الغش بالزواج

[زوجة عزيز]

الله يعينج صج اكره شي انه زوجج يخش عنج سر مثل هالشي وانه اهله غشوج تحسبي عليهم واذا انتي تحبين زوجج ومرتاحه معاه ترا العيال موكل شي ياما ناس عندهم اعيال ومومرتاحين بحياتهم لا اتفكرين بالطلاق خاصة اذا مثل مااتقولين مرتاحه معااااه

 

[~TRTR]

مسكورين بنات على ردودكم ماقصرتوا

اهله فعلا مايتعاشرون وعيوبهم اكثر من حسناتهم لدرجه ماتذكر حسناتهم وفوق غشهم يتدخلون يحياتنا بكل صغيره وكبيره شي خيال مو طبيعي لما طلعت سكنت برا وهم سوولي سالفه وطلعوني جدام الناس اني شينه وماحترم وموسنعه كل هذا عشاني مستغله وما امشي على شورهم ومزاجهم ناس حيل كعقده يارب لاتبلينا

سوالف اهله ماتخلص يبيلها موضوع ثاني كامل متكامل حسبي اللله ونعم الوكيل فيهم

الي مصبرني اهوا وفاهم اهله شنو حتى اهوا مومرتاح لهله كلش بس اخ ياقلبي ليش الغس والاستغلاليه !!!!؟؟؟ ومرات اقول بلاء الحمدلله وامي كل ماشافتني تتحسر الله كريم

 

[~TRTR]

سوري طوفوا البدليات لاني اكتب من كيبورد الفون

 

[سموو الأميرة]

انا حطيت نفسي بموقفج والله شفت الموضوع عااادي بس اللي يقهر صج ( اهــــلــــه ) انا مااحب احد يستغفلني
وحاااسه فيج وحاسه بشعورج فـ نصيحتي لا تخسرين زوجج , واهله سحبي عليهم ولا اطقين لهم كرت سلام ماسلام وبس خلج وياهم رسميه الا اللي تشوفينها تحبج وتحترمج , وزوجج يكفي اللي فيه دامنه حليو واسلوبه زين لاتخسرينه الرياييل احين مايلقون وانا اعرف وحده من جماعتنا ماحملت الا عقب 18 سنه والحمدلله مستانسه ومرتاحه وهذا نصيب واحمدي ربج




بالتوفيق

 

[جوك احلى جو]

داومي عالاستغفار ودوام الحال من المحال
وكثري من رب لاتذرني فردا وانت خير الوارثين اعرف وحده تاخر حملها واخر شي قالولها لو الطوفه انطقت انتي بتحملين علي بالج همها كلام الدكتور لااااااااا تقول ظليت استغفر وانا موقنه بالاجابه والحين عندها بنت

ووحده 8 سنوات مايابت عيال ماسكتت علي روحها وظلت تكرر الدعاء رب لاتذرني فردا وانت خير الوارثين والحين عندها 3 عيال شباب

رب يسعدج يارب ويعوضج توكلي علي الله سبحانه ماراح يخيب ظنج يارب

 

[انا لحبيبي .]

حقك تدايقي وتفكري بالموضوع لانه غش وكذب وبستغرب من الناس يلي بتخبي على قصه المرض ، اخرتورح يبين لشو تخبو ؟؟

بس اذا زوجك منيح وبتحبيه خليكي معه والحمدلله هادي حكمه ربنا انه يكون زوجك وربنا اله حكمه حتبين مع الزمن حبيبتي

الله يكتبلك الخير يارب العالمين بكل خطوه ،

 

[غآب نورك ~]

حبيبتي اذا جات على اهله طنشي لهم وماعليج منهم واهم شي انه ريلج يعرف اهله وسوالفهم
ماعليج الا من نفسج وريلج دامه انسان يستاهل تكملين معاه كملي

واذا ع سالفة اليهال اهو صج شي يقهر بس انتو حاولو بالعلاج مافي مستتحيل على ربي

والله يرزقكم الذرية الصالحــه

 

[امـ خــزامـى]

الله يفرجها ويرزقك

 

[الجادل الطرقا]

حسبي الله ونعم الوكيل
بعض الناس ما يفكرون إلا بمصلحتهم يعني إذا قالو إن الإنجاب صعب عند ولدهم وهذا سبب طلاقه
ممكن البنت ماتوافق عليه فيخشون عنها لين تتزوج وتحبه وتتوهق!
وكلي أمرج لرب العالمين واحتسبي الأجر ومادري شقولج والله القرار بايدج يا تكملين معاه والزمن ينسيج
وتصبرين لين ما الله يرزقكم بالضنا أو تخلينه وتنسين حبج له!
وانتي أدرى بشخصيته وهل تعامله الحلو معاج طبع فيه ولا تمثيل لأنه مكسور من داخل وخايف تتركينه
مع إني ما أتوقع هالشي لأنه في رياجيل عندهم نفس مشكلته وممكن عقم بعد ومو زينين مع حريمهم
يعني كل واحد وطبعه ما أظن هالموضوع بيغير شخصية الإنسان لهدرجة!
الوضع اللي انتي فيه حده صعب ومو بايدي إلا إني أدعيلج عسى الله يصبر قلبج وييسر أمرج

 

[Bloom]

انا كنت مثل مشكلتج بس الفرق ان ريلي قالي بيوم الرؤية الشرعية بمشكلته و مشكلته مثل مشكلة زوجج ان ما اقدر احمل الا بالانابيب بس سبحان الله دش قلبي و رضيت فيه بعيبه
بس الحمدلله على كل حال ريلي توفا من 8 شهور الله يرحمه و قاعدة ابجي عليه دم الحين و اتمنى لو يرجعلي حتى لو ما اجيب منه عيال خلاص ما ابي عيال بس يرجعلي و للعلم ما تميت وياه الا سنة و نص

نصيحة حبيبتي عن وحدة عاشت تجربتج اذا ريلج زين و ما يتعوض لا تخلينه و الطب تطور الحين و اذا اهله غشوج احتسبي الاجر عند رب العالمين و عموما السالفة اولا و اخيرا راجعه لج اذا انتي تحبينه شلون تبين تطلقين منه ؟

ردودج عن زوجج دايما تبجينيييييييي

حبيبتي مثل ماقالت العيال مب كل شي فالدنيا !

 

[~TRTR]

مشكورين لكل من دعت لي

المشكلإ موبس بالعيال المشكله نفسها بالغش من كذا ناحيه ومن ضمنها ان في كذه مرض الله يشفيه امراض منتشره بعصرنا بس هم خشوها