الكل لازم يقرا هالجم شي! Everyone has to read this

[ورور92]

4سنين بالجامعة الحمدلله بحياااااااااااااااتي مادشيت الحمام

يمكن مرة عقب محاضرة وسائل دشيت أغسل ايدي وفعلا البنات مجلبين بالمنظرة

وما تدني !!!!!!!!!!!!!


فيه شي بعد يبط جبدي اللي نظام روضة تحجز الكرسي اللي يمها !!!!!!

لعنبو دارج حتى بالكفتريا تحجز الكرسي اللي يمها !!!!

ليش بفهم شالسبب ماتبين أحد يطل بـ ضروسج ؟؟!!

حتى بالمظلات صوب الآداب !!!! خير نعم شسالفة شنو ننحرق أحنا من الشمس عشان حضرتج

ماتبين أحد يقعد يمج عاد من حلايا هالوجة المتروس طحين و ألوان!!!!!

والله آنا تعبت من هالنوعيات صرت اسحب الكرسي و أقعد و إذا قالتلي حاجزته لرفيجتي أقولها خل تجي

رفيجتج و راح أقوم من عيوني

طبعا تمر ساعة لاتجي رفيجتها و لا شي الجذب يمشي بعروقهم

الله يذكرها بالخير د. غادة عيد كانت تجيك على الكلاس كله اللي حاطه جنطتها بكرسي

تقولها نزليها فيه طالبات بيقعدون

أذكر وحدة قالت دكتورة أنا حاجزته لرفيجتي جاية بالطريج جان تقولها شلون يعني نخلي البنات

واقفين عشان رفيجتج وااااااااااااي بردت جبدي فيهم


وفيه نظام بالكفتريا اللي تنط الدور تحاسب قبلج !!! يعجز لساني عن وصفة هالأشكال !!!!

واللي سوالفها صراخ والضحكة صراخ آآآآآآآآآآآآخ بس شقول



بصراحة تعبت وقلبت جبدي ..

تكفون بنات التربية أنتوا معلمات المستقبل انتبهوا لسلوكياتكم و الآداب العامة آرتقوا شوي

والله حرام عليكم خليتونا مصخرة الكل يتطنز علينا بسبتكم تكفون سوالف مطارة جاي وحلويات تشيلينهم من الصبح

على قلبج مانبي

أنتوا بمكان طلب علم عييييييييييييييب والله عيب حتى مشرفة التغذية و المفتشات تخانقتوا معاهم

شوفي بعيوني مصخروا الخدم اللي بالكفتريا عشان مطارة جاي ترا كاتبين ورقة كبر جبهتج ممنوع إدخال المأكولات

كله كوم واللي تقعد على الزرع كوم آآآآآآآآآآآآآآه يافشيلتنا جدام الدكاترة

دكاترة متغربة برا بـ آرقى الجامعات العالمية ودراسة وتعب ومناقشة أطروحه و تحقيق حلم

ويسوون المستحيل عشان ينشرون بحوثهم

وآخر شي يجي يلقى الطالبات مبسطات على الزرع :eh_s(7):


أرتقوا أرتقوا أرتقوا





والله آنا أعشق كليتي وأعشق كل شبر فيها وصعب علي أقول هالحجي عنها
بس مع الأسف فئة معينة أشوفها بالدوام تخلي الواحد ينجبر يتكلم ..

امــبـــــــيه والله كل حرف صح :eh_s(1):

الفطرة السوية و التربية الراقية اهي اللي تستنكر هذا الشي ..

الواحد صار يتفشل يقول انه من كلية التربية .. سمعي التعليقات اللي بعدها..

ما اقول الا الله يستر عالاجيال اذا هالاشكال بصيرون مدرسات مستقبل..:eh_s(14):

وطبعا هذا "غيض من فيض" .. للأسف ..

شكرا ليتني ما كبرت :eh_s(17):.. و الشكر موصول لصاحبة الموضوع :*

 

[kustudent1]

(nicegirl94 تفاءلي ان شا الله هالسنه يقلون
(حال قلبي): اي والله مادري ليش عندنا وايد جذي! الله يهدي الجميع وتسلمين.
(لولوه المزيونه): والله يعينه احنا بعد عليهم
(زهره ووردة): ههه موفقه ان شا الله وبالعكس شي زين تعرفين اشياء عن الجامعه قبل لا اتدشين
~(MayOumii هههه صاجه المفروض يكونون كبرو على سوالف الخز! والله انتي عجيبة وحده كلامج صح!! واقتراحاتج بصراحه ما شا الله عجيبه! صج فكره غرفه منظره وايد تفيد! معني احس هم بيدشون الحمام يعدلون بس اعتقد راح تنفع اذا كانت يم الحمام! ان شا الله احد يقرا عالفكره وصج يطبقونها, تسلمين
(قطعه حلا 2): نفسي!! اروح الدور الثالث. ما اقدر اتوضا تحت بالاداب! بس ليش تنزلين؟ في مصلى بالثالث واااااايد احلى واوسع
ms mooka شكرا! عشان الكل يقرا ويستفيد ونوعي الناس! والله يعافيج وتسلمين

