الغرفه الكتآبيّه لقروب .. لن يسبقنآ الى الله أحد 3... } .. !

[Q8.Bee]

اااااااااااه يال الخيالهه وربي لو تدرين شوقي لربي والله والله والله اني افكر في ربنا الليل والنهار وبرحمته لي و بيوم الحساب انه ما اجزع من رحمته

بس دوم اقول يارب اروح لربي مغفور ذنبي >>>مادري ليش بيصير لي ثلاث اسابيع احس الموت قريب ...مع اني ما احب الناس اللي تعيش في وسواس الموت


الحمدالله ماني خايفه من شي دام الرحمن هوربي بس ماودي اموت الا وانا حافظه القرآن ومعتمره وحاجه واكون داعيه لله .. واحفظ فطوم بنتي القرآن >>>يارب انت اعلم باللي بقلبي

 

[جنى q8]

بدويه بعد قلبي انتي

 

[بدويه ماتهاب]

ام فطوم الله يعطيتس طولة العمر وينولتس كل اللي في بالتس

ويخليلتس فطوم ويرزقها برتس

ولايتوفاتس والا وهو سبحانه راضي عنا وعنكم جميع

 

[&شواقة الكويت&]

قال تعالى"يا بن أدم خلقتك بيدي وربيتك بنعمتي وأنت تخالفني وتعصاني فإن رجعت إلى تبت عليك فمن أين تجد لك رب مثلى وأنا الغفور الرحيم"


أوحى الله لداود
" يا داود لو يعلم المدبرون عنى شوقى لعودتهم ورغبتى فى توبتهم لذابــو شوقا الي،، يا داود هذه رغبتى فى المدبرين عنى فكيف محبتى فى المقبلين علي"

خيااااالتووووو جزاج الله خيييييييير والله حييييييييييل يأثروووون بالنفس ....

سبحان الله عسى الله يرحمنا برحمته

 

[Q8.Bee]

جزاج الله خير
الله يخلي امج ويطول بعمرها يارب

الله يرحم امي ويغفر لها ولاخواني الاثنين وجميع موتانا وموتى المسلمين

يارب آنس وحشتهم وارحم غربتهم واغسلهم بالماء والثلج والبرد ونقهم من الخطايا كما ينقى الثوب الابيض من الدنس
وارحمنا اذا صرنا الى ما صاروا اليه تحت التراب وحدنا

ادري ضيقت خلقكم
بس الحمدلله على كل حال من الاحوال
مشكوره الخياله على الاحاديث الي حطيتيهم جزاج الله خير
فعلا محتاجين نجدد ايمانا

اللهم امين يارب العالمين

 

[@الخياله@]

جزاج الله خير اختي الخيالة على الاحاديث العظيمة اللي كتبتيها

الله يشافي والدتج ويردج بالسلامه ان شاء الله

ارحبي يالغلا ،،

امم مدري النك جديد عالقروووب ؟


شفتي فكرتنا ؟؟ ان شاءالله تنظمين معنا ؟؟

 

[Q8.Bee]

ام فطوم الله يعطيتس طولة العمر وينولتس كل اللي في بالتس

ويخليلتس فطوم ويرزقها برتس

ولايتوفاتس والا وهو سبحانه راضي عنا وعنكم جميع

اجمعين اللهم امين
جزاج الله خير


الله ينولج اللي في بالج يارب

 

[@الخياله@]

حبيباااتي ف الله

ليس القصد من الفواائد القرااءة فقط ،، فنحن يوميا نقرا ونقرا


ولكن ؟؟


!!

!!

؟؟


ماذا جنينااااااااا


القصد هو التدارس ،، وفهم المعاني والتدبر ،،

قرووبنا هذا مجلس ذكر ،، وأن اشتمل على ضحك وفله بحدوود الدين (=



أحبكم ف الله ،،


وجزاها الله من عشت معها احلاا مجلس ذكر في ايام رمضااان !

وكنت هذه الفوااائد تجديد للايماااااااااان ،،
لتعينناااااااا على طاعة الرحمن ،،




استودعكم الله اللذي لا تضيع ودائعه ؛؛؛

واسأل الله أن لا يرد لكم دعوة !!



