القصه كامله لوفاة و تعذيب المطيري+آخر تطورات القضية (تم دمج المواضيع المتشابهة)

[وردة-الكويت]

رد: القصه كامله لوفاة و تعذيب المطيري

بما انه طتب بالتويتر وسحبوه وعذبوه واذبحوه

وبما انا احنا بديرة قمع

وصرنا نفس حزب البعث على قولتكم

عيل جهزو روحكم اشوف محد يحاجيكم قاعدين تقولون الي تبونه

وتحسب على الحكومه ماشوف احد انسحب فيكم يعني

والله عيب الي تقولونه ترى لعبتكم مكشوفه اذا همكم تشوهون صورة الكويت فبحلامكم

الي مو عاجبتها الديره القمعيه خل تطلع

احنا راضين بديرتنا وحكومتنا

ديرتنا ديرة عز وراح تضل غصبن علي الي يرضى والي مايرضى ديرة عز

معززين مكرمين

انتو معاشاتكم توكل فريج من الدول الفقيره خافو ربكم

رواتب وزيادات وكوادر وتعليم ابلاش شتبووووووووووووووووووون

xxxxxxxxxxxxxxxxxxxxxxxxxxxxxxxxxxxxxxx
انتو بس قاعدين تشوهون صورة الكويت

اللعبه مكشوووفه

ياحليلج ايس كريم شفيج على معاشاتناا اخاف تبينها والمعاشات الي ناخذها من تعبنا الحكومه مالها منه علينا

نكد ونشتغل وننكرف شكلج عباده الدينار شدخل سالفه المعاشات ف الموضوع هااا ذااا

احنا على فكره نشتري الكرااامه مانشتري الديناااار فهمتي ياام المعاشات


وام عزيزان ليش حضرتج شايفه الخمور بسياره المرحووم والشهيد بأذن الله شايفتهم

ردي علي انتي وايس كريم عن تقرير وزاره النفط عن سبب وفاه الشهيد بأذن الله شفتيه عطينا رايج

وقولولي ليش وزير الداخليه قدم استقالته ونحاش هرب شسبب الهروووب هااااا


على فكره انا مو مطيريه انا عجميه عشان ماتقولون حجي مني مناك

انطر ردودكم على التقرير الطبي الي يخص الشهيد محمد الله يرحمه وعن استقاله وهروب الخالد من وزاره الداخليه

 

[ام عزيزان3]

رد : رد: رد : القصه كامله لوفاة و تعذيب المطيري

شي يبررون حبيبتي انتي عايشه في الكويت والا لا
يقول المثل امش ورا الجذاب لي باب الدار
بنقول ان صايدينه بخمر>>>> على ذمتج
ما تقرين في الجرايد كل يوم والثاني صايدين الممثله الفلانيه سكرانه والا المذيع الفلاني سكران وافرج عنه ليش ما عذبوهم
بس الله يعين اهله ويصبرهم ويا ريت يعاقبون الضباط واذا ما عاقبوهم وما طلعو الحق مالكم الا الدعاء لملك الملوك
<< ادعوني استجب لكم >>

حبيبتي اقري بالجرايد علي قولتج عن الممثلات الي سكرانه والي صايدينها استغفر الله....اقري وتنبط جبدي لان الواسطه تلعب دور عندها ظهر قوي ويطلعونها منها
وانا مايبت هالشي من عندي لاتقطينها براسي وتقولين علي ذمتج<<<<بذمة الجرايد الي كاتبين الخبر
رجاء مو كل وحده تنط وتحط اقتباس وتقلب كلامي

وعلي قولتج الله يعين اهله ويصبرهم الي صار موشي هين...وانشاء الله الضباط ياخذون جزاهم الي عذبوه

 

[ام عزيزان3]

رد : القصه كامله لوفاة و تعذيب المطيري

وردة الكويت....حبيبتي انا ماقلت مومصدقه ان تعرض للطق والتعذيب هذا شي كل الناس يدرون عنه والتقرير الطبي ماكو شي ينخش
وارد واكرر ان الي متسبب بهالشي لازم يتحاسبون....حتي لو شنو مسوي لو ذابح واحد مو بهالطريقه يحققون معاه....فهمتيني

