الفوبيا اااه من الفوبيا .. كل وحده تدش تشوف شنو فوبيتها + شوفوا الفوبيا شسوت فيني :(

[وايليه 1]

هههههه المواقف فضيعه ضحكت من قلب ؛ بالنسبه للخوف طبعا الكل عنده مخاوف بس اتوقع المشكله وين لماتكون بزياده ؛

انا وانا اختج عندي فوبيا من الابره خخخخخخخخ ؛ اذكر مره من المراير كنت تعبانه وبيعطوني ابره اتوقعين شسويت عطيت السستر ذيج الشوته هههههههه واخذت قشي وانحشت طبعا الوالد زفني زفه محترمه ؛ بس بعدين قعد يتذكر الموقف وضحك هههه ؛



ويعطيتس العافيه عالموضوع

 

[manoooram]

اسم الله عليكم الله حفظكم والله
أحيه يا بو سوسو أحيه وين ؟؟؟
بشارع الحب ههههههههههههههه
عيل الفرجه ببلاش هههههههههه

 

[G!RLooNa]

اسم الله عليكم الله حفظكم والله
أحيه يا بو سوسو أحيه وين ؟؟؟
بشارع الحب ههههههههههههههه
عيل الفرجه ببلاش هههههههههه

من امه صارت فرجه ابلاش :dddds:

ووو و الله ماذكر وين بالضبط جنا صوب الدسمه بس انا كان كل همي بالمخلوق اللي داخل سيارتي :eh_s(2): و لي الحين خايفه لايكون في صج شي و اندعس و يطلعلي بروحي و انا اسوق :eh_s(16):

 

[caramella <3]

انا فيني فوبيا من الطيوووووووووووووووور

يماااااااااااااا و الله العظيم اني اهستر اذا شفت اي نوع من انواع الطيور و خصوصا الحمام و طبعا بالسفر و خصوصا بالدول الاوروبيه الحمام يحوسون تحت طاولتج بالكافيهات اللي تكون بالشارع ,, عاد لا تشوفوني حزتها اصاااارخ و ابوي يزفني زف جدام الاوادم
لووووووول و الله مو بيدي شسوي يعني !!

و الافظع من هذا اذا شفت طير ميت جسمي يتنافض و تصير فيني قشعريرة طووول الوقت وااااااااي تلوع جبدي من منظر الريش المنتف و منقار الطير اشمأز منه !!

و دايما احلم بكوابيس ان طيوووور تلاحقني او حاطيني بغرفه فيها طيور و يصكون عليي الباب ,, و اذا الحلم كان جايد حده احلم بطير حجمه عملاق يطيح عليي من السقف ,, يا ساااااااااااااتر و الله حييييييل مأرقتني هالسالفه

 

[ام القمرات]

اختي بصراحه جذبني موضوعك وتجاربك اللي ما تحسدين عليها وحبيت اشارك ,بالنسبه لي يمكن تضحكونبس الفوبيا اللي عندي هي من طبيب الاسنان.اي والله عندي الولاده على انها تعسرت كم مره معي واحتجت عمليه قيصريه الاانها ولاشي عندي بالمقارنه بطبيب الاسنان اموت رعب ماادري شنويصير فيني بس تطلب الطبيبه مني الجلوس على الكرسي ينقطع النفس وتتسارع نبضات القلب عندي وهذااللي صار معاي مره وحاولت اهدي من نفسي واقول كل شي ممكن يساعدبالتهدئه دون فائده حتى وجدت نفسي وانا اقول لنفسي هي موته وحده يعني شنوالمشكله واقنع نفسي حتى سمعت الطبيبه ترفع الكرسي تبلغني باني شحبت وانقطع الدم من وجهي وتبيني اخذ نفس واهداوهكذا هي حالتي ما في مجال نهائي للتهدئه.والفوبيا الثانيه من الاماكن المرتفعه والاصنصير(المصعد)الزجاجي مثل سنتربويت اوفي بعض المستشفيات ماادري شنويصير فيني تصير ارجولي ترجف واحس اني بدوخ,كنامسافرين لبلد عربي وزوج اختي ودانا على جبال ولكن مواي جبال كان الامر يهون كانت الجبال تصعدصعود وكانها لاتنتهي الخلاصه ان الاولادوابوهم ماتوضحك علي وتعليق واناكنت ماسكه الوساده واحاول اغطي وجهي فيها واخذ نفس وطبعا صوت صراخي وتوسلاتي وصلت لاختي وعائلتها من النوافذ لانهاكانت مفتوحه وجلسناعلى راس الجبل الكل مستانس الااناكنت شايله هم النزله طبعا الوقت كان ليل واضواء المنازل تحت الجبال .........رعب حقيقي.المشكله واللي حرني ان الكل بمافيهم زوجي وزوج اختي اللي كانوطبعا جالسين بروحهم يتفكهون بالامروكل ماسكت احد تمعو ضحكهم مره ثانيه.ااااه عالفشيله

