الفوبيا اااه من الفوبيا .. كل وحده تدش تشوف شنو فوبيتها + شوفوا الفوبيا شسوت فيني :(

[ام جي جي الحلوه]

انا اخاف من الظلمه

ومن الحشرات خاصة الصراصير

ذكرتيني قبل سنه توفى ابو زوجي

وعقب ما راحو الناس كان ثالث يوم

قعدنا بالحوش كلنا حمواتي حمويني

واحس شئ يمشي على ملفعي وكان ظلمه

وانتبه اكثر والا صرصووووووور وماتشوفين

الا وحده تنط وتصارخ مثل المجنونه واقط الملفع

وزين ماتفصخت لووووووووووووول

وهسترت حدي والا يطيح على راس حماتي

بس موقف مستحيل انساه وظلو اسبوع وهم يضحكون علي

تخيلي

حمدي ربج اذا انتي في ملفعج زهيوي حماتي في ملفعها بريعصي

كانت تو مشتريه الملفع يديد ولبسته تبي تشوفه ولا تحس بحركه وتقط الملفع بريعصي كبير وتصرخ ذيج الصرخه وتركض وتصرخ
البريعصي بين الطبجتين في وسط الملفع ماحاشها شي هههههههه:krkrkr:
وتمت شهر تفز من نومتها وتصرخ بريعصي

 

[dlol]

انا عندي فوبيا من الاماكن المرتفعه واي شي يرفعني اخاف منه حتى الدرج المتحرك ما احبه

 

[SHoSHoWa.PiNKYa]

انآ فيني فوبيآ من الزهيويه ،،
مره كنت قاعده بالمزرعه على الارض و متسنده على الطوفه الا بنت عمي تقولي ~> فوقج زهيوي !!
قعدت اصرخ و ارجف و انقز ...للحين يضحكون على شكلي 
و في مواقف وااايد  ...

امممم اي صج ....
و لمن بطلع من الحمآم ( وانتو بكرامه ) بس امسك الباب لازم ارد اغسل ايدي و ما اسكره لانه ما احب امسكه !!
مآدري ليشش !! اول ما كنت جذي ..بس توآ يعني صارلي فتره قصيره ،،،مآدري اذآ فوبيآ او لآ *


Unicorna : البريعصي ..وييييييع ويييع ،، تقولين ما يضر !! هذا اذا شاف اكل مكشوف او احد نايم يتفل عليه و تفلته تسبب امرااااض خطيييره <~ ابوي قالي هالمعلومه !! ،،وييع ما احب حتى اسمه 

 

[فاارسه]

10- آلخوف من المنآطق آلمغلقة Claustrophobia

 

[bobo lover]

عندي فوبيا من الحيايا بشكل ما تتصورينه
واختي عندها فوبيا من الابر لدرجة كل ما راحت تسوي تحليل ندرس انها بتطيح غشيانة واخر مرة لما سوولها تخدير موضعي عشان العملية بس شافت الابر وجها قلب اصفر واغمى عليها وتاجلت العملية

 

[Ray.Bana =$]

اللي قالت رفيجتها فيها فوبيا من الاشياء المنقطه انا لووووووول تقريباً نفسي بس انا ما اخاف لأ تلوع جبدي واحس برجع لما اشوف جذي نقط يم بعض صغار لأن يذكرني بالنمل اللي اخاف منهم

انا فيني فوبيا من النمل والزهيويه

ويييييع الزهيويه لو على بعد مليون متر اصرخ اذا شفتهم والاقوى من ذلك الزهيوي الطآئر يبووووووووووووووووووووووووي يصير هستره تايم ينون تايم =’(

 

[حلمي سرآب]

عندي فووووبيااااا قويه من الصرصور ( الزهيوي)
من الحششرات بأنووووواعهااا

 

[عربجيهـ كوووول]

