القبسه اشلون صايره بعد !!!

[om batool]

الله يرزقج بالزوج الصالح

 

[مسك اسود]

السلام عليكم
اختي ممكن تراسليني علي الخاص

 

[هب العطر]

السلام عليكم

حبوبه




شوفي رقيه الفاتحه بقوقل ,, و تلاحقي عمرج !


و هذا انا قلت لج , و انتي بكيفج




سلملم

 

[القصيدة]

السلام عليكم و رحمة الله و بركاته

حياتي أنا مو قصدي أخليك تشككين بالناس لكن الحذر واجب

ممكن أحد من اللي حولك لما يشوف شخص مهتم فيك و يتقرب منك ،، يخرّب بينكم بطريقة ما

يقول عنك كلام أو ينقل على لسانك كلام بحيث يبتعدون عنك

أكثري من الدعاء و توكلي على ربّ العالمين سبحانه

الله يوفقك بالزوج الصالح و يرزقك الذرية الصالحة و الأسرة السعيدة :eh_s(7):
​

 

[كنوشة 2009]

انت تقولين حق صديقاتج بالدوام عن اي احد معجب فيج
فالظاهر يمكن اهم السبب

 

[black rose BH]

شوفي موضوعي الي حاطته بتوقيعي
وجربي تسوين الي تقدرين عليه
لاتفكرين بشي بس ادعي
واحسني الظن قولي ربي بيعطيني
بتحصلين منها راحة نفسية وقرب من الله
ومنها حاجتج الي تبينها الزواج وغير الزواج

الله يرزقج ياربي بالزوج الصالح الي يسعدج يااااااااارب

 

[know thyself]

اب اب اب

 

[Mnawi 3ōŌōba]

الله يكون بعونج

 

[{بسكوتهــ~}]

حياتي عليج بالاستغفار والدعاء واقري سورة البقره كل يوم وصدقيني بتحسين براحة

وعسى الله يرزقج بالزوج الصالح


بسكوته​

 

[سمر20]

انتبهي لنفسك يمكن سحر او عين تمنع احد يقربلك بنية الزواج والله اعلم واتمنالك الزواج العاجل والزوج الصالح

 

[دايم على البال]

الخيره فيما اختاره الله

حبيبتي انتي مالج غير الاستغفار لاتقولين دعيت واستغفرت ماكو نتيجه الله يحب الانسان اللحوح

 

[Vous jamais]

تبين الحل

ادعي الله لكن احسني الظن و ابتعدي عن المعاصي

بمعنى لما تدعين و تتضرعين بالدعاء تثقين ثقة تامة

أن الله راح يستجيب لج في الوقت المناسب

لا تستعجلين الإجابة

تذللي لله بالدعاء شلون لو تبين شيء من امج و مصرة تبينه

تبجين عندها وتترجينها , ابجي و تضرعي لله

مالج غير الله هو الرازق الرزاق

يعني لا جمال و لا وظيفة و لا مركز ينفعج

ما ينفعج إلا التذلل لله

ممكن الشيطان يقولج انتي دعيتي و ما شفتي شيء

لكن أسألج بالله دعيتي و تركتي المعاصي من حف الحواجب - و الغيبة و النميمة ؟

دعيتي و احسنتي الظن بالله ؟ و ما تشكيتي لأحد لأنج كل يوم تشكين همج لربج

و هو عالم بحالج و اهو ارحم فيج من خلقه و زيادة علي ذلك وحده قادر يفرج همج ؟

إذا دعيتي و هذا حالج من ترك المعاصي و حسن الظن و عدم الاستعجال بالاجابة

فابشري الفرج قريب ان شاء الله

لإنه هذا وعد من الله ( سيجعل الله بعد عسر يسرا )

 

[ميونة الحلوة]

حبوبة لا تحطين شخص معين في بالج تصدد عنج و لا ما تصدد انتهى موضوعه

حطي في بالج ان هذا قسمه و نصيب و ما تاخر زواجج الا لخيرة اختارها الله سبحانه لج

و ربي يرزقج بالزوج الصالح ان شاء الله عن قريب

 

[فوق.]

