القاهرة ولا الاسكندريه ولا شرم

[mareem]

السلاااااااااااااااااااااااااااااااااااااام عليكم

اشلونكم بنات

الموضوع باين عنوانه

اشرايكم بنات شنو احسن لانه ودي اروح هالفترة

امانه عطوني رايكم لانه محتاجه اغير جو:sfg:

 

[رووقه]

بصراحه انا رحت مصر القاهره ولو اموت مافكر اطبها مره ثانيه
اولا حر
ثانيا كل طرارين
ولا فيها مطاعم حلوه
اللهم فندق جراند حياة اللي صج حلو وبس
روحي لديره جوها حلو روحي لبنان

 

[دلع الكون]

الأسكندريه ممله ومافيها شي كافي عليها ليلتين وتسكنين بفندق فلسطين هذا نفس المنتجع كبير....

شرم الشيخ حلوه حق البحر والرحلات كافي عليها 5 ليالي وعندج فندق ماريوت أو موفمبيك بخليج نعمه ....

القاهره زينه لكن موايد من الزحمه وصارت احسن من اول والطرارين خفو شوي وفي أماكن سياحيه اذا مو رايحه من قبل .. عموما ترا أكثر الدول بالصيف الجو حار بفترة الصبح والظهر وما يتعدل الا بعد العصر .

 

[mareem]

يعني رايكم اروح شرم احلا

لانه زوجي يبي شرم وانا ابي القاهرة

شكلي راح اروح شرم لانه تصلح لي انا وزوجي بحر وهاديه

 

[أم عبداللطيف]

الله يوفقكم يارب
شوفي عن تجربه القاهرة ماتصلح ولا الاسكندريه ولويه

احسن شئ شرم تهبل بحر ورحلات وسباحه لبسي المايوه الاسلامي وطبي وبرشوت واللعاب مائيو ورحلات حلوه للجزر ورحله البقيات والسهر بليل على خليج نعمة حلووووه وايييد وكفايه عليها 5 ليالي واي شئ تبينه انا حاضرة وتراا هالجو شوي برد انا رايحه لها على السنه اللي طافج على شهر 5 شوي هوا ديري بالج الاحين شوي برااااد بشرم واي شئ تبينه انا حاضرة والله يسهل عليج

 

[حناينq8]

اختي توها يايه من مرسى علم - تمدح المكان

 

[afesa]

القاهره زحمه ولويه وماتونس ..انا اقول شرم احلا واهدا وطبيعتها حلوه حق اللي بيروح ريلاكسيشن

 

[Oba3deen]

sharm al sheikh

 

[فريج صويلح]

شرم الشيخ .

 

[عيون الوحش]

شوقتيني على شرم الشيخ ..

انا مارحت لها وودي اروح

بس مادري مشكلتي منقبة وملتزمة شوي من ناحية اللبس ..ودي استانس واسبح والعب ..تتوقعون تصلح لي ..يعني اقدر استمتع مثل العالم خصوصا اني سمعت جوها كله بحر يعني تتوقعون يناسبني راح آخذ راحتي ولا شكلي بيكون غلط

 

[omaseel]

لو محتاجة هدوء ومياه روعة ... فكري في الساحل الشمالي خصوصا مارينا وأيضا مرسى مطروح