الفزعة يا خبيرات استراليا

[^^ام ميمي^^]

بسالكم يا بنات اشلون على كهربتهم نفس بلاكاتنا والشي الثاني انا احب التصوير وبودي معاي اشرطة وايدة حق كاميرة الفيديو عادي بعد نخاف يسوونلي سالفة

بالنسبة لبلاكاتهم انا شريت من السوبر ماركت اللي بالسنتر محول علشان اقدر اركب عليه شغلي


وحاطتلكم الصور بالمرفقات


والاشرطه عادي ما يقولون شيء لكم

 

[هدوء العالم]

مشكووووووووووووورة أختي أم ميمي على المساعدة

أختي الغالية بكون جدولنا إذا الله أراد لأستراليا

على طيران السنغافوري أو الماليزي

إذا كان على السنغافوري

كويت ــ سنغافورة ليلة للراحةـــ سيدني 5 ليالي ـــ جولدكوست 10 ليالي ــــ كوالالمبور 10 ليالي ـــ كويت

أو الماليزية

كويت كوالالمبور ـــ ليتين ــــ سيدني 5 ليالي ــــ جولدكوست 10 ليالي ــــ كوالالمبور 10 ليالي

بصراحة سميت رحلتي حق أبوي

شهر عسل بصل حلو مع أخواني الثلاثي المرح ((((((خوش أسم))))))) هههههههههههه

فالود ودي أطوف هالدولتين بوقت واحد لأن من الصيف 2011 الله يحفظنا كلنا بكون بشهر رمضان

وسلامتج

 

[أمانيQ8]

لورا حبي سدني اونس لج ملبورن عاديه واذا تبين الثلج روحي لها

 

[Loora]

هااا بنااات منو حجز ؟؟؟؟ ومن اي سفريات
وجم طلعت عليكم التذاكر والسكن

فاات ,,,,,,,,,,,,,,,, جنه صرت أنا صاحبة الموضوع

 

[fat]

حللالج ياليت نروح مع بعض بقروب واحد

 

[Loora]

حللالج ياليت نروح مع بعض بقروب واحد

يااالييييت والله

بس مادري اشفييه قسم الدول الاجنبيه ,,,,,, نايمين

آنا كاتبه موضوع وانتي موضوعين ,,,,, بس مافي سوالف

صج بعض البنات ردو علينا (( ماقصرووو ,,,, وجزاهم الله خير )) بس انا شكلي بقلبها شات

انا قريت ردج بموضوع (السفره الذكيه) و ان ميزانيتج 20 لشخص ,,,,, ترى ما اتوقع اتكفي لأن الرحلات تقريبا سعرها 20 لشخص ,,,, وشلون عالاكل والميزانيه؟؟

انااقول قسمي المصروف ( من غير التسوق) على قسمين :
1) الرحلات
2) الاكل و المواصلات

وانا حاطه ابالي للمصروف (800 دينار) لان جم مره اشوف موضوع وقايلين ان 10 رحلات اتكلف 450 لشخصين ,,,,, و350 أكل ومواصلات

وانتي شلون خطتج ؟؟؟؟

 

[fat]

مشكورة يا عمري شكلي انا وياج متوهقين ونضحك وبنسافر بعد الله يسهل ان شاء الله شوفي حبوبة انا من كثر ما اقرا المواضيع يقولون ان موقع الموفي وورلد وسي وورلد وما ادري شنو الثالث نسيتة يقولون انهم قراب يم بعض وتكلفة الرحلة مع وجبة للشخص 20 دينار وبصراحة توهج البطل ياليت الي اتعرف الاسعار تقولنا ونكون لها شاكرينها عشان مانتوهج

 

[Loora]

مشكورة يا عمري شكلي انا وياج متوهقين ونضحك وبنسافر بعد الله يسهل ان شاء الله شوفي حبوبة انا من كثر ما اقرا المواضيع يقولون ان موقع الموفي وورلد وسي وورلد وما ادري شنو الثالث نسيتة يقولون انهم قراب يم بعض وتكلفة الرحلة مع وجبة للشخص 20 دينار وبصراحة توهج البطل ياليت الي اتعرف الاسعار تقولنا ونكون لها شاكرينها عشان مانتوهج

لا فات لا اتحسبينها جذي ,,,,,, انتي مثلا من توصلين (جولد كوست) على طول روحي المكتب السياحي اللى بالهوليدي ان واسمه (اللاوند)وهذا يعتبر احسن و ارخص مكتب ,,,,,, اللى يشتغلون فيه كلهم عرب ,,,, وشوفي البروشورات اللى عندهم واختاري الرحلات اللى عندهم ،،،،، واخذيهم مع بعض مره وحده علشان يطلع السعر ارخص لج ،،،،،، وانا جم مره اقرا بمواضيع ان ال10 رحلات اتكلف 450 لشخصين

