههههه
حياك الرحمن

 

[واشوقاه]

نور الكويت .. صباح النوور .. ماادري اول مره اسمع المعلومه هذي وان شاء الله اذا في وحده من البنات تعرف تقول لنا

مسس نوفا .. جزااج الله خييير ع المعلومه .. وان شاء الله كل وحده عندها معلومه ماراح تبخل علينا فيهااا



يلاا بنااات صارت الساعه 2



سبحانك اللهم وبحمدك اشهد ان لا اله الا انت استغفرك واتوب اليك

 

[بدويه ماتهاب]

مرحبا


تسيف الحال يالغوالي

برنامج موفق باذن الكريم

الله يجزاكم الجنه جميعا

ونسأل الله الاخلاص والقبول جميعا

 

[بدويـــة مودرن]

السلام عليكم ورحمه الله وبركآته ..~

بمآ ان المزيونه شرفت اليوم ..~

ف بتوآصل معكم وبقرآ الايآت من مصحف النت ..~


ونسآل الله التوفيق..~

 

[ام مصعب السلفي]

اخياتي حبيت اضيف على الجدول شغله اذا عجبتكم ضيفوها

حفظ اسماء الله الحسنى كل يوم اسماء بحرف مثل اليوم الاول حرف ألف

نحفظ اسماء الله بحرف الالف وثاني يوم حرف ب وهكذا

وانا راح انزل اسماء الله مرتبه بالابجديه تجميع الشيخ ابن عثيمين - رحمه الله -

والي عندها همه عاليه نحفظ احاديث الاربعون النوويه كل يوم او كل اسبوع حديث


كل اسبوع انزل حديث مع اسماء الله الحسنى بحرف معين ويتم حفظه والي تحفظ تكتب حفظته بنفس الصفحه


الي نذكر فيها الحديث ناطره ردودكم

 

[نور الكويت$$]

السلام عليكم ورحمه الله وبركآته ..~

بمآ ان المزيونه شرفت اليوم ..~

ف بتوآصل معكم وبقرآ الايآت من مصحف النت ..~


ونسآل الله التوفيق..~

وعليكم السلام نفس الحاله..
بقرى من النت واكمل حفظ البقره والله يعينا يارب عالحفظ..​

 

[.:. عبرة مُوادع .:.]

يا مال العااافيه يا بنات ، جزاكم الله خير

اعذروني تأخرت عليكم ، لظروووووووووف خاصه

عزالله كفيتوا ووفيتوا وصالي وخيالتي

،

بسم الله توكلنا على الله ولا حول ولا قوة الا بالله ..

به نستعين

ونسأله الأجر والقبول ..

ربنا تقبّل منّا انك انت السميع العليم

وتب علينا انك انت التواب الرحيم ..

..

يالله بنات نبي نشوف القروب أكثر حماس وطاعات

واهم شي لا تنسونا من الدعااااااااء

،

أختكم عبرة مُوادع