الــــــــــــبـــــدووون ,, الى متى الى متى الى متى؟؟؟ @@ !

[*جيفاريه كيوت*]

الله يعطيج العافيه
ويرفع الظلم عنهم يااارب

 

[ســتارز]

الغريب القلة اللي اصلهم من الكويت ومظلومين مع الكثرة اشلون مو لاقيين اثبات لهم وين اهلهم وجيناتهم الوراثية

قبل يومين عقال طاح من حرامي بمكان الجريمة .. من شعره لقوها بالعقال طلعوه !!!

 

[مطيريه ماركه]

آلله يكون بـ عونهم
كويتيين مع وقف آلتنفيذ !!
طيّب لآ تعطونهم جنسيّة
من بآب آلآنسآنيّة عدلوآ آوضآعهم !

آللي تقول آلتعليم لهم لآ تجيبين كلآم من رآسج
آلشيخة آورآد سبق وطلبت من آلمعلمآت يدرسون آبنآء آلبدون وصلت آعمآرهم 10 سنوآت وهم آميين
!!

 

[سنابرق]

سبحان الله العظيم
سبحان الله وبحمده

 

[Francais]

حيااتي انا اعرف نااس بدوون يدرسوون عااادي

 

[بشوررة]

الله المستعان

 

[بشوررة]

البدون يدروسون من الصندوق الخيري اللي حاطته الشيخة اوراد

 

[مذهلة 78]

شوفي اختي اول شي بعلق على موضوعج وبعدين برد على اسئلتج

البدون قبل الغزو واللي تكيسلوا وما طلعوا اوراقهم واثباتاتهم معروفين وعددهم معروف جدا بغض النظر عن اصولهم شنو

والبدون اللي استشهدوا بالغزو عددهم 140 واحد والنسبه اللي انتي حاطتها ان الشهداء البدون 80 % غير عادله بالمره وفيها ظلم

للكويتيين ججند بهالنسبه قاعده تقولين ان ماكو كويتي دافع عن ديرته وقت الغزو !!!! فقط اللي دافعواا 20 واحد

وهالشي غير مقبوووووول الكويت ردت بفضل الله وبفضل عيالها اللي وقفوا صف واحد وايد وحده

وين راحوا شباببنا وبناتنا اللي استشهدواااا عشان تقولين ان 80&% من الشهداء بدون !!!!!!!!!!! هالنسبه كلش مو صحيحه

ثاني شي بالنسبه للدراسه البدون يدرسون ويدرسون بمدارس خاصه بعد وفي بعضهم حكومه بس اللي ممنوعين من الدراسه اهم

اهم البدون اللي عندهم جناسي وخاشنيهاا ويروحون يبون يسجلون عيالهم بالمدارس ببلاغ الولاده وطبعا هالشي مرفوض انك تعيش

بديره وخاش اثباتك والمشكله ان اصولهم موجوده عند لجنه البدون وينكرون وهذي الفئه اهي اللي دشت علينا بالغزو وانتسرت الديره

منهاااااا وخربوا على البدون الكويتيين اللي فعلا يستحقون الجنسيه


نيي للبيوت ساكنيين بمنطقه صلبيبيه خليني اقولج اللي ساكنين فيها الكويتيه اللي ماخذه غير كويتي وتدفع اجار 50 دينار بالشهر

والبدون اللي يشتغلون بالجيش يعني الحكومه مو ممقصره هم معطتهم سكن ببلاش حالهم حال الكويتي

وراتب البدون بالجيش والشرطه نفس الكويتي بالضبط !!!!!!!!!! وهالشي انا متاكده منه مليووووووون بالميه لان ابوي مهندس طيران

بالجيش وريل خالتي بدون ويشتغل مع ابوي بنفس الوظيفه وراتبهم اثنينهم نفس الشي والله يشهد علي وللعلم ريل خالتي طرشوه بعثه

امريكا وراح كمل على حساب الدفاع لان شاطر وخذا الهندسه وتوظف وتوه تجنس مع اخر دفعه والله يا بنات انا مالي مصلحه اجذب

