الكل قام يدور مكياج بو 10 و15 .... (شاركينا خبرتج)

[بنت ال q8]

أنا احط عند وجوه بالجهراء..
أو حنان دشتي اذا العرس من اهلنااا

 

[وجدان الكويت]

انا امس حطيت مكياج اب15 مع رموش ومع الشعر بعد والشعر التسريحة اللي تبينها شاملة من ضمن ال15 للامانة ماحبيتة بس رديت البيت خواتي وبيت حمولتي يقولون وايد حلو غريبة مو عاجبج

المووهيم اسم الصالون النجمة الفضية واللي حطتلي اسمها ثريا 24738335

اللي تروح تقول انها من طرف المنتدى علشان تسويلي دسكاونت المرات الياية لوووول

 

[ان شكينا بكينا]

وهم انا جربت جواهر وجوهره بلاس

لكن للحين ما استقريت على مكياااج حلووو

بنات انا عجبني مكياج بلو فيرجن على بنت عمي ناااعم ومرررررتب حييييل

وسوسن ماجيك ررهييييب بمعنى الكلمه

شكلي بسوي مكياجي عندهم وبجرب حظي وان شاء الله يضبط

 

[ام ملاك2]

صالون فيفى وين صاير نبى صالونات بالمنطقة العاشرة

 

[قطوووة]

المنطقة العاشرة ؟

ماعرف

 

[جوليييت]

جواهر بلاس الكريم موووووووووووووشي ابد

تلبسين ساعه ولا قلاده يطبع اسود

كلش ماعجبني وانا ماخذه طبيعي

 

[ام ملاك2]

بنات نبى بالمنطقة العاشرة

 

[زبــــــــدة]

قطوة

اسم الصالون ذكرى ؟؟؟

وشلون شغلهم بالشعر والتسريحات؟؟؟؟

 

[قمر2009]

بقولكم عن صالون اطياف سندس بالجهراء روووعه ب15مع التسريحه شي فخم الكل يسال وين حاطه طبعا عند وحده اسمها رجاء

 

[قطوووة]

زبدة
اي اسمه صالون ذكرى بالرقعي

وسواتهم للشعر حلوة خاصه اللي اسمها غنيمه ماتهدج الا وانتي راضيه:aha:

 

[ام ملاك2]

منو جربت الين التركى الى بالمنقف

 

[noty]

هلا و غلا

و الله اللي اعرفه صالون اليرموك ب 25 او 30 علي حسب

و اسمها مجيبه شغلها ناااعم و ذرب

 

[dnyay_mll]

صالون الصهباء بصباح السالم العماير

اذا عرس مو من اهلنا احط عندهم

مكياجهم حلووو

وتسريحاتهم حلوه

بس ضغط عليهم ولازم حجز

 

[زبــــــــدة]

قطوة

مشكوووورة...بروح اشوف شلون شغلهم


دنياي ملل

وين هذا اول مرة اسمع عنه انا مطيحه بصالونات صباح السالم خخخخ بس مامر علي..؟؟

 

[East^Rose]

وايد مشكورين عالمعلومات المفيده والتجارب الفاشله والناجحه

انا مره غامرت وحطيت لعرس بعيد بصالون نيوفلاور على ايد ام عبدالله صاحبة الصالون بصباح السالم ب 15 علما اعتقد، صحيح الكريم اساس لونه زين بس تحسونه بودر باي لحظه بيطير يعني بالعربي تحسينه رخيص ونفس الشي بالنسبه للشدو و المسكرا، و هم لما خلصت قعدت اعدل رسمة العين و انظف تحت العين و دشت علي فجأه و افتشلت خصوصا اني يايبه مكياجي معاي تحسبا للظروف وفارشته عالطاوله:27d66a9c24b146327bf

وجربت بالجهراء سوبر ستار اعتقد اسمه، صاحبته كويتيه بدويه مملوووووحه ما شاء الله عليها و شغلها حلو عندها الاسعار لي 35 انا حطيت بو 25، كانت ضابطه عيوني بشكل محد ضبطه و تسريحاتها حلوه عاد لما كان شعري طويل هم مو غاليه بس ما اذكر جم لأني حاسبت عني وعن امي واختي، بس للامانه انا طلبت كريم بلون طبيعي و حطولي اللي يعتبرونه طبيعي وهو ابيض مع لمسه خفيفه وردي وترقعت السالفه لاني اساسا بيضه وهم للامانه كريمهم حسيته ماركه ثابت وما يتفتت و بالصور كان المكياج روعه يعني ما بين انه ابيض حيل الكريم

واذكر مره مرت اخوي حطت عند حنان دشتي وإلا الاء دشتي و هم كان الكريم ابيض و نفس الشيء طلع روعه بالصور ويهها, يعني بالعربي اللي بتصور تضحي شوي وتحط اوفر بالكريم.

وإن شاء الله إن شاء الله بجرب جوي بصباح السالم واقولكم عنها

 

[حرم سي السيد]

نبي صالونات بالمنطقه العاشره وصباح السالم

 

[Ms.Roon]

حق خطبتي حطيت عند ست الكل وطلعت هوله كلش مو حلوو
مع انه لمه بنات خالتي يروحون عندهم يحطون لهم حلوو

 

[Ms.Roon]

عقب باجر ملجت بنت عمتى ما ادري اروح ست الكل والا وين
شنو الصالونات للي بصباح السالم مكياج حلو ؟

 

[dnyay_mll]

قطوة

مشكوووورة...بروح اشوف شلون شغلهم


دنياي ملل

وين هذا اول مرة اسمع عنه انا مطيحه بصالونات صباح السالم خخخخ بس مامر علي..؟؟

حياج الله عندنا

بما اني ساكنه بالعماير ويمي كل الصالونات اقدر افيدكم

صالون الصهباء داخل العماير مو على الشارع قباله فطاير ثواني سالو عنه معروف

ست الكل حلو مكياجهم بس تحسينه صج رخيص

يعني مايسوا

اما نيو فلاور ؟ انا مخليته حق الشيره مو حلو مكياجهم

 

[زبــــــــدة]

اي بروح احوس اشوفه


انزين شلون مكياجهم يعني....والتسريحات؟؟

وست الكل بالعكس حلوو انا احب اوصاف لانه مكياجها لبناني ومو تلطخ...

بس الشعر ما يضبطون شي الا الاستشوار...

تعرفين صالون حلو حق الشعر ويكون بصباح السالم..