عنديّ فوبيآ من القطآوه
يمممآ اكرهم ، نفسيتي تتعب لما اشوفهم
والمشكله من كثر مآ اخاف منهم ، اكثر المواقف تصير معاااهم
و بعد فوبيآ الاماكن المرتفعه ، اتعذب لما نروح حدآيق
ومآ اقدر العب ، اللي اصغر مني يلعبووون و انا اخاف
بسس الحين بديت اتعود
بسسس القطااوه لااااا ماراح اتعود لو ششنو ​

 

[قطوووة]

اانا عندي فؤبيا عبؤر الشارع

ماحب اعبر اخاف

 

[غـيوم]

فوبيا الاماكن المرتفع

تطقني ام الركب واتشهد وقلبي يدق بقوه وحرارتي ترتفع

لايحوشكم ههههههههه

الحمدلله في غيري عندهم فوبيا غريبه احمد ربي ان فوبيتي عاديه لوووول


يعطيج العافيه على الطرح المميز

 

[خُزام]

خوش موضوع :eh_s(15):
> تصفحته كله من أوله لآخره
بالنسبة لي مممم ما عندي فوبيا من اللي ذكرتيهم
بس أقدر أقول يمكن طبيب الأسنان :eh_s(2):
دكاترة الأسنان خصوصا مو أي دكاترة أكـرهـهـم كره اليهد
والا باجي الدكاترة عادي أروح ما عندي مشكله
ماحب عيادة الأسنان ماحب صوت الأجهزة ماحب الدكاترة نفسهم ماحبهم :eh_s(14):
مرة ضرسي كان يعورني يا ويلي ظليت شهرين وآنا أأجل روحة الطبيب وعايشه عالبندول
لما ما قدرت أتحمل خلاص اختي سحبتني غصب ودتني شنو حاشني إكـتـئـاب فظيييييع
عطاني أدوية وتحويل حق الأميري خف العوار شوي من الأدوية وجان أطنش وما رحت
لو يقولولي شنو تختارين الأهون عملية جراحية والا تسوين تنظيف أسنان بالعيادة
أقول العملية وايد أهون وأرحم

 

[ام الحوراء زينب]

اخيييييه كسرتي خاطري لوووول يعني انا البطله

من الصغر فيني فوبيا اماكن تكون مثل سرداب المواقف او طياره صغيره اللي يكون السقف واطي اماكن ضيجه اموووووووووت
وطبعا فجأة الحين صايرلي من اول ماحملت فوبيا الزحمه من اشوف زحمه ابجي واهستر واطق واسب واقعد العن بالناس لين الشارع يفضه

شهر 1 رحنا تركيا انا وريلي بطيران الوطنيه كانت الطياره صغيره سقفها واطي قمت ابجي جدام الناس مختنقه مختنقه عفست الطياره قعدوني بروحي ب3 كراسي انسدحت وحاطيلي اوكسجين لاني اختنقت لووول شكلي كان فللللم وانا اناقز جدام الناس من البجي ماني قادره

 

[ِAL-ANOOD]

انا فوبيتي الحشرات عامة و ((((((((((((( الـــــصـــــــرصـــــــــــــور ))))))))))) خاصة

مرة كنت مناحشة من اختي ( مدري شنو كنت امسويه فيها ) المهم انحشت لي الصاله وانخشيت ورا الباب طبعا هذي الصالة ما تنفتح الا في المناسبات والليت امصكر ,,,المهم جت اختي الدار وطلعت من ورا الباب لما كانت مو منتبه وانخشيت تحت الطاولة ولا اشوفها اتنادي الخدامة ((انا اهنيه زر عقلي))) ،،،،، المهم ولا اشوف الخدامة معاها المخمة والمكرافه واتقولها اختي طقي الازهيوي اللي يعرج ورا الباب ((الظاهر اني دايسه عليه ومو حاسة ))اناا فاطسه طبعا قمت اركض مثل المجنونه حق الحمام عشان اغسل رجولي ,,,,,,,,,, واختي اهنيه افقدت ونست السالفة اللي اتلاحقني عليها

والله الحين من اشوف ازهيوي تصير فيني حاله هستريه \(( بجي اصراخ حركات غريبة ))| وما الى ذالك

 

[الزورق222]

للأسف أنى أعانى من فوبيا حشرات بالذات الصراصير اذا شفتهم اصارخ بجنون مشكلة وللحين مالقيت لها اى حل

 

[* ليــــدي *]

الامآكن المغلقه ..

