الفزعة يا خبيرات استراليا

[fat]

شلون جو سدني وجولد كوست

 

[fat]

loora شخبارج وشسويتي حجزتي

 

[Loora]

هلا فيج فاااات

اصدمج ،،،،، والله ليما الحين ماحجزت

 

[fat]

شناطرة الفيزا تبي وقت

 

[fat]

ام ميمي شلونج وشخبارج

في سدني او جولد كوست مهرجان على المسرح ياليت تدليني السفرة قربت

 

[Om Noooono]

لورا كل ماتأخرتي بالحجز ترتفع الاسعار
والفيزا يبيلها اسبوعين

 

[fat]

up up up up

 

[Loora]

فااات قوليلنا عن مهرجان المسرح ؟؟؟؟ سنو فعالياته ومتى يبدأأ ؟؟؟ باي تاريخ

 

[Loora]

اب اب اب

 

[fat]

هلا بالغالييين واخيرا فتح معاي المنتدى

انا ما عندي فكرة عن العرض المسرحي انا ودي اعرف

 

[fat]

بصراحة وانا ابحث بالنت واشوف عرض مسرحي في لاس فيغاس عجيب تخيلو على المسرح في حمام سباحة كبير وكذا واحد يعرض بصراحة روعة

 

[فرحه عمر]

انا حاطتلكم بالصفحة الثالثه صورتين بالمرفقات عن بلاكتهم برد مره ثانيه احطها لكم اهني


تشترونها من السوبرماركت مالتهم

اختي البلاكات ماله داعي تشترين بيوفرها لج المكان اللي ساكنه فيه سواء فندق او شقق
والتذاكر طلعت علي بالاماراتيه 580 بالمكتب وبالنت 560 اعتقد وحجزت السكن بقولد كوست عن طريق النت
مكاتب السفريات على كل تذكره ياخذ من 10-20 دينار على كل تذكره والسكن على كل غرفه باليوم من 5-10 دنانير زياده هذا اللي لاحظه بمقارنتي للاسعار الطيران السنغافوري يمدحونه بس حبيت الامارتي صج اغلى لكن مجربته الخدمه من حيث الاكل 100% حلال والافلام ماتملين منها ومترجمه عربي واجنبي السنغافوريه اكيييييد بيجون افلامهم او افلام اجنبيه مومترجمه بالنسبه لي ماعندي مشكله بس حق اللي معاي تفرق معاهم وصحيح اوفر بالتذكره لكن تعب بالترانزيت تقريبا 6-8 ساعات بسنغافوره
جولد كوست ان شاء الله 12 يوم وسيدني 5 ايام وراجعين الديره
بس ادعولنا تتسهل الامور ونسويلكم احسن تقرير عن استراليا
بخصوص الرحلات في بعض الرحلات مانصحكم فيها مثل سالفه الباص المائي اذا فلوسج زايده وعندج وقت اركبيه وماله ترى مايسوى واذا ماركبتيه ترى ماطافج شي
احلى الرحلات اهي الموفي ورلد - ويت اند وايلد (عالم البحار فيها العاب مثل الجندول مو بس عروض مائيه ) - ودريم ولرد وبارادايس كنتري حلو بعد عائليه وفيه رحله جديده اسمها تنغالوما ايلاند بنجربها ونرد لكم خبر فيها
اما سوالف الاكواريوم مانحبها الصراحه ملينا منها وموجوده عندنا بالكويت وسالفه رحله الحيتان بعد ولا البطريق اشوفها ماتسوى وكل واحد على حسب ذوقه
في رحله بعد اسمها تروبيكال فارم اظن عباره عن مزرعه فواكه
سيدني احسن شي مكان الدارلينج هاربر بالليل والسيركلاكي صوب الاوبرا هاوس ويكون فيه نوع من المهرجانات كل سبت واحد بس ماصادفتهم
وسلامتكم

 

[Loora]

