الكل (جك بوم) سواها...الا احنا ياحظي لازم ندق طبل ونتحجى :(

[om MaRyooM]

رد: رد : الكل (جك بوم) سواها...الا احنا ياحظي لازم ندق طبل ونتحجى

بالعكس فديتهم اقووولهم وليش اخشش السوالف اهما اهلي اذا ما اعرفوا اليوم بيعرفون باجر وماكو شي ينخش لا حمل ولا سفر ولا شي الحمد الله ياربي على حمولتي فديتهم الله لا يغير علينا واذا اهما بيخشون شي على راحتهم من حقهم مو الا انا كل شي لازم اعرفة عنهم على قولت ريلي اول ماحملت العالم والامة العربية والاسلاية ومنو بعد الوكالات اعرفوا اني حامل ريلي يقولي ماشالله بخور السوق ما تخشين شي قتلا حبيبي حملت الفيران واترست الغيران ليش اخشش

الله لايغير عليكم .. حلو الوضع لما يكون جذي

بس لما يكونون اهل ريلج نوع آخر .... :0bee2e8d89: هني بتحسين باللي نقوله

وشاكرة مرورج

 

[om MaRyooM]

وااااااي صاجة مايرفع الضغط الا الريل ايي بااااااردة مبردة يخر الاكو والماكو أنا خليته يتوب من هالعادة مثل مالهم خصوصية هم لي خصوصية صار موقف علمه ان معاي حق سافرنا مرة وقبلها طبعا رحنا نسلم عليهم كالمعتاد وكانت اول سفرة لنا تخيلي رجعنا والا 4اشهر اخته ماتكلمنا وكل مااسألهم عنها شووووفي نيتي الطيبة يقولون اي نائمة او طالعة كل زوارة شدعوا!وانا مصدقة واصادفها بالمستشفى عند خالتي والا تغلط علي وعلى ريلي امبيه انشق حلجي من الصدمة انزين شفيج حبيبتي والا تقول



شكو تسافرون وماتقولون مع السلامة!!!!!!!!!!!!!!
بذمتج هذي شتقوليلها هذا وانا كل سوالفي عندهم من ريلي عاد عقبها اتوقع ان انقرص

هلا العاطفية

لووول ريلج شيصر حق ريلي

دايما يخر الاكو والماكو .. والمشكلة ينقرص بعدين ويقول بنفسه التوووبة ماني قايل شي
وترجع حليمة ... لعادتها القديمة

 

[om MaRyooM]

مشكورين كل اللي ردو عالموضوع

احترم كل وجهات النظر

بس مشالله مايمديني ارد على الكل .. .ومشكورين مرة ثانية

 

[ملح و سكر]

موحلال عليهم وحرام على غيرهم هذى القاعده:eh_s(20)::eh_s(20)::eh_s(20):

 

[حياتي فراغ]

رد : الكل (جك بوم) سواها...الا احنا ياحظي لازم ندق طبل ونتحجى

انا اول كنت أنقهر و اموووت ليش أنا كل شي اقول و اذا ماقلت انزفيت و اهم لو شنووو ما يقووول

بس اللحين كل شي اقول احسن عشان احرهم

 

[ادارية]

رد : الكل (جك بوم) سواها...الا احنا ياحظي لازم ندق طبل ونتحجى

لووووووووووووووول والله ضحكتيني انتي احسن مني ..

حمولتي حليوين بس المشكلة كل شي يعارضونه ويغلطونه ان رحتي يمين يقولون لج لييييش جان رحتي يسار وان رحتي يسار بيقولون ليييييش جان رحتي يمين ههههههههههه ..

هالسوالف تفاهات ماتهمني بس اللي يحر لما ينتقدون شي تسوينه بعدين يسوون نفسه بالضبط!!!!!

ولا سالفة او موضوع انتي تقترحينه يطبقونه اهم ويصيرون اهما اصحاب الموضوع !!!!!!!!!!!!!!!!

هم احبهم الله لايحرمني منهم ..

 

[عذوب79]

والله يا قلبي انت كل شي عالتعويد


عودتيهم ماتشكين خيط ببره انت ويلج الا تقولين لهم بيناشبونج


لانهم تعودو على جذي من شافوج بس اذا متعودين تسوين امورج بالكتمان محد بيسال ولا يناقشج


بعدين رسولنا الحبيب قالنا اقضو اموركم بالكتمان


مو صح ؟؟؟؟؟؟؟؟؟؟؟؟؟؟؟؟؟؟؟؟؟

خففي شوي شوي بالتدريج انشالله يتعودون عليج وعلى طبعج الكتوم

والله يخليكم البعض ولا يضركم احد

 

[عذوب79]

صج نسيت اقولج وعلى حسب الحموله في حموله لما تدري تقولكم الله يهنيكم


وفي حموله تزف ولدها وتبهدله ليش وليش مسفرها وتكنسل السفره وسوالف عوووووووووجه

على حسب الاوادم اللي عندج


انا عن نفسي كتمان لبعد حد تدرين ليش ؟؟؟؟؟؟؟ لانهم يحسفونه على كل قرار مادري ليش الله يهديهم لنا يارب

 

[][ sarah ][]

انا مو متزوجه بس هالشي يغثني بحياتي حتى احنا مو مرتاحين
تخيلي الناس كل سوالفهم بالخش والدس واحنا اذا سوينا شي وماقلنا تصير مصيبه وبلوه

 

[قنــــــــــوت]

رد : الكل (جك بوم) سواها...الا احنا ياحظي لازم ندق طبل ونتحجى

والله ياقلبي هالامور ما تخصهم ولا لهم حق يتدخلون فيها مادام هم يسوون نفس الشي ...

