تيوليب أبيض
New member
- إنضم
- 15 أغسطس 2009
- المشاركات
- 1,052
- مستوى التفاعل
- 0
- النقاط
- 0
الفوبيا لها سبب ، ماينخلق الانسان و معاه فوبيا ، يعني موقف صار لج و أكثر شي يكون وقت الطفوله و أثار فيج الخوف و كتمتي خوفج ، ما عبرتي عنه ، فيستمر هالخوف معاج طول عمرج
أنا عندي فوبيا من الأماكن المرتفعه .... لما كنت صغيره رحنا الديارف و ركبت أنا و ثنتين من خالاتي الأقفاص اللي تدور مثل اللي بالصوره بس طبعا هالكلام من أكثر من 20 سنة ، فكانت قديمه و مو مسكره من فوق ،و كانت الدنيا مغيمه ، فجأة وقفت فينا اللعبه ، خربت و احنا كنا فووووق ، عاد خالي تحت قام يخوفنا : الحين بتمطر و بيحوش المطر الللعبة و بتتكهربون ، خالاتي طبعا وقفوا و هات ياصياح كأنهم في مباراة من يصيح أكثر ياخذ المليون
، أنا ظليت قاعده مثل ما أنا و متمسكه حيل بالكرسي و كتمت خوفي داخلي ما صرخت و لا عبرت عن خوفي ، طبعا بعد شوي صلحوها ونزلنا ، بس عقبها صار عندي خوووف من الأماكن المرتفعه وللأسف ماعالجت نفسي مع ان هالخوف أثر علي حياتي .
من المواقف اللي أثر فيها علي هالخوف :
- أن مرة شفت اعلان مطعم جديد و أقعد أحن علي زوجي عشان نروح له ، بعد طلعة الروح وافق ،و رحنا المجمع اللي فيه المطعم و الا المطعم في الطابق الثالث ! :eh_s(11):امبيه ...أنا الثاني مرات ما أقدر أصعده ، هالدور الثالث ، و اقول لزوجي خلاص ما نبي ، طبعا تعرفون حاشني زف و لوم و عتاب بس عادي أهون عندي من اني أصعد فووق :bbbiu:
- مرة كنت رايحه مع ناس قرايبي السوق ، قالوا لي بنروح فوق الطابق الثاني ، قلت انا مقدر أروح ، قالولي : ليش ؟ قلت ما أحب الاماكن المرتفعه ، طبعا ما أقتنعوا و اصعدوا و خلوني و نظراتهم كلها شك اني احتمال مواعده أحد ، و الا فيه أحد ما يصعد الطابق الثاني !
- مرات أكون مضطره اني أصعد فوووق ، تعالوا شوفوا الحاله : لازم الزق بالطوفه و لازم معاي احد يمشي يمي بالضبط و يغطي علي الجهة الشفافه اللي تبين الطابق اللي تحت ، مرات يكون صاحب المحل واقف علي الباب فأنا ما أقدر أبعد عنه و أقرب للجهه الشفافه ، فيطالعني باستغراب هذي اشفيها بغت تدعمني و السعه وراها ، مايدري الله يرحم الحال .
و فيه مواقف ثانيه بعد باجر اكمل لكم
بس بنات لازم تعرفون سبب الفوبيا اللي عندكم ، اذا ما تذكرون الموقف اللي سبب لكم الخوف سألوا أهلكم ، خواتكم اللي أكبر منكم ، و نصيحه و خصوصا اذا كنتوا صغار ... عالجوا الفوبيا ،
لأنها راح تأثر علي حياتكم سلبا
- مره ولدي كان بيدش اللفت بغي يسكر عليه ، خاف و عقبها ما قام يحب يصعد اللفت ،
قمت أغصبه و أجره بوقتها انه يصعد و الحمدلله تخلص من هالخوف ، لو كنت خليته كان راح يستمر معاه هالخوف ، طبعا مع مواجهة الشي اللي يخافه كلمته و طمنته ان ماراح يصير له شي و اني معاه و من هالكلام .
