{ .. الـتـجـمـع (الـــعــآشـر) لتربيـة الآســــاسيـه .. }

[شوق95]

بناات الله يعافيكم
الشاميه ق جم
الحين مقابلتي ومتوهقه ؟؟؟

 

[شوق95]

،،،

 

[التوق]

حبيبتي هم كاتبينلج بالايصال العنوان؟
انا قاعة اللقاءات الرئيسية

 

[أم_فلان_الفلاني]

الحمد لله خلصت المقابلة وان شاء الله سهالات

 

[التوق]

^
شلون المقابله حبيبتي بشريناا
و جم دكتور وشلون الوضع والاجواء
وجم دقيقه و شنو الاسأله
لووول صج استجواب بس طمنينا نحاتي
وعقبال يبشرونج بقبولج حبيبتي

 

[أحلى البشر]

بناات الله يعافيكم
الشاميه ق جم
الحين مقابلتي ومتوهقه ؟؟؟

قطعه 9

 

[^^طالبه^^]

الحمدالله خلصت المقابله

وان شاءالله قالي مقبوله الدكتور
و القبول 20/8 بالموقع الالكتروني
يارب توفقنآ

 

[يا كويتنا]

طيب شنو سألوكم


.???

 

[هواجيس90]

السلام عليكم بناات

يعطيكم العافيه

طالبه
بغيت اسالج انا سجلت بالتطبيقي ومقابلتي الاثنين22/7
وابي اسجل بالجامعه اخر يوم الاربعا هالاسبووع
يصير اسجل بالاثنين عادي ما ياثر
وينزل القبول عادي الاثنين يقبلوني وعقب اختار عادي ولا ما يصير
ابي الرد بسرعه اذا عندج خلفيه او وحده من البنات اذا ندها خلفيه لان التسجيل اخر يوم حق الجامعه الاربعاا 24/7

 

[أم_فلان_الفلاني]

^
شلون المقابله حبيبتي بشريناا
و جم دكتور وشلون الوضع والاجواء
وجم دقيقه و شنو الاسأله
لووول صج استجواب بس طمنينا نحاتي
وعقبال يبشرونج بقبولج حبيبتي

بس دكتور يسالج اساله عامه >>>للعلم انا اسلاميه
الوضع زحمه حده وخبصه والكل متوتر بس لا تخافين
ما ادري جم دقيقه بس يسالج مثلا شنو اركان الاسلام
وتسمعين اي سوره حافظتها حتى لو كانت الفاتحه
وما قالي اذا مقبوله او لا
وان شاء الله ابشركم

 

[أم_فلان_الفلاني]

هواجيس اي مو مشكله عادي تقدمين على الاثنين

 

[هواجيس90]

خريجه ادبي ادري اقدر اقدم الحين عالنت بس ابي اعرف واتاكد انه ما يعارض مع التطبيقي

 

[Maryam_]

الله يسهل علينا

كل الي بالتجمع مستجدات

 

[أم_فلان_الفلاني]

خريجه ادبي ادري اقدر اقدم الحين عالنت بس ابي اعرف واتاكد انه ما يعارض مع التطبيقي

لا حبيبتي ما يتعارض لان نتائج قبول الجامعه تطلع قبل التطبيقي
واي سؤال انا حاظره

 

[أم_فلان_الفلاني]

مريم اتوقع كله مستجدات ��

 

[~ روح امها ~]

سلام عليكم

شنو اخر اخباركم مع مقابله

الحمدلله انا تخصصي انجليزي
شفت دكتور كويتي ومصري
ع طووووول رحت للمصري احس اخذ راحتي بلكلام لووول

واسئلته حدها سهله عاد كنت متوتره حيل
بنات في احد يعرف اسم هلدكتور

سمعت الي انقبلوا بتخصص انجليزي ماعندهم امتحان قدرات انجليزي صح !!!
الي اهو التمهيدي ولا احنا نمتحن معاكم بعد < الاخت على بالها فوق راسها ريشه

( يا الله الصبر 8/20 )
( ياااا رب ننقبل بتخصص الي نبيه )

 

[~ روح امها ~]

توني الاحظ توقيعي شخبااري لوول

 

[^^طالبه^^]

