القبسه اشلون صايره بعد !!!

[فوق.]

السلام عليكم بنات​

بنات انا عمري 35 سنه وللحين ماتزوجت ​

المشكله ان شكلي فوق المقبول وكشيخه وموظفه وجامعيه وماعلي قاصر
ومحترمه وملتزمه وماعندي خرابيط كللللش​

ومع هذا محد طال بويهي ​

شوفوا شنو صار​

قبل سنه كنت في مؤتمر للدوام ضلينا شهر انتردد على مكان المؤتمر​

واشوف واحد كان مواصفاته زينه ولفت نظره من اول يوم وكان يخزني حييييييل ويتشفق على شوفتي ويفز قلبه بس يشوفني​

وانا كنت طبيعيه معاه في شغل كلمته مافي شغل خلاص ما احاجيه​

والله بنات ومع الايام لقيت الريال قلب علي بدون سبب ​

يتصدد وينفس علي ونافخ نفسه وما يبي يكلمني​

قلت الله العالم شنو السبب​

خلاص كيفه وكل شي من الله خيره​

الحين الي خلاني اكتب هالموضوع ان هم تكرر نفس الموضوع معاي​

موظف ناقل عندنا بالاداره من فتره انعجب فيني وبشكلي ​

وهم جذي يتكهرب اذا شافني ​

وفجأه يتصدد عني !!!​

انا متحجبه ولبسي محتشم ما اظن ان لبسي السبب​

انزين شسوي بعمري​

انا مو قاعده اسوي شي ولا ني خفيفه ولا رقله بالعكس ثقيله ومحترمه​

بس فجأه جذي يهونون مني !!​

انزين هذا الحين شسوي وياه اشوف قام يوخر عني ​

وشسوي بعمري العمر يركض وانا لا خطاب ولا علاقات وما اتوفق بشي ابيه ​

ساعدوني الله يوفق الي تساعدني وترفع الموضوع بنات :eh_s(16):​

 

[فوق.]

وينكم!!

 

[chalange girl]

انا تقريبا اصغر منج بجم سنه ماكو حل نصيب هذا الله كريم

 

[اميرة زوجي]

الله يبعتلك نصيبك يارب.

 

[ام فهود وشهود]

مبيبتي ترا نصيب
ويمكن على قولتج دامج كشيخه وجامعيه
مصكوكة عين
خووو هالايام اذا وحدة تريعت صكوها عين

 

[فوق.]

^

^


والله ضحكتيني يحليلج _*

 

[فراشة البساتين]

لا تنسين سلاح مهم وهو الدعاء

 

[فوق.]

سنين ونا ادعي الحمدالله على كل حال ومو مقصره بالطالعات والقيام واستغفر واتصدق

ابي اعرف ليش يتصددون انا شفيني

 

[فراشة البساتين]

لا تنسين دعاء مهم وهو الدعاء خصوصا عند السجود

قولي اللهم ارزقني زوجا اعف به نفسي
زوجا صالحا يقربني اليك

وبعدين يالغاليه ليش حاطه في بالك ان المعرس راح يشوفك ويعجب فيك ويخطبك

لا تنسين يمكن بعلاقاتك مع زميلاتك في العمل ورقي اخلاقك في المعامله يمكن تعجب فيك وحده
يكون موصيها اخوها او خالها او عمها تدورله عروس اخلاقها طيبه
وتلقاج وتخطبك

كثري من الدعاء وشدى فيه وربي الرزاق بيرزقك ويجملك ويحليك بعيون خلقه
بس تفائلي واستبشري

بس ها لا تنسين تبشرينا اذا انخطبتي

 

[فوق.]

^

^



علاقتي اكيد له دور مع زميلاتي وانا كبيره اكيد بعرف هالنقطه

حتى هذا الموضوع ما ضبط معاي

انا زينه مع الكل واحترم الكل وهاديه وابدا مالي مشاكل مع احد ومسالمه

يخطبون اي بنت في الاداره وانا ولا كأني موجوده


والحين بعرف اشلون اتصرف مع هالولد اهو قام يتحاشاني

شسوي معاه علموني

لان قام يتصدد عني

 

[Denya-3'areeba]

ماتدرين يمكن خيرة لج
احنا نشوف عدم الزواج او عدم الانجاب مصيبة لكن الله له حكمه بهالشي ماأخره أو ابعده عنج الا لسبب
ربي يوفقج ويرزقج بالزوج اللي يعوضج صبر هالسنين

 

[فراشة البساتين]

مافي في هالبلد الا هالولد
خلاص دامه يتصدد لا تشغلين نفسك فيه
ربي يرزقك الزوج الصالح عاجلا غير اجل

 

[فوق.]

^

^

اللهم امين يآآرب

ربي يسعدكم بنات

 

[بنك بااستا]

ياربي لاتقولين شي حق الناس ماتعطي خير

 

[رحيل المرافيء]

يمكن كنتي عاجبته بس لما عرف وسأل عن عمرج قام يتصدد
بعدين شبابنا ماعاد يهمهم الزواج الزواج صار لعب يتزوج يوم يومين بالكثير شهر ويطلق
ويمكن خيرة ماتدرين هو جدامج زين لكن ماتدرين شعنده ماعنده يمكن رب العالمين ابعده عنج وفكج من شره
وصدقيني نصيب اذا يا نصيبج لو انتي شيفة بتتزوجين ماله علاقة بعمر او جمال او اصل او فصل
ووايد مثل حالتج

 

[هيبة ملك]

يمكن. كان بيلعب. لما عرفج. مخترمه. وخر. عنج..عليج. بالدعاء والاستغفار. واقري. عند. مطوع وارقي. نفسج

 

[لمى الهاجري]

اقري العوذات والكرسي قبل لا تروحين الدوام يمكن جاتج عين من الكشخة ماتدرين

 

[هوااااويه]

يا حياتي البنات ما قصروا بس بقولج شغله ترا الزواج ارزاق وكل رزق له وقت

عليج بالرقيه والدعاء ثم الدعاء والله يرزقج ويسعدج انتي وبنات المسلمين​

 

[om al ghaleen]

.., الزواج قسمه ونصيب
ماله علاقه ابدا بالشكل والاخلاق ولاحتى الكشخه
ياما بنات فيهم بلاوي الدنيا وشوفيهم الله ساتر عليهم
اذا لج نصيب تتزوجين تتزوجين لو عمرج عدا الخمسين
الله يرزقج بالزوج الصالح القريب

 

[fatma A]

ما اعتقد انج قبسه ولا تقولين عن نفسج انج قبسه ترا كل شي نصيب في بنات صغار وللحين ما يه نصيبهم ولا احد طق بابهم حتى سبحان الله نصيب واعرف وحده مشالله متطلقه 3 مرات والحين تزوجت مره 4 كل شي نصيب سبحان الله