واللي قاعده اقوله اهو الصج عيال خالتوا كلهم ادرسوا بالنجاه الخاصه والدفاع تدفع ومتكفله بتعليمهم وانا وخواني الكويتيين ندرس

بحكومه واذكر احنا وصغار لما نشوفهم يروحون بباص المدرسه ولبسهم غير عنا كنت ابجي واقول حق ابوي صير بدون عشان اروح مع

عيال خالتي المدرسه لبسهم شحلاته كان عبالي ان البدون هذي ميزه بالشخص ياهل ما كنت اعرف

شي لما كبرنا فهمنا الميزه الوحيده اللي كانت تفرق بينا وبينهم السفر وقبل لا عيال خالتي يتجنسون

بفتره بسيطه طلعت لهم جواز سفر اوروبي لان امي انا اروبيه وعادي نقدر نطلع عالام وكانوا يسافرون حالهم حالنا

لين تجنسوااااا !!!!!!!!!!!!!! وريل خالتي البدون عند شركه وحطها باسم خالتي كون عندها اثبات وجواز وعقب ما تجنس تجنست خالتي

والعايله كلها صارت كويتيه والحمدلله يعني ما انظلموا كل واحد خذا حقه وزياده


نيي الحين للنقطه الثانيه الاصوووووول ما تعيب الشخص وتقلل من مقامه مهما كان اصله او جنسيته افعاله

وتصرفاته اهي اللي محسوبه عليه وما فيها شي ليه الوحده قالت امي مو كويتيه جنسيتها عربيه ولا اوروبيه ترى مو عيب ومن عمر

الدنيا الولد يتبع ابوووه يشل اسم الاب وجنسيته !!!!!!!!!!! شمعنا ليه صارت الام الكويتيه تبين عيالهاااا يشيلون جنسيتهااااا !!!!!!!!!!! انتي لما

تقارين المراه بالرجل هالمقارنه ما فيها عدل بالمره الكويت مسؤوله عن عيالهاااااا صح ولا غلط !!!!!!!!!!! منو عيالهاااااا عيالهااااا كل واحد

كويتي شايل الجنسيه ولما الكويتي يتزوج اجنبيه العيال بيتعون الابو يعني كويتيين بس لما الكويتيه تاخذ اجنبي عيالها بيتبعون ابوهم

هالقانوون بكل الدول العربيه تبون بس الكويت اهي اللي تغير !!!!!!!!!!!!1 وتجنس عيال الاجنبي لا مو عدل باجر بصير خلل

بالتركيبه السكانيه وبدش اصول غريبه عجيبه !!!!!!!!!!!1 بعطيج مثال تخليلي كويتيه ماخذه مصري ووحده سوري ووحده باكستاني ويابوا

عيال وكلهوا خذوا الجنسيه الكويتيهشراح يصير بالديره !!!!!!!!!!!! تخيلي الموقف وراح اتركلج الاجابه


وانتي تقولين ان امج اجنبيه ليش ما عقوا ابوج تبين تنحرمين من الجنسيه مثلا !!!!!!!!!!! ولا تتجنسين على امج !!!!!!!!!!! مو انتي كويتيه

وتتبعين ابوج منطقج غريب صراحه !!!!! ولا تزعلين

واذا نصيبها غير كويتي فالدوله مسؤولها عنهااااااا كونها كويتيه مو مسوؤله عن اختيارهاااا

وللعلم الحين اوضاعم بتتحسن وبياخذون حقوقهم فقط الحين بدا ينصرف لهم تموين حالهم حال الكويتي ولا تصدقين اي شي باليوتيوب

نصيحه !!!!! وبالذات الكويت محد يموت من اليوع كل شي فيها غالي الا الاكل ببلااااااااااش وكافي انها ديره ما فيها ضرايب


​

1- هل انتي من مؤيدين تجنيس البدون اللذين لهم احقيه بذلك؟ لماذا؟
2- رأيك العـآم بمشكله البدون؟

مشكله اهم صنعوها بايدهم واهم اللي جنوا على روحهم سواء اللي تكيسلوا وما طلعوا اثبات او اللي دشوا الديره عقب الغزو ويبون يتجنسون
3- توافقين بمنح جميع الحقوق لابناء الكويتيه؟ لماذا؟

