الـــعـــصــلــه اللــي جــســمــهــا مــوقــابــل تــدش هــنــي

[نبض آلخفوق]

السلام شلونكم بنات شخباركم

بنات الله يخليكم تساعدوني بشي مضمون خلاااااااااااص تعبت ماعاد فيني ابي شي يسمن عرسي بعد جم شهر واناااااا (عـــــصـــــــلـــــــه) مااااااااااااااااااااااااخليييييييييييييييييت شي ماجربته _حبوب سوريه _سبروفيتا_حبوب خميره_حلبه_ حبوب مملكة النحل_والعنبريه_برياكتين_ترياكتين_ ماااااااااااااااااااااااااااااااااكو نتيجه اللهم حبوب السوريه سمنت 3 كيلو وطلعت لي خدود بس عقب ماقطعت لحبوب بسرعه ضعفت واساسا هالحبوب موزينه خطره حيل ..الله يفرج لها اللي تعطيني شي مضمون :bbbiu:

 

[عسل المملكه]

شوفي انا جربت خلطة حلاوه طحينيه بالمكسرات مع كاس من لوز وجوز وكاجو وملعقتين خميره واذا حبيتي ضيفي 4ملاعق حلبه مطحونه وكولي منها 3ملاعق صباح وعصر وقبل النوم واشربي بعدها اي عصير او لبن وشوفي السمنه
انا عني سمنتني بشكل واضح وانا استمريت عليها اسبوعين بس وطلع لي خدود وكبر صدري وموخرتي استخدمتها في نفاسي في اخر اسبوعين لاني نحفت مره بنفاس جاني اكتئاب الولاده وحيل تعبت ولو لا الله ثم هاذي كان مابينت اني طالعه من نفاس

 

[نبض آلخفوق]

والله مادري حبوبه بس ماتنفع معاي هالسوالف
ياقلبي تسلمين ع الرد مشكوره

 

[اسطورة الزيـن]