(ليتني ماكبرت الله يذكرج بالشهاده ان شا الله!! هههه (طحين والوان) والله انتي عجيييبه وكل كلامج الف بالميه صح! وهالنقطه حييييييل مهمة وصح السانج, بصراحه شي وايد يبط الجبد اللي يحجزون! يعني ريجتج اتاخر احنا شذنبنا! والله يهاال اللي يسوون هالحركه! وعفيه على دطتورتج اي والله تبرد الجبد زين تسوي خل يفهمون شوي!
اما هذي مالت اللي تنط الدور مال طراااق يعلمها شلون توقف طابور مره ثانيه! يعني صج خالبنات بابسط الاداب العامة جاهلينها! ولصراخ هذا شي ما اتحمله! بمقصف المدرسة ما نصارخ جذي نفس اللي يصارخون بالكافتيريا اهني, احس فيهم نقص شي مادري!
هههه اما مطاره الجاي والحلويات والبسطه العجيبه هذي مالها حل! الظاهر ملو من جو الكليه فبيغرون شوي على اساس انهم مايبون يطوفون الطبيعه الخلابه والجو الجميل والظاهر المليون كرسي والطاولات مو مريحين! ووالله يريت لو بس يقعدون جان ماقلنا شي عادي عليهم بالعافيه, المشكله يوصخووون عقبهم!!! يعني شيلو وصخكم حرام جذي هذا زرع! والعمال هناك مايشتغلون عند اهاليكم ترى! اي والله ارتقو صاجه اختي, ولازم نتكلم عشان يحدون من هالاخطاء هذي! وان شا الله يفيد هالشي ومانشوف هالتصرفات هذي! يعطييج العااافيه!!!
(ورود 92): اي والله مدرسات المستقبل المفروض مو موجوده هالتصرفات عندهم, الله يهدي الجميع ان شا الله وتسلمين اختي

 

[kustudent1]

بعد في شغله مهمه نسيتها, بالنسبه حق اللي يطرشون اللي يشتغلون هناك اييبونلهم ماي او شغله, هالشي طبعا راجع للي يشتغلون نفسهم اذا يبون يسوون هالشي ولا لا, وهالشي ممكن يكون رزق لهم والحمدلله, بس والله في بنات شايفتهم انا!! المسكينه تييبلهم ماي واللي طرشوها عليه وحتى الباجي الخرده تاخذهم منها ولا تعطيها ولا شي!! على فكره اهيا ما سمعت كلامج الا ضامنه انج بتعطينها! حرام والله اتحاسبون وترى كلها ربع او نص وان شا الله يكون اجر, فبس حبيت انبه على هالشي لان حرام ماعندهم احد يدافع عنهم, ف
(بنات اللي تبي اتطرش اللي يشتغلون بالكلية اييبونلها ماي ولا اكل, حطي ابالج ان اللي طرشتيه متوقع انج تعطينه فلوس بعد ما اييبلج فلاتخيبين ظنه لانه حرام)
Tip: BE GENEROUS TO THE POOR WHEN YOU ASK THEM FOR A FAVOR

 

[kustudent1]

الرجاء قراءة تعليق الاخت (ليتني ماكبرت) لما فيه من فائده واضافات مهمة للموضوع!
واللي ببالها اي تصرف تكره من البنات في الجامعه تقدر تضيفه هني عشان تعم الفائده وتزيد ان شاء الله.

 

[princesse X]

موضوع ممتاز ولو انطرح مليون مرة مادام فيه دعوة للمعروف ونهي عن المنكر ما في اي مشكلة بالتذكير
وان شاء الله اللي تلقى انها احيانا تسوي شي من هذول من غير ماتنتبه يمكن تدعي لك على التنبيه

 

[FrFaSha]

امبيي مو صج كله كوم وسالفه الي تقعد ع الزرع هذي مالها حل عبالها الحديقه العامه

الي يم بيتهم لووووووووووووووووول يا جماعه ما اعتقد راح تشوفون حل منهم

انتو بردو اعصابكم ولا تتنرفزون عسى الله يهديهم شـوي ويحسون انهم طالبات جامعه

والله فشلــه الشهاده بصوب والاسلوب بصوب ثاني !!

 

[خرإفهٌ حـلآ .~]

.*



كله بكٌوم و سألفه الخز كوم ثآني
بآلصيفي ككل مآ آدخل الكلأس آسلم ع آلبنآت :eh_s(22):
ولا آشوف آلبنت تخزني من فوق لي تحت
وآلله خززتهآ تخخرع :eh_s(2):
قلت ماعليه يمكن البنت ماا سمعتني
وآجي اليوم الثاني و اسلم
ولآ هي تخززني
خيير نعم شتبين تخززين ترى حآلي حآلش:eh_s(14):
يآمآل عيونش آلبط :eh_s(14):
بس خفت آقولهآ شي تطقني
ولا عآد سلمت و خلص الكورس و هي للحين تخز :/