*$* الفلات فوت أزم حياتي :( *$*

[bal8es]

قوه بنات

:eh_s(7):


انا عمري 18 سنه و فيني فلات فوت مأزم حياتي ما اقدر امشي واييد بسرعه اتعب و ما اقدر ألبس كعابه حالي حال البنات بسرعه ريولي تعورني منها وملعوزه اهلي كل ما طلعنا مكان ومشيت مسافه طويله بس اقعد ابجي من عوار ريولي :eh_s(11): :eh_s(11):



رحت الرازي ورحت العسكري ورحت فحيحيل التخصصي وكلهم قالولي كلام واحد ان يسون عمليه بس العملية راح تخليني افقد حركة ريلي لي يمين ويسار يعني ما اقدر احركها يمين ويسار تثبت بوضعيه وحده وحرام انا بعديني صغيره مع العلم ان قالولي الفلات فوت راح يزيد مع العمر والزواج والحمال و.... إلخ :eh_s(2): :eh_s(2): ​

​

طولت عليكم الزبده ذاك اليوم شفت اعلان عن مستشفى السيف ان حاطين علاج الفلات فوت في احد جربه او يعرف عنه شي
؟ :bbbiu:



انا حاليا متى ماصار عندي ألم استخدم حبوب مسكنه و احط داخل الجوتي عزكم الله حشوه




الي ترد او تقرا الموضوع الله يوفقها انشالله ويشافي لها كل مرضاها يارب :yaaaaaarb:​

 

[MISS_LIZLIZ]

مرحبا bal8es

انا مثلك عندي فلات فووت بس الله يهديهم الاطباء عندكم ليش كذا يقولوا لك عملية بجد الله يهديهم متسرعين و يبحثون عن اقصر الحلول

اللي يقولك عملية اقول انت دجال مو دكتور و للاسف راح اشك ان الشهادة اللي معلقه على حائط الغرفه تكون له

المسئلة بسيطة كثيرر تروحين عند شخص يسوي لك تلبيسة تدخلينها في الشوز و تكونين لابس الشوز الرياضي مدة 9 ساعات سويتها لمدة سنه كاملة و بعد كذا تركتها و لي الان من تركتها 6 سنين و كل شي تمام و كمان البس كعب

و اذا حسيتي الالام بترجع لك ارجع البسي التلبيسة يعني المسئلة بسيطة و سهلة و مع الوقت ترووح هذه الالام بنسبة 85 %

شوفي الصور التلبيسة و كيف العظم يستجيب للعلاج و يتقوم :

 

[بحر الذكريات]

الله يشفيج يارب

 

[عواار قلب]

اب
اب
اب

 

[بالمشمش]

انا خابره انه في تكرمين حذاء طبي تلبسينه وتمشي الامور عادي ليش عمليات الله يهداهم هالدكاتره

 

[يارحيم إغفرلي]

الله يشافيج ياارب

 

[bal8es]

فديتكم كل الي رديتو علي
وعلى التلبسيه عندي وحده اخذتها من دكتور شول وفصلت همن قبل فتره جوتي تكرمون طبي بس احس ماكو فايده

 

[MISS_LIZLIZ]

اذا انتي عمرك 18 سنة معناته العظم و الاعصاب لازال ينمو و كذلك بعض الانسجة و الغضاريف
استمري عليها و حطي في بالك ما تخلعينها من رجولك انا كنت ما التزم بكلام الدكتور لي 9 ساعات كنت البسها معظم اليوم
ماخلعها الا عند الصلوات و النوم و الله بعدها شفت الراحة
انتي يمكن تلبسين الشوز لكن ما اتوقع الفترة الكافية ... حاولي تزيدين الوقت و مع الايام تتعودين على هذا الشي و راح ترتاحين كثيرر
ايوا في شي مهم كمان
حاولي ان التلبيسة تكون قاسية و صلبة حتى تتحمل الغط لفترات طويلة و تقوم القدم
وفي اليوتيوب تمارين مخصصة للي عندهم فلات فووت جربيهم
راح ترتاحين كثير عليهم

و انصحك لوجه الله تبعدين عن عمليات القدم لان كل نهاية الاعصاب الحسية موجودة في بطن القدم
احياناً الاطباء يبينون لك ان هذا اخر الحلول و خلاص مافي فايدة من اي طريقة ثانية
اخصريكي منهم و لا تعطيهم عقلك حتى يشوشرون عليكي .. ممكن احيانا يكون كسبهم مادي

جربي اللي قلت لك عليه و ان شاء الله بتضبط امورك

 

[bal8es]

^
^
^
^ يعطيج الف عافيه حبيبة قلبي انشالله بجرب الي قلتي عنه و الله كريم
فديتج ما تقصرين الله يوفقج

 

[اميره بكلمتي]

الله يشافيج يارب

 

[JANAA]

حبيبتي انا عندي فلات فوت عظمي بعد والحمد متزوجه وحملت 3 مرات وكنت اشترك بماراثون الجري بالمدرسه والبس كعب عالي والحمد لله بس الاحسن انو الوزن ما يزيد علشان ما ياثر على القدم وهذا الكلام قاله لي دكتور متخصص بمستشفى الدفاع من اكثر من 15 سنه
ولله الحمد كل شي عندي طبيعي حاولي انك لما تروحي البحر تمشي حافيه ونفس ما قالوا البنات حطي الفرشه الصحيه بالحذاء

 

[uae_asma_uae]

الله يشفيج يارب

 

[!^! كازاويه !^!]