 

[هيفاء العروسة]

رفيجتي فيها فوبيا غريبه عجيبه تخاف من اي شي منقط ..

مرا بالدوام طلبنا فطاير وكان في فطيرة جبن فيها حبة سودا منقطه بغت تبجي مسكينه تقول وخروها عني .. ومرا كنت اسوي نسكافيه وانا احب ازيده نسكافيه ساده وقام ينقط الكوب واهي يمي تقولي تكفين مابي اشوفه وتغمض عيونها .. مسكينه كسرت خاطري .. وتسولف لي تقول مرا كانو بالشاليهات وكان في زرع ويمه حصى منقط اسود بابيض تقول كانت ماره يمه اهي وبنت خالتها تقول ريولي تجمدو ماقدرت اكمل لمن شفتهم وقعدت ابجي لين يت امي وخذتني .. ومرا بالدوام كنت لابسه جنطه تايقر مسكينه من دخلت المكتب غمضت عيونها وقالت نزلي جنطتج تحت الطاوله تكفين مابي اشوفها تأسفت منها ونزلت جنطتي وقلت لها اسفه مادري بس توبه ماراح البسها مرا ثانيه هههههههه

نفسسسس اللي فيني :eh_s(2)::eh_s(2):

 

[قمر بيت أبوها]

احس اني أخاف من كل اللي قلتيهم تقريبا مابقي غير الماء والانسان هههههههههههه
طلع عندي كل الانواع
الرعد والبرق كنت اخاف منهم وانا صغير الان اتسمتع بصوتهم
عندي خوف من الاماكن المرتفعه يعني لما اطلعهم اخاآآآف واحس بدوخه
أخاف من اللون الاحمر يذكرني بالدم والجرائم هههههه
القطط و والكلاب بشكل عام اخاف منهم بس الآن بزود اتوقع بسبب الاحلام الي اشوفهم
بس اللي أعترف اني اخاف منهم واحاول اخفي هالشي
لمااحد من اهلي يطلع احس بيجيه شي لازم اقعد علي اعصابي لحد مايؤرجعون فوبيا من نووع خاآآص
ومشكوره علي الموضوع

 

[عطاء أنثى]

اكيد





الصرصورررررب

 

[G!RLooNa]