- و علي فكره تري الأم ممكن تنقل مخاوفها لأولادها ، لاحظوا عيالكم راح تلقونهم يتأثرون بخوفكم من شي معين و يصيرون يخافون مثلكم ، لأن الأم بالنسبه للطفل هي الأمان ، فلما الأم تخاف من شي فهذا معناته ان هالشي أكيد مخيف و راح يضرهم ، فيخافون منه !
أنا عندي فوبيا من الأماكن المرتفعه .... لما كنت صغيره رحنا الديارف و ركبت أنا و ثنتين من خالاتي الأقفاص اللي تدور مثل اللي بالصوره بس طبعا هالكلام من أكثر من 20 سنة ، فكانت قديمه و مو مسكره من فوق ،و كانت الدنيا مغيمه ، فجأة وقفت فينا اللعبه ، خربت و احنا كنا فووووق ، عاد خالي تحت قام يخوفنا : الحين بتمطر و بيحوش المطر الللعبة و بتتكهربون ، خالاتي طبعا وقفوا و هات ياصياح كأنهم في مباراة من يصيح أكثر ياخذ المليون
، أنا ظليت قاعده مثل ما أنا و متمسكه حيل بالكرسي و كتمت خوفي داخلي ما صرخت و لا عبرت عن خوفي ، طبعا بعد شوي صلحوها ونزلنا ، بس عقبها صار عندي خوووف من الأماكن المرتفعه وللأسف ماعالجت نفسي مع ان هالخوف أثر علي حياتي .
من المواقف اللي أثر فيها علي هالخوف :
- أن مرة شفت اعلان مطعم جديد و أقعد أحن علي زوجي عشان نروح له ، بعد طلعة الروح وافق ،و رحنا المجمع اللي فيه المطعم و الا المطعم في الطابق الثالث ! :eh_s(11):امبيه ...أنا الثاني مرات ما أقدر أصعده ، هالدور الثالث ، و اقول لزوجي خلاص ما نبي ، طبعا تعرفون حاشني زف و لوم و عتاب بس عادي أهون عندي من اني أصعد فووق :bbbiu:
- مرة كنت رايحه مع ناس قرايبي السوق ، قالوا لي بنروح فوق الطابق الثاني ، قلت انا مقدر أروح ، قالولي : ليش ؟ قلت ما أحب الاماكن المرتفعه ، طبعا ما أقتنعوا و اصعدوا و خلوني و نظراتهم كلها شك اني احتمال مواعده أحد ، و الا فيه أحد ما يصعد الطابق الثاني !
- مرات أكون مضطره اني أصعد فوووق ، تعالوا شوفوا الحاله : لازم الزق بالطوفه و لازم معاي احد يمشي يمي بالضبط و يغطي علي الجهة الشفافه اللي تبين الطابق اللي تحت ، مرات يكون صاحب المحل واقف علي الباب فأنا ما أقدر أبعد عنه و أقرب للجهه الشفافه ، فيطالعني باستغراب هذي اشفيها بغت تدعمني و السعه وراها ، مايدري الله يرحم الحال .
و فيه مواقف ثانيه بعد باجر اكمل لكم
بس بنات لازم تعرفون سبب الفوبيا اللي عندكم ، اذا ما تذكرون الموقف اللي سبب لكم الخوف سألوا أهلكم ، خواتكم اللي أكبر منكم ، و نصيحه و خصوصا اذا كنتوا صغار ... عالجوا الفوبيا ،
لأنها راح تأثر علي حياتكم سلبا
- مره ولدي كان بيدش اللفت بغي يسكر عليه ، خاف و عقبها ما قام يحب يصعد اللفت ،
قمت أغصبه و أجره بوقتها انه يصعد و الحمدلله تخلص من هالخوف ، لو كنت خليته كان راح يستمر معاه هالخوف ، طبعا مع مواجهة الشي اللي يخافه كلمته و طمنته ان ماراح يصير له شي و اني معاه و من هالكلام .
- و علي فكره تري الأم ممكن تنقل مخاوفها لأولادها ، لاحظوا عيالكم راح تلقونهم يتأثرون بخوفكم من شي معين و يصيرون يخافون مثلكم ، لأن الأم بالنسبه للطفل هي الأمان ، فلما الأم تخاف من شي فهذا معناته ان هالشي أكيد مخيف و راح يضرهم ، فيخافون منه !
