الكشخه كشخه سواء دوام او غيره

[غرشة عطر]

عاد انا ماني مدرسة بس اعرف وحدة مدرسة صار لها يمكن تسع سنين يعني مدري جم معاشها بس ماتكشخ بدل السنة الللي طافت ترد تلبسهم ودتهم المصبغة وردت لبستهم السنة هذي ياريت واجد اربع بدل بس اموت واعرف معاشها وين يروح

انا هم محتاره لي شفت بعض البنات الله يهداهم :eh_s(10)::eh_s(10):

 

[فرفوقه]

اوكيه ايد الكشخه بس بدووون مبالغه وهلااقه
يعني يكوووووون عملي اهم شي
لان صراااااحه احنا ياطالبااااات كنا نمصخرر الابلات ع لبسهم وين قاعدين كانت عندنا ابله قبل تركب رمووووش من الصبح يابوي من له خلق ولا حامل بعد
ولا البدل الاوووووووفر >>>>بدل مشاااااغل

 

[حبيبي سهلي]

انا بصراحة دايم اخيط عبيي عند وحدة متميزة بالعبي العنزية للعباية القطرية تجيب خاماتها من قطر وافكارها دايم تعملها بقطر والكل سألني عبايتج من وين علشان تدعولى رقمها 99960747

 

[برموشي اداويك]

احب اكشخ
بس مو اووفرر

 

[يمة يادلبي]

انا طالبة بس كان عندنا ابلة تاريخ يبووووووووي عليها ننطر حصتها مناطر بس عشان طلتها ماشالله عليها مملوحة وانيقة وستايلها بناتي لانها صغيرة من مقادنا وهم عندنا ابلة بس مادرس مادري شلون بس تاخذ غياب لا تشوفونها لا اقبلت علينا كلنا ارقبتنا تنكسر من كثر مانطيح خز فيها صج انييييييييييييقة
وكل يوم نترقبها شنو بتلبس

 

[& مــشــايــخ &]

ستايلي عبايات لان محد عندنا يلبس بدل بس السفور

عبايات عمليه كشخه ولله الحمد

مكياج ناعم + عطر + أساور + خواتم + ساعه + جنطه ماركه

وسلامتكم وتعيشون

 

[مدام زيزو]

رد : الكشخه كشخه سواء دوام او غيره

الكشخه الكشخه الكشخه

 

[نوناA]

.




.

 

[قـہۈه فـرنسيـہ™]

والله على حسب المزاج مراات أكشخ ومرات عادي ...بس الأهم اني أرووح وشكلي ذرررررب ومرتب هذا أهم شي ...


أنا ميك آآب بالدوام ما أحط ...الا اذا في مناسبه وساعات أحط أذا كنت قايمه مبجر ودي أتكشخ ...
بعد تعرفووووووون حلات المخده الصبح
لأن الحمدلله بشرتي حلوووووووووه ولونها 1 مابي ألعب فيها بالتلبخ والكريمات ...حتى حمايه ما أحط

 

[Dallosh]

شاللي يخفف ضغط الشغل غير اللبس والماكياج والالوان اللي تفتح النفس

 

[Dallosh]

يعني ضغط وكابه ولبس اسود من غير ماكياج = انتحار بطئئئئئئئئئئئئئئئئئئئئئئئئئئئئ على نار هاديه

 

[..Balsam..]

لووول ضحكتني اللي تقول تبرج .. الحمدلله والشكر

 

[beebeebb]

رد : رد: الكشخه كشخه سواء دوام او غيره

::

يعني ضغط وكابه ولبس اسود من غير ماكياج = انتحار بطئئئئئئئئئئئئئئئئئئئئئئئئئئئئ على نار هاديه[/

صح لسانج ....:rerrerek::rerrerek::rerrerek:

 

[^^ريهام^^]

انا عاد عندي نظام للبس والكشخة في الدوام

اذا اخترب هالنظام احس يومي مو شي واتضايق

أقعد الساعة 5 وآخذ شاور دافي ولما اخلص ادهن ويهي وجسمي بزيت جونسون للاطفال وبعدين كريم زبدة الجسم علشان الترطيب