اختي بصراحه جذبني موضوعك وتجاربك اللي ما تحسدين عليها وحبيت اشارك ,بالنسبه لي يمكن تضحكونبس الفوبيا اللي عندي هي من طبيب الاسنان.اي والله عندي الولاده على انها تعسرت كم مره معي واحتجت عمليه قيصريه الاانها ولاشي عندي بالمقارنه بطبيب الاسنان اموت رعب ماادري شنويصير فيني بس تطلب الطبيبه مني الجلوس على الكرسي ينقطع النفس وتتسارع نبضات القلب عندي وهذااللي صار معاي مره وحاولت اهدي من نفسي واقول كل شي ممكن يساعدبالتهدئه دون فائده حتى وجدت نفسي وانا اقول لنفسي هي موته وحده يعني شنوالمشكله واقنع نفسي حتى سمعت الطبيبه ترفع الكرسي تبلغني باني شحبت وانقطع الدم من وجهي وتبيني اخذ نفس واهداوهكذا هي حالتي ما في مجال نهائي للتهدئه.والفوبيا الثانيه من الاماكن المرتفعه والاصنصير(المصعد)الزجاجي مثل سنتربويت اوفي بعض المستشفيات ماادري شنويصير فيني تصير ارجولي ترجف واحس اني بدوخ,كنامسافرين لبلد عربي وزوج اختي ودانا على جبال ولكن مواي جبال كان الامر يهون كانت الجبال تصعدصعود وكانها لاتنتهي الخلاصه ان الاولادوابوهم ماتوضحك علي وتعليق واناكنت ماسكه الوساده واحاول اغطي وجهي فيها واخذ نفس وطبعا صوت صراخي وتوسلاتي وصلت لاختي وعائلتها من النوافذ لانهاكانت مفتوحه وجلسناعلى راس الجبل الكل مستانس الااناكنت شايله هم النزله طبعا الوقت كان ليل واضواء المنازل تحت الجبال .........رعب حقيقي.المشكله واللي حرني ان الكل بمافيهم زوجي وزوج اختي اللي كانوطبعا جالسين بروحهم يتفكهون بالامروكل ماسكت احد تمعو ضحكهم مره ثانيه.ااااه عالفشيله

هههه الله يعينج ليش كل هالخوف من طبيب الاسنان مسكين لدرجه تخافين منه اكثر من الولاده

 

[طويقْ]

تبي تشوفين الفوبيا كيف صايره
حطّي خالتي بدار و دخلي عليها زهيوي

أتوقّع تطلع من فتحَة الباب

الله يكافينا الشر و يحمينا من هالأمراضْ

فديتك

 

[سمو الغلآ]

انا اخاف من كل اللي قالتيه تقريبا...


واخاف من طريق السفر اقعد احاتي لين نووصل
لدرجه اخر مره اصابعي اتفخت قالوا لي هذا من شدت اعصابج..

واحاتي اذا احد سافر لين يوصل ..

واحاتي الجهال بشكل جنووني ..لايطيح لايحترق ولا يصير فيه شي

<<كلن يقولي باجر عيالج شبتسوين فيهم ..قلت ما اطلعهم بسس بالبيت



الله يعيين ..

 

[خشف شمّر]

الله يعينكم
انا ماحب اشوف الصراصير احس جسمي يكشش
وماحب البعارين و الجلاب << اخاف منهم
يعطيج العافيه

 

[alhnan]

انا فيني فوبيا من الاشياء الحادة يعني لو احد ماسك سكين بيعطيها احد يمي اسوي سالفه دير بالك لاتعور اللي يمك ..............لو ماسك قلم دير بالك لا يبط عين اللي يمك لا تمشي فيه لا توقف فيه وتدعم احد يبط عييينه هههههههههههه
كل الاشياء الحادة بيد اي احد اخاف سكين شوكه قلم عصايه شوكة الفوندو رررررررعب ههه سيخ البطاطا الحلزونيه بالمجمعات و الحدايق اعقد بناتي اخليهم يكرهون عيشتهم اخرتها انتف البطاطا و اقط السيخ اخليهم ياكلون بيدهم هههههههه
بس والله ما انلام شي خطر و الحوادث ممكن تصير باي وقت
الله يحمينا و يحميكم من شر الحوادث يا رب

 

[Horror Lady]

فوبيا و رعب من الحشرات بجميع انواعها

و يسلموو عالموضوع

 

[((البرنسيسا))]

أنا عندي فوبيا الفراش

أخاف منهم أموت من الخوف وأهستر وأوصل الموت إذا شفت فراشة