وعليكم السلام ورحمة الله وبركاته
أول شي احب اقولك الف مبروك ي غاليه والله يتمم لك على خير ويجعل السعاده عنوان حياتك ...
ثانيا ورب البيت اني ناويه اسجل في هالمنتدى الراقي من فتره لكن مشاغل الحياه ماسمحت لي , لكن بعد ماقريت موضوعك وحاجتك المااااسّه ودعوتك ( الله يفرج همها اللي تعطيني شي مضمون ) أثرت فيني , وسبحان الله على كثر ماتمر علي هالدعوه في المواضيع اللي اقراها إلا ان هاذي الدعوه لها وقع كبير في نفسي والله يعلم بحاجتي لها وهو القادر وحده عليها
وعشان كذا سجلت بهاللحظه عشان اساعدك باللي اقدر عليه
ثالثا اللي تقرا هالرد تذكر الله وتقول مشالله على ماأكرمني ربي فيه وعشمي بنقاء قلوبكم وطيبتها كبير لكن كلنا نعرف ان " العين حق "
(( انا ي غاليه كنت نفس معاناتك من يوم كنت بالابتدائي الين دخولي الجامعه مع ان الله منعم علي بجمال وكل من يشوفني يقول لو تسمن بتصير فعلا اسطورة الزين ! تخيلتي كيف حالتي كانت صعبه وزني كان بالثلاثينات حتى وانا في الجامعه ! المهم مااطول عليك وعلى الوجيه السمحه اللي تقرا كلامي , ماخليت شي ماجربته : حبوب بكل انواعها سواء فيتامينات او فواتح شهيه وأغلب الحبوب اللي نقراها بالنت جربتها , خلطات بجميع انواعها, مساج للمساعدة الجسم على النمو بأنواع الزيوت المفيده , اعشاب , خلطات حريم ....الخ واشياء كثيره من كثرها نسيتها ,وكل ماأجرب شي وماأشوف نتيجته تجيني حالة احباط الله لايوري الجميع لكن على طول يتجدد أملي من مبدأ" لكل داء دواء الا الموت " هالحديث دايما قدام عيني ماانساه بكل شؤون حياتي , والشي العجيب اني سويت تحاليل كثيييره ماابالغ اذا قلت لك على كل جزء بجسمي ! وكل مااسمع عن تحليل اروح اسويه , وكلها تطلع سليمه ماعدا شي واحد اكتشفته مؤخرا !!
اللي هو فيتامين د3 عندي نقص فيه , وهالفيتامين نقصه من اسباب وليس السبب الرئيسي لضعف او توقف النمو في الحالات الشديده !
من فتره بديت اتعالج عنه والحمدالله كل الارهاق والنوم الكثير والتعب على اي مجهود بسيط خف لكن الوزن مالاحظت شي لأني مااتبعت أي برنامج غذائي لأن كان كل همي انه يعتدل معي هالفيتامين
وهالعلاج شجعني اني أجدد أملي من جديد بالله سبحانه ثم أملي بنفسي , وانزاح عني نصف الهم " هم النحافه " لأني عرفت تقريبا سبب من اسباب نحافتي
بعدها جلست بيني وبين نفسي أفكر بنظام يكسر ثبات الوزن اللي عانيت منه وأبدأ ببرنامج لبناء الجسم
أول شي حددت المناطق بجسمي اللي مهما أكلت وسويت مايبين فيها واللي هي : الوجه -الاكتاف -الصدر -اليدين " الجزء السفلي من جسمي ماأحتاج ازيده لأنه ولله الحمد قابل للزياده لكن بشكل بسيط سابقا"
الشي اللي لاحظته على الاعضاء اللي ابيها تنمو ويوصلها الوزن انها عضلات ماعدا الصدر لاتوجد فيه عضلات الا تحت النهدين لأنها عباره عن نسيج من الخلايا الدهنيه
وجسمي مثل ماذكرت بطيييييييء نموه لكن احسن من قبل مع علاج د3
فقلت ليش ماأسوي تمارين لتكبير العضلات هاذي عشان ع الاقل يتشكل جسمي ويعطي استداره لأن عندي نقص حتى بالعضلات
وبحثت عن أفضل التمارين للمناطق اللي ذكرتها
وفعلا لقيت لكل جزء ذكرته تمرين , حتى عضلات الوجه لقيت لها تمرين !
وارتفعت معنوياتي كثيير وتجدد الأمل أكثر وأكثر , وقررت اني التزم بهالتمارين ولا أمل أو ايأس لأني عارفه طبيعة جسمي مايكفيه شهر او شهرين او ثلاثه
وللفائده : التمارين مهما كان نوعها ماتبين نتيجتها الا بعد ثلاث شهور على الأقل ! يعني يبيلها عزيمه واصرار واقتناع تام بهالكلام
وبالفعل بديت فيها من شهر 8 اللي طاف قبل الأكل, يعني آكل بعد التمارين مباشره , وماتصدقون لو اقولكم بعد عشر ايام من التمرين المتواصل " مره في اليوم لمدة نصف ساعه " بديت احس بشد في عضلات جسمي وبناء عليه تمدد الجلد تبعاً للعضلات ! طبعا ماأقصد بتمدد الجلد السترتش مارك ؟ أقصد نموه يعني لو دخّلت مع التمارين نظام غذائي لزيادة الوزن راح تبدأ تتخزن الكتله الدهنيه في الجسم بين الجلد والعضلات ! ملاحظين كيف ؟؟
تشجعت اكثر واكثر لأني حسيت اني بديت امشي بالطريق الصحيح والهدف صار ممكن بعد ماكان مستحييييل ! والله القادر على كل شيء , اذا اراد أمراً فإنما يقول له كن فيكون
وهالشي حممسني اني استمر وبالفعل ماجا عيد الفطر الا وانا زايده 5 كيلو" مع انه مو واضح علي الا شي بسيط بسبب نحافتي الزايده إلا اني فرحت لأني قدرت بعد قدرة الله سبحانه (اني اكسر ثبات وزني) اللي لازمني سنيييين طويله وهالشي انجاااز كبييير بالنسبه لي
والشي الثاني اللي كسر ثبات وزني أيضاً " حبوب سبروفيتا " قريت في النت ان نتيجتها تختلف من جسم لجسم , وبالنسبه للي نحافتهم مو طبيعيه ع الاقل يلتزمون فيها ثلاث شهور , وفعلا التزمت فيها وانا حاطه في بالي اني ماراح اشوف نتيجتها الا بعد شهور عشان ماأتحطم وأيأس من جديد, ولا حسيت بتحسن الا بعد شهرين لكن ماالتزمت بنظام غذائي بسبب ظروف أشغلتني عن الإلتزام بنظام معين .
وهاذي التمارين اللي سويتها :

