الفزعة

[الاوة]

عريسي قريب وابي فزعتكم ابي احسن المحلات الي انتوا مجربينها حق البدل كل عن من كله بدلة العرس ابيها تاجير بس تكون مستوى فخامة وذرابة وابي الدراريع وبدل الاستقبال مدحولي الدزة وانجفة وفاطمة قبازارد بنات انصحوني احس اني ضايعة مدحولي برجوازي بس المشكلة حمولتي كلهم عندة بس ابي خياط بمستوى قصتة وشنو اخر موديلات المسكات ابي فناتق الله يخليكم ردوا علي

 

[طوق البنفسج]

مشاركة: الفزعة

اختي البنات يمدحون الدزه حق تاجير نفنوف العرس

و الدراريع تقدرين تاخذين من المعارض مثل بيت ديفا و كريزما و السلام

بالنسبه للمسكات الدارج الحين الي تكون ورد وكرستال وشرايط وهالحركات

موفقه انشالله

 

[ام أحمدووه]

مشاركة: الفزعة

والله كان ودي افيدج بخصوص التاجير بس ماعرف محلات التاجير...اذا بتشترين جاهز عندج البوشية وايد راقي ومعروف والاسطورة وفي محلات بليلى جاليري حلوة بعد بس ماعرف اسماؤهم بس لو تروحين تاخذين نظرة هناك راح تشوفين اشياء حلوة ومميزة..

ام المسكات ...روحي شوفي مسكات زهور رشا اللي بالجابرية...انا سويت مسكتي هناك وكانت فعلا رووووعة وناعمة ..حتى الفلبيني وراني صورة حق مسكة حليمة بولند كانت مسوية عندهم

 

[الكرملين]

مشاركة: الفزعة

البدلات عند الدزه والبوشيه وبدلة استقبال روحي لمليكه

 

[نشـــامي]

مشاركة: الفزعة

ألف مبروك ياقلبي والله يوفقج ويسخر زوجج لج ويهنيكم

بدلات العرس ت؟أجير في عند الدزه يمدحونها والدراريع روحي فاطمه قبازرد حلوه وزوغه اللي بشارع البلاجات بالسالميه ومافي أحلى من مشاغل صباح الناصر والاندلس حق العرايس
المهم روحي كل مكان لا تخلين شي واختاري اللي يعجبج
بغيت أسأل شنو بروجوازي ما اعرفه؟؟؟؟؟؟؟

 

[strawberry_q8]

مشاركة: الفزعة

نشامى حبيبتي انا برد عليج البرجوازي أتيليه وصالون الكل يمحده بالشعب بس مارحت له موجود يم مطعم شلاويط حسب ماسمعت عندهم اكثر من مصمم لبنانيين بس اسعارهم شوي غاليه