مآكنت عارفه فيني فوبيآ على بآلي خوف من البدآيه ويزول ..

لكن يوم رحنا النآدي العلمي صوب الحيوآنات عزكم الله ودخلنا بينهم هني آدور الباب مالقيته ..

جسمي كله خدر و قلبي يرقع حيل بشكل مخيف و حسيت بدوووخه وارجف من الخوف ..

كلمت رفيجة خآلتي دكتورهـ نفسيه قالت فوبيا مو مجرد خوف هذا هلع ..

وفعلا طلع صح كلامهآ لاني لي اليوم مآ اركب المصعد واذا تعبت من الدرج انزل واكنسل المكآن اللي رآيحتله ..

ولآ الاماكن الغلقه اخاف منها ..

 

[Aloolah]

امبييييييييييييييه بنااات انا فيني فوبيا غربيييييه حييييل لمن اشووووف اشياء صغيره يم بعض احس بلوووعه و دقات قلبي تزيييييييييد و رجفه

بالضبط لمن اشوف نمل يم بعض او الصخر الي على البحر امبي واااايد اشياء
مره كنت بالمدرسه و الابله قاعده تورينا بكتيريا و هل السوالف بالمجهر لمن شفته و ركزت فيه امبي بنااات لا تشوفون حالتي لاعت جبدي و خااايفه احد يدري
والله يا بنات ما ادري ليش جذي يصير فيني المشكله على واااايد اشياء

 

[طموحه بزياده]

انا فوبيا من الحشرات وخاصه النحل اصير العن منج ههههههههههههه صارت مواقف حدث ولا حرج من الابتدائي لي الحين بالكليه

 

[ليناالعالية]

أنا عندي فوبيا من الأماكن المرتفعة أموت رعب إذا صعدت الاصنصير أو السلم المتحرك أدوخ من الاصنصير أما السلم المتحرك أغمض عيوني وانا صاعدته بس النزلة يعني شوي
أنا ماحب أشوف البريعصية أكرههه
بس لازم الانسان يجتاز هذا الخوف بأي طريقة يحاول يجربها عشان ينكسر هالخوف اللي فينا لين متى واحنا نعاني من الخوف ؟! عيالنا احين احنا نعلمهم من الخوف اللي فينا تعقدنا ونعقد عيالنا بعد ؟؟؟
الله يهدينا ويصلح حالنا ياااارب

 

[G!RLooNa]

أنا عندي فوبيا من الأماكن المرتفعة أموت رعب إذا صعدت الاصنصير أو السلم المتحرك أدوخ من الاصنصير أما السلم المتحرك أغمض عيوني وانا صاعدته بس النزلة يعني شوي
أنا ماحب أشوف البريعصية أكرههه
بس لازم الانسان يجتاز هذا الخوف بأي طريقة يحاول يجربها عشان ينكسر هالخوف اللي فينا لين متى واحنا نعاني من الخوف ؟! عيالنا احين احنا نعلمهم من الخوف اللي فينا تعقدنا ونعقد عيالنا بعد ؟؟؟
الله يهدينا ويصلح حالنا ياااارب

اي والله تصدقين يقولون الام غالبا تنقل خوفها حق عيالها

الامآكن المغلقه ..

مآكنت عارفه فيني فوبيآ على بآلي خوف من البدآيه ويزول ..

لكن يوم رحنا النآدي العلمي صوب الحيوآنات عزكم الله ودخلنا بينهم هني آدور الباب مالقيته ..

جسمي كله خدر و قلبي يرقع حيل بشكل مخيف و حسيت بدوووخه وارجف من الخوف ..