بس نصيحه لا تصير رحلاتج بشكل يومي ,,,,, يعني مثلا يومين رحلات ويوم راحه ومجمعات ،،،،،، يعني اذا اقامتج 10 ليالي اخذي 6 او 7 رحلات عرفتييي؟؟

 

[fat]

قصدي 20 حق الشخص بس مادري الرحلة تكون مع المواصلات والوجبة ولا شلون ماني عارفة ساعدوني

 

[fat]

واللهى ياليت نكون بقروب واحد هذا يشرفني انتو جم خص وجم اعمارهم

 

[Loora]

فاااات خلينا انتناقش بموضوع السفره الذكيه ,,,,, انا بنزل معلومات اهناك

بس تدللي

 

[^^ام ميمي^^]

حبايبي انا لما سافرت كلفت رحلاتي 200 دينار تقريبا .... بجولد كوست

الرحلات

اليوم الاول : التجول بالمنطقة و التمشي و الذهاب الى مكتب لاوند للحجز .

اليوم الثاني : دريم وورلد (( عالم الاحلام )) مع مواصلات ووجبة غداء الرحلة من الساعه 10 صباحا الى تقريبا 4 عصرا يعني تردين تعبانه تبين ترتاحين وعقب على وقت العشا تردين تروحين السنتر تتمشين اشوي او تقعدين بالقهاوي ووتتعشين .

اليوم الثالث : التمشي على البحر و بالسنتر لان السنتر وايد كبير وكثر ما تتمشين فيه ما تملين .

اليوم الرابع : موفي وورلد .(( عالم الافلام )). من الساعه 9 صباحا الى الساعه 3 عصرا . مع مواصلات ووجبة غداء

اليوم الخامس : راحة يعني طول اليوم اتسوق رحنا الجمعيه وشرينا جم شيء يعني شغلات سريعه انطقطق فيها بالشقة لان الشقة فيها مطبخ وكل شيء. وتسوقنا .

اليوم السادس : رحلة على القارب في منها عشاء وفي غداء انا اخترتها غدا احلا احس بالنهار وخفت بليل كانت وايد حلوه ورومانسيه القارب لشخصين واللي يسوق ما اتشوفينه بره واتصكرون على عمركم بالستاره و معاه وجبة غداء و موسيقى رومانسية <<< بدون مواصلات .

اليوم السابع : سي وورلد (( عالم البحار )) من الساعه 10 تقريبا الى الساعه 3 بس تاخرنا على الباص و ردينا الساعه 5
مع مواصلات ووجبة غداء .

اليوم الثامن : التسوق والتمشي بالسنتر وفي بالسنتر والذهاب الى .. بليف اور نوت بليف ( صدق او لا تصدق ) وايد حلووو ما يحتاج تحجزينهم عند مكتب لاوند يعني تقصين تذكرة وادشين على طول .

اليوم التاسع : رحت سوق الاحد عندهم بتاكسي ما يعتبر رحله بس تحسفت على اليوم اللي رحتله يلوع الجبد كله سوالف ابو امية فلس والصيني وغالي على الطل بس الحلو فيهم الخضروات والفواكه.

اليوم العاشر : التمشي بالسنتر وفي مثل مجمع كله قيمز وايد حلو بعد والعابه حق كبار و جدامه قهاوي ومطاعم يعني تمشينا وتسوقنا و لعبنا وتقهوينا بعد

اليوم الحادي عشر : سهره بليل ... زنقارا عرض مسرحي راقص وايد حلو يبدي الساعه 8 وينتهي على الساعه 10 تقريبا يعني 11 انتي بالشقة .بدون عشاء وبدون مواصلات اخذنا التاكسي على حسابنا . طبعا طول اليوم مرتاحة ماكو رحله بس بليل سهره

اليوم الثاني عشر : الريف الاسترالي ... مع مواصلات ووجبة غداء تقريبا الروحة على الساعه 9 او 10 وردينا الساعه 4 .

اليوم الثالث عشر : فانتاسي وايد حلو بعد بالسنتر وتقصين التذكرة بنفسج كله قزاز من داخل وادشين مثل خانات و اماكن طبعا ما تدرين انتي وين قاعده تمشين لان تحتج قزاز و فوقج قزاز وانتي تمشين فجاءة ادشين بالجام لوووووووول فجاءة يطيح عليج شيء من فوق فجاءة اطيحي بحفره بس كلها اسفنج ووايد حلوه لي درجة ان انا وزوجي انطامر ونضحك و صج وناسه وفصلة وبس تضحكين..

اليوم الرابع عشر : الذهاب الى برزبن والسفر الى بانكوك والاقامة بها 4 ايام

 

[^^ام ميمي^^]

الريوق يا نتريق من صب وي او بالشقة خبز وجبن لان نكون مستعيلين ورانا رحله


الغداء يوميا ايام الرحلات وجبات من ضمن الرحلات

والايام اللي مافيها رحلات


يا نتغدى بالمطعم التركي او الايراني او الهندي .... وكذا مره انا طبخت اشياء خفيفة بالشقة


العشا بماكدونالدز و برجر كنغ وبعد شاورما وهالسوالف ...