اتريق واكون مجهزة ثيابي من الليلة اللي طافت , طبعا مبخرتهم ومعطرتهم

البس عبي وبدل بس عملية ما احب البس بدل وعبات فخمة بالدوام مو لايق بالمرة

عباياتي خامتها حلوة عملية وما فيها تطريز وايد بس احط فيها فناتق بسيطة من ذوقي

بدلي اغلبها تنايير جينز وبلوزات ضيقة خصوصا اني ضعيفة وطويلة فيطلعون حلوين علي

ودي البس بنطلونات بس ممنوع عندنا

اغلب هدومي اشتريها من جيس و21 فور افر ومانغو

اسعارهم زينة وحلوين

ولفاتي اغلبهم ملونة وناعمة وانا البس الطاقية والف لفة فوقهم علشان ما يطلع شعري , لان ممنوع الشعر يطلع

بالنسبة للعطور عندي عطرين واحد فرنسي والثاني عربي واشكل يوم ويوم

والبخور شي اساسي حتى بالمدرسة اتبخر

المكياج ما احط فاونديشن اخاف يخرب بشرتي

الحمدلله بشرتي زينة بس احط كريم يولاي واقي من الشمس وبودرة نيفيا الخفيفة واحط كحل داخل عيوني وشوية شادو وردي او برونز وجلوس وردي

ما احب احط ماسكرا لانها تخرب الرموش بس امسحهم مسحة خفيفة بفازلين

الجواتي انتو بكرامة كلها فلات من شوول وايكو لاني اتحرك وايد بالحصة ونادرا ما اقعد

اكسواراتي بسيطة حيل خاتم ناعم وساعة جلد ناعمة وسوارة بيسطة ما احب اكثر اكسسوارات

الحمدلله راضية بشكلي

انا ما البس علشان البنات والمدرسات , ما هموني ابد

اكشخ علشان نفسيتي , لان الكشخة تغير بالنفسية غير

 

[mi corazon]

اللوك العام ترى يأثر على نفسية المعلم والطالب

لا تكأبونهم

 

[غيمه ممطره]

رد : الكشخه كشخه سواء دوام او غيره

انا الحمدلله مافوت الكشخه علي بالدوام ،،

حرام توني صغيره والبدل مكدسه بالكبت مرات يمر علي شهر ماكررت البدله ابد من كثر هالملابس ،،،

ومرات احط فونديشن واخط حواجبي واحط لمعه تحتها من غير شدوا واي لاينر،،بس هاليومين صار من غير فونديشن لاني قاعده اعالج بشرتي،،

الجواتي عزكم الله نادر البس كعب تعرفون بعد ابله روضه وملاحق ورا الاطفال،،،

العبايه نادر لبستها سبحان الله لما البسها احس خلاص تكييييسلت ،، فالبسها لو بستاذن بهاليوم


بالنسبه للاكسسوارت والبروشات الحمدلله الكل يسالني عن بروشاتي واكسسواراتي افصلهم عند راعي الكلف تكون مثل جنطتي والشحاطه او الفلات ،، بس طبعا بالشهر افصل اثنين فقط لان يكلف،، وباجي الفلاتات الله يعز ماكس فلاتاتهم الوان واشكال ولو قطعت نفسها صارت ب ٥ دنانير،،

 

[كويتية هيبه]

طبعا اكشخ

شنو ابهذل نفسي على ابو انه دوام!!!!!!!!!

واللي يبط جبدي اللي تقعد سنه على عبايه ولفه وحده

 

[MskanK Ro7y]

رد : الكشخه كشخه سواء دوام او غيره

انا من رايي آايد اللبس والكشخه مع الذرابه
لان على قولتكم الكشخه كشخه

 

[نونا**]

بنات اللي مايلبسون تلاقين ريلها ماخذ عليها قرض عشان البيت

او تخش فلوسها عشان مشروعها او تطقلها فله شكبرها

اختي تقول كانت عندنا مدرسة دايم تلبس عباية ماتغيرها

تقول طلعت مره الا تمشي جدامي وتركب سيارتها شنو؟

مرسيدس موديل السنه ولا من النوع الغالي اللي فوق 20 الف! تقول قعدت اطالع جذي @@

 

[زيـטּ عَبْس]

اكيد ألبس وأكشخ

وأنوّع

والعبي ماحبها بالدوام صراحه

كآبه


والمجتمع نسائي

فمريح جدا في اللبس

والمكياج خفيف

والساعه لازم ماركه