الكل يقول ليـــــــــــــــــــش عــــــــــــــــيالج جذي!!!!

[Um Tuki]

اهم شي الصحة

هذي بنيتهم

لات أكلينهم دسم و خرابيط عشان يمتنون و يمرضون

الله يهديج بس .. معقولة جذي تفكيرج

خل يقولون اللي يقولونه

اهم شي الصحة يا قلبي

عمره الضعف ماكان دليل مرض ولا المتن كان دليل صحة ..

الله يكون بعون الجميع

 

[انصاريه قمره]

مالج شغل فيهم الحمدالله والشكر من متى صااار المتن مقيااااس صحه جهل استغفر الله
انا يبطون جبدي اللي يقولون عيالج وعيالج وانتواا شكوو ليكون احرص مني على عيالي بعد طبيعه جسمهم جذي
انا يوووم كنت صغيره كنت عصصصله معني كنت اكل مشالله بس بلغت مشالله صارت صحتي حلوووه
ومالج شغل بأحد اهم شي انج توكلين عيالج اكل صحيي ومفيد وضميرج مرتاح وصدقيني محد احرص على عيالج منج لانج انتي امهم وانا حاليا ماخذه حق بناتي شراب الاوميغاا 3 بطعم البرتقال والمنقاا من الصيدليه اشربهم منه يوم وترك ولاحظت انه يفتح الشهيه مشالله اخذيه حق عيالج زين ومفيد وكثري لهم عصاير طبيعيه انا اعطيهم موز بالحليب واحط معاه عسل بالخلاط ومرات افوكادووو وحليب مفيد ومتروس فيتامينات عندي عصاارة الجزر والتفاااح اهم يحبون البرتقال اعصر شوي جزر واخلطه معاااه ما يحسوون بالطعم ويحبووون صينيه البطاط باللحم المفروووم بالبدايه ما رضوا ياكلون يوم ذااقووهاا اعجبتهم حتى بنتي تقول ماما سوي لنااا فوحي بطاط وعقب هرسيه مع جم قفشه جبن كرافت وشوي حليب وفلفل اسود وملح ورصيه ببايركس وحطي فوقه حميسه لحم مفروووم بالطريقه اللي تحبينها انا اغسل اللحم وعقب احمسه مع شرايح بصل وشوي زنجبيل وثوم مدقوق وبهارات مخلوطه وعقب ما ينشف مايه احط ماشروم وذره معلبه واقصر عالنار واغطي لين يسوي وبعدهاا احطه فوق البطاط وارد احط طبقه بطاطا وفوقهااا جبن موزاريلا واذا ما عندي جبن اذوب شوي زبده بالماكرويف وادهن وجه البايركس وادخلها الفرن 10 دقايق لين تتحمر وبعدها بالهنااا والشفاااا

 

[ام كداوي]

حبيبتي فحصي دمهم وتاكدي ادا ما فيهم نقث من اي فيتامين
وبعدين اعطيهم الاغدية الي تحتوي على النخالة ثصدقيني النخالة احسن شي للي يعانون من اصفرار ودبول البشرة وهم زينة حيل في تحسس الامعاء
سويلهم شوربة خضار انا طريقتي احطلهم جزر وبطاط وكوسة وشوية عيش وبعدين لاطبخ نص استواء مااخلي الخضرة تطبخ وايد احطها بالخلاط مع شوية زيت زيتون وجبن كيري واعطيها اياهم حيل يحبونها انا نفسي الكبيرة اكل منها
عطيهم فواكه متنوعة وعصائر فريش
وخري عنهم البطاط صدقيني هي سبب دبول البشرة كلها ملح ومواد حافضة
وعندي لك وصفة حق تسمين الاطفال مجربة اخدي حلبة وبخريها يعني خليها تطبع على بخار فجدر البخار وحطيها فعلبة نوتيلا كبيرة وكل يوم الصبح عطيهم قفشة صغير تفتح شهيتهم وتعطيهم نظارة
عطيهم العسل مخلوط مع حليب بس للاطفال فوق السنة العسل مو زين للاطفال تحت السنة
وانشالله ادا اتبعتي هالنظام بيتغيرون اطفالك

 

[Bio_reem]