 

[الحلوه799]

رد: تقرير السجين القتيل "الخالد... التقرير يقرّر المصير"

حسبي الله ونعمى الوكيل على من ظلم الناس وطالت ايدينه عليهم ظلم وبغي

 

[أم فهد ..~]

رد : تقرير السجين القتيل "الخالد... التقرير يقرّر المصير"

الله يرحمه ويصبر اهله المساكين


والحمد لله حولوا اللي عذبوه للنيابه

والوزير استقال يقول : مايشرفني اكون وزير لوزارة تعذب المواطنين !!



وبعدين الاخت اللي تقول مومعقوله يصير جذي بالكويت والنواب يكبرون السالفه


احنا نعرف اسرة المقتول معرفه شخصيه قوية

دقوا ع اهله وقالو ولدكم توفى ؟!


تفاجئوا في المستشفى شافوا ولدهم فيه اثار التعذيب البشششعه !!


ما اقول الا حسبي الله ونعم الوكييييييل

 

[ام كوشه منكووشه]

رد : القصه كامله لوفاة و تعذيب المطيري

حسبي الله عليهم اللى عذبووه وعسى ربي ينتقم منهم ان شاءالله

 

[$ غمازه $]

رد: ابومشعل لـعالم اليوم: ما حدث لمحمد المطيري سيحدث مستقبلا لكل مواطن كويتي

الاخ محمد البصمان مايخاف الله شلون يكتب ويوقع اتها جنحه واهي جنايه
ياوييييييييييييييييله من رب فوقه واهو قاعد يوقعها
الجنحه يعني مات طبيعي مافيه قضيه

 

[$ غمازه $]

رد: ابومشعل لـعالم اليوم: ما حدث لمحمد المطيري سيحدث مستقبلا لكل مواطن كويتي

لااله الا الله العظيم الحليم
لا اله الا الله رب العرش العظيم
لااله الا الله رب السموات ورب الارض الكريم

انا لله وانا اليه راجعون اللي معور قلبي الاستهانه بنفس انسان

 

[وردة-الكويت]

رد: القصه كامله لوفاة و تعذيب المطيري

اي برد على ايس كريم الي تشكك في ولاءنا للكويت حبيبتي احنا عايتنا قدمت عيالها شهدااااااااااااااااااااااااااء

من خوال وعمام وعيال عم وعيال الجماعه وفي منهم كانو اسرا وتعرضوو للتعذيب كله عشان شنو عشان الكويت وولاء لها

الام ضحت ف عيالها والاخت والزوجه كلهم ضحوو جايه انتي الحين تشككين في ولاءنا حق الكويت منو انتي عشان تقولين هلكلام


كيفنا بنهاجم الحكومه لين تتعدل والي يسكت عن الحق شيطان اخرس ومو احنا الي نطبل للحكومه مثلج ومثل شاكلتج

احنا احرار وبنظل طول عمرنا احراااااااااااااااااااار ولا نرضى ف المهانا والقمع الي قاعد يصير xxxxxxxxxxxxxxxxxxxxxxxxxx


xxxxxxxxxxxxxxxxxxxxxxxxxxxxxxx

 

[منو انا]

رد: القصه كامله لوفاة و تعذيب المطيري

حسبي الله ونعم الوكيل
لساني اربط

 

[مرمووور]

رد : القصه كامله لوفاة و تعذيب المطيري

حسبي الله ونعم الوكيل
الله يرحمه ياارب

 

[الجفووول]

رد: القصه كامله لوفاة و تعذيب المطيري


البنات اللي يتكلمون ويقولون اللي مو عاجبها تطلع من الديره احب اقولج

بشوف اذا صار بواحد من اهلج اللي صار لمحمد المطيري الله يرحمه ويصبر قلب اهله وقلوبنا
بتسكتين وماراح تقولين احنا بدوله قمعيه

اشوف الطق صار للصحيح والغلط صار على الراس

عبيد الوسمي والسندان ومحمد والجاسم

كلهم عاشوا هالقمع اللي الله لا يوريه لعدو قبل الصديق

محمد الميموني الله يرحمه ويغفر له وعسى اللي تسبب عليه وذبحه للعذاب وانشاءالله يشوفه في عياله عشان يعرف شنو يعني حرقه الاهل على ولدهم

ولا تقولون تاجر خمور وسكران ..