تمرين المؤخره استخدمته لشدها ومنحها المظهر المثالي



تمرين عضلات الكتفين


تمرين العضلات اللي تحت الصدر عشان تكبر وتعطي امتلاء وبروز للصدر



تمرين عضلات الخدين ( الوجه )
مقطع يوتيوب
http://www.youtube.com/watch?v=GhCO5iN0V7Y

وبالنسبه لنحافة اليدين نفس تمرين الكتفين لكن نتمرن على أطراف اصابع اليدين ( انشالله وضحت الصوره )

ملاحظه هامه :
كل هالتمارين لازم نمارسها ببطئ عشان نبني العضلات لأن ممارستها بسرعه تحرق وتقلص العضلات بدل ماتجعلها تنمو , يعني خوذوها قاعده التمارين ببطئ وقبل الاكل مباشره تزيد الوزن , والعكس صحيح

أتمنى أكون افدتك ي غاليه انتي ومن يقرا تجربتي
واعذروني على الاطاله لكن ماحبيت ابخل عليكم بشي
والله في عون العبد مادام العبد في عون اخيه
اللي تستفيد من تجربتي لاتنساني من دعواتها في ظهر الغيب , وهذا اللي محتاجته و ابيه منكم ي غاليات
وأي استفسار انا حاضره وانشالله اكون متواجده معكم

بقلم : اسطورة الزيــن من السعوديه

 

[نبض آلخفوق]

ياااافديت السعوديه ومن سكن فيها بعد عمري لا خلا ولا عدم مشكووووووره شويه بحقج ماقصرتي ياقلبي واي خدمه تبينها راسليني ع الخاص بعد عمري يكفيني ردج وتردين علي وانتي مهتمه باين هالشي بعد عمري مشكوره تدرين انا سويت اول تمرين واستمريت عليه وحيل حلو بس ما استمريت واذا على حبوب سبروفيتا ترى مجربتهم سببولي صداااااااااااااع ملازمني كل ما اكلهم -وعقب قطعتهم وسمعت عنهم موزينين حيييل لأنهم اساسا حبوب مخصصه للحساسيه وارد اااااااشكرج حبوبه

 

[اسطورة الزيـن]

ياااافديت السعوديه ومن سكن فيها بعد عمري لا خلا ولا عدم مشكووووووره شويه بحقج ماقصرتي ياقلبي واي خدمه تبينها راسليني ع الخاص بعد عمري يكفيني ردج وتردين علي وانتي مهتمه باين هالشي بعد عمري مشكوره تدرين انا سويت اول تمرين واستمريت عليه وحيل حلو بس ما استمريت واذا على حبوب سبروفيتا ترى مجربتهم سببولي صداااااااااااااع ملازمني كل ما اكلهم -وعقب قطعتهم وسمعت عنهم موزينين حيييل لأنهم اساسا حبوب مخصصه للحساسيه وارد اااااااشكرج حبوبه

العفو ي غاليه ماسويت الا الواجب , والكويت وأهلها غااالين علينا وكلن يشهد بغلاكم فدديتكم ي كويتيات يكفي طيبة قلوبكم وربي تستاهلون كل خير :eh_s(17):

وبالنسبه لموضوعك ي غاليه أتمنى تستمرين على هالكوكتيل والتمارين اللي ذكرتها
وهاذي مكوناته:
تصلحين لك حليب نيدو عادي ساخن بكأس
بعدين تضيفين عليه ( ملعقه نوتيلا+ملعقةطحينيه سايله+ملعقة زبدة فول سوداني)
وتخلطينهم زين وبالعافيه ع قلبك
أدري بتسألين عن طعمه , انا جربته و كنت اتوقع اني ماراح اتقبل طعمه بس وربي انه اطعم من الهوت شوكليت بكثييييير وانتي جربي وشوفي
استمري عليه يوميا بدون انقطاع لأنه ملييييء بالسعرات الحراريه ومع التمارين صدقيني بيزيد وزنك لان الخمول مو زين للنحاف .

