سلام عليكم
شلونكم حبايب قلبي عساكم بخير
اليوم بتكلم عن ظاهرتين صراحه واااااااااااااايد ملوعين جبدي مو بس انا اكيد كلكم لايعه جبودكم منها
اول وحده اللي اهيا الفراره الزايده و هالشي يكثر بالويك اند بشكل مو طبيعي :eh_s(4):
ما شاء الله عسى ما رحنا مجمع ولا مكان و لا مطعم الا زحمه و عالم و قيامه !!!
شنوو هذاا ما عندكم بيوت تقعدون فيها تنثبرون شوي تدرسون تسوون لكم شي مفيد :bbbiu:
لو تروحون اي مجمع بالويك اند بتشوفونه زحمه سواء كان ( الافنيوز - 360 - المرينا -سوق شرق - الفنار - المهلب - حتى المباركيه زحمه ) :eh_s(14):
ماكوو مكان فاضي ما شاء الله تبارك الرحمن جناا العالم كلها طالعه من بيوتهاا ليش شصاير !!
و لا المواقف تبين تنطرين تقعدين لج اقل شي ساعتين اشدعواا يا حافظ شصاير فيكم فقر ملابس ولا فقر مطاعم ولا فقر فراره شنوو موضوعكم بالضبط مسوين لنا زحمه بكل مكان :eh_s(4):
و اللي يحر و يغث اكثر ان جان زين يروحون السوق حق شي مفيد لا والله ما عندهم غير الفراره
الصبيان يعرضون عضلاتهم و السبايكي مالهم و يلحقون البنات
و البنات ما شاء الله كل وحده مسويه لي عرض ازياء و تعرض لنا مكياجها و تمشي على بيض النمله
و بس يفترون بالمجمع ما يسوون شي ثاني و يطلعون منه و ما بيدهم ولا جيس صج شي ينرفز والله و الاملق بعد ان ما اييون السوق بروحهم اييونه مع السايق اووك ميخالف تعالي مع السايق و قولي له بعد ساعه او ساعتين او عطيه وقت معين و ايي لج
ليش يعني السايق ياخذ له مسفط و يوقف ينطر !!
بس زحمه ع الفاضي و احنا نتنقع ننطر حضره جنابهم يخلصون :eh_s(1):
الظاهره الثانيه و بصراحه هاذي حيل حيل حيل خطيــــــــره :eh_s(16):
رجاااااءً يا ناس يا عالم
اي وحده بتقراا هالظاهره سواء ام و عندها عيال او اخت و عندها اخوان انتبهوو معاي للنقطه هاذي :rerrerek:
انا وااايد اشوف عيال الييران يمنا كل ما نبي نطلع نشوفهم يحوسون بالشارع و ما ينتبهون للطريج و السياير اللي تمر يمهم و يعبرون الشارع من غير ما يطالعون حواليهم
انا عندي اخوي بسادس امي ما تخليه يوطوط يم باب البيت تخاف عليه سبحان الله تدعمه سياره يصير له شي خوو اليهال مطافيق لين لعبوو نسوو كل شي ما يشوفون حواليهم ولا ياخذون حذرهم وانا كلا اقول حق امي يماا شوفي الييران كلهم عيالهم براا خلي ولدج يروح كنت دايما اقول ان الشارع يسووي الياهل ريال بس امس اكتشفت ان فكرتي غلط 100 %
شوفوو شنو الموقف اللي صار امس و شفته بعيني
كنت رايحه مع امي b+f في 360 عشان نتعشى و خلصنا الساعه 10 ونص بالليل الحين طلعنا براا ركبنا السياره و نبي نطلع
و احنا ناطرين دوور لأن زحمه سيايير صوب الطلعه و الدخله المهم شفنا صبيان صغااااار والله يمكن برابع او اذا كلش كلش سادس مو اكبر من جذي
المهم قاعدين يمشون يعني يبون يدخلون السوق بس طبعا شي اكيد بيمرون صوب السيايير و طبعا عيونهم مادري وين مركبينا بغت تدعمهم سياره بس اشوااه الريال شافهم و ما دعمهم شوي و صاروو قريب من سيارتنا ولا واحد منهم جان يطلع زقاير و ولعها و قعد يدخن انا هني مو عيوني طلعت براا الا طاحت من مكانها من كثر صدمتي :eh_s(12):
وين اهلهم عنهم مهيتين عيالهم صغار جذي !!!
و يدخنون بعد استغفر الله يا ربي شنو هذول من بشر !!!
و شوي ولا جان يوقفون تاكسي و ركبوو معاه تخيلوو زعاطيط يهال ما يفهمون شي وقفوو تاكسي و ركبوو فيه !!!
شلون اهلهم يخلونهم جذي ما يخافون عليهم يذبحهم ولا يسووي فيهم شي ؟؟
شلون خلوهم يطلعون بروحهم و الوقت متأخر 10 ونص ؟؟
بصراحه واااااااااايد عوروو قلبي طبعا امي من كثر ما اهيا معصبه ع الموقف اللي صار سبتهم
حتى انا انصدمت منها يعني ولا مره سمعتها تسب احد بس امبي معذوره يعني ما شفتوو الموقف اللي صار يعني كان مو طبيعي والله :eh_s(2):
بنات حبايبي ابي اشوف منوو اللي موافقتني بكلامي و منوو اللي معترضه
خلووناا نتناقش مع بعض
اترك لكم المايك حبيباتي :eh_s(22):
.gif){kind=icon}
