القلوب القاسية بهالزمن....برأيكم شنو سبب قساوتها؟؟؟

[شادن33]

قسوه القلب من كثره المعااااصي

 

[JANAA]

حبيبيتي الابتعاد عن الدين وكثرة المعاصي وحب الدنيا وزخارفها ونسيان الاخره ونزول القبر طبعا تشمل التكبر والغرور ..... الخ

 

[بحرانيـه]

القسوة مو شرط بامور دنيوية او مواقف نمر فيها ترى الامر الديني له دور كبير بالحياة كل مابعد هالانسان عن ربه زاد قلبه قساوة يعني بقول شي شوي بعيد بس له علاقة نوعا ما اكل الحرام تعرفونه طبعا من مطاعم احنا نشكك بحليتها للاكل الي اهيا فاست فوود تدرون يا بنات ياحلوات يا امورات ان كثرة الاقبال عليها تزيد الغلظة بالقلب والقسوة وهذا يادي الى عدم الخشوع للرب او الحنيه على المظلوم واليتيم والخ ........

 

[تحت ظلك]

االأنسان الي يتعود على الظلم ويظلم الناس ببساطه يقسي قلبه مع الوقت لين يصير مثل الصخر

الذنوب وخصوصا ذنوب الخلوات تقسي القلب

وهذا بدوره يخلي الأنسان يقسي مع الكل

الله يبعد عنا قساوة القلب

ونتذكر الراحمون يرحمهم الله

 

[عادت ذكرياتي]

قسوة القلب بنظري لها أسباب وايد مجتمعة أو متفرقة ....


ضعف الوازع الديني ويظن الشخص حينها انه القوي وينسى او يتناسى أن هناك خالقا أقوى منه ...


ممكن من الصدمات أو تعرضه للقسوة في حياته من قبل أشخاص فتنعدم عنده العواطف ...


وهم في سبب بعد :::

ساعات قسوة مثلا الوالدين ويعتقدون ان الامر لصالح ابناءهم وهو على العكس تماما ولا يستطيعون تفسير عواطفهم بالاتجاه الصحيح ....

والله أعلم


شكرا لطرحج الرائع أختي نهى ...

 

[نهى الأحمد]

حياكم الله ياخواتي


والله يعافيكم


وعسى ربي يهدي اصحاب القلوب القاسية

 

[البرنسيسه77]

انا صراحه شفت ناس وايد قلوبهم قاسيه ومليانه حقد وبغض مادري ليش لا تقولون ضعف الوازع الديني لا دينات ويصلون واخر من يقومون من السجاده ويستغفرون بس ماني عارفه شالسبب والمشكله حقدهم علي اقرب الناس لهم ولا تقوليلي وراثه لا

مو عارفه السبب ولا طريقة التعامل معاهم

 

[أمي قرة عيني]

إيه صادفنننني بس مو وايد الحمدلله وأظن السبب التمسك بالدنيا وحبهم لها

تلاقينهم صح والا غلط مايفرق معهم أهم شيء أوصل للي أبي لو ع حساب منو !

مشكورررررررررررررره

 

[Bloom]

التربيه و المرور بمواقف قاسيه يعني مثلا متعقدين من اهلهم كانوا قاسين عليهم بالصغر

 

[سمو ذاااتي]

تدرين نهي اتمني اصير قاسيه

انا كل مشاكلي من هالطيبه وحسن النيه

هالطيبه خلت الناس يغلطون علينا بحجة طيبه بتسامح

مايحترمونا بحجة ماتزعل

لو اقسي الكل بيحترمنا ويحسب لنا حساب

 

[نهى الأحمد]

لي عوده لردودكم ياخواتي

 

[Norah.a]

حلوو الموضوع

انا اشوف ان القلب القاسي مو طبيعة بشريه و انما هو نتيجة للظروف الي يعيش فيها الانسان


و الاشخاص الي يتعامل معهم , فينتج عنه قسوة القلب
و احيانا كثيرة مالوم الشخص الي قاسي قلبه, لاني لما اشوف الناس الي حوله اعطية مبرر لقسوته
لان الناس هالوقت صارو يعدون الطيبة ضعف و قل عقل(( البعض طبعا مو الكل)).
بس عشان نتخلص من كل البشر تعيد حساباتها مع نفسها و تفكر بباكر
لان الدنيا فانية
​

 

[نهى الأحمد]

انا صراحه شفت ناس وايد قلوبهم قاسيه ومليانه حقد وبغض مادري ليش لا تقولون ضعف الوازع الديني لا دينات ويصلون واخر من يقومون من السجاده ويستغفرون بس ماني عارفه شالسبب والمشكله حقدهم علي اقرب الناس لهم ولا تقوليلي وراثه لا

مو عارفه السبب ولا طريقة التعامل معاهم

هلا حبيبتي

الحقد يتولد في قلوب بعض البشر من بعض المواقف اللي تحصل

ممكن يكون غيره من انسان محبوب وناجح

وطريقة التعامل معاهم اهو الحقران والتغافل

حتى نعيش مرتاحين البال

إيه صادفنننني بس مو وايد الحمدلله وأظن السبب التمسك بالدنيا وحبهم لها

تلاقينهم صح والا غلط مايفرق معهم أهم شيء أوصل للي أبي لو ع حساب منو !

مشكورررررررررررررره

هلا ياقلبي

العفو

واسعدني مشاركتج العطره في الموضوع

التربيه و المرور بمواقف قاسيه يعني مثلا متعقدين من اهلهم كانوا قاسين عليهم بالصغر

هلا ياقلبي

اكيد التربية لها دور والمواقف اللي تحصل معاهم سواء من الاسره او خارج محيط الاسرة
ممكن يولد بعض من الحقد ويقسى القلب مع مرور الزمن

تدرين نهي اتمني اصير قاسيه

انا كل مشاكلي من هالطيبه وحسن النيه

هالطيبه خلت الناس يغلطون علينا بحجة طيبه بتسامح

مايحترمونا بحجة ماتزعل

لو اقسي الكل بيحترمنا ويحسب لنا حساب

هلا حبيبتي

حاولي لاتفكرين انه يصير قلبج قاسي

الطيبه وحسن النية صرنا نفقدنا بهالزمن

واعرفي مع منو تظهرين طيبتج وتتسامحين

كافي انه عندنا صفة اهم يفتقدونها

الطيبه والتسامح

حلوو الموضوع​

انا اشوف ان القلب القاسي مو طبيعة بشريه و انما هو نتيجة للظروف الي يعيش فيها الانسان​

و الاشخاص الي يتعامل معهم , فينتج عنه قسوة القلب
و احيانا كثيرة مالوم الشخص الي قاسي قلبه, لاني لما اشوف الناس الي حوله اعطية مبرر لقسوته
لان الناس هالوقت صارو يعدون الطيبة ضعف و قل عقل(( البعض طبعا مو الكل)).
بس عشان نتخلص من كل البشر تعيد حساباتها مع نفسها و تفكر بباكر
لان الدنيا فانية​

هلا ياقلبي

عدل كلامج حبيبتي

ظروف الحياة والاشخاص اللي يتم التعامل معاهم

والقسوة برأيي ممكن تزول اذا عم الحب والخير بين الناس