الكشخه كشخه سواء دوام او غيره

[beebeebb]

:eh_s(15):

السلام عليكم



اليوم حبيت اطرح عليكم موضوع اللبس والتكشخ بالدوام هل تأيديين هذا الشي او تحبين تكونين ناعمه حييل او من غير مكياج وطرق العبايه بس ....


انا عن نفسي احب اللبس والتكشخ وتعجبني الموظفه الي تهتم بلبسها ومكياجها بالدوام وجنطتها تكون ماركه مثلا وساعتها فخمه انا هذا استايلي ..مثل اليوم داومت عندنا موظفه كانت توها راجعه من اجازه صراحه تبارك الرحمن كانت ذربه ولفتت انتباهي حييل


انتو شرايكم ....؟؟:icon30::hjy5jewf:

 

[درة أهل الطولات]

رد : الكشخه كشخه سواء دوام او غيره

احب البســ

بس ساعات تكونين متأأخرة فتضطرين تلبسين عبايــة

 

[queen:$]

رد : الكشخه كشخه سواء دوام او غيره

احب يكون لبسي بسيط من غير مبالغه

كعب ماحب البس عشان اخذ راحتي لان بالتدريس ماتنفع الكعوب ابد

عبايتي وجنطتي وساعتي وفلات ذرب ولونه حلو

وصلى الله وبارك

 

[¤§ زيتونة §¤]

انا أأيد الكشخة والذرابة بالدوام

مو شرط كل شي غااالي وبالشي وشويات

لا بالعكس اهم شي الذوق والذرابة في اختيار اللبس وتناسق الجنطة والشوز عزكم الله مع البدلة ولا العباية

يعني الكشخة مو بس بالبدل لا حتى العباية تكون حلوة وذربة وناعمة ولايقة لوقت الدوام مو كشخة مثل عبايات العرس والزوارة والحفلات





تكشخو يا ابلات فتحو نفس الطالبات حتى لو كنتو تلبسون عباية هم تفنتقوا فيها ليش لا ................ الله يوفق الجميع


ويعطيكم العافية يا ابلاتنا الحلوين

 

[beebeebb]

رد : الكشخه كشخه سواء دوام او غيره

اشكر لج سرعه تجاوبج مع موضوعي بس مو شرط اللبس يكون بدله مثلا مرات حتى العبايه تبدعين فيها ما ادري بس هذا راي الشخصي
يعطييج العافيه حبيبتي ..دره ..

 

[beebeebb]

رد : الكشخه كشخه سواء دوام او غيره

شكرا كوين .... وزيتونه ... للمشاركه

بس صراحه على قولت زيتونه افتحوا نفس الطالبات على الدراسه

حتى لو بعبايه بس المهم الذرابه ...

 

[English.Teacher]

رد : الكشخه كشخه سواء دوام او غيره

اذا الوحدة ماتكشخ في الدوام وفي مجتمع نسائي بحت متى تكشخ؟؟ّ!!

أأيد الكشخة بس باعتدال يعني بدل سبورت ونااعمة يعني مو تنوورة شيفون كلوش طبقات ولا ترتر وقصة سمكة وتفتة وحرير ومدري ايش

لا النعومة مع البساطة

بس ما أأيد العباة ابدا احس كآآبة

والمكياج يكون نااااعم يعني بدون كريم

بس كحل وماسكرا وروج هادي وبلشر هادي

حتى الالوان الصارخة احس ما تناسب المدرسات يمكن الاداريات عادي

واحب الفلاتات احس اريح من الكعوب

خصوصا صوت الكعب وانتي تشرحين وتمشين في الصف احس مزعج ويسبب قلق

 

[إلبنفسج]

أنا أأيد العباية طبعا لأن التبرج من الجاهليه ومايجوز التبرج

 

[beebeebb]

رد : الكشخه كشخه سواء دوام او غيره

صاجه اختي اذا ماتكشخ الوحده في مجتمع نسائي بحت عيل متى تكشخ ان شاء الله ...

اما بالنسبه للالوان الصارخه انا ما احب جذي ولا حتى الاداريات الي عندنا بالمدرسه تلقين لبسهم عادي حيل واقل من العادي اللهم الا جم وحده بس تحسينها كشخه

 

[beebeebb]

رد : الكشخه كشخه سواء دوام او غيره

شدعوه اختي البنفسج اي جاهليه واي تبرج احنا نقصد في مجتمعاتنا النسائيه ومدارس البنات مو برا

 

[قنــــــــــوت]

رد : الكشخه كشخه سواء دوام او غيره

مااعتقد لها اي ارتباط بالتبرج ...
بالعكس ..انتي في محيط نسائي بحت ...
وللأمانه ... الذرابة والحرص على المظهر فطرة .... في بعض الناس ..
يعني حتى لو كانت مستعجله .. ماتطلع الا وشكلها ولبسها مرتب وانيق ...
.. موضوعج حلو ...
وصدقت الاخت اللي قالت افتحوا نفس الطالبات على الدراسه ...
بتكونون لهم قدوة بالذرابه والاناقه والذووووق ...