سمعي وطوفي
انا واهلي واحنا صغار متببين ، بس اهل ريلي عصاقيل ومع هذا امه واخته يوميا ليش ولدج ما ياكل كل ماله ويضعف وساعات 3-4 مرات باليوم مع انه ابوه لين تخرج من الثانويه وطوله 180 و وزنه 65 يعني الشغلة وراثة من عندهم

لا توكلينهم ال دسم ودهن ، ما راح ينفعهم راح يضرهم مع الكبر يخليهم كثر قابلية لامراض السمنة والقلب والشرايين والضغط والكوليسترول، الله يحفظهم منها يارب ، بنات عمي وصلوا الثانوي وزنهم نهاية الثلاثينات وكانوا يشتكونةبس من تزوجوا صاروا يعلنون من الوزن الزايد، لا تستعجلين على المتن .

المهم بهذاكله ، فيه وزن من دهون وهذا غير صحي وفيه وزن من عظام وعضلات وهذا المطلوب، شتسوين، توكلينهم لحوم وبقول ومكسرات وبيض حق البروتين،
وحليب وجبن ولبنه وذوب ولبن هذي مجموعة الالبان( اتوقع يحتاجون ما يعادل 3 اكواب : خليها جبنه الصبح روب على الغدا وحليب قبل النوم مثلا او سناك حليب مع موز وعسل) ،
فاكهة ( ضروري يوميا مو كعصير لا عطيهم فاكهه كاملة او بالخلاط مو بالعصارة) خليه مثلا كسناك الضحى حبه والعصر مع حليب مثلا مثل ما كتبت لج،
الخضار اسهل طريقة عشان تعطينهم الخضار فيها انج تحطينهم بالشوربة ، ومثلا تقصصين لهم خيار مع الجبنه الصبح او مع الروب كسلطه ، بس هم الخضار حرصي عليها يوميا.

بعد هذا لا تحاتين الوزن الدهون مو محتاجتها راح ياخذون دهون ومفيده. باللحوم وبالمكسرات والحليب كامل الدسم ، وحطي لهم زيت زيتون مع سلطه الروب وخيار او مع زعتر الصبح هم مفيد.

 

[الغضى]

اذا ياكلون وتغذيتهم سليمه لا تحاتين
اهم شي الوجبات بانتظام الرئيسية
اكل مطاعم مامنه فايده
والماي يمكن اصفرار الويه من قلت شرب الماء والسوائل

 

[حورية آلكويت]

الله يخليهم لج
واهم شي صحتهم زينه

 

[ReD&FoSHia]

اصلن عيب عليهم جذي يتحجون عن عيالج .. دامج اتوكلينهم و ياكلون بس مايمتنون اكيد بنيتهم جذي .. عادي مو شرط الطفل يكون متين يعني صحته زينة .. عن نفسي ولا واحد من عيالي متين كلهم عظام تمشي .. بس كصحة الحمدلله لا فقر دم ولا شي
تعوذي من ابليس .. مايمنع اتجربين اكلات يديدة بس مو الغرض منها انهم يمتنون ولا يزيد وزنهم ..

 

[miss-jmjm]

حبيبتي مالج شغل بكلام الناس صدقيني كلامهم لا يودي واييب
انتي اهم شي اذا بتسوين تحليل دم عشان صحتهم وانتي تطمنين مو عشان كلام الناس
وشوفي الاكل الي ياكلونه نوعي فيه خل يكون صحي
ضعف ولا متن اهم شي الصحه والعافيه
وانتي راقبي الاكل ومثل ماقالوا البنات نوعي وشوفي الكتب وحاولي تقليلن من الخرابيط والصغير والكاكاو الحلاو

 

[Cute mama]

واي بعض الناس يحرون اهم شكو بعيال غيرهم ضعاف وله متان منو قال المتن دليل الصحه
دام عيالج ياكلون عدل لاتحاتين اهم طبيعة جسمهم جذي
انا عيالي عصاقل بس الحمد لله اكلهم زين وشكثر اسمع كلام واساله مادري الناس تبي اليهال فيلة
الدكتور قالي حطي باكلهم دسم يعني بدال لاتستعملين زيت بدليه بزبده بالبيض او بالعيش انا سويت هالطريقه مع عيالي بس مافادت هههه انتي جربي يمكن تفيد مع عيالج
واذا ليلحين يشربون حليب عطيهم بيديا شور يمتن ويفتح الشهيه وعطيهم فيتامينات على شان تتاكدين انه ماكو شي ينقصهم من الاكل