 

[فدوووو]

انا جربت ااحبوب الصينيه وسمنتني بس لازم تحافظين عالنتيجه

ولاجابت لي لاصداع ولا نووم

في حبوب بالصيدليه اسمها الجنسنغ افضل من باقي الحبوب تعطيك نشاط وحيويه حتى نفسيتك تتغير وتصير زين

اذكر وحدة كتبت عنها موضوع وجربتها من سنه تقريبا

 

[تعويذة]

حبيبتي .. لا تيئسين .. و لا تخافيــن كل شيء يجي بالتدرج أهم شي تثقين بنفسج و بقدراتج
لا تسمعين لكلام الناس إنج عصلة و تركزين على فكرة إن هذا وزنج للأبــد .. لأ برمجي مخج على فكرة
أنا وزني قاعد يتغير للأفضــل أنا طبيعية و بشهر و نص راح أمتن صج .. !
جد بقولج شغلة أنا كنت ضعييفة حييل و ألحين الحمدالله أنا بزيادة حلوة بس بتدرج و هو الأفضل ..
كل شــيء له وقته .. صدقيني أول نصيحة .. قولي لعقلج أنا فلانة بنت فلان راااح أمتن
و أنا كل يوم عن الثاني قاعدة أحلو و أزيد بالوزن أكثر و أكثر ..

عقب .. ركزي مثل ما قالت أسطورة عن الاكل و عدم اليأس .. ركزي على الأشياء إللي تزيدج لو زيادة بسيطة \
و نصيحة كثري خرابيط بطاط تشيبس بيبسي .. و كاكاو .. حاولي تقللين حركة .. يعني كل ما أكلتي لج وجبة
حاولي إنج ما تحرقينها بأكبر قدر ممكن خلج قاعدة و كسووولة شوي بعد الأكل ..
و إكلي خمس تمرات و زيتون ترى تسمن الوجة .. \


و يالله إ شاء الله تطلعين أحلى عروس

​

 

[نبض آلخفوق]

تسلمين اسطورة الزين لا خلا ولا عدم

 

[نبض آلخفوق]

انا جربت ااحبوب الصينيه وسمنتني بس لازم تحافظين عالنتيجه

ولاجابت لي لاصداع ولا نووم

في حبوب بالصيدليه اسمها الجنسنغ افضل من باقي الحبوب تعطيك نشاط وحيويه حتى نفسيتك تتغير وتصير زين

اذكر وحدة كتبت عنها موضوع وجربتها من سنه تقريبا

جربت الحبوب الصينيه سمنت شوي عليهم ورديت ضعفت عقب ماقطعتهم وهم مو زينين
وحتى حبوب الجنسنغ جربتهم ومااااكو فايده:eh_s(22):
جسمي حييييل موقابل اووف:eh_s(11):
سويت تحاليل الغده ماكو شي عيل ليش ما اسمن :eh_s(14):

 

[Roty]

الله يسمنج ياااارب

ماقصروا البنات

بالنسبه لي حابه افيدج

كنت مااكل ولا اشتهي بس دشيت تجمع فيه خووش بنات مثلنا ضعاف وكلنا نشجع بعض

حياج الله معانا وان شالله تستفيدين

http://www.q8yat.com/t973181.html

 

[نبض آلخفوق]

حبيبتي .. لا تيئسين .. و لا تخافيــن كل شيء يجي بالتدرج أهم شي تثقين بنفسج و بقدراتج

لا تسمعين لكلام الناس إنج عصلة و تركزين على فكرة إن هذا وزنج للأبــد .. لأ برمجي مخج على فكرة
أنا وزني قاعد يتغير للأفضــل أنا طبيعية و بشهر و نص راح أمتن صج .. !
جد بقولج شغلة أنا كنت ضعييفة حييل و ألحين الحمدالله أنا بزيادة حلوة بس بتدرج و هو الأفضل ..
كل شــيء له وقته .. صدقيني أول نصيحة .. قولي لعقلج أنا فلانة بنت فلان راااح أمتن
و أنا كل يوم عن الثاني قاعدة أحلو و أزيد بالوزن أكثر و أكثر .. ​

عقب .. ركزي مثل ما قالت أسطورة عن الاكل و عدم اليأس .. ركزي على الأشياء إللي تزيدج لو زيادة بسيطة \
و نصيحة كثري خرابيط بطاط تشيبس بيبسي .. و كاكاو .. حاولي تقللين حركة .. يعني كل ما أكلتي لج وجبة
حاولي إنج ما تحرقينها بأكبر قدر ممكن خلج قاعدة و كسووولة شوي بعد الأكل ..
و إكلي خمس تمرات و زيتون ترى تسمن الوجة .. \​