ياخذون حقوقهم من تعليم وعلاج فقط لكن تجنسين لاااا والف لااااا والحكومه معطي عيال كويتيه حقهم

معاملتهم تتم على اساس ابناء الكويتيه يعاملون معاملة الكويتي

4- هل لديك اي حلول مقترحه لهذه المشكله؟

اللي عنده جواز وخاشه يطلعه ويروح ديرته ولا يخرب على المستحقين فعلا واللي لازم يتجنسون

5- سبق وان كان لكي معارف واصدقاء من فئة البدون؟

نعم

6- اذا تقدم لكي شاب ورضيتي فيه اخلاقا ودينا ولكنه بدون هل ستوافقين؟ لماذا؟

لا ما اوافق لاني راح ادمر عيالي

 

[سنابرق]

سبـحان الله العظيم الذي لا إله إلا هو واستغفروا واتوب اليه

 

[سنابرق]

رفع
رفع
رفع

 

[انسام الكويت]

اولا يتعالجون وابلااااااااش بعد انا بالصحه يمرون علي بدون شكثر ونمشيهم حالهم حال الخليجي

والتعليم يتعلمون اما من ناحيه انه 80 بالميه دافعوا عن الكويت اسمحيلي عن الجذب الزائد عيل الكويتين

والكويتيات اللي اشتهدوا والباقي صاروا اسرى وين راحوا هذول حسستيني ان شعب الكويت ما دافع عن ديرته وقاوم

فيها يمكن في اشتهدوا جم بدون بس مو 80 بالميه روحي اقري كتب الغزو واعرفي منو اللي اشتهد ودافع عن هالديره كويتين وكويتيات

و اولهم الشيخ فهد الاحمد الصباح الله يرحمه ومثواه الجنه وانا اعرف ناس بالجيش قالولي بسنه الغزو شكثر بدون انجلو الكويتين وكانوا مع العراقين

متعاونين ولمن تحررت الكويت راحو وقفوا مع الكويت خوفآ لا اكثر ومع هاذا ما انكر انه في قله من البدون جزاهم كل خير دافعوا مع إخوانهم الكويتين

ويستحقون معامله افضل وحياة طيبه وللعلم انا مروا علي فئات من البدون عايشين بخير ونعمه وكل شي عندهم بس انا من عقب المظاهرات اللي سووها

غسلت ايدي منهم واللي له حق بياخذه واللي ماله حق يسكت ويحمد ربه عله هالعيشه الطيبه

 

[كويتية بروما]

انا ضد تجنيس البدون الغير مستحقين للجنسيه وفي فئه منهم مضلومه
بس عاد وضعهم مولهدرجه الله يعز الكويت واهل الخير وبيت الزكاه ولجنه زكاه العثمان و جمعيه احياء التراث الاسلامي
احسج بالغتي عشان تستقطبين عطف الناس
ووضعهم تعدل وقاعدين يدرسون ويتعالجون ويسافرون حتى ايطاليا وجنيف اوصلوها ههههه
في ناس من البدون اول مايتجنس يشتري بيت واللي من عمره بالديره وكويتي ماعنده بيت وفي منهم بعد تجار واصحاب حلال وفي بدون عايشين احسن مني ومنج ما شاء الله
ليش ضد تجنيسهم
لان بعضهم دخلاء ماهم فقع اكيد لهم جدور
وبعضهم قط اوراقه الرسميه طمعان بخير الكويت
وفئه منهم مضلومه واغلبيتهم المظلومين تجنسو
ولانهم بالمستقبل راح يداحرونا يالكويتين الاصيلين ويداحرون عيالنا ع وظيفه وتعليم وبيت مستقبل اعيالنا اهم من عاطفتنا والكويت فوق كل شي

 

[بدورة القمورة]

الله يكون بعونهم
بس احسن من قبل

 

[نسكافيه بالحليب]

سبق مناقشة قضية البدون اكثر من مرة في القسم

وقضيتهم الآن عند الجهات المسؤولة وان شاءالله يتوصلون لحل يرضي الجميع

مغلق