القاعدة الحلبية منو مجربها ؟؟

[waham22]

السلام عليكم بنات وامهات
حبيباتي انا ولدي توه متخرج من الروضة وناوية أأسسه باللغة العربية والإنجليزية تدرون بعد أولى ابتدائي بتصير عوار قلب
وانا نوعي عصبية ومابي أكره ولدي بالدراسة من اول سنه بسبة الصراخ

فياريت اللي دخلت عيالها القاعدة الحلبية تفيدنا وتقول لنا اعيالها استفادوا منها والا لأ؟؟
والله يهون على الجميع وينجح جميع الطلبة والطالبات ياااااااارب يا كريم

 

[سنا الفضه]

عن تجربه اتينننن اتينننن لاتفوتينها وايد مفيده وعجيبه وولدج بيرتاح وانتي بعد بترتاحين ان شاء الله

انا بنتي دخلتها مبره المتميزين الي بالروضه ماشاء الله ممتازين حدهم.. بس للعلم هي بس لللغه العربيه والقران مافيها انجليزي الافضل تدخلينه نادي انجليزي او تيبين له مدرسه بالبيت اتعلمه الاساسيات

 

[waham22]

يعطيج الف عافية حبيبتي سنا الفضة
بس الحين اشوف الاعلان بالجريدة حاطين مادة الانجليزي
بس انا برح لهم واسال احسن
وجزاج الله الف خير

 

[frfr197]

بصراحه يا اختى انا يربتها لبناتى حيل حلوة بس بشرط؟ما تقطعينه يعنى لا تقولين مليت لان الداسه فيها اقل شى ثلاث شهور على شان تشوفين الفرق بالياهل

 

[frfr197]

اسفه الدراسه........

 

[waham22]

مشكووووووورة اختي فرفر

 

[omajiad]

دخليه القاعدة الشامية أحسن وايد من من القاعدة الحلبية وهذا من تجربه

 

[waham22]

مشكورة ام ماجد
ويعطيج الف عافية
بس شنو الفرق ين الحلبية والشامية ؟؟
والحين طالعة بعد القاعده النورانية ؟؟
مادري شنو الفرق ما بينهم ؟

 

[znjabeelaa]

القاعده الحلبيه وايد بنتى استفادت منها صج افتكيت من تاسيسها باللغه العربيه بس مادرى اذا في انجليزى بعد
اللى جربتها بليزز تقول لنا استفادوا منها ولا لـأ

 

[سنا الفضه]

دخليه القاعدة الشامية أحسن وايد من من القاعدة الحلبية وهذا من تجربه

الي اعرفه حسب كلام الاستاذ المختص بتدريس القاعده الحلبيه لمن سألته قالي انه القاعده الحلبيه لها اسماء مختلفه بس كلهم نفس الاداء فيه النورانيه هذي انتشرت بباكستان والحلبيه من اسمها مؤسسها حلبي وانتشرت هناك والشاميه بعد نفسها وفيه بعد مسميات واايده لها بس كلهم نفس الاداء ينتهجون القران بتعليم اللغه العربيه<- - هذا من كلام الاستاذ واذا وحده عندها تصحيح لمعلومتي يزاها الله خير خل تفيدنا كلنا

بس صج الانجليزي مافيه قاعده لاحلبيه ولاغيرها يمكن دروس تحضيريه لليهال!!

 

[الحراير]

الي اعرفه حسب كلام الاستاذ المختص بتدريس القاعده الحلبيه لمن سألته قالي انه القاعده الحلبيه لها اسماء مختلفه بس كلهم نفس الاداء فيه النورانيه هذي انتشرت بباكستان والحلبيه من اسمها مؤسسها حلبي وانتشرت هناك والشاميه بعد نفسها وفيه بعد مسميات واايده لها بس كلهم نفس الاداء ينتهجون القران بتعليم اللغه العربيه<- - هذا من كلام الاستاذ واذا وحده عندها تصحيح لمعلومتي يزاها الله خير خل تفيدنا كلنا

بس صج الانجليزي مافيه قاعده لاحلبيه ولاغيرها يمكن دروس تحضيريه لليهال!!