اختي البلاكات ماله داعي تشترين بيوفرها لج المكان اللي ساكنه فيه سواء فندق او شقق
والتذاكر طلعت علي بالاماراتيه 580 بالمكتب وبالنت 560 اعتقد وحجزت السكن بقولد كوست عن طريق النت
مكاتب السفريات على كل تذكره ياخذ من 10-20 دينار على كل تذكره والسكن على كل غرفه باليوم من 5-10 دنانير زياده هذا اللي لاحظه بمقارنتي للاسعار الطيران السنغافوري يمدحونه بس حبيت الامارتي صج اغلى لكن مجربته الخدمه من حيث الاكل 100% حلال والافلام ماتملين منها ومترجمه عربي واجنبي السنغافوريه اكيييييد بيجون افلامهم او افلام اجنبيه مومترجمه بالنسبه لي ماعندي مشكله بس حق اللي معاي تفرق معاهم وصحيح اوفر بالتذكره لكن تعب بالترانزيت تقريبا 6-8 ساعات بسنغافوره
جولد كوست ان شاء الله 12 يوم وسيدني 5 ايام وراجعين الديره
بس ادعولنا تتسهل الامور ونسويلكم احسن تقرير عن استراليا
بخصوص الرحلات في بعض الرحلات مانصحكم فيها مثل سالفه الباص المائي اذا فلوسج زايده وعندج وقت اركبيه وماله ترى مايسوى واذا ماركبتيه ترى ماطافج شي
احلى الرحلات اهي الموفي ورلد - ويت اند وايلد (عالم البحار فيها العاب مثل الجندول مو بس عروض مائيه ) - ودريم ولرد وبارادايس كنتري حلو بعد عائليه وفيه رحله جديده اسمها تنغالوما ايلاند بنجربها ونرد لكم خبر فيها
اما سوالف الاكواريوم مانحبها الصراحه ملينا منها وموجوده عندنا بالكويت وسالفه رحله الحيتان بعد ولا البطريق اشوفها ماتسوى وكل واحد على حسب ذوقه
في رحله بعد اسمها تروبيكال فارم اظن عباره عن مزرعه فواكه
سيدني احسن شي مكان الدارلينج هاربر بالليل والسيركلاكي صوب الاوبرا هاوس ويكون فيه نوع من المهرجانات كل سبت واحد بس ماصادفتهم
وسلامتكم

خووووش مشاركه

صج والله نبهتينا على شغلات ,,,,, لان في اماكن ما تسوى انروح لها وانصيع وقتنا

اول شي انروح للأماكن الحلوووه اللى ما اتطووف وبعدين اذا عدنا وقت انروح للأماكن العاديه

وبضيف لج شغله ,,,,, في ررحله الآوت باك مالت الخيوول حيل يمدحونها ،،،، ورحلة الريف الاسترالي اللى اتشوفين فيها الخرفان الاستراليه وفيها بعد عروض على الخرفان ,,,,,, انا ما اعرف تفاصيل الرحله بالضبط بس اللى حسيته انها رحله غريبه وحلوه

ونفس ماقلتلي سوالف الاكواريوم والباص البرمائي ماراح اروح لهم ,,,,, هالاشياء موجوده عندنا وبدبي وملينا منهم ،،،،،، حلوو الواحد يروح اماكن ماشافها من قبل

وبعد بقولج عن لعبة الانفنتي ،،،،، لا اطوفج ,,,, الكل يقول ان من كثر ما اهي حلوه نلعبها كل يوم ,,,,, جربيها

 

[معلمة روضه]

شكرا لكم

منو بترووووح لها اخر هالشهر؟

 

[fat]

بنات لا تطوفون رحلة i max انا بصراحة قلت مابي اضيع الوقت واروح بس وحدة رايحة وانصحتني قالت احلى بوايد من ومالتنا

 

[Loora]

فاااات قصدج سينما imax ,,,,, ولا رحله اسمها imax ...؟؟؟؟؟

ووين بسدني ولا جولد كوست ؟؟؟


وبعد بغيت اسألج ,,,,, سامعه عن مصنع الكاكاو ؟؟؟ ووين موجود بالضبط ؟؟؟

 

[فرحه عمر]

خووووش مشاركه

صج والله نبهتينا على شغلات ,,,,, لان في اماكن ما تسوى انروح لها وانصيع وقتنا

اول شي انروح للأماكن الحلوووه اللى ما اتطووف وبعدين اذا عدنا وقت انروح للأماكن العاديه