مشكورة عزيزتي ...

 

[fatma24]

رد : الكشخه كشخه سواء دوام او غيره

الذربة ذربة حتى لو عباية و مكياج صباحي بسيط

 

[beebeebb]

رد : الكشخه كشخه سواء دوام او غيره

يعطييج العافيه حبيبتي قنوت

اسعدتني مشاركتج

 

[beebeebb]

رد : الكشخه كشخه سواء دوام او غيره

فاطمه ... فعلا الذربه ذربه حتى لو عبايه ومكياج صباحي

 

[Miss Cherry]

على حسب المزاج والوقت ... مرات اقوم متأخره زين اغسل وجهي

الكشخه يبيلها خلق وفضااااوه ... عموما انا حتى لو كشخت ماحب احط مكياج ثقيل الصبح ونو وي احط فاونديشن الصبح احس جني رايحه عرس بس شدو واي لاينر ومسكارا ولازم حمرا حمره ولا بينك فوشي وماحب القلوسات ..

اللبس جذي وجذي مرات عبي ومرات بدل

 

[English.Teacher]

رد : الكشخه كشخه سواء دوام او غيره

عزيزتي البنفسج اظن هالموضوع في قسم المعلمات

وحسب علمي المعلمة مكان وظيفتها في المدرسة

وحسب علمي المحدود جدآآ ان مدارسنا غير مختلطة

فممكن توضحين بالضبط شتقصدين بالتبرج

يمكن عندك وجهة نظر حنا نجهلها

 

[نونا 3000]

انا البس عبايه بس اغير بعباياتي مو طول السنه عباية وحده لا على الاقل كل شهر اشتري 3 عبايات لاني استهلكها

واحط ميك اب ناعم وساعاتي ماركه ما احب التقليد كلش والجناط مو شرط ماركه اهم شي تعجبني وطبعا عندي جناط ماركه بس مو كل جناطي ماركه

 

[ملآمح يوسفيه]

رد : الكشخه كشخه سواء دوام او غيره

ان شاءالله راح التعيين هالشهر

راح يكون نظامي بدلات ومكيآج ناعم لان صبح ما يصير اووف

ومرات عبايات كالنوع من التغير

يعطيج العافيه يالغلا على الموضوع

​

 

[غرشة عطر]

بالدوام علي قولتهم يسموني العروس هههههههههههههه وخاصه توني ادوام من ولدت فاول اسبوع لبست بدل راقيه وذربه وطلعت اللي شريتهم لاطلاعتي ههههههه عرض ازياء وعقب عبي
و حتي لوالبس عباه لازم عباتي مميززه بالوانها ورزتها وخامتهاا ومرتبه علي موخبه ووسيعه وطريقتي باللفع يكون عريض والبس طاقيه تحت واثبت الملفع عدل والحين مسويه العبايات السترش تهبللللللللللللللل وفي منها فلوو بعد وداشه معاها خام مشجر
ومره بدلة تنوره جنز وبلايز ضيجه او واسعه والساعه تكون مقاربه للبدله والشحاطه والجنطه لاني مالبس كعب بالدوام السلاسل علي اليد والميك اب ناعم ياكحل ازرق داخل العين ومسكرا وشددو لحمي وحمراتي للدوام لحمي وردي فاتح وردي غامج احمر قليل
او كحل قلم بالعين ماحط سائل ايلاينر الا بالحفلات
عطوري مميززه فرنسيه وعربيه طريقتي بالتعطر مميزه اغسل جسمي او اسبح وعقب اتبخر بعود اصلي وعقب احط مسك العروس مال القرشي بامكان النبض ووري الاذون ،،،،البس عباتي حقت الدوام او البدله واتبخر عدددددددددددددددل وارش المثبت واخذ عطري الفرنسي وياي بالجنطه وافرش اسناني واكل علك نعناع واتوكل علي الله من ادش كل من يسالني شحاطه خخخخخخخ

واول ماتبدي السنه افصل 7 عبايات من غير عبايات الخبر والامارات عندي بالهبلللل والساعات عندي اكثر من ماركه وبعضهم تقليد بس الشكل يوحي انهم ماركه والله مرات البس ساعات ب10 دنانير تهبللللللل رزه ولا ماتوقف البطاريه مثل الماركه لوووووول
والكشخه كشخه سواء راحت دوام او بالبيت او عند الجيران او بالعروس تشوفين انها مميزه بكل مكان
*_^

للعلم انا دوامي بمدرسه يعني موبوزاره لوووووول وصار لي 13 سنه هذي طريقتي والله الشي عالتعود وشنو الانسانه تحب معانا بنات عبايتهم لابسينها 10 سنين ومكروفه غسيل اشدعوه الله كثر محلات العبي وفي عبايات رخيصه مع الملفع ب15 دينار لاتلبسين بدلات عالاقل فصلي 3 او 5عبي تكرفينها طول السنه

 

[nono-ful]

احباكشخ بس طبعا كل مكان له كشخته

يعني اكيد ما بكشخ حق الدوام مثل الزواره