الفوبيا اااه من الفوبيا .. كل وحده تدش تشوف شنو فوبيتها + شوفوا الفوبيا شسوت فيني :(

[G!RLooNa]

حلوه فوبيا المنقط

اموووووووووت بكل شي منقط دراريعي كلها دوائر ونقط بجاماتي ملابس بدلاتي لوووووووووووول

اخوي يسميني ام خماااااااااااااااااااس

الفوبيا

شوفي قيرلونا اللي عندج ما اعتقد فوبيا بس انتي مهستره حبتين لوووووول

:dddds:

 

[هزة غضا]

أكره الأنفاق اللي في الجبال او تحت الأرض خاصة الطويلة مثل انفاق مكه..واكون متوترة وقلقانه لحد مانطلع منها..لكن الحمدلله ماتصل حد الفوبيا الشديدة اللي افقد معها تركيزي!
كذلك المصاعد..مواقف السيارات الأرضية المغلقة( اللي تكون بالقبو) ..
الترام تحت الأرض..واي مكان يكون تحت الأرض
طبها اكره البعرصي عدوم الجميع كرها جما (مدري وش تسمونه بصراحة)!

اختي عندها فوبيا شديده من القطط واي شي فيه وبر..
ومرة صار لي موقف معها سخيف جدا..
كنا نمشي بمجمع الرياض غاليري وفيه حديقة كبيرة بالوسط فيها ماء وحوالينها حيوانات محنطة غزلان وطيور وكذا..طبعا فيه حاجز زجاجي يحيط بالحديقه..وفجأة ما ادري وش اللي خلى اختى تتخيل ان واحد من الحيوانات تحرك باتجاها! شعور سخيف....صرخت أختي بقوة.. وفشلتني بقوة..وزفيتها بقوة!

 

[el lulu]

موضووعج حـــلو والصــور عجيــــــبه هيهيهي
الله يسلمج دام اني ادرس بتخصص علم النفس والحين ميداني ف مارين عليي وااااايد حالات فوبيا .. خل اقولج سالفه مره ياني عميــل يبي وظيفه!! ما عنده وظيفه وهني بامريكا مستحيييل تعيشين بدون وظيفه ومعاش .. الي ماعنده فلوس يموت يتشرد (الحمدلله عالنعمه الله يديم عزج ياكويت) وعنده فوبيا شنو اهي؟؟؟؟؟؟؟؟ ( فوبيا من الاستحمام) !!!. @@ شنو تتخيلين شكله وريحته استغفر اللــــــه !!!!! يعني من عــذره مو لاقي وظيفه والله لو البس القناع الي يلبسونه المطافي ريحته توصل اووف وشـلون بدو بالعلاج .. انه كل جلسة ايي يورونه مقاطع من الافلام الي فيها ناس تتسبح ف اهو اول خطوة حق علاج الفوبيا انج تتعرضين لها
انا اعتقد الي فيج مو فوبيا يمكن بس خوف شديد بس ان شاء الله ما توصلين للفوبيا لانه من اعراضها انه بس تتكلمين عن الموضوع تعتفسين وتعرقين وقلبج يدق وويهج ينحقن وتخافين وبعضهم يغشـــون @@
و في انواع فوبيا غريبه : في فوبيا التشمخ ( يعني احد يشمخج) فوبيا الارقام !!! ( مايصلحون يدشون علمي ابد ) وفوبيا الذهب :s ( حدهم موفرين فليساتهم)
وانا مثلج اخاااااااف وايد من الحيوانات والحشرات حتن سمج الزينه اخاف منه:eh_s(16):

 

[ماني من الناس]

اخاف من الحيوانات كلها مستحيل أأمن لحيوان بس مو انه اسوي دراما بس خوف ومن الاماكن العاليه والالعاب الخطره


وموستحيل اركب مصعد بروحي

 

[رهف الالمعي]

انا اخاف من الشياطين موضوع حلوا مشكوره

 

[حبـ admant ـك]

- الخوف من الحيوانات بأنواعها zoo phobia‏

يممممممممممممممه انا فيني هالفوبيا
اتيبس بمكاني من الخوف

 

[~عيون الحب~]

الزهيويه واااااااي يالزهيويه مااااااتحمل :eh_s(11):
وجميع الحشرات والزواحف :eh_s(2)::eh_s(2)::eh_s(2):
والظلمه .. والصوت العالي حتى لو كان كلام عادي !! وايد اخاف من الصوت العالي خصوصا اذا كان مفاجئ تلقيني فجاه افز
والجلاب يمممه صار فيني موقفين
1- بالبر كنا واقفين انا وامي وخواتي يم السياره وابوي شوي بعيد واقف يسولف مع واحد عنده جلب وانتو بكرامه
الريال هاد الجلب جان ايي صوبنا بهدووء
انا لفيت ويهي ولا اشوفه واقف يمي
جان لاااشعووررررري اررررركض وادزز امي وخواتي واركب السياره واروح لي اخر كشن وكل هذا صار بثواني وصراخ ومناقز
وراسي طق بسقف السياره :krkrkr:
2- كنا رادين البيت وولد جيرانا عنده جلب صغيييير قاعد يتمشا فيه بالفريج ومادري ليش موماسكه جان ايي عندنا واحنا نازلين من السياره بندش البيت :eh_s(2):
شفته جان اهسسستر انا وخواتي.. و امي كانت بتبطل الباب لزقت فيها لزقه فقصتها بالباب عشان تبطله وندش وقاعده اصرخ من قمه راسي :krkrkr:
حدي تفشلت ولد جيرانا ياي يرقع ماكو شي ماكو شي لاتخافون :eh_s(2):
دشيت البيت ابجي من الخرعه واضحك من الفشله

