الفيزا والماستر كارد .. ساعدووووني

[عود جبريت]

قوه خواتي ..

عساكم بخير

بغيت استفسر عن الفيزا والماستركارد

اسألتي واااايد تحملوني ماعندي غيركم

اول شي شنو.الفرق بين الفيزا والماستركارد؟!

مكتوب انه الفيزا اول سنه بدون رسوم .. شلون يعني؟!

الفوائد شلون عليها جم ياخذون اذا مثلا باخذ فيزا 500 دينار؟!

جم يقصون من المعاش واذا بعدين الله رزقني وقدرت اسكرها .. يصير والا لا؟!

انا بروح البنك إن شاءالله اليوم بس ماحبيت اروح وانا مو فاهمه الموضوع ويقصون علي

 

[جروح ودموع]

اختي لا توهقين نفسج والله يقصون من الراتب وفوايد وغير كلما خليتي شي بالحساب يشفطونه واذا محتاجتها ومنحده عليها اخذيها بس لا تخلين شي بحسابج بياخذونه والراتب لما ينزل يحجزون عليه ما تقدرين تسحبين منه دينار الا باخر الشهر ولما تسددين المبلغ نصيحه كسريها وترى كل سنه ياخذون 48 دينار والله العظيم اختي ان معاشي صار فيه بركه بعد ما سددت الفيزا وكسرتها واوفر بحسابي ومن غير خوف

 

[عود جبريت]

يعطيج العافيه اختي جروح ماقصرتي .. انا خلاص سويتها ومن ناحية منحده اي والله منحده والله يرزقنا ولا يحوجنا

انا خذيت ب500 وقالي كل شهر يقص من معاشي 41 بس

انا عقب شهرين راح اسدد المبلغ كله واسكرها بس حاليا محتاجتها حيييل

اللي عندها نصايح او خبره بهالأمور تفيدنا ويعطيكم الف عافيه

 

[مرتبة]

اكيد ما حطوا للعالم فيزا الي انهم مستفيدين من العميل مبلغ
ديري بالج حاولي تسكرينها مسرعه ولا تعدينها
زوج رفيجتي معاشه قوي تنتف من الفيزا تنتف لانه تعود عليها

 

[عود جبريت]

ان شاءالله الله يقدرني واسددها وافتك

يعطيج العافيه مرتبه على الرد

 

[M!SS.LOBY]

الله يسهل امورج