الفتنه نائمه لعن الله من أيقظها

[كويتيه كلاس]

السلام عليكم حبيباتي ...
أول شي عندي اقتراح نبدا بحملة و نثبتها كتواقيع لنا و أرجو من مديرة المنتدى تحطه بالواجهه

(( آنا كويتيه.. لا تسأليني .. سنيه أو شيعيه .. حضريه أو بدويه .. إللي أعرفه .. إني آنا كويتيه))
قولو آمين ..
عسى الله يهدينا إليه ثم يهدينا لبعض ...
بنات شنو هذا شقاعد يصير بديرتنا ؟؟؟
شي مو طبيعي كأنا على فتحة بركان كل شوي ثاير أو يهدد بالثوران؟؟
بنات من متى و إحنا جذي ؟؟
من متى قمنا نعاير بعض و ناكل فبعض ؟؟؟
حسبي الله و هو نعم الوكيل
يا ناس ركزوا شوي و الله إللي قاعد يصير أحس إنه مخطط لتدمير هالدوله
حط السني و الشيعي
و حط الحضري و البدوي
و حط الإسلامي و الليبرالي
قمنا ناكل بعض ؟؟؟
هذي آخرة عيال الكويت ؟؟؟
و هالنواب إللي ما عاد يعرفون شي إسمه حشيمه لا لآل صباح و لا لغيرهم
سب و قذح و ذم ؟؟؟
إنزين إذا ما عندك مشكله يا نائب يا محترم يا إللي تمثل دائره كامله
إنك تطول لسانك على شيوخك (( نتيجه لتشويه صور الديموقراطيه ))
إحترم هالشيخ لكبر عمره .. ريال عمره بيصك 70 سنه تتلفظ عليه بهالأسلوب؟؟؟
لو أبوك ترضى أحد يحاجيه جذي ؟؟؟
آنا ما عندي مانع تحاسب إذا شفت غلط حتى لو على شيوخ
لكن بأدب و احترام ... إذا إنت يا النائب مو قادر تحترم نفسك أو تحترم شيخك
احترم البشر إللي يقرون اخبارك و يسمعون تغريد صوتك بالأخبار و إنت تهدد و تتوعد
كأنك ملكت الأرض بما فيها ..
حاسب إذا شفت غلط بأدب ... و ما فيها شي ..
الرسول صلى الله عليه و سلم من عدله قال (( لو فاطمه بنت محمد سرقت لقطعت يدها ))
و هي بنته من لحمه و دمه بيطبق عليها الشرع لو غلطت ..
لكن إللي قاعد يصير كل واحد يتصيد للثاني ..
لو زلق من الأرض قال بحاسب رئيس مجلس الوزراء ما كيشوا الأرض عدل !!
لوانحاشت خدامته قال بحاسب رئيس مجلس الوزراء ما حط قانون يمنع النحشه!!
و الجويهل صنف الكويتيين بداخل السور و خارج السور
لين صرنا نعاير بعض ((ها من وين إنت داخل و إلا خارج السور ))!!!
و الله أهلنا بالسعوديه قامو يدزون لنا أدعيه يقولون شصار فيكم كل هذا ديموقراطيه!!!
أعوذ بالله ...

آنا عن نفسي أطالب رئيس مجلس الوزراء إنهم يناقشون مع الأمير مسأله إغلاق مجلس الأمه إللي ما عاد هو مجلس امه صار شي يعف اللسان عن ذكره .. عشان تمشي التنميه بهالديره .. من طلعو هالنواب التالين ما عاد شمينا ريحة التنميه وقفوا عجلة التطور من يدخ وزير لوزاره نطوا بويهه استجواب و تلفظ بألفاظ بايته على بعض عيب يا بشر خلاص و الله ما نبي هالمجلس يكفينا حكومه و وزراء يمشون و يسنعون وزاراتهم زهقنا من هالسالفه و للأسف لا يزال المجلس ينحل و ترجع نفس الوجوه لقبة البرلمان و كأن الناس ما تابوا من هالنواب المأزمين للتنميه و المشوهين لصورة الديموقرلطيه ..


و الله يا بنات في خاطري كلام واااايد بس شقول .. الله يهدينا و يسخرنا لبعض​

 

[ديمـ77ــا]

اعوذ بالله... الله لا يبلانا بالزمان الجاي..

مو من طبعي التشاؤم...بس بهالموضوع بالذات متشاااائمه..تدرين حتى اليهال بالمدارس...يعايرون بعض بالسوالف...

الله يستر علينا... ويحفظ ديرتنا..

 

[ام عيون فتانة..]

الله يحفظ الكويت من كل شر

 

[farforaQ8]

مشكورة اختي عالموضوع
بس انا ضد تعليق مجلس الامة لان يصدر لنا التشريعات والقوانين اللي بصالح الشعب وآخرها جدولة فوائد قروض المواطنين
بس ينقصنا ان المجلس يكمل مدته اربع وسنين وفي الانتخابات الجاية الناس المفروض انهم يختارون صح.
وانا اتفق معاج ان لغة الحوار صايرة مو بالمستوى المطلوب.
نبي نعرف منو نواب التأزيم؟
(((تصدقين انا خايفة ان الموضوع ينحذف لان سياسة تكميم الافواه صاير لها جم يوم بالمنتدى بس ان شاالله هالمرة يرفعون سقف الحرية عشان نتناقش)
يعطيج العافية

 

[farforaQ8]

الله يحفظ كويتنا من كل شر

 

[مريوم 2009]

الله يحفظ كويتنا من كل شر أن شاء الله ..