كلمت رفيجة خآلتي دكتورهـ نفسيه قالت فوبيا مو مجرد خوف هذا هلع ..

وفعلا طلع صح كلامهآ لاني لي اليوم مآ اركب المصعد واذا تعبت من الدرج انزل واكنسل المكآن اللي رآيحتله ..

ولآ الاماكن الغلقه اخاف منها ..

امبيه لهدرجه تكنسلين مشوارج

اخيييييه كسرتي خاطري لوووول يعني انا البطله

من الصغر فيني فوبيا اماكن تكون مثل سرداب المواقف او طياره صغيره اللي يكون السقف واطي اماكن ضيجه اموووووووووت
وطبعا فجأة الحين صايرلي من اول ماحملت فوبيا الزحمه من اشوف زحمه ابجي واهستر واطق واسب واقعد العن بالناس لين الشارع يفضه

شهر 1 رحنا تركيا انا وريلي بطيران الوطنيه كانت الطياره صغيره سقفها واطي قمت ابجي جدام الناس مختنقه مختنقه عفست الطياره قعدوني بروحي ب3 كراسي انسدحت وحاطيلي اوكسجين لاني اختنقت لووول شكلي كان فللللم وانا اناقز جدام الناس من البجي ماني قادره

هههه امبيه فشله بالطياره جدام خلق الله

خوش موضوع :eh_s(15):
> تصفحته كله من أوله لآخره
بالنسبة لي مممم ما عندي فوبيا من اللي ذكرتيهم
بس أقدر أقول يمكن طبيب الأسنان :eh_s(2):
دكاترة الأسنان خصوصا مو أي دكاترة أكـرهـهـم كره اليهد
والا باجي الدكاترة عادي أروح ما عندي مشكله
ماحب عيادة الأسنان ماحب صوت الأجهزة ماحب الدكاترة نفسهم ماحبهم :eh_s(14):
مرة ضرسي كان يعورني يا ويلي ظليت شهرين وآنا أأجل روحة الطبيب وعايشه عالبندول
لما ما قدرت أتحمل خلاص اختي سحبتني غصب ودتني شنو حاشني إكـتـئـاب فظيييييع
عطاني أدوية وتحويل حق الأميري خف العوار شوي من الأدوية وجان أطنش وما رحت
لو يقولولي شنو تختارين الأهون عملية جراحية والا تسوين تنظيف أسنان بالعيادة
أقول العملية وايد أهون وأرحم

مساكين دكاتره الاسنان مادري ليش وايد يكرهونهم :eh_s(1):

اللي قالت رفيجتها فيها فوبيا من الاشياء المنقطه انا لووووووول تقريباً نفسي بس انا ما اخاف لأ تلوع جبدي واحس برجع لما اشوف جذي نقط يم بعض صغار لأن يذكرني بالنمل اللي اخاف منهم

انا فيني فوبيا من النمل والزهيويه

ويييييع الزهيويه لو على بعد مليون متر اصرخ اذا شفتهم والاقوى من ذلك الزهيوي الطآئر يبووووووووووووووووووووووووي يصير هستره تايم ينون تايم =’(

ههههه طلع وايد ناس فيهم جذي وانا مادري و اولهم اختي بس مو فوبيا لكن تلوع جبدها

 

[غايتي الجنة]

اناا للاسفف عندي فووبيا من الكلااب حييييل اخااف منهم مره ماشيه بممشى بامريكا واطقطق بفووني وببالي ان الممشى فاضي رفعت رااسي ولاا اشوف 2 ومعاهم جلب طول ريلي يمممممممه اخترررعت و ع يسااري كان شارع مااحسيت بعمري جان انقزز الرصييف و ادش بطرف الشارع خطفت يمي سياره بغت تدعمني
الكلاب حيل حيل اخاف منهم لوو الكلب صغييير هم اخااف وعندي بعد فوبياا ثعابين و نحل والحيوانات المفترسه عموما
وبسس