فتكم بعافيه حبيباااتي (=

 

[جنى q8]

حياج الله الخياله
طمنينا على الوالده يالغاليه

وانا بعد خواتي الغاليات استودعكم الله الذي لا تضيع ودائعه
عندي دوام باجر
الله يوفقكم ويرضى عليكم ويستجيب دعاويكم
هو الكريم
هو الرزاق
هو العظيم

لا الاه الا الله

 

[.:. عبرة مُوادع .:.]

السلام عليكم ورحمة الله


كيف حالكم بنات ؟

 

[بدويه ماتهاب]

اررررحبي عبره


منوره يالغلا

حنا بخير انتي وشلونتس

 

[!! الواصليّـــــة !!]

..{

جنى ههههههههههههههههه استغفر الله قسم غشيت من الضحك ..
ذكرتيني بمفسر الله يذكره بالخير .. كل ما اقوله حلم يسألني متزوجه والا ؟ اقول لا
موظفه ؟ اقول ئيه
يقول
ترقيه او زواج
الله وكيلج 4 سنين ترقيه او زواج ؟
اخر مره بغيت اقوله اشرايك تتزوجني وتفتك هههههههههههههههههههههههههههاي
<< عادي سعودي يعني عز الطلب .. لبى قلوبهم والله

..



بدوية ماتهاب { ارحبي يالغلااااا .. انا ادعي انج ماتشفين من ادمانج وتبقين مدمنه ع طول

..

باقي البنات .. شلونكوووووووووووووووم ؟ عساكوووم بخير ؟

 

[&& النوري &&]

السلام عليكم ؟


أنا جديد بالقروب ودي اكون صديقه لكم ..

 

[&شواقة الكويت&]

ارحبن نفرا نفر ,,,,

 

[بدويه ماتهاب]

وصالو هلابتس ياغلااااي


منوره والله وانتوا اللي يعرفكم يقدر يخليكم؟!


على طاري المفسرين الله يغفر لهم ويذكرهم بالخير

دايم تفسيرهم تسذا خصوصا بطاري العرس انتي مو متزوجه اجل بتنخطبين خخخخ

وين صوصو تحب هالطاري ودي اسألها هاسؤال فسرت حلم من هالنوع هع هع

 

[!! الواصليّـــــة !!]

حياج الله يالنوري ..

نتشرف ونسعد بإنضمامج غلاااااااااااي

 

[بدويه ماتهاب]

شواقه البقا


حيها والله

 

[!! الواصليّـــــة !!]

دايم تفسيرهم تسذا خصوصا بطاري العرس انتي مو متزوجه اجل بتنخطبين خخخخ

تدرين ان تفسيرهم له حكمه ؟

اول شي لأن الرسول صلى الله عليه وسلم اوصى بالتفسير ان يكون ع خير بقدر مايستطيع المفسر

وثاني شي الله يجزاهم خير بيحدون من العنوسه:eh_s(6): لأن الرؤيه ع رجل طائر متى مافُسرت وقعت وهذا قول الرسول صلى الله عليه وسلم .يعني فسرتي الرؤيه زواج يصير زواج .. ترقيه تصير ترقيه وهلُمّ جرّا <<< قلت لكم لازم تختمها بفصحى هههههههههههههههه

 

[بدويه ماتهاب]

تدرين ان تفسيرهم له حكمه ؟

اول شي لأن الرسول صلى الله عليه وسلم اوصى بالتفسير ان يكون ع خير بقدر مايستطيع المفسر

وثاني شي الله يجزاهم خير بيحدون من العنوسه:eh_s(6): لأن الرؤيه ع رجل طائر متى مافُسرت وقعت وهذا قول الرسول صلى الله عليه وسلم .يعني فسرتي الرؤيه زواج يصير زواج .. ترقيه تصير ترقيه وهلُمّ جرّا <<< قلت لكم لازم تختمها بفصحى هههههههههههههههه

اييه معاتس بها النقطه واضيفي عليها انهم يفاولون بشي زين والعرس فالن زين

كان صلى الله عليه وسلم يعجبه الفأل

 

[.:. عبرة مُوادع .:.]

هلا بدويه انا بخير حبيبتي


،

واصليه انا مالي نصيب من دعائك ؟