ويكفينا شر الحساد ..

بس أنا أشوف النواب يطالبون بحقوق الشعب ..

وهذا من حقه ..

 

[Pwincess]

اي والله صدقتي

 

[cherry kisses]

موضوعج روعه

 

[سہكہـرهـہ وذآبہــہـت]

موضوع الحمله حلوووو
بس باقي كلامج ماعجبني اسمحيلي
لاتعليق

سي يو

 

[puppet]

للحين يأثر فينا ناس صارت تحت التراب

تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُم مَّا كَسَبْتُمْ وَلاَ تُسْأَلُونَ عَمَّا كَانُوا يَعْمَلُونَ (134)

للحين نتخانق عشانهم ..

 

[sara al3soola]

كلامج كله حلو بس مجلس الامه مو بقاله علشان يغلقونه مجلس الامه رمز للحريه فبلدنا

طول عمرنا بالكويت من سنين طويله نتعرض للخطط والمؤامرات بس بفضل اهل الكويت الطيبين نطلع من كل ازمه وحنا سنه وشيعه ايد وحده طول عمرنا ولا عمرنا راح نفترق لو بيفرقونا جان فرقونا ب2-8-1990 طول عمرنا اهل والله يبعد عنا كل شر واي احد يبي يضر هالبلد وشعبها الله يرد كيده بنحره

 

[ام _خلودي]

الله يحفط ديرتنا من كل شر

 

[PO PO22]

الله يحمي ديرتناااااااااااا

 

[كويتيه كلاس]

يسلموا بنات عالردود ..
بس فكروا شوي تقولون عمرهم ما راح يفرقونا و الدليل 2/8/1990
بنات بذاك الوقت كان العدو خارجي عشان جذي كلنا كان يواجهنا نفس الخطر و اليتفينا حوالين بعض و نصرنا الله ..
لكن ألحين الفتن طلعت منا و فينا من بينا و هذي أفتك و أقوى ,, هذي تفرق ما تجمع ...
يا خوفي على هالتراب إللي زهق من إللي ما يخافون الله بديرتهم ...
قطعت قلبي كلمة الشيخ عبد الله السالم بجريدة الوطن كان قايلها قبل حوالي 40سنه و كأنهل تتكلم عن واقعنا اليوم ...
بنات ...
و الله العظيم من بلغت السن القانوني للتصويت و الله ما صوت لأن للأسف نوابنا صاروا مثل الحرباء كل يوم لون قبل الانتخابات شي و بعدها شي ...

 

[alb7ranya17]

ايييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه دنياااااا

 

[farforaQ8]

مايصير نتخذ موقف سلبي ونعيش عالهامش وما نصوت
الصوت امانة ولازم كلنا نصوت للي قلبه عالبلد ويخاف الله اهم شي
مو المتحررين اللي صارواغربيين اكثر من الغرب
الوسطية زينة

 

[dnyay_mll]

انا معاج
بكل كلمه وهذا اللي ودي اقـوله بس ماكنت عارفه شلون اوصله للبنات
مانفعونا النواب بشي
لا نبيهم ولا نبي مجلس الامه
يارب صوتنا يوصل

 

[Om Hayoon]

اول شي اختي كويتية كلااس مشكووووورة على هالطرح و الموضوع المهم
ورايي لهالموضوع والله ثم والله ثم والله اني تربيت على اني ما افرق بين اي احد ، كل اللي اقابلهم في حياتي واتعرف عليهم من جميييييييع شرايح المجتمع ....والله من الشيوخ لي كل اهل الكويت واللي ساكنينها
ابوي عسا الله يشافيه و يعافيه ...لما كنت اقوله ...يبه هذي البنت ( .... ) شنو يعني ؟ يقول لي لا بابا لا تقولين جذي احنا كلنا كويتيين و وكلنا نفس الشي ... وكنت اقول له يبه البنات يقولون لا اكلم فلانه لانها وافده ....يقول لي عيب كلنا عيال حوا وادم ....هذا ابوي اللي رباني وهو من اهل الكويت ولله الحمد اللي مو محتاج احد يقول له انت من وين .....عمري ما سمعت بقبيلة و طائفية الا بالتلفزيون ومجلس الامة ....عمري ما سمعت هذا كويتي درجة اولى وهذا مزدوج الا من التلفزيون ومن مجلس الامة....من متى؟ ...ومن وين دخلت علينا هالكلمات ؟ اقول حق اهلي ابي اربي بناتي مثل مارباني ابوي...يقولولن لي غلطانه ....الدنيا مو مثل اول ولا الكويت واهلها مثل قبل....و صرت بحيرة ....بس الاكيد اني بربيهم على الدين اللي ما يفرق ما بين الناس الا بالتقوى و بالعمل الصالح ..
وهذا رايي يا اختي كويتية كلاس....

 

[توته وااااااااو]

ايييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه دنياااااا

اي والله صدقتي

 

[آبـلـہ نـونـو]

آلله يحفظ آلكويت و آهلهآآآآآآ ،

..