القرقيعان عالبيبان (أفكار للقرقيعان مع طريقة العمل)

[أم بدير]

مع كثرة مواضيع القرقيعان بالمنتدى مع قرب شهر رمضان عسى الله يعوده علينا كل سنه بالخير والصحه امين
وايد بنات يفكرون شبيسوون و خاطرهم بشي حلو مميز لعيالهم
وفي وايد بخاطرهم اهم يسوون ويتفنتقون ويتفننون عشان يطلع قرقيعانهم غير
فقررت انا المذكوره أم بدير تقديم يد العون للبنات
ان كان بالفكره او بطريقة العمل
عشان جذي بحطلكم كذا فكره للقرقيعان مع طريقة العمل والأدوات
بس طبعا مابي اتعب ويكون موضوعي ماله داعي او غير مفيد

فببدي احطلكم فكره فكره
مو كلهم مع بعض
اذا شفت من الردود ان موضوعي مفيد وحلو بكمل
وان شفت ان موضوعي مو مفيد وماله داعي ماراح اكمل لأن ما احب احط شي غير مفيد

ونبتدي بالفكره الأولى

البيت القديم
طبعا العلبه تحصلونها بسرداب حولي واسمه الزهور الشرقيه
وهذي صورتها

بعدين حدر الغطا على طول تسوين ثقوب صغيره وتركبين فيها اعواد قديمه طبعا تكونين مقصصتهم بأحجام متساويه وهذول هم تلقينهم هم بالزهور الشرقيه
وبيكون الشكل مثل هالصوره

بعدين تييبين شريط مكتوب عليه عساكم من عواده او قرقيعان وقرقيعان او تكونين طابعه اسامي عيالج عليه اذا تبين وتلفينه حدر الاعواد الخشب وتسوين فيونكه عالجنب وتزينينها على ذوقج

واخر شي تييبين شرايح خسب مثل اوراق بس خشبيه (تحصلينهم بالمكتبات) وتقصصينهم مربعات صغيره (للدرايش) ومستطيلات (للأبواب) وتركبينهم عالعلبه
وبيكون الشكل النهائي مثل هذا

اتمنى يكون الشرح واضح
واتمنى تعجبكم الفكره
ولكم تحياتي

 

[bnt_kwt]

ياليت الكل مثلج يا ام ابدير يحطون شغلهم مع الشرح ويتفادون الحذف
بس وين لا حياه لمن تنادي
حلو شغلج مرتب مااشاء الله
تسلم الايادي
وموضوع مميز

 

[Shima-Style]

تسلم ايدج ماشاء الله روووعـــه

 

[bnt_kwt]

ام بدير نبي المزيد من الابداعات والافكار

 

[amani]

خوش فكره أنا من سنتين سويت نفس العلبه بس حطيت صور عيالي ملوت القرقيعان واللزقات ملوت الجس عليهم بنات يقرقعون ووسلم ولدهم وايد حلوه الفكره بس فكرتج بعد وايد حلوه وعجبتني حيل وماشاء الله عليج سوتيها بذوق راقي وايد حلو:tek:

 

[هوى الدار]

تسلم ايدج ماشاء الله روووعـــه

 

[جنان2006]

السلام عليكم ورحمة الله وبركاته

ماشاءالله تبارك الرحمن شغلج روعة ياأم بدير الله يوفقج ويزيدج من فضله...
وناطرين باجي الابداعات والأفكار الحلوة منج...

 

[مليكه13]

ماشاء الله تبارك الرحمن انتي الحين طبقتي حي لاخيك ما تحب لنفسك مشكوره وااااااااااااايد حبيبتي

 

[بشورة الأمورة]

مشكووورة يا قلبي وياريت تعطيني باجي الأفكار بس بغيت أسأل البيبان و الدرايش من أي مكتبة وشسمه بالضبط ((اختج عليمية)) ما عليه تحمليني

 

[sugar&spice]

:s142: يا أم بدير

عاد انا محتاره حدي شلون اسوي قرقيعان الكبار ؟؟؟؟؟؟؟؟؟؟؟؟؟:eh_s(10):

العام حق الكبار اخذت فازات ايكيا بو 500 فلس وزينهم بفوشي واخضر نفس الوان دراعه بنتي ودراعتي

وحق الصغار اخذت اكياس علا شخصيات من وحده بمعرض

هالسنه حق الصغار والبنات بسوي أكياس علا شكل الجاكليته وبزينهم

بس حق الكبار للحين مو راضي شي يطلع :0bee2e8d89::gr4uu:

اذا عندج فكره قوليلي :tek::hjy5jewf:

ودي اخلص مبجر هالمره......العام واايد تعبت وخلصت قبل القرقيعان بيوم :eh_s(4):

 

[@راسي مرفوع@]

خووووووووووووش فكره الله يعطيج العافية

 

[فرح العجرف]

يسلمووووو حبوبه@@

 

[supermarket]

ماشاء الله تبارك الرحمن

طول عمرج مميزة

 

[غاليه الاثمان]

ماشاءالله روووووعه وحلوووه فكرتج
ام بدير عطيتيني فكره تنفع لقرقيعان الكبار..
وناويه اروح لسرداب حولي ان شاءالله واشوف اللي عندهم

ماقصرتي والله عسى عمرج طويل

 

[قمر الليل]

مشكوووووورة

 

[طيرشلوا]

مبدعة يا ام بدير وتسلمين

 

[محاميه الغد]

وااااااايد حلوه الفكره
تسلم ايدج على هالابداعات
و ياليت نشوف بعد افكار

 

[عيمية^والقلب^كندري]

تسلمين والله اتي روووعة وتحبين الخير والفايدة واللي مثلج ذهبه

 

[nazek_q8]

روحو قصر الهدايا عنده مجسمات قديمه حق القرقيعان يعني ما تحتاجون اتزينونهم بس عبي القرقيعان

شوفو الرابط انا حاطه بعض الصور اللي عنده

http://q8yat.net/showthread.php?t=163459&page=566

 

[الست اصيله]

اللله رهيبه عجيبه