يعني لما يسافرون والا يصير عندهم شي ..يدقون طبولهم مثل ما قلتي والا يعطون خبر ؟؟؟؟؟

والله اللي ما يعطيني خبر ولا يقول لي ..انا مومضطره اقول له ...
ولازم اعامله بالمثل ....

اما اللي يبلغني ... ويسألني اذا ابي شي .. واللي تبشرني انها حامل ...ووو
هذيلا على راسي من فوق ... واوجبهم مثل ما يوجبوني ...

صراحه موضوع يبط الجبد .... الله يعينج على هالحموله ...
للأمانه ... ضحكت على سالفة الاخت اللي نشف حليبها ... صج لي قالوا شر البلية مايضحك ...

 

[twinsmam]

الاستنتاج الأخير ان العيب من رياييلنا الي كل ما قررنا نسوي شي خروا الأولي و التالي عند اهلهم
مع ان ريلي يشوف اخو شلون كل ما سوى شي لا من شاف ولا من دري و احنا ان شافونا بنطلع على طووووووول وين بتروحون انزين شكووو؟؟؟ غير اذا بنسافر وين بتروحون أي فندق بجم التذاكر جم يوم سفرتكم ليييييش التحقيق؟؟
و سالفة الحمال هذي خو شي طبيعي اذا انا حملت ما يبقى أحد ما يدري و الله من الوناسة و اهم يالله بالرابع ندري شدعوة يا حافظ ما راح نحسدكم بالعكس راح نفرح لكم
شنسوي يا أم مريوم بو طبيع ما ايوز من طبعه

 

[om MaRyooM]

مشكورين على ردودكم



عذوب
والله صاجة بكل كلمة ..
غلطتنا اللي نعلمهم بكل شي وتعودو ..
ومشكوورة ياقلبي

 

[غلاة الغالي]

رد : رد: الكل (جك بوم) سواها...الا احنا ياحظي لازم ندق طبل ونتحجى

والله يا قلبي انت كل شي عالتعويد


عودتيهم ماتشكين خيط ببره انت ويلج الا تقولين لهم بيناشبونج


لانهم تعودو على جذي من شافوج بس اذا متعودين تسوين امورج بالكتمان محد بيسال ولا يناقشج


بعدين رسولنا الحبيب قالنا اقضو اموركم بالكتمان


مو صح ؟؟؟؟؟؟؟؟؟؟؟؟؟؟؟؟؟؟؟؟؟

خففي شوي شوي بالتدريج انشالله يتعودون عليج وعلى طبعج الكتوم

والله يخليكم البعض ولا يضركم احد

رااااي من رايهــاااا .. مشاء الله عليها الكلام الي بقوله قالتها بالحرف الوااحد.. :bbbiu:

 

[نوفلتي]

جوفي احنا في من اهلنا فيهم هالطبع وانا كلش ماعرف اخش شي بس هالمره قلت لازم اسوي فيهم حركه انا وزوجي قررنا نطلع لنا سيارة يديده ولا علمت احد من صوب بيت يدتي واهمه فضولييين بشكل كل مره يسالون ها امته وشنو وانا كله كلمتي مادري ومادري يوم طلعناها ويبناها البيت وييت بيت يدتي قلت لهم اليوم ظهرنا سياره احسهم بطلووو عينهم لانه يعرفوني مب من النوع اللي يخش بس هالمره سويتهاا لانه صارت لي حركه مشابهه انا كنت نفاس في بيت خالتي ((لانه امي متوفيه )) وتخيلووو انا معاهم في البيت والله مادريت الا يقولون لي اكيه السياره في الكراج شدعوووووه انا معاكم ماكله وشاربه بس ذخرتها لهم وسويتها صج استانست وبث خخخخخخ

 

[روحي تحبه غصب]

الحمدلله ماعندنا هالسالفه يعني ما في تشره وليش ماقلتوا

 

[cherry67]

وأنا مثلج كنت اتحجى بس الحين لا خليت نفسي غامضة ما يعرفون شنو بداخلي وخصوصا مع الحمولة لا تعطينهم ويه .

 

[am faisal]

نفس الموضوع غاثتى بنتهم ملكت مادريت ولما سالت وماحد قالى تدرين شردو قالو نقولك شىء ما صار يوم ملكت قلنا لك ويوم سافرت جيت قبلها بيوم اسلم عليهم كلهم تظراتهم خاشة علينا هذا وانا جاية اسلم عليهم يس توبة ناس تغث

 

[om MaRyooM]

مشكورين على ردودكم ومشاركاتكم

 

[dectora 7elwa]

ااااااااااخ
بقلبي ورمه من هالسالفه
خليني ساكته
مابي احش بيوم هاليمعه

 

[احب المنتدى]

رد : الكل (جك بوم) سواها...الا احنا ياحظي لازم ندق طبل ونتحجى

طنشيهم

اكبرررررررررررررررررررررر













طاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف




ماييي من وراهم شي زين