الله يشفيج ويحقق الي في بالج ياقمر ..
ودايم قولي الحمدلله على كل حال ..

 

[FuSheYa]

اول شي ماتشوفين شر حبيبتي

انا ريلي فيه فلالات فوت شي خياااال
حتى الدكتور قاله اول مره اشوف جذيه!! حبيبي والله


المهم اهوا يعالج طبيعي بدار الشفا حق اصابه تمزق الابطه بريله .. المهم الدكتور شاف ريوله وقاله الفلات فوت كلش موطبيعي عندك
ومدحله دكتوره بمستشفى المواساة اجنبيه

راحلها وهم انصدمت شلوون ساكت عليهاااا
المهم خذت قياساته وقالتله ييبلي جم شووز من اللي تلبسهم وايد

المراجعه الثانية ودالها جم شووز من اليومي او اللي يلعب فيهم رياضه
قالتله كلهم مو زينين
كلهم بالزبااااااااااااله مكرم السامع

سوتله الحشوه على قياس ريله
وقالتله مايلبس الا كروكس ويحط فيه الحشوه

ويلبس جوتي رياضه شويه مرتفع من ورا علشان مايضايقه

طبعا ما صفاله الا جوتيين والكروكس حق البيت

الحين طبعا الحشوه تضايقه ومافيه صبر مايلبسها دايما بس وايد يمدح الدكتوره












ونفس الدكتوره مادحها ابوو رفيجه يقول تقريبا صارله اكثر من سنه واهوا يلبس الحشوه منها وواااااااايد مرتااااح
الحين تعود عليها
والم الظهر واسفل الظهرر كلله راااح


انتي جري روحيلهاا والله يسهل ان شاءالله

 

[bal8es]

^
^
^
يعطيكم الف عافيه

فوشيا حبيبتي تسلمين انشالله بروح لها الله يشافي زوجج ويخليلج ياه

 

[mi corazon]

بلقيس نفس حالتي

بس انا عمري ٢٨ .الفلات فوت فعلا مأذيني من قلب مو عارفه البس شي وابهام الريل عندي من شدة الفلت فوت صايرين عويه يعني ابهام اليمين مايله صوب اليمين حيل واليسار مايله صوب اليسار وايد

صج اذيه بالمشي والكعب وغير جذي بالمراقبه والوقفه بالتدريس

صج صج متأذيه


وسمعت فعلا عن العمليه اللي بالسيف .. بس خرعتيني بلقيس شلون لو سويتيها ما احرك ريولي يمين ويسار؟؟
انزين بالله انلوحلت بالغلط شيصير؟ تخترب العمليه؟

نوريني حياتي حدي مكتأبه بسبتها

 

[bal8es]

^
^
يا عمري

العملية بمستشفى الحكومه قالي ان يعني تثبت الريل لي مسكتيها تقدين تحركينها يمين ويسار بيدج وقت يسون العمليه ما تقدرين تحركينها تفقدين هالقدره

بس في كلام االاخت الي فوق عن الجلده انا شريتها وانشالله بجربها من شول الي بالافنيوز

 

[love^angel]

واااي نفس الكعاناة تعب بالمشي والحركه والجواتي قهر كلهم يعورون ( انا احس مشكلتي اصعب لنه ريلي مو بس فلات لأ شفتو المكان الي المفروض يكون منحني لداخل انا مو بس فلات لأ فيه عظمه بارزه لبره شويه مادري اذا احد مرت عليه هالحاله ولا لأ وصج شنو العلاج وعند منو اروح لني صج تعبت عمري ٢٨ يعني العظام عندي تكونت ما اتوقع في شي ينفع ولا شرايكم.. الله يعينج حبيبتي حاسه فيج والله

 

[دلوعة المنتدى]

الله يوفقج

 

[>>> حلوه بس بلوه <<<]

سبحان الله انتي نفس حالتي لا وبعد انا اقوم بالليل وابجي من شدة العوار بس رحت لدكتور عظام ابوي يعرفه ومشهور بس والله ما اذكر اسمعه لاني من زمان رايحتله يمكن من تقريبا عمري 14 وكان يقول سبب الفلات فوت كان سمنتي الزايده ووزني قال لي لازم تضعفين و جربت الرجيم وغيره ما نفع معاي وانا لحد الحين على هالحاله وانا الحين عمري 17 ولا فكرت اروح لها *اكيد بيزفني لاني ما ضعفت بس اذكر عطاني القطعه اللي تنحط داخل الجوتي وانتوا الكرامه وكانت تالمني حيل وتركتها ولي يومج هذا ما فكرت اروح له ومن جذي قررت اسوي تكميم و البس القطعة مره ثانية جود ينفع