هواجيس قبول الجامعه قبل العيد تطلع الاسامي
و التطبيقي بعد العيد
عندج فتره من 20/8 الي 1/9 تبدي الدوامات تختارين بين الثنتين
بس للعلم اذا قبلوج الجامعه ماراح يبين قبولج بتطبيقي مراح ينزل اسمج فهمتي حبوبه الا اذا سحبتي وراقج من الجامعه وجبتيهم لتطبيقي يحطونج بتخصص الي تبينه
ملاحظه : اذا تبين الثنتين لازم تخلصين شغل الثنتين كلهم من مقابلات وامتحان قدرات فهمتي حبوبه بعدين لمي يطلع القبول تختارين بين الثنتين ومثل ماقلتلج اذا طلع اسمج بجامعه اسمج بتطبيقي موجود بس مو قابلينج لان عندج قبول بالجامعه فلازم تسحبينه وتروحين لتطبيقي علشان يقبلونج




روح آآمها حبيبتي امتحان مستوى الانقليزي حق الكل

 

[^^طالبه^^]

بقولكم شصار معاي طبعا
انا موجوده من الساعه 9 بشاميه مع الزحمه
بس مادشيت مقابلة الاسلاميه الا الساعه 11 ونص بقولكم ليش

اول مادشيت المسرح ادور الاسلاميه القسم مالهم قالو لمي الحين ماجو الدكاتره والحمدالله كانت نيتي اروح لتربيه الخاصه وكان ماكو احد يعني علي طول اجي واقعد يقابلوني الا وحده من بنات المستقله تقول بنات الاسلاميه والموسيقى يلحقوني وهيا تصارخ جان نلحقها احنا تقريبا اكثر من 100 بنت والله واااجد الي راحو معاها لدرجة ايست من القبول بعد ماشتف هالبنات كلهم يبون الاسلاميه المهم جاان يودونا قسم التربيه الاسلاميه و زحمه وانا لازقه بالبات طبعا من الي وراي كله يدزون اقولها ياختي بكلم الدكتور انا رغبتي الاسلاميه الثانيه مو الاولى يصير اقدم او لا المهم كانت اهي حبوبه دخلتني والدكتور حدى متخسبق من هالبنات الي يشوفهم واااااااااااااااجد جييش قلت دكتور الله يخليك ( قاعده اترجاه علشان اكلمه ) انا حاطه رغبتي اسلاميه الثانيه والاولى بدنيه وانا ماعرف اتسبح يعني ساقطه بالقدرات طبعا جذبت عليه شسوي اشوف كل هذا اكيد بجذب ق لت له انا رحت للبدنيه وقالو انتي ماتعرفين تتسبحين لا تدخلين المقابله انتي ساقطه ( وانا اصلن مارحت ) المهم جان يقولي انا مو فاضيلج انا عندي بس الي رغبتهم اسلاميه اولى يدشون غيرهم يروحون لرغبتهم الاولى يجيبون رفض انهم ارفضو من المقابله المهم جان اروح علي عماي الساعه 9:30 الحين اروح لصالة البدنيه الي فيها المقابله ( استغفرالله يابنات الي اهناك ) بويات بنات ماعندهم ذوق والسانهم طويل الي ماسكين الباب الي من طالبات قسم البدنيه قلت لها بس لقيت لي وحده كانت طيبه سبحان الله متوفقه من دشيت باب الكليه قلت لها ابي رفض من هالتخصص علشان اتحول رغبه ثانيه قالت لازم تدشين علي اللجنه جان فجاءا تطلع الغوله الكبيره لوووووووووووول صج صج غوله شكلها اسمها كفاح قلت لها لو سمحتي ابي رفض قالت سوي اوراق الفحص وتعالي من المستوصف شاميه قلت انا بس ابي رفض اي قلت لج جيبي الاوراق وارفضج ويكون رفضج له سبب عطتني ورقه ركبت السياره رحت المستوصف صدمه طاردين الي بيسون الفحص يمكن حول 15 بنيه يحاولون بدكتور اهليهم مو راضي الدكتور
المهم رديت ركبت السياره سيدا ركضه لمستوصف كيفان طبعا الساعه الحين 10:10 دقايق المهم قال الكاتب جيبي لا مانع من الدكتور رحت دشيت علي دكتوره قالت اسفه انا راده ناس قبلج ماقدر امشيج شوفي العياده الي جنبي رحت للعياده رقم 3 اسمه الدكتور علي الصقر توه متخرج مبين عليه جزاه الله خير عز الله انه ماقصر و رايته بيضه المهم اخذ الورقه وسواها وختمها و رديت علي الكليه الساعه 10:45 ضيعنا بعد لوووول :> المهم دشيت قلت لو سمحتي هذي ورقة الفحص جان تقولي تعالي باجر اخذي رقم الحين سكرنا اه قلبييييييي عورني حيييل بغيت ابجي قلت لها ابي رفض بس جان تقول اها طيب خذي هالورقه المقابله عبيها علشان تدشين عبيتها رحت داخل انطر عند الباب انطر انطر انطر حول ربع ساعه صارت 11:10 ياربي المهم اخيرا فتح الباب طلع بوجهي مصري دكتور جنه اهوا وياهم قلت ابي رفض لو سمحت قال شلون تسوين رفضض وحنا ماسوينا لج اختبار قدرات لازم تسسوين اختبار قدرات لالا وقتها صج صج تحطمت وفقدت الامل بالقبول وقلت راح اليوم علي جان يدق علي اخوي يقول تعالي ركض لقسم الاسلاميه اهوا بعد انا مادشيت داخل راح لقسم يقولهم متي تسكرون علشان نلحق عليه ويعطيهم علم عني اني رايحه اجيب الرفض المهم رحت له ركض اركض لووووووووول جني الخبله لقيت اخوي واقف مع بنتين من المستقله اهما سبب دخولي للمقابله جزاهم الله الف الف الف الف خيييييير يارب يفتحها عليهم وين ماراحو يارب قالت هذي اختك قالت تعالي وياي وحنا رايحين لمكتب الدكتور تقولي تدرين كان الدكتور بيمشي الساعه كانت 11:30 والقسم فاااضي واخوج صادني وانا كنت طالعه ولا المفروض انا الحين راحه البيت ( تضحك ) ياعسى ايامها كلها ضحك و وناسه وماتشوف الحزن قلت مشكوره حبيبتي دخلت علي الدكتور قالت له هذي دكتور الي تبيه الاسلاميه شاف ورقة رغباتج اول سؤال من المقابله
س:انتي ماتبين بدنيه ليش وشحقى اخذتي اسلاميه ؟
قلت سجلتها بسسرعه وما انتبهت وانا احب الاسلاميه وعندي القدره لآيصال المعلومات للي جدامي قال طيب