و يالله إ شاء الله تطلعين أحلى عروس ​

​

ونعم بالله ماهمتني الناس بس مليت من جسمي وبتزوج بعد:eh_s(22):
والحين اغلب ملابسي تكون صغيره ملابس يهااللووه والتريننق اشتريه من مذكر كير وهالسوالف ودايم اذا شريت شي عاجبني ويكون واسع اضطر اضيقه مليت لي متى اضيق الملابس واكشخ حيل وجذي بس يطلع شكلي مو حلو لأني ضعيفه :eh_s(16):
الكل يقول ماشالله لو تسمنين تطلعين توووب :eh_s(15): بس ماكو فايده سبحان الله الله ياخذ ويعطي :eh_s(11): واكل الحلويات والبطاط والبيبسي همن ماكو نتااااايج ووجبات سريعه ومطاعم شغاله امي تقول انتي تاكلين الجيران يسمنون

ياقلبي تسلمين ع الرد :eh_s(7)::eh_s(7):

 

[&موناليزا&]

الحل الافضل والاضمن والامن

لنيووووووو لوك يديد ومميز

طبيعي 1000% مضمون وامن ومجرب

العسل الكشميري

يزيد الوزن بشكل حلو وصحي ويفتح الشهية ويتفخ الخدود


عسل تفخ الخدود فقط

يتفخ الخدود فقط من غير زيادة بالوزن


حبوبه شوفي موضوع تجارب البنوتات مع العسل

والحمدلله الموضوع راح يتكلم بنفسه عن نفسه


http://www.q8yat.com/t620343.html



وتقبلي تحياتي عزيزتي​

 

[مـزآج ــــية]

و الله انا اعاني من نفس المشكلة

الله يسهل علي و عليج

 

[جمونه القمر]

شوفي انا جربت خلطة حلاوه طحينيه بالمكسرات مع كاس من لوز وجوز وكاجو وملعقتين خميره واذا حبيتي ضيفي 4ملاعق حلبه مطحونه وكولي منها 3ملاعق صباح وعصر وقبل النوم واشربي بعدها اي عصير او لبن وشوفي السمنه
انا عني سمنتني بشكل واضح وانا استمريت عليها اسبوعين بس وطلع لي خدود وكبر صدري وموخرتي استخدمتها في نفاسي في اخر اسبوعين لاني نحفت مره بنفاس جاني اكتئاب الولاده وحيل تعبت ولو لا الله ثم هاذي كان مابينت اني طالعه من نفاس

انا جربت هل طريقه نفعت شوي زدت كم كليو:d
بس مشكله في شهيتي زفت

لازمي تعرفي سبب نحافه عشان تعالجيها

 

[الحـ مجرمة ـب]

تآبعيني هنيه فديتج..
http://www.q8yat.com/t977001.html

 

[نبض آلخفوق]

بنات اغلب الحلول ماتفيدني بشي
مجرمة الحب هالاشياء ماتجيب لي نتيجه اذا الحبوب فيها كرتزون ماسمنت عليها
ع العموم تسلمين حبوبه

بنات ابي حلول بعد جعل اللي ترد للجنه

 

[عاشقة الدوحة]

شوفي انا جربت خلطة حلاوه طحينيه بالمكسرات مع كاس من لوز وجوز وكاجو وملعقتين خميره واذا حبيتي ضيفي 4ملاعق حلبه مطحونه وكولي منها 3ملاعق صباح وعصر وقبل النوم واشربي بعدها اي عصير او لبن وشوفي السمنه
انا عني سمنتني بشكل واضح وانا استمريت عليها اسبوعين بس وطلع لي خدود وكبر صدري وموخرتي استخدمتها في نفاسي في اخر اسبوعين لاني نحفت مره بنفاس جاني اكتئاب الولاده وحيل تعبت ولو لا الله ثم هاذي كان مابينت اني طالعه من نفاس

اختي بسالج .. الخميرة اللي تستخدمينها اي وحدة .. لاني مادري ليش خايفة من الخميرة .. حطي لي الصورة او الاسم حبيبتي .. لاني بصراحة ما ادش المطبخ للاسف وهالاساسيات ما اعرفها :d << قصة حياتها

مشكورة

 

[غداً القاك]

وكأنك تحكين معاناتي
الله يسمنا والله انا مثلك بس الله يعين

 

[نبض آلخفوق]

اي والله الله يعين :eh_s(2):