ولاتنسون يوميا بالسنتر تشترون ايس كريم لان لذييييييييييييييييييييييذ

 

[^^ام ميمي^^]

مشكووووووووووووورة أختي أم ميمي على المساعدة

أختي الغالية بكون جدولنا إذا الله أراد لأستراليا

على طيران السنغافوري أو الماليزي

إذا كان على السنغافوري

كويت ــ سنغافورة ليلة للراحةـــ سيدني 5 ليالي ـــ جولدكوست 10 ليالي ــــ كوالالمبور 10 ليالي ـــ كويت

أو الماليزية

كويت كوالالمبور ـــ ليتين ــــ سيدني 5 ليالي ــــ جولدكوست 10 ليالي ــــ كوالالمبور 10 ليالي

بصراحة سميت رحلتي حق أبوي

شهر عسل بصل حلو مع أخواني الثلاثي المرح ((((((خوش أسم))))))) هههههههههههه

فالود ودي أطوف هالدولتين بوقت واحد لأن من الصيف 2011 الله يحفظنا كلنا بكون بشهر رمضان

وسلامتج

نصيحة ,,, دام انتو تقريبا 5 اشخاص انصحج تسكنون بشقق فندقية احسن من الفندق بوايد وارخص

انصحج بالرحله الثانية اللي على الماليزيه لان الولى 3 دول تعب عليج ويكون سير الرحلات مختلفة عن بعض وتتوهقين فيها وتطلع عليج اغلى على الفاضي لان سنغافورة مثل ما سمعت عنها انها هاديه و حلوه بس محد يعني يمدح فيها وايد يعني يقولون نضيفة وهاديه بس سوقها غالي ....

وبالنسبة لرمضان الله يعوده علينا باليمن والبركات لا تنسين ان عطلتنا شهرين ورمضان شهر واحد يعني نقدر نسافر باي عطله باذن الله

 

[Loora]

^^ام ميمي ^^

ماشاءالله عليج ,,,,,,,,,,, خووووش جدوووول ,,,,, عليج بالعافيه

بس قوليلنا ليش ما اخترتي سدني بروحتج ؟؟؟؟ تسوه ولا ماتسوى ؟؟؟ نبي رايج ,,,,, لانج رايحه ومجربه

وماقصرتي يالغاليه

 

[Loora]

^^ام ميمي ^^

ماشاءالله عليج ,,,,,,,,,,, خووووش جدوووول ,,,,, عليج بالعافيه

بس قوليلنا ليش ما اخترتي سدني بروحتج ؟؟؟؟ تسوه ولا ماتسوى ؟؟؟ نبي رايج ,,,,, لانج رايحه ومجربه

وماقصرتي يالغاليه

 

[أمانيQ8]

ام ميمي رحلتج هذي مالت القارب اللي من داخل احمر ...خذناه وتعشينا فيه انا وريلي واليهال تقلقصنا فيه برررررررررررررد ومطر بالليل خذناه صاجه لو نهار احسن وايد رحله صج عجيبه حق اثنين مو انا اليهال دار مداري لووووووووول الله يحفظهم

اللي يروح ارشحله بصراحه هالرحله

 

[Loora]

^^ام ميمي^^

بعد بسألج عن الرحلات ,,,, الحين انا شفت جدولج واللى فهمته انج حجزتي الرحلات ب200 دينار ((ياليت اتوضحين لي شنو الرحلات بالضبط ؟؟؟)) وهالسعر حق شخص ولا شخصين ؟؟؟


وبعد بسألج عن السكن ؟؟؟ لأن انا ودي احجز شقه علشان ابي مطبخ ؟؟؟ وانا شفت واجد يمدحون الشفرون ؟؟؟ اشرايج فيها ؟؟؟ وانتي وين سكنتي ؟؟

 

[fat]

ما قصرتي يا ام ميمي

 

[^^ام ميمي^^]

ام ميمي رحلتج هذي مالت القارب اللي من داخل احمر ...خذناه وتعشينا فيه انا وريلي واليهال تقلقصنا فيه برررررررررررررد ومطر بالليل خذناه صاجه لو نهار احسن وايد رحله صج عجيبه حق اثنين مو انا اليهال دار مداري لووووووووول الله يحفظهم

اللي يروح ارشحله بصراحه هالرحله

اي اهوا نفسه الاحمر من داخل وعليه فروو ابيض

بالنهار احلا وااايد واتشوفين الطبيعة والسما ماشاء الله شيء خيااااااااال وعلى قولتج تصلح بس للمتزوجين يعني واحد وزوجته بس وصج برد الجو عقب ما مشى القارب بس انا وزوجي معانه جاكيتات لبسناها بس ما طق مطر كلش

وفي اذا معاج ياهال تقدرين تروحين بالباخره وايد حلوه واوسع لكم بس ما تكون شخصيه يعني معاكم ناس