مرحبا>>>>>القاعده الحلبيه فيها انجليزي وعربي ورياضيات انا مسجله ولدي وعيال اخوي بس بصراحه تصلح تأسيس للصغار يعني موحلوه تدخلينهم وهم كبار مثل ولدي:dddds:

 

[أحلى_نونه]

اب
اب
اب

انا بعد ولدي بيروح اولى ابتدائي

بس قولولي شنو القاعده الحلبيه

 

[waham22]

يعطيكم الف عافية جميعا
وياريت اللي عندها خبرة بعد تفيدنا معانا

 

[znjabeelaa]

يعنى بس تنفع للى بيروحون اولى ابتدائى ما تنفع للى اكبر من جذى بثانيه او ثالثه عشان يتقوون بالانجليزى ؟؟؟؟
عيل شنوو احسن النوادى لتقويه الانجليزى للمرحله الابتدائيه.....افيدوناا بلييزز

 

[ام جنوب]

شنو القاعده الحلبيه ووين وضحوا لوسمحتو

 

[هبونه]

يعني منو احسن الحلبية ولا الشامية

 

[إحساسي مرهف]

يعنى بس تنفع للى بيروحون اولى ابتدائى ما تنفع للى اكبر من جذى بثانيه او ثالثه عشان يتقوون بالانجليزى ؟؟؟؟
عيل شنوو احسن النوادى لتقويه الانجليزى للمرحله الابتدائيه.....افيدوناا بلييزز

بالعكس اختي الحلبيه زينه حتى للي بثانيه وثالثه تاسس عدل تعرفين مدارس الحكومه ماياسسون بس يعطونهم كلمات على طول واكثر شي بالحكومه استماع
بس الحلبيه تاسس بالحروف بالول وبعدين تبدى كلمات
وبالتوفيق انشالله

 

[شانييل]

تكفون بنات نبي معلومات يعني وين علشان انا نفس مشكلتج عصبية وما أبي أكره بنتي بالدراسة

 

[كـويـت عـسـل]

حبيباتي

حياتي روحي للقاعدة الحلبة وشوفي الطريقة وروحي للقاعدة الشامية وشوفي الطريقة

وشوفي ارتحتي لاي وحدةةة


القاعدتين للتاسيس القراة والكتابة


ولكل صصاحب قاعدة طريقة خاصة في توصيل المعلومة

ولهم كتب خااااصة


ممكن افيدج بالعناوين والارقاااااام


تدروووووووين الي يضحك أن الكويت صارت كلهاااااا قاعدة للتاسيس
قاعدة حلبية لهم فرع في حضانة المسلم الصغير صباح السالم- قاعدة شامية لها افرع وااايد ذكرتها - قاعدة نورانية لهم افرع منها( مكانهم مدرسة الرؤية صباح السالم - وقاعدة اقرا - وقاعدة المطوره


والاختيار عليكم



طبعاا من صديقاتي المدح اكثر للــــــــــــــــــــــــــشـــــــــــــــــــــــــــــــــــــــــامـــــــــــــــــــــــــــيــــــــــــــــــــــــــــــــــــــــــة - والحلبية بنسبة اقل


لازم اولا نسوي القاعدة الكويتية

هههههههههههههههههه


الرابطة لمواضيع القاعدة الحلبية

http://www.q8yat.net/showthread.php?p=5560156



القاعدة الشامية

اللغة العربية تحتوي على اربع اجزااااء

والانجليزي يتبع منهج اكسفورد
واربع اجزاء

والرياضات جزءاااان من الطرح والضرب والقسمة المسائل اللفظية ...الخ


الخط الساخن:
97202578


ولهم افرع اخرى

حضانة سما الاطفال (العقيلة )
ت- 66395974

حضانة السبائك العااان:

ت - 99390239


ولديهم افرع في مناطق الاخرى منها

الزهراااء - الروضة - السرة - بيان - الجهراء

واي اسفسار على الرقم المباشر لصاحب القاعدة الشامية
الاستاذ : مهند محمد نكدلي

امام وخطيب في وزارة الاوقاف

وباحث شرعي في ادارة الافتاء


( صاحب القاعدة الشامية )

ت - 97202578

 

[معصومة11]

اختي عندي كتب القاعدة الحلبيه الثلاث في التاسيس وكان عندي مدرسة تابعه للقاعده والله ما فاتدتنا شي بالعكس البنت مستواها نزل بس مسميات فقط ويبدطون الجبد ويحشون انصحج على مدرس اومدرسه تكون اردنيه او مصريه