يزاكم الله خير ويسعدكم ربي ويوفقكم

ردودكم اسعدتني وحسيت ان لي خوات حسوا بمشكلتي

والله بنات انا ادري ان كل شي نصيب والحمدالله

رضيت بالتأخير

ورضيت بان هذا عمري وماتزوجت

وعافه نفسي عن الحرام وانطر الحلال

ولا احف حواجبي

ويضربون فيني المثل باني مثل اعلى في اني ما اذكر احد بغيبته الا بخير

كل ما قالوا فلانه قالوا هذه ما تحش مستحيل

وسويت كل الي بالموضوع

بس انقهرت لما اكون انا جذي والفرص تطير مني بدون ذنب

وابي اعرف السبب

واتناقش معاكم


العمر يركض بنات لا تحسسوني اني استعيلت



وسوري مشاركاتي ما تسمح اراسل احد بالخاص

 

[سمراءوافتخر]

السلام عليكم

ربي يسهل امرج ويفرح قلبج يرزقج الزوج الصالح والذريه الصالحه المعافاه ويكونون توائم بعد عاجلا غير اجل يا رب يا كريم

 

[الغلاااااا]

حبيبتي مو معناته قاعد يخز او مهتم انه يبي يخطبج خلاص!!!


وماتدرين يمكن تأخرج بالزواج خيره من ربي

 

[fatma A]

سبحان الله وحده من قريباتي جامعيه مشالله وحلوه والكل يخطبها من كثر ما اهي حلوه واهي ترفض ترفض مابي فلان مابي علان مابي هذا وما ابي هذاك ولمه صك عمرها 36 وبعدها محد طق بابها والحين تبي واحد تتزوجه ما لقت والحين متحسفه قد شعر راسها الانها رفضت والبنت صارت متعقده ومالها خلق شي وكله صايره وسواسيه وياريت الي ترفضهم عاد على شي يسوا هذا امه مو زينه وهذا بيسكني مع اهله وهذي اخته تحش وهذي فيها وهذي مافيها والكل الي يتقدمون لها ضباط ومناصب ودكاتره ومهندسين وصيادله بس سبحان الله الحين تبي واحد ما لقت

 

[Sweet Angle]

ان شاء الله ماكو شر ياقلبي اكيييييييد اهما مو زينين لج وانتي تستاهلين اللي احسن واحسن وان شاء الله الله بيعوضج
واللي ياي احلى واحلى ان شاء الله

 

[لآلئ وردية]

قـولي آميـن

ما يخلـص شهـر 9 إلا و انتـي منخطبه يا قـادر يا كريـم

^_^

و كل بنـت تبي الستـر

​

 

[Vous jamais]

قال العلامة العثيمين:
((..فقط انتظر الفرج واصدق مع الله ، فسيجعل الله بعد العسر يسرا ، وقد قال الله تعالى : ( فإن مع العسر يسرا*إن مع العسر يسرا) ولن يغلب عسر يسرين .
وقال تعالى :
(يَا أَيُّهَا النَّبِيُّ قُل لِّمَن فِي أَيْدِيكُم مِّنَ الأَسْرَى إِن يَعْلَمِ اللّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ وَاللّهُ غَفُورٌ رَّحِيمٌ)[الأنفال:70].
وهذه زيادة أيضا فهذه الآية تقيد عموم قوله:
(سيجعل الله بعد عسر يسرا) ، وعموم قوله : ( فإن مع العسر يسرا*إن مع العسر يسرا).
يعني : هذا الوعد إنما يكون لمن انتظر الفرج من الله ، ووثق بوعده ؛ أما رجل أعسر الله عليه ، فيئس من رحمة الله ، واستبعد الفرج – والعياذ بالله- فهذا لا ييسر له الأمر ، ولهذا قال :
(سيجعل الله بعد عسر يسرا))اهـ.


انصحج تشوفين هالمقطع

‫رحلة للسعادة - الحلقة 9 - لا للقلق ( حسن الظن بالله )‬‎ - YouTube