الفيزا السياحيه الامريكيه

[ورده فوشيه]

السلام عليكم

خواتي ابي اسألكم منو عندها خبره بالفيزا الامريكيه لاني قدمت عليها اول مره وقالولي نطري الرد عن طريق dhl والمشكله السالفه طولت ابي اعرف اشكثر تطول واشلون ارجعهم يعني اهم يدقون علي ولا اشلون ؟؟؟؟



عفيه خواتي تفيدوني وجزاكم الله خير

 

[كويتية أصيله]

أختي العزيزه

الفيزا خذت مني ثلاث شهور بالضبط مقابلتنا يوم 30\04 وأتصلو ال دي أج ال يوم 28 أو 29 \07 يطولون واااااايد أخذي رقم السفاره من النت وكلمي واحد أسمه محمد وعطيه الرقم التسلسلي لكم ويرد لج خبر .... السالفه وايد تطول

 

[malekatsabaa]

بالنسبه لي ما طولت وايد بس ثلاث اسابيع

بس احنا قدمناها مبجر والحين الكل يقول انه زحمه!!

الله يسهل عليكم.

 

[daloO3a]

طبيعي انها تطول من 3 اسابيع بالضبط لي 4 شهور واحتمال تنرفض
بس ماعليج الا انج تنطرين
الله يعينج

 

[A. style]

بس بقولج شغله انا رفيج ريلي مسكين صارله سنتين طلبها ليلحين ماوافقو علما بان دارس بامريكا وعنده دكتوراه منها .. بس لان ملتحي ما عطوه ..
انا وريلي قدمنا مع بعض بس ماكان موسم صيف انا عطوني ياها قبل زوجي ومدة صلاحيتي 10 سنوات وزوجي 7 ليش لان كان رايح سوريا مرة ..
واحنا رايحين من ولاية لي الثانية فتشوني تفتيش كرهت نفسي وحطوني بغرفة زجاج فاتحة ريلي ورافعة ايدي .. شاكين فيني الظاهر :eh_s(1):
يذلون الواحد بس لما توصلين كل شي يهون

 

[daloO3a]

بس بقولج شغله انا رفيج ريلي مسكين صارله سنتين طلبها ليلحين ماوافقو علما بان دارس بامريكا وعنده دكتوراه منها .. بس لان ملتحي ما عطوه ..
انا وريلي قدمنا مع بعض بس ماكان موسم صيف انا عطوني ياها قبل زوجي ومدة صلاحيتي 10 سنوات وزوجي 7 ليش لان كان رايح سوريا مرة ..
واحنا رايحين من ولاية لي الثانية فتشوني تفتيش كرهت نفسي وحطوني بغرفة زجاج فاتحة ريلي ورافعة ايدي .. شاكين فيني الظاهر :eh_s(1):
يذلون الواحد بس لما توصلين كل شي يهون

ههههههههههههههههه
شفيج خرعتي البنت
انا ييت امريكا 3 مرات
لكن ولا مره تفتشت وايد
وزوجي واااايد وماتفتش عدل الا مره وحده
اصلا يجيب معاه ممنوعات قهوه عربيه ههههههههههه والقهوه ممنوع والتمر ممنوع
وبس
ونصيحه نصيحه نصيحه
تعالو مطار واشنطن دي سي وايد ارحم من مطار نيويورك جي اف كندي ....