الكل قام يدور مكياج بو 10 و15 .... (شاركينا خبرتج)

[contessa]

@@ توني ادري انا في مكياج ب هل سعر لووووووووول
مشكورين بنات

قطوه صالون ذكرى وين صاير

 

[قطوووة]

حبيبتي بالرقعي عند مطعم الراعي

 

[AL-Roshena]

في عندكم بعد الشرقية والله انا اختي كانت تحط عند برجيت ومنيرة الفري وعبير الياسين ونتو تعرفون اسعارهم واايد ولا ولازم تحجزين قبل فترة طويلة وساعات تيي مناسبات فجأه ونصحو اختي قالو لها روحي الشرقية والي بخيطان والله من غيرمبالغة اطلعت جنها اميرة مكياج برونزي خفيف والحمرة بيج والتسريحة مثل تسريحة الاميرات وااايد حلوة طلعت مع اني انا قطيت 150 ما كان بمستوى اختي وانصدمت اخر شي بالسعر قالت لبي المكياج 25 والتسريحة 25 يعني مكياج روعة وتسريحة تينن 50 ابصراحة شغلها شغل لبنانيات الخبيرات مو اي شي كل اللي بالعرس يسالونها . ابصراحة حتى زوجها قالها جذي المكياج مو التلطخ والتهول

 

[جوك احلى جو]

مشكوره

 

[قطوووة]

حياكم تبادل خبررااات:ggdw:


في جنب الشرقيه...صالون عجبه هذا لا يعلى عليه كان ب 25 بدون رموش والحين 35 بدون رموش

بس لللمناسبات القريبه من اهلنا ارروح لها مدام خوولة العروج:ggdw:

 

[هيوونه@]

سمعت ناس وايد امدحو الشرقيه يقولون مكياجه وايد حلو بس ما جربته
مرة امدحولي صالون نفس الطقه رخيص وسعره حلو شنو 15 يا بلاش رحتله طلعت في قمت التهويل بس قاعده امسح ويع ماابي اتذكر

 

[قطوووة]

شدعوا يمه ليش تخوف سنين لنا كله نروح الرقعي حف وهالشغلات موشرط مكياج




تذكرت صالون المنقف : فن المكياج مو طبيعي وكشخه بـ 15 بس

 

[قطوة@@]

خووش موضوع

 

[نور بوبيان]

الشرقيه حلو ميك أبهم بس كريمهم يسود ويتشقق...

عجبه يمدحونه بس ماجربته ....

مادري ليش يهولون فيج بكريم الأساس إللي يمولح ويشولح ...

أعرف وحده دشت دورة ميك أب عند كريولان وماشالله شوفي اشلون تحطه ... وارتاحت حيل ...

إذا رحتي عندهم بالجابرية يعطونج كرت للدوره واستفسري منهم ...

 

[*مارلين_مونرو*]

انا مااحط الا عند العضوه اللي معانا اسمها حصه HeSsaa صارلي يمكن سنه وانا اتعامل معاها وهذي اسعارها ماتغيرت وشغلها ايننن ماشاءالله وسعرها 20 بدون الرموش و 25 مع الرموش و ساعات تسوي عروض المكياج ب 15 وبيتها بالسرة..

 

[قطوووة]

فديتكم


عجبه روحي له وانتي مفمظه اسئيليني انا

 

[عــافك الخــاطر]

لالا مستحيييل اجاااازف

لازم وحده ثقه والله يخلي بنات الدييره شغلهم يهبل على 20 و 25 ومن احلىى ماايمكن <<< الكويتي انفع خخخخ

ليش عاد اروح واجازف وياتصيب معاي ولا تخيب واتوهق

وان شاء الله ان شاء الله اصير مثلهم ولا يحتاي اروح حق احد الناس تيني لوولز <<< حلمي ياماما الحلم ابلاش

 

[قطوووة]

حبيبتي هذا الموضوع لتبادل الخبرات عشان نعرف الزين من الشين :ggdw:

 

[soseta]

والله ماعندي فكره لان مستحيل احط بصالون احس يهولون فيني

موضوعج حلو وفكرتج حلوه
بس تدرين اخذيها نصيحه مني دشي اليوتيوب وتعلمي شلون تحطين مكياج , وبلا صالونات وبلا عوار راس
ودوري بالنت تلقين دروس تعليم حق المكياج اشكثرها , وعندج بعد فيديوات احمد قبيسي باليوتيوب تهببببببببببل
والله تتعلميين
شوفي وطبقي لين تصيرين حريفه وتفتحين صالون واحنا نتمكيج عندج ب10 والا 15

 

[قطوووة]

ههههههههههههه

انا يبيلي 10 سنين يالله اضبط

انا دووم اتابع احمد قبيسي بقطر

لكن ياربي ماعرف بطييئة واااااااايد هههههههه

حياج

 

[Miss-LuLu]

قطوووه


تصدقين ذاك اليوم كنا عند صالون ذكرى

بس شكلها جنها سيلانيه خخخخخخخخ شفتها جان اقول وين مدام؟؟ ههههههههههههههههههههههههههههههههههههههههههههههههه


جان تقول مو انتو الى دقيتو قبل شوي؟ قلت اي؟ قالت اي خلاص نطرو جدامكم ثنتين

واحنا حدنا متعيلين

وماكان عندها حف


جان نروح الصالون الى جدامهم

حلو ونظيف حق حف وحواجب

بس مكياجهم ناعم وكريم اساسهم مو شي مو شي واسمممر مال الهنادوه

ذكرى شنو كريم اساسها ؟؟ وحلو ولا لا ؟

ومسوية عرض الحين ب7 دنانير ؟؟

 

[قطوووة]

انا مجربته واايد حلوو ماشفتي موضوعي وخطه عيني منزلتها هني انا

هاج شوفي :> وحكمي


http://www.q8yat.net/showthread.php?t=371922

 

[bobo lover]

مشكورين على الافادة

 

[سلطـ زمانها ــانة]

زهرة شيك بالرقعي

مكياج رموش كريم جسم وتسريحه

ب10

 

[توته عنونه]

انا مره حطيت مكياج بصالون اسمه جوفل بالمنقف عند وحده اندنوسيه مادري فلبينيه اسمها ندى
كان المكياج حده عجيب و الكل كان يسالنا عنه انا و اختي و مرت اخوي و تسريحات عجيبه
تسريحه و مكياج ب 15 حده عجيب بعد فتره سافرت ندى و صار المكياج خايس و اخسروا و بعدها حطو صالون غيره
ورحت فنون المكياج هم كان مكياجهم كلهم حلوا الا انا