اتقوا ربكم وخافوا الله

واللي ذمتها وسيعه ومصره تقول عنه انه سكران تسكت اشرفلنا واشرفلها

لان الاشاعات هذي تحرق قلوب اهله وعجوزه المسكينه اللي يعينها
وتذكروا ان ربنا يمهل ولا يهمل وكل ظالم له يوم



والله قهر والله
الرجال ينذبحون وينسحلون وينهانون

واللي خبري خبركم على الراس معزز مكرم



احس نفسي عايشه بغربه مو ديرتي الكويت

 

[دآهية مطييير]

رد: القصه كامله لوفاة و تعذيب المطيري

.



سبحآن الله بـ قضية صليبخات يوم استنكرنا واحترينا ع المواطنين يوم انضربو

كآنوا الناس تصرخ وتقول " أمر الشيخ صبآح " والنواب " عاندو وخالفو أوامر شيخنا "

وألحين مافي عذر إلا تعايرون بـ المعاشات !

محد بيموت جوع ابشرج ..

طق وحبس ما استنكرتوها وعادي عندكم

التعذيب لـ الموت هم عادي عندهم !

عندج قلب يحب الكويت وماعندج قلب يرحم هـ الاوادم اهلهم اللي يتباجون وراهم !



.

 

[سيــدة الغــــيد]

رد: القصه كامله لوفاة و تعذيب المطيري

8
8
8
8
8
8

؟؟؟؟؟؟؟؟؟؟؟؟؟؟؟؟؟؟؟؟؟@@

 

[سنووايت__]

رد : القصه كامله لوفاة و تعذيب المطيري

استقالتة وزير الداخليه
وقال لاااا يشرفني ان اكون وزير وزاره تعذب المواطنين
كفووو والله
وحسبي الله ونعم الوكيل على كل ظالم
والله يرحمه يارب

 

[قفشـه]