 

[كرستينآ]

انا اخاف من القرد والفار فوبيا لحد الجنون

 

[ام عبدالقادر]

فينى فوبيااااااالبريعصصصصصصصصى والله مادرى شيصير فينى يجيينى رجفه وتشنجات يحليل الزهيوى مايخوفنى بس يلوع الجبد بعد البرق وصوت الرعد لما كنت صغيره وطالعين البر واسمع صوت رعد اندس بالبطانيه ماطلع لين يروح بس الحين الحمدلله خفيت قمت اذا سمعته اقول دعاء الرعد بعدين اتذكر ان الله يصيب البرق من يشاء واخاف موت من الطياره والاصنصير بس سبحان الله الا بذكر الله تمطئن القلوب ومشكور اختى عالموضوع

 

[Tutti-Frutti]

:eh_s(2):

عندي فوبيا من الاماكن المرتفعه

والله صارلي ستين سنه بالكليه وليلحين لمن اصعد او انزل من الدور الثالث اموت من الخوف
مره كنت قاعده انزل واحاول ما اطالع تحت عشان لا اخاف وميته خرعه
يت عيني على تحت جان يوقف قلبي واوقف بمكاني

كان فيه صبي وراي على طول تدارك الموقف وبسرعه وخر قبل لا يدعمني
انقص ويهي :eh_s(2):

ومره كنت مسافره تركيا وبنروح نركب تلفريك
طبعا نزلنا فيه وانا طول الوقت راسي بركبي ومغمضه عيوني
لانه ماكان فيه شي تحت والارض بالاعماق السحيقه وكله جبال
كان فلم رعب

واخاف من القطاوه
والجلاب
والحشرات اللي تطير
والبريعصي
والزهيوي :eh_s(16):

ساعات اكره هالخوف اللي فيني واقول بس لي متى بخاف شكبري واخاف جني ياهل

 

[ريـمـآأن..}]

انا اخخخاف من الحشراات كلها واكثر شي النمل قسسم بالله ابككي اذا شفت نمله تمشي علي:eh_s(16):

 

[Tutti-Frutti]

طبعا مو بس هذول اخاف منهم
اغلب الحيوانات اخاف منها حتى لو أليفين

 

[blue diamond]

18- الخوف من الأفاعي بشكل خاص وليس بقية الزواحف Ophidio phobia

أنا عندي فوبيا من الحيايا
صج صج صج اخااااف اذا فكرت فيهم دايم اطل تحت الفراش واتعوذ من ابليس

 

[قطيووه^_^]

فوبيا الحيوانات:eh_s(16):

 

[Leila]

فيني فوبيا من الفار

 

[Dlo0o3at_q8]

14- الخوف من الزواحف ( أفاعي، عقارب، صراصير، سحالي، الخ) Herpetophobia
هذي فيني خاصة الزهيوي
مرة كنا بالبر وكنت اتمشى معاي امي وكنت لابسة بنطلون اسود ولا وانا اتمشى احس في بقعة بيضة ببنطلوني وانزل راسي صوبها ولا اشوف ذاك الزهيوي اللي قاعد خز فيني شكبره طبعا انا لا اتشوفون شصار فيني خفت اتحرك يروح داخل ملابسي هع تجمدت بمكاني ولا امي حست اني متجمدة بس لفت صوبي قعدت اصرخ وابجي كل هذا بدون لا اتحرك بس امي انتبهت عالزهيري طقته بيدها انا طبعا قمت اناقز وابجي لان ما ادري وين راح يعني اذا تحركت يخاف وينحاش هذل تفكيري يمكن بعد ساعة هديت طبعاا تعلمت ان اذا بتمشى بالبر عيوني ما ارفعها عن الارض ترى الحذر واجب هع

ويسلمو حبوبة عالموضوع *

 

[ياهم ربي كبير**]

اناااااااااااا ابجي لي شفت زهيوووووووووي يمشي على الارض حتى لو كان بعييييييد

الله يعيينا على الزهيووووي

 

[دبدوبه q8]

انا اخافـــــــــــ من الاتصوات العاليهـــــــــــــــــــــــ كلها
لو التلفزون صوته عاليـجـــ حيل اتوتر ما ارتاحــــــــ
تلقيتي مخترعهــــــــــ <<< و البرق بعد
و من الاماكن المرتفعه و الضيقهــــــــ
اتذكر مره و حنا صغار خواتي حبسوني بصندوق العابــــــــــــ
يما شنو هسسسسسسسسسسسسسسسسسسسسسسسسسسسسسترت و قعدت ابجيــــــــ اميــــــ مسكينه تخرعتــــ

 

[حراوله]

طلع عندي مب فوبيا وحده عندي فوبياآآآآآت لووول

صراحــه اخاف من وايد اشياء >_<

الماء و اماكن مرتفعه و مااي و البرق و الرعـد

احس اغلب اشياء اللي موجوده ههههه

 

[برنسس أوراق]

موضوع حلو انا عندي فوبيا من الجلاب ما احب اشوفهم..ومن الزواجف والافاعي..

وصار مره موقف..
كنت حابسه نفسي بغرفتي قاعد اذاكر امتحانات الثانويه العامه قبل أربع سنين..ومندمجه حدي مع الماده وشوي ما احس الا بشي يمشي على رقبتي ويحكني جان اقوم بعفويه وامسكه بيدي واعصره واقطه..واول ما استوعبت شنو شسويت قعدت اصارخ..طلع صرصوووور..لوووووول والله للحين ما نسيته