وبضيف لج شغله ,,,,, في ررحله الآوت باك مالت الخيوول حيل يمدحونها ،،،، ورحلة الريف الاسترالي اللى اتشوفين فيها الخرفان الاستراليه وفيها بعد عروض على الخرفان ,,,,,, انا ما اعرف تفاصيل الرحله بالضبط بس اللى حسيته انها رحله غريبه وحلوه

ونفس ماقلتلي سوالف الاكواريوم والباص البرمائي ماراح اروح لهم ,,,,, هالاشياء موجوده عندنا وبدبي وملينا منهم ،،،،،، حلوو الواحد يروح اماكن ماشافها من قبل

وبعد بقولج عن لعبة الانفنتي ،،،،، لا اطوفج ,,,, الكل يقول ان من كثر ما اهي حلوه نلعبها كل يوم ,,,,, جربيها

loora
شكوره حبيبتي على المدح
رحله البرادايس كنتري اهي نفسها رحله الريف الاسترالي اللي فيها عروض الخرفان وعلى فكره جدا ممتعه الرحله ,,انا رحت لها مع زوجي وكنت طول العرض اضحك ومستانسه وهالرحله على حسب شامله الغدا او من غير غدا براحتج واذا طالبه اللي بالغدا اول ماتوصلين عند البوابه يسئلونج شنو تحبين سمج اول حم ولا دياي؟؟ وبس يخلص عرض الخرفان تروحون تتغدون وفيه واحد ريفي يغني بجيتار حتى الياباني يعرف يغنيه ههههههه احنا كان معانا واحد غشمرجي قال الا اعلمه اغنيه كويتيه بس للاسف احتار ماعرف شنو الاغنيه اللي بيعلمه اياها ويحليله الاسترالي استانس ومستعد يتعلم الاغنيه وبس تخلصون الغدا يورونكم شلون يجمعون الخرفان عن طريق الحصان والكلب عزكم الله
رحله الاوت باك هذي يديده وماجربناها والانفنيتي بعد افتتحوها على سنه 2005 اظن ترى اسعار التذاكر لكل رحله تختلف على حسب اذا تبينها بالمواصلات او من غيره واسعارها تتراوح من 12- 18 دينار على حسب المكتب
بس ضروري تفترون وتشوفون اسعار المكاتب قبل لا تشترون

 

[فرحه عمر]

شكرا لكم

منو بترووووح لها اخر هالشهر؟

اخيتي شلونج؟؟:lololoe:

هذولا منو يذكرونج فيه ؟؟:gathering:

 

[فرحه عمر]

فاااات قصدج سينما imax ,,,,, ولا رحله اسمها imax ...؟؟؟؟؟

ووين بسدني ولا جولد كوست ؟؟؟


وبعد بغيت اسألج ,,,,, سامعه عن مصنع الكاكاو ؟؟؟ ووين موجود بالضبط ؟؟؟

تقصد سينما imax اللي بسيدني هالسينما تختلف عروضها من سينما للثانيه فمابالج بدوله ثانيه مثل استراليا !!

في بسيدني رحله حق sydney tower اهي ماتحتاج تروحين لها رحله اذا كنتي ساكنه بشارع جورج ستريت لانه السوق هناك صراحه عجييييييييييييب هالبرج في داخله سينما اول مره اشوفها بحياتي!!! والسينما شامله تذكره الدخول
الشاشه عباره عن حوض زجاج مثل حوض السمج فااااضي وبس تطفي الاضاءه تلاقين فيه اشياء تتحرك وناس تمشي وتتكلم عن تاريخ استراليا وهالناس كانها فعلا داخل هالحوض وفجاء تختفي بطريقه غريبه وبعد عرض السينما تروحون صاله ثانيه فيها لعبه وشاشه عرض 3D تخليكم كانكم طايرين في غابات استراليا ولما اقول طايرين يعني صج طاااااااايرين راح تحسين بالهواء البارد الحلو على ويهج وريولج واذا مريتي على شلال تحسين برذاذ الماي عليج والله حسيت وقتها كاني بيتر بان الشخصيه الكارتونيه
وفي بسي ولرد بعد نفس السينما هذي بعد وكانت عن القراصنه وكنا نحس بكل شي تقريبا بس الصراحه سوا حركه فينا خلونا نمووووت من الضحك على روحنا ماراح احرقها عليكم

 

[فرحه عمر]

وينكم؟؟