وزير الداخلية يستمر بمنصبه مؤقتا ورئيس الوزراء زار أسرة المواطن للتعزية،

اوضح وزير الدولة لشؤون مجلس الوزراء روضان عبدالعزيز الروضان بانه قد طلب من وزير الداخلية الفريق ركن م/ الشيخ جابر الخالد الصباح الاستمرار في عمله واستكمال كافة التحقيقات والاجراءات المتعلقة بملف المتهمين في قضية المواطن محمد غزاي هليل الميموني وتكليفه بمتابعة الاجراءات القانونية بحق كل من قام بالتضليل واعطاء معلومات مغلوطة وتستر على اظهار الحقيقة حتى ينالوا كل قصاصه العادل ويتحمل كل مسؤوليته عن الاعمال التي قام بها وفق احكام القانون.
وقال الروضان في تصريح لوكالة الانباء الكويتية (كونا) ان هذه الاجراءات تأتي تجسيدا لحرص الحكومة على التزام الشفافية الكاملة في تعاملها مع مختلف القضايا والموضوعات وحرصها الصادق على الالتزام بتطبيق القانون على الجميع بدون استثناء وكائنا من كان مؤكدا بان دولة الكويت كانت وستظل دوما دار امن وامان لكل من يعيش على ارضها الطيبة ودولة قانون ومؤسسات وانها ستتعاون بكل جدية وشفافية مع اللجنة البرلمانية التي شكلها مجلس الامة في جلسته الاخيرة للتحقيق في هذه القضية.
ومن جهته تمنى النائب أحمد السعدون على لجنة التحقيق البرلمانية التي شكلها المجلس امس الأربعاء للتحقيق في وفاة المواطن محمد المطيري ان تقدم تقريرها فورا متضمنا بيان وزارة الداخلية الصادر صباح اليوم الخميس، والذي اعترفت فيه الوزارة بوجود شبهة جنائية في وفاة المواطن محمد المطيري وعدم صحة ما ورد في بيان وزير الداخلية الذي أدلى به أمام مجلس الأمة يوم امس الأربعاء.
ودعا السعدون إلى قبول استقالة وزير الداخلية فورا، إذ أنه بغير ذلك لا بديل عن الإستجواب الذي أعلن عن تقديمه للوزير.
وأضاف السعدون في تصريح صحافي: من الواضح ان وزارة الداخلية لم تجد خيار بعد ان تبين لها ان بحوزتنا كل من تقرير مديرية امن محافظة الأحمدي في شأن الوفاة وهو التقرير الذي تلاه النائب مسلم البراك في الجلسة، بالإضافة إلى التقرير الطبي للوفاة الصادر عن مستشفى شركة النفط بالأحمدي إلا الإعتراف بوجود شبهة جنائية وراء وفاة المواطن المطيري، وعدم صحة ما أدلى به الوزير من معلومات امام مجلس الأمة.
وقال السعدون: ان ما نسب إلى وزير الداخلية وهو يعلن استقالته من قول ' ولا أرضى '، إنما يؤكد ما سبق ان ما ذكرناه من انتهاك للدستور والقانون والإعتداءات على عدد من اعضاء مجلس الأمة وبعض المواطنين في ديوان النائب جمعان الحربش يوم الأربعاء 8 ديسمبر الماضي، ولم تكن تلك الإعتداءات من حجر او رصيف كما ادعت وزارة الداخلية، وهو ما يدفعنا إلى اتخاذ كافة الإجراءات والخطوات الضرورية والقانونية لوضع حد لإعتداءات الوزارة التي اعترف بها الوزير على المواطنين ومحاسبة جميع المسئولين عن تلك الأفعال مهما علت مناصب هؤلاء المسئولين ومراكزهم.
ومن جهة اخرى قام رئيس الوزراء الشيخ ناصر المحمد بزيارة منزل أسرة المواطن محمد غزاي المطيري المتوفي بشبهة التعذيب على أيدي رجال مباحث الأحمدي، وذلك لتقديم واجب العزاء.

http://www.alaan.cc/pagedetails.asp?nid=66056&cid=30

التعليق: خطوه تشكر عليها يا سمو رئيس مجلس الوزراء واثبتت انك والد واب للكويتيين ونتمنى منك وعد بمحاسبة المجرمين رأفة بابناء القتيل

 

[~فيونكا~]

رد : القصه كامله لوفاة و تعذيب المطيري

حسبي اللـــه ونعــم الوكيــــل ....

xxxxxxxxxxxxxxxxxxxxxxxxx ..

ما يخافون من الله واهو يطالعهم ما يخافوون من دعاوي المسلمين عليهم ....

شهالقلوووووب الي عليهم

يعل الإيد الي طقت محمد للكسر ...يعل عياله يطقونه ..
:rgewrg:
ما في شي اقوى من الله ياربي يا حبيبي تورينا فيهم معجزاتك ياااارب تبرد قلوووبنا فيهم يا كريم ياربي تصبر قلب اميمته يا كريم ...

الله يستر عالبلد ..<< شقول بس

 

[$حبيبة عبودي$]

رد : القصه كامله لوفاة و تعذيب المطيري

ورده بعد عمري لاتحرقين اعصابج شكلها طقتها نحشه

 

[$حبيبة عبودي$]

رد : القصه كامله لوفاة و تعذيب المطيري

تقول اقص ايدي اذا انتو كويتيات اتمنى اتقصين ايدج اذا انتي عند كلمتج ..

 

[أهداب]

رد : وزير الداخلية يستمر بمنصبه مؤقتا ورئيس الوزراء زار أسرة المواطن للتعزية،

اخاف نفس استقاله القلاف
يومين ويرد!!!!!!!