{ .. الـتـجـمـع (الـــعــآشـر) لتربيـة الآســــاسيـه .. }

[S.Y.L]

بنات منو خذت عند د.فهد الفيلكاوي شلونه؟

ماعندي فكره عنه

 

[^^طالبه^^]

بنت ناديه / حبيبتي انا بعد نفسج متخرجه من التجاري 2012 وسويت تحسين نسبه و رديت وحاطين لي الرغبات الي سويتها لمي قدمت عندهم يدوي حطي اخر 6 ارقام من رقمج المدني بصفحة الاستعلام عن القبول مو مالت تسجيل المواد

مشتاقه 20 : ويه ياليت يقبلوني عربي راضيه علي الاقل احسن من التربيه الخاصه اسلاميه يسهل لي التحويل للاسلاميه لان التخصص كله مشترك حتي مواد العربي الي راح اخذها مجبوره اخذها بتخصص المساند للاسلاميه بس ان شاءالله ننقبل اسلاميــه دكاترة القسم ماشاءالله اللهم زد وبارك ونص دكاترة الكويت شريعه مافي حتي نقص بس اهما مايبون يوظفون احد المهم هانت كله باجر ونشوف اسامينا وين تطلع

 

[عاشقة الرشيدي]

ميخالف نحفظ بس بلكورس الواحد الكميه كبيره ؟؟

على حسب كل دكتور والماده بس اغلب المواد الاسلاميه كميه الحفظ فيها كبير



بس ارجع وقول على حسب الدكتتوورر

:eh_s(7):eh_s(7)

 

[عاشقة الرشيدي]

الجدول ثابت للمستجدين يحطون لج كذا نموذج المواد والدكاتره ثابتين أنتي تختارين الوقت والايام اللي يناسبونج بين هالجداول

صح كلامج بس تقدر تغير في اسبوع السحب والاضافه

انا كنت مستجده واول كورس جدولي ثابت بس في اسبوع السحب والاضافه غيرت الدكتور والوقت

 

[..الشيخه حلاها..]

آآآآآآْءءءءء وبعدين مع التسجيل مو حاله حاطين موعد اليوم ونفس الشي ماكو مواد

نلعب معاهم ولا شسالفه

ولا مايبونا انتخرج

^ ماقدر امسك نفسي لازم اتحلطم

 

[^^طالبه^^]

وصار تاريخ 5/9
كلها اقل من 12 ساعـه ويبين كل شيء
كلنا ناطرين القبول علي احر من الجمر
علشان نشوف كل وحده فينا وين انقبلت وشنو بتصير ابلة حاسوب ولا اسلاميه و لا انقلش

و راح نكتب من اليوم و رايح ان شاءالله بعد ساعات

طالبـة اليـوم معلمـة الغـد
يارب توفيقك

 

[هواجيس90]

توني داشه الموقع حق التطبيقي طلع لي نفسج طالبه التخصصات الي اخخترتهااا

يعني شنوو انقبلت ولا سنوو

طيب متي يعلنون الاسامي فيني بكيه

 

[مشتاقه20]

يالله متى لااااعت جبدي انطررر

 

[^^طالبه^^]

هواجيس هلا والله بنت دفعتي الممسائي ارحبي

مشتاقه
والله حتي انا زهقـــت

هانت يابنات

 

[^^طالبه^^]

هواجيس انتي مو قبلوج الجامعه ؟؟
شلون يفتح لج الموقع ؟

 

[هواجيس90]

البقااااا حبيبتي تشتاق لس العافيه حبيبتي

انا استخرت وماقدمت عالجامعه وانطر قبولي مثلكم بالتربيه الاساسيه

 

[مشتاقه20]

هواجيس كم نسبتج وشنو حطيتي رغبتج ؟؟؟

 

[bent_nadia]

بنت ناديه / حبيبتي انا بعد نفسج متخرجه من التجاري 2012 وسويت تحسين نسبه و رديت وحاطين لي الرغبات الي سويتها لمي قدمت عندهم يدوي حطي اخر 6 ارقام من رقمج المدني بصفحة الاستعلام عن القبول مو مالت تسجيل المواد

مشتاقه 20 : ويه ياليت يقبلوني عربي راضيه علي الاقل احسن من التربيه الخاصه اسلاميه يسهل لي التحويل للاسلاميه لان التخصص كله مشترك حتي مواد العربي الي راح اخذها مجبوره اخذها بتخصص المساند للاسلاميه بس ان شاءالله ننقبل اسلاميــه دكاترة القسم ماشاءالله اللهم زد وبارك ونص دكاترة الكويت شريعه مافي حتي نقص بس اهما مايبون يوظفون احد المهم هانت كله باجر ونشوف اسامينا وين تطلع

مشكورة طالبه يا قلبي على الرد بس بتعبج معاي إذا قدرتي التحليلي الرابط لانه اللي موجود بس تسجيل المقررات وربي يوفقك ويريح قلبج:yaaaaaarb:

 

[^^طالبه^^]

مشتاقه

هواجيس ماشاءالله نسبتها عاليه
ومقدمه علي اسلاميه

وانا اقول لها زين سوت خلت الجامعه ادري بخاطرج رياض اطفال بس العوض ولا القطيعه
الاسلاميه احسن من رياض الاطفال مافيه صيحة اطفال ولا شيء ماده خفيفه
ولا تخافين ياهواجيس نسبتج عاليه ان شاءءالله مقبوله المفروض احنا الي نحاتي بارك الله فيج مو انتي هههههههههه

يارب
كلن يقبلونه بتخصصه

مشتاقه جم نسبتج وشنو مقدمه رغباتج ؟؟

 

[^^طالبه^^]

بنت ناديه

هذا اهو الرابط

http://bprdssb.paaet.edu.kw:7751/PROD_ar/bwskalog.P_DispLoginNon

حطي رقمج المدني و رقم جلوسج
واذا رقم جلوسج اقل من 6 ارقام حطي قبله اصفار
يعني مثلا رقم جلوسج 6350
تحطين قبله صفرين
006350
واذا انتي مسجله يدوي بالعديليه
حطي اخر 6 ارقام من رقمج المدني

 

[bent_nadia]

لا الله إلا الله جيكت على الجرائد بالنت مأكو أسماء .... بإذن الله خيرة

 

[هواجيس90]

مشتاقه انا نسبتي٨٩.٠٨ وحطيت تخصاتي كالاتي
تربيه اسلاميه
دراسات اسلاميه تربيه خاصه
عربي
عربي تربيه خاصه
انقليزي

والله كررريم وانتي مشتاقه شنو تخصصاتس وكم نسبتس

 

[يا كويتنا]

تشيكت عالوطن ... ماكو اسماء



شسالفه لووعوا اجبودنا والله ....

 

[Lady A]

الجدول ثابت للمستجدين يحطون لج كذا نموذج المواد والدكاتره ثابتين أنتي تختارين الوقت والايام اللي يناسبونج بين هالجداول

يعطيج العافيه حبيبتي.

 

[^^طالبه^^]

يارب توفيقك

يارب بهاليوم ان شاءالله نفرح بقبولنا وتفرح قلوبنا يارب العالمين