مسك ورقة المقابله قاعد يكتب اسمي قال عطيني صورتج دبسها الحين بدا الجد
قالي
شحافظه من القران
قلت ايات متقطعه وحافظه هم سور كامله
حافظه الفاتحه
قلت اكيد حافظتها شلون اصلي وانا مو حافظتها
قال قوليها
ابدي من اعوذ بالله من الشيطان الرجيم
رايحه بالايه جان اتلعثم بكلمة الدين قلتها بسرعه
جان يقول طولي اليآء
قولي الديـــــــــن
خلصت قالي اركان الوضوء شنبدى فيه
قلت غسل الايدين اول شيء بعدين نغسل الايدين الي الكوع
قال الكوع ضروري نغسله ؟
قلت لا قال خلاص قولي علي السنه االنبويه شلون طريقة الوضوء
قلت اول شيء نغسل الايدين بعدين نتمضمض
قالي جم مضمضه قلت 3
قالي اجباري 3 قلت ما ادري
جان يقولي 1 اجباري 2 سنه
كملي
قلت بعدين نشتنشق ننظف الخشم
و زدت عليها قلت 3 مرات بس 1 اجباريه 2 سنه قالي اوكـــي كملي
بعدها الاذن < والراس
صححها لي قال الراس والاذن قلت اي
قال بعدين قلت
نغسل الرجلين الي الي الركبه علي الطريقه النبويه
قال اوكي
قال حافظه من القران اجزاء كامله قلت لا بس حافظه سور
قال ودج تحفظين قلت والله اكيد ودي
قال دشيتي دور تحفيظ قرأن قلت لا
اهني المهم







قالي حفظي الجزء التاسع والعشرون والثلاثون راح يفيدونج حييل بعدين وسكت

المهم قال خلاص روحي قلت مقبوله قال ان شاءالله ولاتنسين الحفظ

المهم طلعت
سالت وحده اعرفها تدرس اسلاميه قلت الجزء التاسع والعشرون والثلاثون مطلوبين عليكم
قالت اصلن انا حافظتهم صمم لان اجباري نحفظهم لتخصص مواد الفقه والترتيل

اهني عرفت اني مقبوووله بمقآآآآآآآآآآبله وحييل استااااااااااانست

ادري طولت عليكم بس قلت افيدكممم

 

[Maryam_]

الله يستر دام جذي زحمة و حوسه